Neftçala Rayon Gigiyena və Epidemiologiya Mərkəzi

22/05/2026

22/05/2026

21/05/2026

18/05/2026

Respublika Gigiyena və Epidemiologiya Mərkəzinin şöbə müdiri vəfat edib

Dərin hüzn hissi ilə bildiririk ki, uzun illər səhiyyə sahəsində səmərəli fəaliyyət göstərmiş, Respublika Gigiyena və Epidemiologiya Mərkəzinin Təşkilat və sosial gigiyena monitorinqi şöbəsinin müdiri Şəkuri Şervin Bexruzoviç vəfat etmişdir.
25 avqust 1957-ci ildə anadan olmuş mərhum 22 aprel 1987-ci ildən Respublika Gigiyena və Epidemiologiya Mərkəzində çalışmış, 01 noyabr 2019-cu ildən isə Təşkilat və sosial gigiyena monitorinqi şöbəsinin müdiri vəzifəsini icra etmişdir.
Uzun illər səhiyyə sahəsində göstərdiyi səmərəli fəaliyyətə və xidmətlərinə görə Azərbaycan Respublikası Səhiyyə Nazirliyinin MİOH/1.3-3.1-2022-165 nömrəli 14.07.2022-ci il tarixli Əmrinə əsasən “Səhiyyə əlaçısı” döş nişanı ilə təltif olunmuşdur.
O, peşəkarlığı, insanpərvərliyi və səhiyyə sahəsinin inkişafına verdiyi töhfələrlə hər zaman hörmətlə anılacaqdır.

Allah rəhmət eləsin.

10/05/2026

Mayın 10-u Azərbaycan xalqının Ümummilli Lideri, dünya şöhrətli siyasi xadim Heydər Əliyevin anadan olmasının 103-cü ildönümüdür.

Böyük və mənalı ömrünü xalqına, Azərbaycanın möhkəmlənməsinə və yüksəlişinə həsr etmiş Heydər Əliyev özünün siyasi fəhmi və müdrikliyi ilə zəngin dövlətçilik məktəbi, yüksək idarəçilik ənənəsi yaratmış və Ümummilli Lider zirvəsinə yüksəlmişdir.

Onun zəngin siyasi fəaliyyəti, dərin düşüncəsi və qətiyyətli idarəçilik bacarığı nəticəsində güclü dövlətçilik ənənələri formalaşmış və Azərbaycanın inkişaf yolunda mühüm nailiyyətlər qazandırmışdır.

Heydər Əliyevin əsasını qoyduğu idarəçilik prinsipləri Vətənə bağlılıq, xalqa xidmət, dövlətçiliyin qorunması və milli maraqların hər zaman üstün tutulması kimi ali dəyərləri özündə əks etdirir və bu gün də ölkəmizin inkişafında mühüm rol oynayır.

Azərbaycan dövlətçiliyinin möhkəmləndirilməsi və milli inkişaf strategiyasının davamlılığının təmin olunması məqsədilə Heydər Əliyev gələcək siyasi kursun etibarlı şəkildə davam etdirilməsinə xüsusi önəm verirdi.

Ulu Öndər Heydər Əliyev İlham Əliyevin ölkənin gələcək inkişafı və dövlətçilik siyasətinin davam etdirilməsi istiqamətində yüksək potensiala malik Lider olduğunu vurğulayaraq ona böyük etimad göstərirdi.

Tarix sübut etdi ki, dahi şəxsiyyətin uzaqgörən baxışları Azərbaycan Prezidenti, Ali Baş Komandan İlham Əliyev tərəfindən həyata keçirilən ardıcıl və məqsədyönlü fəaliyyət nəticəsində öz təsdiqini tapmışdır.Bu gün üçrəngli bayrağımızın Şuşada dalğalanması, Qarabağın azadlığa qovuşması, tarixi Zəfərimiz məhz Heydər Əliyevin Azərbaycan adlı mübarizəsinin və Ali Baş Komandan, Prezident İlham Əliyevin ümumilli liderin siyasətini uğurla davam etdirməsinin məntiqi nəticəsidir.

Ulu Öndər Heydər Əliyevin Azərbaycan xalqı və dövlətçiliyi qarşısındakı tarixi xidmətləri, ölkəmizin müstəqilliyinin möhkəmləndirilməsi, hüquqi- demokratik dövlət quruculuğu və hərtərəfli inkişafı istiqamətində həyata keçirdiyi mühüm fəaliyyət xalqımız tərəfindən daim yüksək qiymətləndirilir və onun əziz xatirəsi böyük hörmət və dərin ehtiramla anılır.Ümummilli Lider H.Əliyev hər zaman Azərbaycan xalqının qəlbində yaşayır və yaşayacaq.