Azərbaycanda Qadın Sahibkarlığının İnkişafı Assosiasiyası

15/06/2026

12/06/2026

AQSİA üzvlərinin iştirakı ilə ALYALİNA şirkətinə müəssisə ziyarəti təşkil olunmuşdur.

Şirkətin direktoru Nigar xanım qonaqları səmimi şəkildə qarşılayaraq müəssisənin fəaliyyəti, istehsal prosesi və təqdim olunan məhsullar haqqında ətraflı məlumat vermişdir.

Görüş zamanı iştirakçı üzvlər də öz fəaliyyət istiqamətləri barədə təqdimatlar etmiş, qarşılıqlı fikir və təcrübə mübadiləsi aparılmışdır. Daha sonra üzvlər ALYALINA şirkətinin istehsal etdiyi məhsullarla yaxından tanış olmaq imkanı əldə etmişlər.

Ziyarətin sonunda ALYALİNA şirkəti tərəfindən iştirakçılara hədiyyələr təqdim olunmuş, xatirə şəkilləri çəkilmişdir.

AQSİA olaraq göstərilən yüksək qonaqpərvərliyə, səmimi qarşılanmaya və maraqlı təqdimata görə Nigar xanıma və ALYALİNA komandasına təşəkkürümüzü bildirir, fəaliyyətlərində uğurlar arzulayırıq.

Alyalina_azerbaijan

09/06/2026

08/06/2026

AQSİA üzvləri Milli Brendlərin Pərakəndə Zirvəsi 2026 tədbirində iştirak ediblər

Tədbir Biznes Mərkəzi Klubunun İdarə Heyətinin sədri Rüfət Nadirlinin açılış nitqi ilə başlayıb. O, iştirakçıları salamlayaraq yerli brendlərin inkişafı və beynəlxalq bazarlara çıxışının əhəmiyyətindən bəhs edib.

Tədbir çərçivəsində keçirilən “Pərakəndə Sektorda Markalaşma: Xarici Bazarlarda “Made in Azerbaijan” Brendinə qarşı gözləntilər” mövzusunda panel müzakirəsində çıxış edən AQSİA İdarə Heyətinin sədri Səkinə Babayeva yerli sahibkarların xarici bazarlara çıxışı zamanı qarşılaşdıqları çətinliklərdən, brendləşmənin vacibliyindən və düzgün marketinq strategiyasının uğur qazanmaqda oynadığı mühüm roldan danışıb.

Paneldə həmçinin Azərbaycanın qeyri-neft sektorunun inkişafı, yerli məhsulların beynəlxalq bazarlarda rəqabət qabiliyyətinin artırılması və “Made in Azerbaijan” brendinin daha güclü şəkildə tanıdılması istiqamətində fikir mübadiləsi aparılıb.

Tədbir çərçivəsində təşkil olunan milli brendlərin sərgi-yarmarkasında AQSİA üzvləri də öz məhsul və xidmətlərini təqdim edərək yerli sahibkarlığın potensialını nümayiş etdiriblər.

Tədbir iştirakçılar arasında faydalı müzakirələr, yeni əməkdaşlıq imkanları və təcrübə mübadiləsi ilə yadda qalıb.az

03/06/2026

Xankəndi Qəhvə və Çay Festivalında AQSİA üzvlərinin brendləri nümayiş olundu

Xankəndi Qəhvə və Çay Festivalında AQSİA üzvlərinin təmsil etdiyi brendlər də uğurla iştirak edərək məhsullarını ziyarətçilərə təqdim etdilər. Festival qadın sahibkarların fəaliyyətinin tanıdılması, yerli brendlərin təşviqi və yeni əməkdaşlıq imkanlarının yaradılması baxımından əhəmiyyətli platforma oldu.

Festivalda iştirak edən AQSİA üzvlərinin brendləri ilə tanış ola bilərsiniz.

03/06/2026

AQSİA üzvləri Xankəndi Qəhvə və Çay Festivalında uğurla təmsil olundu

29–30 may tarixlərində Qarabağın dilbər guşəsi olan Xankəndi şəhərində keçirilən Xankəndi Qəhvə və Çay Festivalı ölkənin çay və qəhvə mədəniyyətinin inkişafına töhfə verən əlamətdar tədbirlərdən biri kimi yadda qaldı. Festivalda AQSİA üzvləri də fəal iştirak edərək məhsullarını, fəaliyyətlərini və sektora dair yenilikləri ziyarətçilərə təqdim etdilər.

AQSİA üçün bu nüfuzlu tədbirdə iştirak etmək xüsusi əhəmiyyət daşıyır. Festivalın məhz Qarabağın mərkəzlərindən biri olan Xankəndidə keçirilməsi həm böyük qürur, həm də bölgənin sürətli inkişafının, canlanmasının və artan turizm potensialının bariz göstəricisidir.

İki gün ərzində festival iştirakçıları çay və qəhvə mədəniyyəti ilə bağlı müxtəlif təqdimatlar, dequstasiyalar və maraqlı proqramlarla tanış olmaq imkanı əldə etdilər. Tədbir yalnız bu sahələrin inkişafını təşviq etməklə kifayətlənməyərək, eyni zamanda Qarabağın zəngin mədəni irsini, təbii gözəlliklərini və qonaqpərvərliyini yerli və xarici qonaqlara nümayiş etdirdi.

AQSİA nümayəndələri festivalın yüksək səviyyədə təşkilinə görə təşkilat komandasına təşəkkürlərini bildirərək qeyd ediblər ki, Qarabağda, xüsusilə Xankəndidə belə möhtəşəm tədbirlərin keçirilməsi regionun sosial-iqtisadi inkişafına, turizm imkanlarının genişlənməsinə və beynəlxalq tanıtımına mühüm töhfə verir.

AQSİA gələcək illərdə də bu cür təşəbbüslərin davamlı olmasını arzulayır və inanır ki, Xankəndi Qəhvə və Çay Festivalı hər il daha geniş miqyasda təşkil olunaraq ölkənin ən nüfuzlu tədbirlərindən birinə çevriləcək.

01/06/2026

1 İyun – Uşaqların Beynəlxalq Müdafiəsi Günü

Bugünün uşaqları sabahın alimləri, sahibkarları, müəllimləri və liderləridir. Güclü iqtisadiyyatın, inkişaf etmiş cəmiyyətin və uğurlu gələcəyin təməli məhz uşaqların sağlam, savadlı və yaradıcı böyüməsindən başlayır.

Gələcəyimizi formalaşdıran bütün uşaqların bayramı mübarək!

27/05/2026

Qurban bayramınəz mübarək!

26/05/2026

AQSİA-nın təşkilatçılığı ilə keçirilən “Biznes plan necə hazırlanmalıdır?” mövzusunda TEA TALK görüşü uğurla baş tutub.

Təlim zamanı iştirakçılar biznes planın hazırlanması, düzgün strategiyanın qurulması, maliyyə planlaması, risklərin idarə olunması və biznes ideyasının uğurlu modelə çevrilməsi ilə bağlı ətraflı məlumat əldə ediblər. Tədbir interaktiv müzakirələrlə yadda qalıb, qadın sahibkarları maraqlandıran suallar təlimçi tərəfindən ətraflı şəkildə cavablandırılıb. ✨

Təlimçi Hümmət Əliyev — “Nuray Consulting” MMC-nin təsisçi direktoru öz təcrübələrini iştirakçılarla bölüşərək, biznes qurmaq istəyən xanımlara praktik tövsiyələr verib.

AQSİA olaraq qadın sahibkarların maariflənməsi, düzgün biznes idarəçiliyinin formalaşdırılması və onların inkişafına dəstək olmaq məqsədilə bu kimi maarifləndirici görüş və təlimləri davamlı şəkildə təşkil etməyə davam edirik 🤝

24/05/2026