İqtisadçı Tələbələrin Elmi Fəaliyyətinə Yardım İctimai Birliyi

03/06/2026

Əziz tədqiqatçılar,
Cambridge University Press jurnallarında ödənişsiz məqalə nəşri imkanlarından faydalanmağa tələsin

https://news.unec.edu.az/elan/10105-elmi/14581-kembric-universiteti-jurnallarinda-megale-derc-etmek-imkani-yaradir

26/05/2026

XARİCDƏ TƏHSİL ALMAQ İSTƏYİRSİNİZ?

Süni İntellektlə Azərbaycan Dövlət İqtisad Universitetini (UNEC) kəşf edin!
Sizə “Study at UNEC – AI Adviser” platformasını — UNEC-də təhsil almaq üçün ağıllı bələdçini təqdim etməkdən məmnunuq.
• Təhsil proqramları,
• Təhsil haqları,
• Qəbul tələbləri,
• Tələb olunan sənədlər,
• Azərbaycanda tələbə həyatı haqqında məlumat almaq istəyirsinizsə AI Adviser sizə 24/7 rejimində operativ cavablar və addım-addım istiqamətləndirmə ilə dəstək göstərməyə hazırdır.
UNEC ilə təhsilin gələcəyinə qoşulun!
Uğurlar, UNEC!
Hər şey daha da yaxşı olacaq!

https://study.unec.edu.az

21/05/2026

13/05/2026

📚 Əsaslı kitabxana UNEC-də müasirlik və ənənələrin vəhdətini, universitetimizin tarixi irsini və akademik zənginliyini təcəssüm etdirir. Burada qorunan zəngin elmi fond və oxuculara göstərilən peşəkar xidmət UNEC-in elmə, tədqiqata və əlverişli tədris mühitinin inkişafına verdiyi önəmin bariz nümunəsidir.

Əsaslı kitabxana professor-müəllim heyəti ilə yanaşı, gənc tədqiqatçılara da xidmət göstərən, elmi bilik və akademik təcrübənin paylaşılmasına töhfə verən mühüm elm mərkəzidir 📖

10/05/2026

Bu gün müasir Azərbaycanın qurucusu, milli dövlətçilik ideologiyasının müəllifi və böyük Şəxsiyyət Ümummilli Lider Heydər Əliyevin anadan olmasının 103-cü ildönümüdür. Dərin ehtiramla yad edirik...

19/04/2026

“UNEC Tələbə Tədqiqatları Jurnalı”nın III nəşrinin I sayı üçün məqalə qəbulu elan olunur!

Nəşrin əsas məqsədi tələbələrin elmi-tədqiqat fəaliyyətinə marağını artırmaq, onların akademik bilik və bacarıqlarını inkişaf etdirmək, eləcə də əldə olunan elmi nəticələrin geniş ictimaiyyətə təqdim olunmasını təmin etməkdir.

Məqalə təqdim etmək istəyən müəlliflər jurnalın rəsmi onlayn platformasına daxil olaraq “Haqqında” bölməsində yerləşən “Məqalə təqdimatı” alt başlığına keçid etməli, müəyyən edilmiş tələblərlə tanış olduqdan sonra məqalələrini elektron sistem vasitəsilə təqdim etməlidirlər.

Təqdim edilən məqalələr elmi və texniki tələblərə uyğun hazırlanmalı, aktuallıq, elmi yenilik və orijinallıq meyarlarına cavab verməlidir. Bütün məqalələr redaksiya heyəti tərəfindən qiymətləndiriləcək və müvafiq rəy (peer review) mərhələsindən keçiriləcəkdir.

Məqalələrin son qəbul tarixi: 17 may 2026-cı il

17/04/2026

Azərbaycan Dövlət İqtisad Universiteti UNEC-in rektoru, professor Ədalət Muradovun rəhbərliyi ilə keçirilən bu görüş tələbə mərkəzli rəqəmsal universitet modelinə transformasiya edən UNEC-in gələcək inkişafına strateji baxışın yeni konturlarının müəyyənləşdirilməsi baxımından olduqca səmərəli platforma oldu.
Universitetimizdə yaradılmış mövcud elmi və akademik potensialdan təhsilalanların daha effektiv faydalanması, onların təşəbbüslərinin dəstəklənməsi və qərarların qəbul edilməsi prosesində tələbə təşkilatlarının rolunun gücləndirilməsi istiqamətində bu cür açıq dialoqlar xüsusi əhəmiyyət daşıyır.
Tələbə təşkilatlarına göstərilən diqqətə və yaradılan səmimi müzakirə mühitinə görə hörmətli rektorumuza təşəkkür edir və universitetimizin davamlı inkişafı naminə birgə fəaliyyətin daha da genişlənəcəyinə inanırıq.

29/03/2026

«Dünyada çoxlu gənc, amma xüsusi liderlər var. Mən düşünürəm ki, onlar bütün dünya üçün ümid ola bilərlər. Yeri gəlmişkən, ABŞ prezidenti Donald Tramp onların hamısı ilə yaxındır.
Azərbaycandan Prezident İlham Əliyevə baxın - o, öz ölkəsinin inkişaf istiqamətini tamamilə dəyişdi."

Stiven Uitkoff,
ABŞ Prezidentinin xüsusi nümayəndəsi

20/03/2026

Əziz UNEC tələbələri,
Sizi Novruz bayramı və Ramazan bayramı münasibətilə təbrik edirik.
Hər birinizə can sağlığı, təhsil-tədqiqat fəaliyyətinizdə və karyeranızda böyük uğurlar arzulayırıq!
Sizinlə birlikdə UNEC ailəsinin üzvü olmaqdan qürur duyuruq!

27/02/2026

Tələbə tədqiqatçıların elmi və peşəkar inkişafında emosional intellektin rolu

UNEC-də yaradılan əlverişli akademik mühit tələbələrin elmi tədqiqat bacarıqlarının artırılmasına imkan verir və onların peşəkar mütəxəssis kimi formalaşmasına güclü təkan verir.
Bu dəfə iqtisadçı tələbələrin analitik düşüncə potensialı ilə yanaşı emosional sabitlik, empatiya qurmaq, komandada işləmək və effektiv ünsiyyət bacarıqlarının inkişafına töhfə vermək məqsədilə “Tələbə tədqiqatçıların elmi və peşəkar inkişafında emosional intellektin rolu” mövzusunda təlim təşkil etdik.
Təlimdə emosional intellektin əsas komponentləri – özünüdərk, özünüidarəetmə, motivasiya, empatiya və sosial bacarıqlar barədə interaktiv təqdimatlar edildi və bu bacarıqların tələbələrin elmi və peşəkar inkişafında, tədris və tədqiqat prosesində tətbiq istiqamətlıri ətraflı izah edildi.
Dəvəti qəbul edib UNEC tələbələrinə vaxt ayırdığına, maraqlı və məhsuldar təlimə görə hörmətli Elçin müəllimə dərin təşəkkürümüzü bildiririk.

https://news.unec.edu.az/xeber/105-telebe/14642-unec-de-telebe-tedgigatchilarin-elmi-ve-peshekar-inkishafinda-emosional-intellektin-rolu-movzusunda-telim-kechirilib