Azərbaycan Arıçılar Assosiasiyası

04/09/2025

Bal Yarmarkasında iştirak etmək istəyən arıçılar 5 sentyabr saat 11:00-dan 7 sentyabr saat 23:59-dək bal.kendden.az portalı üzərindən onlayn qaydada müraciət edə biləcəklər. Qeydiyyat yalnız Elektron Kənd Təsərrüfatı İnformasiya Sistemində (EKTİS) 2025-ci il sentyabr ayının 1-dək minimum 40 arı ailəsi ilə təsərrüfatlarını bəyan etmiş fermerlər üçün açıq olacaq.
ŞV-nin FİN kodu daxil edərək, açılmış pəncərədə verilmiş xanaları dolduraraq qeydiyyatınızı təsdiqləyin.Qeydiyyat müddəti bitdikdən sonra, iştirak hüququ qazanmış arıçı fermerlərimizə SMS bildiriş göndəriləcək.Təşəkkürlər.

08/03/2025

Bu bazar (9 mart) peşəkar arıçı, müasir arıçılıq üsullarını bilən və tətbiq edən Rəşad Ağakişiyevlə görüşümüz var. Görüş canlı formatda, AAA-nın facebook qrupunda olacaq. Rəşad müəllim aşağıdakı mövzuları izah edəcək:
- dublyor ana və onun istifadəsi,
- bölmə etmə qaydaları,
- ballıq (medovok) ailələrin hazırlanması,
- qəfəslərin növü, incəlikləri, gözdən qaçan problemlər,
- ana arı bankı və s.
Hər kəs dəvətlidir.

03/03/2025

Xəyal Qarayevlə görüşün video yazısını təqdim edirik. Xəyal bəy ana izolyasiyası üzrə böyük təcrübəsi olan peşəkar arıçıdır. O, uzun illərdir ana arıları gəlirdən öncə qəfəsləyərək yüksək məhsuldarlığa nail olur.
Görüşün təşkilatçısı Azərbaycan Arıçılar Assosiasiyasıdır.

Ana arının izolyasiyası artıq məcburiyyətdir. Varrao gənəsi ilə mübarizə olduqca çətinləşib. Balasız dövr yaradılmalıdır. Yoxsa gənəni məhv etmək olmur.

02/03/2025

Salamlar. Bu axşam (2 mart, 20:00) Azərbaycan Arıçılar Assosiasiyası qrupunda canlı yayım olacaq. Qonağımız Xəyal Qarayev ana izolyasiyası üzrə böyük təcrübəsi olan peşəkar arıçıdır. O, uzun illərdir ana arıları gəlirdən öncə qəfəsləyərək yüksək məhsuldarlığa nail olur.

24/02/2025

Nəbi Nəcəfovla parazitlərə qarşı turşularla mübarizə mövzusunda nüzakirə

15/02/2025

Hörmətli arıçılar, canlı yayımlara davam edirik. Növbəti qonağımız peşəkar arıçı Yusif Quliyevdir. O ana arıların izolyasiyasından danışacaq. Yusif müəllimin ana arının qəfəslənməsi ilə bağlı təcrübəsi çoxdur. Xüsusi ilə qış aylarında ana arıları qəfəsə salaraq təcrübə aparır. Arıçı sizinlə öz təcrübələrini bölüşəcək.
Görüş 16 fevralda (bazar günü), axşam 8-də (20:00), AAA-nın facebook qrupunda olacaq.
Başqa hansı arıçı ilə canlı yayım istəyirsinizsə, qeyd edin, dəvət edək.

17/01/2025

Azərbaycan Respublikasının Qida Təhlükəsizliyi Agentliyi (AQTA) tərəfindən istehlaka yararsız 1560 kq bal məhsulu qanunvericiliyə uyğun olaraq utilizasiya və məhv edilib.
“Ticarət şəbəkələrində satılan bal məhsullarının təhlükəsizlik və keyfiyyət göstəricilərini müəyyən etmək üçün 50 bal məhsulundan Agentliyin mütəxəssisləri tərəfindən nümunələr götürülərək müayinələrə cəlb olunub. Nümunələrin sınaq nəticəsinə əsasən, 23 bal məhsulunda hər hansı uyğunsuzluq aşkarlanmayıb. 9 istehsalçıya məxsus 27 bal məhsulu partiyasında uyğunsuzluqlar müəyyən edilib.
Aşkar edilmiş uyğunsuzluqlarla bağlı istehsalçı müəssisələrdə plandandankənar yoxlama keçirilib və məhsul partiyalarının ticarət şəbəkələrindən geri çağırılması ilə bağlı məhdudlaşdırıcı qərarlar qəbul olunub. Eyni zamanda həmin müəssisələrdən 2-də məhsulların etiket məlumatlarında nöqsan aşkar edildiyinə görə sahibkarlar inzibati məsuliyyətə cəlb edilib. Aparılan nəzarət tədbirləri zamanı müvafiq rəy əsasında istehlaka yararsız 1560 kq bal məhsulu qanunvericiliyə uyğun olaraq utilizasiya və məhv edilib. Bu istiqamətdə araşdırmalar davam etdirilir”.
Qeyd edək ki, Azərbaycan Arıçılar Assosiasiyasının (AAA) İdarə Heyətinin üzvləri AQTA sədri Qoşqar Təhməzlinin dekabrın 20-də Qəbələdə vətəndaşlarla görüşündə iştirak edərək ona arıçıların bəzi problemlərini çatdırıb:
1. Marketlərdə təbii bal adı satılan saxta məhsullar
2. Arı xəstəliklərinə qarşı mübarizədə dəstək
3. Arıxanaların qida təhlükəsizliyi qaydalarına uyğunlaşdırılması zamanı yaranan çətinliklər.
Qısa zaman ərzində marketlərdə təbii bal adı satılan saxta məhsullarla bağlı AQTA-nın yoxlama aparıb, nöqsanları aşkarlayaraq nəticələrini ictimaiyyətə açıqladığına görə qurumun sədri Qoşqar Təhməzliyə və əməkdaşlarına AAA adından təşəkkür edirik!
Bundan sonra xüsusi ilə turistik bölgələrə gedən yolların kənarlarında, “Tiktok” platformasında satılan balların yoxlanılması gözlənilir. Ümid edirik, yoxlamalar davamlı olacaq, Azərbaycan bal bazarı keyfiyyətsiz, saxta məhsullardan təmizlənəcək. Eyni zamanda, ölkəmizə idxal olunan balların da yoxlanılması arzuolunandır.