https://www.facebook.com/252494158995927/

ProDemos- Xalq üçün

Home
Azerbaijan
Baku
ProDemos- Xalq üçün

Səhifənin məqsədi qanunvericilikdə ictimai əhəmiyyət kəsb edən yeniliklərin sadə dildə əhaliyə izahı və hüquqi yardıma ehtiyacı olanlara dəstək verməkdir.

11/05/2026

🤖Süni intellektlə hazırlanmış məzmuna gözlənilən hüquqi tənzimləmə gəldi

📲Süni intellektlə ilə hazırlanmış məzmun paylaşmaq artıq sadəcə etik məsələ deyil, hüquqi məsuliyyət daşıyır. Ölkəmiz də, beynəlxalq tendensiyaya uyğun olaraq, bu sahəni qanunla tənzimləyən ölkələr sırasına qoşuldu.

📄Belə ki, 21 aprel 2026-cı il tarixli Azərbaycan Respublikasının Qanunu ilə bir çox normativ aktlara edilmiş dəyişikliklərə əsasən iki əsas məsələ önə çıxır:

· Süni intellekt texnologiyaları vasitəsilə reallığı əks etdirməyən foto, video və ya audio materialları hazırlama

Yeni tənzimləmə ilə “deepfake” yəni, şəxsin icazəsi alınmadan onun görüntüsü və ya səsindən istifadə edərək süni intelekt ilə material hazırlamaq cinayət hesab edilir və azadlıqdan məhrum etmə ilə nəticələnə bilər

· Süni intellekt texnologiyaları vasitəsilə hazırlanmış foto, video və ya audio materiallarını nişanlanma

📲Yeni dəyişikliklərə əsasən süni intellekt texnologiyaları vasitəsilə hazırlanmış foto, video və ya audio materiallar kütləvi nümayiş etdirildikdə belə texnologiyalardan istifadə edilməklə hazırlandığını aydın şəkildə göstərən və asanlıqla görünən nişanlanmalıdır və müvafiq nişanlama olmodan hazırlanmış məzmunun yayımlanması halında səksən manatdan yüz əlli manatadək məbləğinədək cərimə nəzərdə tutulmuşdur.

20/04/2026

Hörmətli izləyicilər,

Mart ayı üzrə qanunvericilik aktlarında edilmiş dəyişiklik buraxılışı abunə olan vətəndaşların elektron poçt ünvanlarına göndərilmişdir.

📌Buraxılışı bio-dakı link vasitəsilə əldə edə bilərsiniz.

06/04/2026

ABŞ məhkəməsi sosial media platformalarını “asılılıq yaradan məhsul” kimi tanıdı:

Los-Anceles münsiflər məhkəməsi Meta (Instagram, Facebook, WhatsApp) və Google (YouTube) şirkətlərinin platformalarının sadəcə “əyləncə vasitəsi” kimi deyil, istifadəçilərdə asılılıq yaradan məhsul kimi dizayn edildiyi qənaətinə gəlib. Belə ki, “Kaley” kimi tanınan 20 yaşlı gənc qadın bu platformalardan istifadə nəticəsində psixi problemlər yaşadığını iddia edib, nəticədə isə məhkəmə onun iddiasını təmin edərək ona 6 milyon dollar təzminat verilməsini qərara alıb.

Qeyd edilməlidir ki, məhkəmə qərar qəbul edərkən əsas diqqəti adı çəkilən platformaların təqdim etdiyi məzmuna deyil, bu platformaların təqdim etdiyi funksionallığa yönəldib. Məhkəmə sonsuz skrol (dayanmadan aşağı sürüşdürmə), gözəllik filtrləri və digər istifadəçiləri mümkün qədər uzun ekran başında saxlamağa yönəlmiş mexanizmlərin şirkətlər tərəfindən şüurlu şəkildə yaradıldığını və nəticədə zərərli, asılılıq yaradan mühit formalaşdırdığını qeyd edib və onların lazımi xəbərdarlıq və qoruyucu mexanizmlər olmadan ictimaiyyətə təqdim edildiyi qənaətinə gəlib.

Bildirək ki, Meta və Google qərarla razılaşmadıqlarını və apellyasiya şikayəti verəcəklərini açıqlayıblar.

31/03/2026

31 Mart - Azərbaycanlıların Soyqırım Günü

18/03/2026

Hörmətli izləyicilər,

Fevral ayı üzrə qanunvericilik aktlarında edilmiş dəyişiklik buraxılışı abunə olan vətəndaşların elektron poçt ünvanlarına göndərilmişdir.

📌Buraxılışı bio-dakı link vasitəsilə əldə edə bilərsiniz.

13/03/2026

🏛️Konstitusiya Məhkəməsi əlavə məzuniyyət üçün kompensasiyası ilə bağlı məhdudiyyəti aradan qaldırdı

📌Konstitusiya Məhkəməsinin Plenumu 20 fevral 2026-cı il tarixində Əmək Məcəlləsində uzun müddət işçi və işəgötürənlər arasında fikir ayrılığına səbəb olan məsəyə aydınlıq gətimişdir.

📝Belə ki, Əmək məcəlləsində müvafiq iş ilində əmək məzuniyyətindən istifadə edə bilməyən işçiyə əlavə məzuniyyətlə əlaqədar kompensasiya almaq imkanı tanınsa da, əmək müqaviləsinə xitam verilərkən işçiyə qanunvericiliklə müəyyən olunmuş əsaslara görə qazanılmış və istifadə etmədiyi əlavə məzuniyyət günləri ilə bağlı belə kompensasiyanın ödənilməsinə birbaşa məhdudiyyət qoyulmuşdur. Qeyd edək ki, Konstitusiya Məhkəməsi iki qrup arasında belə fərqin qoyulması üçün obyektiv və ağlabatan əsasın mövcud olmadığı qənaətinə gəlmiş və sözgedən məhdudiyyəti Konstitusiyanın mütənasiblik, bərabərlik və normativ hüquqi aktların haqq-ədalətə əsaslanmasına dair prinsiplərinə zidd hesab etmişdir.

📌Yekun olaraq nəzərinizə çatdıraq ki, Konstitusiya Məhkəməsinin Plenumunun Qərarına əsasən əmək müqaviləsinə xitam verilərkən aşağıdakı əsaslarla qazanılmış və istifadə edilməyən əlavə məzuniyyət günləri ilə bağlı kompensasiyanın verilməsi qərara alınmışdır:

· əmək şəraitinə və əmək funksiyasının xüsusiyyətlərinə görə əlavə məzuniyyət;

· əmək stajına görə əlavə məzuniyyət;

· uşaqlı qadınların əlavə məzuniyyəti;

· Azərbaycan Respublikasının işğaldan azad edilmiş ərazilərində işləyən mütəxəssislərin əlavə məzuniyyəti.

20/02/2026

Hörmətli izləyicilər,

Yanvar ayı üzrə qanunvericilik aktlarında edilmiş dəyişiklik buraxılışı abunə olan vətəndaşların elektron poçt ünvanlarına göndərilmişdir.

📌Buraxılışı bio-dakı link vasitəsilə əldə edə bilərsiniz.

08/02/2026

İşə tez getdiyi üçün işdən çıxarıldı!

🏪Əksər müəssisələrdə işə erkən gəlmək çalışqanlığın və intizamın göstəricisi sayılsa da, İspaniyada baş verən hadisə bunun əksini göstərir.

⏰Belə ki, İspaniyada bir xanım işçi hər gün işə müqavilədə göstərilən saatından 40 dəqiqə tez gedir. Müqaviləyə əsasən rəsmi iş saatı 07:30-da başlasa da, işçi 06:45–07:00 radələrində artıq iş başında olur.
Belə olan halda şirkət ona dəfələrlə xəbərdarlıq edir ki, işə erkən gəlməsin və rəsmi iş vaxtından əvvəl sistemə giriş etməsin. İşə götürənə görə işçinin erkən gəlməsi növbə və iş bölgüsünü pozmaqla icazəsiz overtime yaradır. Həmçinin təhlükəsizlik və nəzarət mexanizmləri həmin saatlarda aktiv olmadığından işəgötürən üçün sığorta və məsuliyyət riski yaradır.
📌Lakin işçi xəbərdarlıqlara baxmayaraq ən azı 19 dəfə yenə işə tez gəlir. Nəticədə, müəssisə bu hərəkəti ciddi intizam pozuntusu hesab edərək onu işdən çıxarır.

📝İşçi bu qərarı Alicante Sosial Məhkəməsində mübahisələndirsə də, məhkəmə işəgötürənin mövqeyini haqlı hesab edir. Məhkəmə bildirir ki, burada əsas pozuntu işçinin erkən gəlməsi deyil, onun işəgötürənin açıq göstərişlərinə təkrar-təkrar əməl etməyərək intizam pozuntusuna yol verməsidir.

24/01/2026

🎓Attestatlar və diplomlar artıq kağız formada təqdim edilməyəcək

📃 “Təhsil haqqında dövlət sənədlərinin təsvirlərinin və onların verilməsi qaydalarının təsdiq edilməsi və “Təhsil haqqında dövlət sənədlərinin nümunələri və onların verilməsi Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 2010-cu il 29 aprel tarixli 82 nömrəli Qərarının ləğv edilməsi barədə” Azərbaycan Respublikası Nazirlər Kabinetinin 2025-ci il 7 yanvar tarixli 1 nömrəli Qərarına əsasən təhsil haqqında dövlət sənədlərinin tam elektron formatda verilməsini təmin edən yeni qaydalar təsdiqlənib. Qəbul edilən Qərar təhsil sistemində rəqəmsallaşmanı sürətləndirməyə, sənəd dövriyyəsini müasir elektron idarəetmə prinsipləri əsasında təşkil etməyə və vətəndaşlar üçün xidmətlərin əlçatanlığını əhəmiyyətli dərəcədə artırmağa yönəlib.

📲Yeni Qərara əsasən, ali, orta ixtisas, peşə və ümumi təhsil pillələri üzrə diplomlar, attestatlar, sertifikatlar və onlara əlavələr hüquqi qüvvəyə malik elektron sənədlər kimi formalaşdırılacaq. Bununla da təhsil haqqında dövlət sənədlərinin verilməsi prosesi tam şəkildə rəqəmsal mühitə keçirilir. Diplomların maksimum 10 iş günü ərzində hazırlanması təmin ediləcək.

📍Qaydalarda bakalavriat, magistratura və rezidentura səviyyələri, eləcə də orta ixtisas, peşə və ümumi təhsil pillələri üzrə dövlət sənədlərinin məzmunu, verilmə müddətləri, verilməsindən imtina halları və hüquqi nəticələri sistemli şəkildə tənzimlənir.

📍Qəbul edilən dəyişikliklər təhsil haqqında dövlət sənədlərinin verilməsində şəffaflığın artırılmasına, inzibati prosedurların sadələşdirilməsinə, vətəndaş məmnunluğunun yüksəldilməsinə və təhsil sistemində rəqəmsal idarəetmənin institusional əsaslarının gücləndirilməsinə xidmət edir.

20/01/2026

Bütün şəhidlərimizin xatirəsini dərin hörmət və ehtiramla yad edirik.

18/01/2026

Hörmətli izləyicilər,

Dekabr ayı üzrə qanunvericilik aktlarında edilmiş dəyişiklik buraxılışı abunə olan vətəndaşların elektron poçt ünvanlarına göndərilmişdir.

📌Buraxılışı bio-dakı link vasitəsilə əldə edə bilərsiniz.

Address

100 J. Hajibeyli Str
Baku
AZ1007

Website

facebook.com

Alerts

Be the first to know and let us send you an email when ProDemos- Xalq üçün posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ProDemos- Xalq üçün:

Shortcuts

Want your organization to be the top-listed Non Profit Organization in Baku?