Azərbaycanda yaşayan Axısxa Türklərinin "Vətən" İctimai Birliyi

  • Home
  • Azerbaijan
  • Baku
  • Azərbaycanda yaşayan Axısxa Türklərinin "Vətən" İctimai Birliyi

Azərbaycanda yaşayan Axısxa Türklərinin "Vətən" İctimai Birliyi Bu səhifə "Azərbaycanda yaşayan Axısxa Türklərinin "VƏTƏN" ictimai Birliyi"-nin rəsmi facebook səhifəsidir. Məqsəd birliyin fəaliyyətini işıqlandırmaqdır.

03–06 iyun 1989...Bu tarixlər mənim yaddaşımdan heç vaxt silinməyəcək. Fərqanə vadisində yaşayan Ahıska türkləri üçün hə...
03/06/2026

03–06 iyun 1989...

Bu tarixlər mənim yaddaşımdan heç vaxt silinməyəcək. Fərqanə vadisində yaşayan Ahıska türkləri üçün həmin günlər qorxu, göz yaşı və didərginlik günləri idi.

Mən o hadisələrin şahidi oldum. Dünənə qədər mehriban qonşuluq etdiyimiz küçələrdə bir anda vahimə hökm sürməyə başladı. Evlər yandırıldı, insanlar döyüldü, ailələr parçalandı. Qadınların, uşaqların qorxu dolu baxışları hələ də gözlərimin önündədir. İnsanlar yalnız türk olduqları üçün öz doğma bildikləri yerlərdən qaçmağa məcbur qaldılar.

1944-cü ilin sürgün acısını yaşayan Ahıska türkləri 1989-cu ildə yenidən ağır bir faciə ilə üz-üzə qaldılar. Minlərlə insan ev-eşiyini tərk etdi, yüzlərlə ailənin taleyi dəyişdi.

Bu gün həmin hadisələrin ildönümündə həyatını itirən soydaşlarımızı dərin ehtiramla yad edir, sağ qalanlara Allahdan səbir diləyirəm. Tarix unudulmamalıdır ki, belə faciələr bir daha təkrarlanmasın.

Fərqanə hadisələrinin ağrısı qəlbimizdə yaşayır, amma xalqımızın iradəsi və birliyi də yaşayır.

9–11-ci sinif şagirdləri arasında keçirilən, Ümummilli Lider Heydər Əliyevin anadan olmasının 103-cü ildönümünə həsr olu...
30/05/2026

9–11-ci sinif şagirdləri arasında keçirilən, Ümummilli Lider Heydər Əliyevin anadan olmasının 103-cü ildönümünə həsr olunmuş “Ən yaxşı təqdimat” müsabiqəsi qaliblərinin mükafatlandırılma mərasimi keçirilib.

Respublika üzrə böyük maraqla qarşılanan müsabiqədə ümumilikdə 3181 nəfər şagird iştirak etmiş, gərgin və yüksək rəqabət şəraitində keçirilən müsabiqənin yekun nəticələrinə əsasən 33 nəfər şagird qalib adına layiq görülmüşdür.

Qürurverici haldır ki, qaliblər sırasında Saatlı rayonu Nəsimikənd kənd tam orta məktəbinin şagirdi Çaxalova Yağmur Qasım qızı da yer almışdır. Onun əldə etdiyi bu uğur məktəbin, müəllimlərinin və valideynlərinin əməyinin bariz nümunəsidir.
Şagirdimizin uğur qazanmasında əməyi və xüsusi zəhməti olan məktəbin müəllimi Elşən Dədəyev də daim şagirdlərinə göstərdiyi diqqət, peşəkarlıq və fədakar fəaliyyəti ilə seçilir.

Bu nailiyyət müəllim və şagird əməkdaşlığının gözəl nəticəsi kimi dəyərləndirilir.
Bu münasibətlə Çaxalova Yağmur Qasım qızını, onun müəllimi Elşən Dədəyevi və bütün müəllimlərini səmimi qəlbdən təbrik edir, onlara gələcək təhsil və fəaliyyətlərində yeni-yeni uğurlar, nailiyyətlər və zirvələr arzulayırıq.

ATVİB-nin mətbuat xidməti.

Saatlı rayonunun Nəsimikənd kəndində Qurban Bayramı və Müstəqillik Gününə həsr olunmuş tədbir keçirilib.Tədbir Nəsimikən...
29/05/2026

Saatlı rayonunun Nəsimikənd kəndində Qurban Bayramı və Müstəqillik Gününə həsr olunmuş tədbir keçirilib.

Tədbir Nəsimikənd Folklor Evi nəzdində fəaliyyət göstərən Adıgün Türk Xalq Folklor Kollektivi və Nəsimikənd Adıgün Mədəniyyət Evinin birgə təşkilatçılığı ilə baş tutub.

Tədbirə Saatlı, Sabirabad və Beyləqan rayonları üzrə Bölgə rəhbəri Mühiddin Xəlilov, ATVİB İdarə Heyətinin üzvü Yaşar Hürüşanov və Axısxa türklərinin şairi, Azərbaycan Yazıçılar Birliyinin üzvü Həmdi Eyvazov dəvət edilib.

Tədbirin əvvəlində Mühiddin Xəlilov ATVİB-nin sədri Xalid Xəlilovun bayram təbriklərini və salamlarını iştirakçılara çatdırıb.

Tədbirin əsas məqsədi xalqımızın milli-mənəvi dəyərlərinin qorunaraq yaşadılması, zəngin folklor irsinin gələcək nəsillərə ötürülməsi, eləcə də milli birlik və həmrəyliyin təbliği olub. Bayram tədbirində kənd sakinləri, ziyalılar, gənclər və müxtəlif yaş qruplarından olan iştirakçılar bir araya gələrək həm Müstəqillik Gününün sevincini, həm də Qurban Bayramının mənəvi gözəlliklərini birlikdə bölüşüblər.

Tədbir Azərbaycan Respublikasının Dövlət Himninin səsləndirilməsi ilə açıq elan olunub. Çıxış edən təşkilatçılar və kənd ictimaiyyətinin nümayəndələri xalqımızın müstəqillik uğrunda keçdiyi şərəfli yoldan, milli azadlıq ideallarından və dövlətimizin əldə etdiyi uğurlardan bəhs ediblər. Eyni zamanda, Qurban Bayramının insanları mərhəmətə, paylaşmağa və birlik ruhuna səsləyən müqəddəs bir bayram olduğu vurğulanıb.

Tədbirin bədii hissəsində Adıgün Türk Xalq Folklor Kollektivinin üzvləri tərəfindən müxtəlif folklor nümunələri, xalq mahnıları, rəqslər və səhnəciklər təqdim olunub. Milli geyimlərdə çıxış edən iştirakçılar qədim türk folklorunun zənginliyini nümayiş etdirərək tamaşaçıların rəğbətini qazanıblar. Tədbirdə milli rəqslər və vətənpərvərlik mövzusunda şeirlər xüsusi maraqla qarşılanıb.

Bayram tədbiri kənd sakinləri tərəfindən böyük rəğbətlə qarşılanıb. İştirakçılar belə tədbirlərin milli-mədəni irsimizin yaşadılması və gələcək nəsillərə ötürülməsi baxımından mühüm əhəmiyyət daşıdığını bildiriblər.

Tədbirin sonunda folklor kollektivinin üzvləri fəxri fərmanlarla təltif edilib. Sonda xatirə şəkilləri çəkdirilib, iştirakçılara xoş arzular çatdırılıb və tədbir yüksək əhval-ruhiyyə ilə başa çatıb.

ATVİB-nin Mətbuat Xidməti.

28 may - Azərbaycan Respublikasının Müstəqillik Günü münasibətilə Azərbaycan xalqını və bütün dünya azərbaycanlılarını s...
28/05/2026

28 may - Azərbaycan Respublikasının Müstəqillik Günü münasibətilə Azərbaycan xalqını və bütün dünya azərbaycanlılarını səmimi qəlbdən təbrik edir, ölkəmizə və xalqımıza rifah və daimi inkişaf arzulayırıq!

Dövlətimiz əbədi olsun!
Müstəqillik günümüz mübarək olsun!

Xalid Xəlilov
Azərbaycanda yaşayan Axısxa Türklərinin "Vətən" İctimai Birliyinin sədri.

28/05/2026

Əzizlərim, Sizi və Ailənizi Müqəddəs Qurban Bayramı münasibəti ilə səmimi qəlbdən təbrik edirəm. Rəbbim bu mübarək Bayramın hörmətinə qəlbinizə huzur, bərəkət, ömrünüzə sağlıq, Ailənizlə birlikdə neçə xeyirli, sevincli Bayramlar keçirməyi nəsib eləsin. Bu Bayram dünyada sülhə, əminamanlığa, möhkəm birliyimizə vəsilə olsun, gözlərimiz gülsün, qəlbimiz fərəhlə dolsun, qəlbimizdəki Vətən sevgisi daha da böyüsün, güclənsin, Vətən mücadiləmiz nəticə versin. Səmimi arzularla
Xalid Xəlilov.
ATVİB İH- nin sədri, DATÜB - n Azərbaycan Təmsilçisi.

" Zəfərlər bizim olsun"Bizim Qəhramanlar artıq ölkə kubokunda finala vəsiqə qazanıb.Hədəf artıq ölkə kuboku.Saatlı rayon...
19/05/2026

" Zəfərlər bizim olsun"
Bizim Qəhramanlar artıq ölkə kubokunda finala vəsiqə qazanıb.Hədəf artıq ölkə kuboku.
Saatlı rayonu Nəsimikənd Tam Orta Məktəb 6-5 Bakı şəhəri 136 nömrəli məktəbi.

18/05/2026

VƏFAT & BAŞSAĞLIĞI

Türkiyə Respublikasının keçmiş Xarici İşlər Naziri və Antalya millətvəkili Mövlud Çavuşoğlunun qardaşı Aydın Çavuşoğlu'nun vəfat xəbərini dərin üzüntü ilə öyrəndik.

Mərhuma Allahdan rəhmət, kədərli ailəsinə başsağlığı diləyirik.

Xalid Xəlilov,

Azərbaycanda yaşayan Axısxa Türkləri "Vətən" İctimai Birliğinin Sədri

15 may 2026-cı il tarixində Sabirabad rayonunun Əhmədabad ATVİB kənd təşkilatı, Əhmədabad kənd İcra nümayəndəliyi və Əh...
16/05/2026

15 may 2026-cı il tarixində Sabirabad rayonunun Əhmədabad ATVİB kənd təşkilatı, Əhmədabad kənd İcra nümayəndəliyi və Əhmədabad kənd tam orta məktəbinin təşkilatçılığı ilə şəhidlərimizin əziz xatirəsinə həsr olunmuş futbol turnirinin final mərhələsi keçirilib.

Final oyununda Saatlı rayonunun Sımadakənd və Sarıcalar kənd futbol komandaları qarşılaşmış, gərgin və maraqlı keçən görüş 4:3 hesabı ilə başa çatmışdır. Oyunun nəticəsinə əsasən Sımadakənd futbol komandası turnirin qalibi olmuşdur.

Tədbirdə ATVİB-in bölgə rəhbəri Mühiddin Xəlilov, İH üzvləri Ali Bayraqdarov və İslam Şahbazov, həmçinin Axısxa türklərinin şairi, Azərbaycan Yazıçılar Birliyinin üzvü Həmdi Eyvazov iştirak etmişdir.

Tədbirdə çıxış edən ATVİB bölgə rəhbəri Mühiddin Xəlilov ATVİB İH-nin sədri Xalid Xəlilovun salamlarını idmançılara və iştirakçılara çatdırmış, qalibləri və təşkilatçıları ATVİB İH-nin fəxri fərmanları ilə təltif etmişdir. O, hər iki komandanın oyunçularına medallar, qalib komanda olan Sımadakənd futbolçularına isə turnirin kubokunu təqdim edilib.

Natiq çıxışının sonunda ATVİB adından idmançılara, eləcə də turnirin təşkilində yaxından iştirak etdiklərinə görə Sabirabad Rayon İcra Hakimiyyətinin Əhmədabad kənd inzibati ərazi dairəsi üzrə nümayəndəsi Xəqani Qasımova və Əhmədabad kənd tam orta məktəbinin direktoru Aydın Veysalova dərin təşəkkürünü bildirib.

Final mərhələsinin təqdimat mərasimi zamanı əvvəlcə şəhidlərimizin əziz xatirəsi bir dəqiqəlik sükutla yad edilib, daha sonra dalğalanan Azərbaycan bayrağı altında Dövlət Himni səsləndirilib.

AFFA-nın rəhbərliyi tərəfindən Respublikamızın ümumtəhsil məktəbləri arasında təşkil olunan “Məktəbli Kuboku” futbol tur...
13/05/2026

AFFA-nın rəhbərliyi tərəfindən Respublikamızın ümumtəhsil məktəbləri arasında təşkil olunan “Məktəbli Kuboku” futbol turniri məktəblilər arasında idmanın inkişafı, sağlam həyat tərzinin təbliği və futbola marağın artırılması baxımından böyük əhəmiyyət daşıyır.

Turnirdə iştirak edən komandalar arasında Saatlı rayonu Alı Sədimoğlu adına Sımadakənd tam orta məktəbinin 5-ci sinif şagirdlərindən ibarət komandası da öz əzmkarlığı, komanda ruhu və uğurlu oyunu ilə seçilərək böyük nailiyyət əldə edib.

Məktəbin gənc futbolçuları turnirin bütün mərhələlərində yüksək oyun nümayiş etdirərək rəqibləri üzərində inamlı qələbələr qazanıblar. Xüsusilə dörddəbir final mərhələsində göstərdikləri mübarizə əzmi, nizam-intizam və komanda birliyi onların yarımfinala yüksəlməsində mühüm rol oynayıb.

Şagirdlərin meydandakı fəallığı və qələbə əzmi həm müəllimlərin, həm valideynlərin, həm də rayon ictimaiyyətinin böyük sevincinə səbəb olub.
Bu uğur məktəbdə idmana göstərilən diqqətin, müəllimlərin və məşqçilərin əziyyətinin nəticəsi olmaqla yanaşı, şagirdlərin futbola olan böyük marağını da bir daha nümayiş etdirir. Komandanın yarımfinal mərhələsinə vəsiqə qazanması Saatlı rayonunun təhsil və idman həyatında əlamətdar hadisələrdən biri kimi qiymətləndirilir.

Sımadakənd tam orta məktəbinin şagirdlərini bu böyük uğur münasibətilə ürəkdən təbrik edir, qarşıdakı yarımfinal oyunlarında onlara yeni qələbələr və uğurlar arzulayırıq. İnanırıq ki, gənc futbolçularımız bundan sonra da öz bacarıqları ilə məktəblərini və rayonlarını layiqincə təmsil edəcəklər.

Bu gün Azərbaycan xalqının Ümummilli lideri, müasir müstəqil dövlətimizin memarı və qurucusu Heydər Əliyevin doğum günüd...
10/05/2026

Bu gün Azərbaycan xalqının Ümummilli lideri, müasir müstəqil dövlətimizin memarı və qurucusu Heydər Əliyevin doğum günüdür.

Ulu öndər Heydər Əliyev Azərbaycan dövlətçiliyinin memarı, milli birliyimizin və həmrəyliyimizin rəmzi olmuşdur. Onun həyata keçirdiyi uzaqgörən siyasət nəticəsində ölkəmizdə yaşayan bütün xalqların və etnik icmaların hüquqları qorunmuş, multikultural dəyərlər daim yüksək tutulmuşdur.
Axısxa türkləri də Ulu Öndərin diqqət və qayğısını hər zaman hiss etmiş, Azərbaycan cəmiyyətində layiqli yer tutmaları üçün geniş imkanlar əldə etmişlər.
Xüsusilə qeyd etmək istərdik ki, Heydər Əliyev deportasiyaya məruz qalmış Axısxa türklərinin problemlərinə həssaslıqla yanaşmış, onların sosial rifahının yaxşılaşdırılması, təhsil almaları, məşğulluq və cəmiyyətə inteqrasiyası istiqamətində mühüm addımlar atmışdır.

Onun təşəbbüsü və qayğısı nəticəsində Azərbaycanda yaşayan Axısxa türkləri daim dövlət dəstəyi ilə əhatə olunmuş, öz milli-mənəvi dəyərlərini qoruyaraq ölkəmizin ictimai-siyasi həyatında fəal iştirak etmişlər.
Bu gün də İlham Əliyev tərəfindən Ulu Öndərin siyasi kursu uğurla davam etdirilir, ölkəmizdə milli həmrəylik və multikulturalizm ənənələri daha da möhkəmləndirilir.

Ulu Öndərin əziz xatirəsini dərin hörmətlə anır, onun işıqlı ideyalarının daim yaşayacağını bildiririk.

ATVİB- nin mətbuat xidməti.

Address

Asif Məhərrəmov/32a
Baku

Opening Hours

Monday 10:00 - 17:00
Tuesday 10:00 - 17:00
Wednesday 10:00 - 17:00
Thursday 10:00 - 17:00
Friday 10:00 - 17:00

Website

Alerts

Be the first to know and let us send you an email when Azərbaycanda yaşayan Axısxa Türklərinin "Vətən" İctimai Birliyi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Azərbaycanda yaşayan Axısxa Türklərinin "Vətən" İctimai Birliyi:

Shortcuts

Share

Category