Gənc Psixoloqlar İctimai Birliyi

20/09/2025

“Gələcək qurucular – azad edilmiş ərazilərdə psixoloqlar üçün peşəkar inkişafı” layihəsi çərçivəsində təlimlər davam edir. Təlimlərdə Qarabağ Universitetinin psixologiya ixtisasında təhsil alan tələbələri iştirak edirlər.

21/05/2025

“Gələcək qurucular – azad edilmiş ərazilərdə psixoloqlar üçün peşəkar inkişafı” layihəsinin icrasına başlanılıb.

Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin dəstəyi ilə həyata keçirilən və 2025-ci ilin qalib layihələrdən biri olan “Gələcək qurucular – azad edilmiş ərazilərdə psixoloqlar üçün peşəkar inkişaf” layihəsinin icrasına start verilib. Layihə “Gənc Psixoloqlar” İctimai Birliyi tərəfindən təşkil olunur və Qarabağ Universiteti ilə əməkdaşlıq çərçivəsində həyata keçirilir.

Layihənin əsas məqsədi Qarabağ bölgəsində psixoloji xidmətlərin keyfiyyətini yüksəltmək, bu sahədə insan resurslarının peşəkar inkişafını dəstəkləmək və gələcəkdə azad edilmiş ərazilərdə fəaliyyət göstərəcək psixoloqların müasir bilik və bacarıqlarla təchiz olunmasını təmin etməkdir. Bu məqsədlə layihəyə Qarabağ Universitetinin psixologiya ixtisası üzrə təhsil alan tələbələri cəlb olunub.

Layihə çərçivəsində iştirakçılar üçün interaktiv təlimlər, praktik məşğələlər, sahə üzrə tanınmış mütəxəssislərlə görüşlər və psixoloji müdaxilə bacarıqlarını inkişaf etdirəcək simulyativ dərslər təşkil olunur. Bununla yanaşı, iştirakçılar azad edilmiş ərazilərdə əhali ilə işləmək üçün zəruri peşəkar və etik hazırlıqdan keçirlər.

Layihənin sonunda iştirakçıların praktiki biliklərinin real mühitdə tətbiqi üçün regional psixoloji dəstək təşəbbüslərinə cəlb olunması nəzərdə tutulur.

“Gələcək qurucular – azad edilmiş ərazilərdə fəaliyyət göstərəcək psixoloqların peşəkar inkişafı” layihəsi Qarabağ Universitetinin tələbələrinin biliklərini artırmaqla yanaşı, regionun psixoloji reabilitasiya potensialının gücləndirilməsinə töhfə verməyi hədəfləyir.

28/05/2024

Müstəqillik Günümüz Mübarək! 🇦🇿

20/03/2024

Novruz Bayramınız Mübarək! 😊

08/03/2024

Hər şeyin könlünüzcə olması diləyi ilə, bayramınız mübarək, əziz xanımlar! ☺️

31/12/2023

12/12/2023

Hörmət və ehtiramla anırıq

27/09/2023

Vətən Sizə minnətdardır!

01/09/2023

🌍 BMT-nin Uşaq Fondu və Gənc Psixoloqlar İctimai Birliyinin birgə təşkilatçılığı ilə icra olunan ”İcma əsaslı psixi sağlamlıq və psixo-sosial dəstək xidmətləri sahəsində potensialın artırılıması” layihəsi çərçivəsində həyata keçirilən təlimlərin uğurla başa çatdığını elan etməkdən böyük məmnunluq duyuruq.

Silsilə təlimlər Ağdam, Füzuli, Goranboy, Göygöl də daxil olmaqla müxtəlif regionları əhatə etmiş və Tərtərdə baş tutan təlimlərlə yekunlaşmışdır.

Təlimlər zamanı iştirakçılar böhran halı, uşaqların təməl hüquqları və uşaq müdafiəsi ilə bağlı ətraflı məlumatlar əldə ediblər. Eyni zamanda, təlim iştirakçıları post-münaqişə dövründə uşaqlar və onların ailələri ilə işin əsas xüsusiyyətləri ilə də yaxından tanış olublar.

Təlimlər peşəkar psixi sağlamlıq və psixo-sosial dəstək üzrə mütəxəssislər tərəfindən tədris olunub.

29/08/2023

“YAŞAT” Fondunun və ASAN Könüllüləri Təşkilatının birgə təşkilatçılığı, PMD Hospitalitynin tərəfdaşlığı ilə həyata keçirilən və Ulu öndər Heydər Əliyevin 100 illik yubileyinə həsr olunan 3-cü “YAŞAT” düşərgəsinin 7-ci həftəsinə start verilib.

Gənc Psixoloqlar İctimai Birliyinin peşəkar könüllüləri düşərgədə öz fəaliyyətlərini davam etdirirlər. Belə ki, düşərgə müddətində psixoloqlar iştirakçılarla müxtəlif fərdi və qrup fəaliyyətləri təşkil edirlər.

Qeyd edək ki, 3-cü dəfə təşkil olunan YAŞAT düşərgələrində hər il 300-dən çox şəhid övladları iştirak edirlər.