Criminal Law Club

02/06/2026

Bakı Dövlət Universiteti Hüquq fakültəsinin “Tələbədən məktəbliyə” layihəsi çərçivəsində Cinayət hüququ və kriminologiya kafedrasının nəzdində təsis edilən Cinayət Hüququ Klubu (CLC) tərəfindən “Təhlükəsiz cəmiyyətin sorağında: yetkinlik yaşına çatmayanların cinayət məsuliyyəti” mövzusunda maarifləndirici təlimlər uğurla həyata keçirilmişdir.

1 İyun- Uşaqların Beynəlxalq Müdafiəsi Günü ərəfəsində təşkil olunan layihə çərçivəsində Sumqayıt şəhər 27 nömrəli tam orta məktəbdə və Ucar rayonu Rafiq Abbasov adına Lək kənd 1 nömrəli tam orta məktəbdə məktəblilərlə görüşlər təşkil olunmuşdur.

Təlim zamanı iştirakçılarla cinayət hüququnun əsas anlayışları, yetkinlik yaşına çatmayanların cinayət məsuliyyətinin xüsusiyyətləri, hüquqazidd əməllərin nəticələri və hüquqi maariflənmənin əhəmiyyəti barədə interaktiv müzakirələr aparılmış, məktəblilərin mövzu ilə bağlı sualları ətraflı şəkildə cavablandırılmışdır.

Layihənin əsas məqsədi məktəblilər arasında cinayət-hüquqi maarifləndirmənin gücləndirilməsi, hüquqi düşüncənin inkişaf etdirilməsi və hüquqi məsuliyyət hissinin formalaşdırılmasına dəstək göstərməkdir.

Layihənin həyata keçirilməsinə göstərdikləri dəstəyə və yaradılan şəraitə görə məktəb rəhbərliklərinə təşəkkürümüzü bildiririk⚖️

02/06/2026

19/05/2026

19/05/2026

19 may 2026-cı il tarixində BDU-nun Tələbə İnkişaf Mərkəzində Hüquq fakültəsinin Cinayət hüququ və kriminologiya kafedrasının təşkilatçılığı ilə Cinayət Hüququ Klubunun (CLC) yeni “LEXFLIX” layihəsi uğurla həyata keçirilmişdir.

Layihə çərçivəsində CLC üzvləri “Primal Fear” filmini izləmiş, filmdə əks olunan hüquqi məsələlər, cinayət məsuliyyəti, müdafiə strategiyası və məhkəmə prosesləri ətrafında interaktiv hüquqi müzakirələr aparmışlar.

LEXFLIX layihəsinin əsas məqsədi cinayət hüququnun nəzəri və praktik aspektlərini filmlər üzərindən təhlil etmək, hüquqi düşüncə bacarıqlarını inkişaf etdirmək və tələbələr arasında hüquqi müzakirə mühiti formalaşdırmaqdır.

Layihənin həyata keçirilməsində göstərilən dəstəyə görə Bakı Dövlət Universitetinin rəhbərliyinə təşəkkürümüzü bildiririk!!!

08/05/2026

7 may 2026-cı il tarixində Bakı Dövlət Universitetinin Hüquq fakültəsinin Cinayət hüququ və kriminologiya kafedrasının nəzdində fəaliyyət göstərən "Cinayət Hüquq Klubu"nun (CLC) "Cinayətkarlıqla mübarizədə nəzəri və praktiki mübadilə" layihəsi çərçivəsində növbəti tədbiri keçirilmişdir. Layihənin qonağı qismində Baş Prokurorluğun İstintaq idarəsinin xüsusilə mühüm işlər üzrə müstəntiqi, I dərəcəli hüquqşünas Xaqani Süleymanlı çıxış etmişdir. Tədbir çərçivəsində müasir istintaq metodları, klassik istintaq yanaşmalarından rəqəmsal analitika mərhələsinə keçid, rəqəmsal sübutların toplanması və təhlili, texnologiyanın cinayət araşdırmalarında rolu, eləcə də müasir istintaq prosesində qarşıya çıxan praktiki problemlər müzakirə edilmişdir. Həmçinin rəqəmsal alətlərdən istifadənin istintaqın effektivliyinə təsiri və bu sahədə beynəlxalq təcrübə nəzərdən keçirilmişdir. Tədbir interaktiv formada keçirilmiş, məruzəçi tələbələri maraqlandıran sualları cavablandırmış və onların gələcəkdə peşakar hüquqşünaslar kimi formalaşmasında öz dəyərli və səmimi tövsiyələrini vermişdir.

07/05/2026

6 may 2026-cı il tarixində Bakı Dövlət Universitetinin Cinayət hüququ və Kriminologiya kafedrasının nəzdində fəaliyyət göstərən Cinayət Hüququ Klubunun bir qrup üzvü Bakı Ağır Cinayətlər Məhkəməsində bir neçə məhkəmə iclasında iştirak etmişdir.

Tələbələr məhkəmə mühitini yaxından müşahidə etmək imkanı qazanmış, cinayət prosesinin gedişi, tərəflərin çıxışları, sübutların araşdırılması və məhkəmə etikası ilə bağlı yaxından tanış olmuşlar. Ümid edirik ki, Hüquq fakültəsi tələbələrinin cinayət işləri üzrə məhkəmə proseslərində iştirakı onların nəzəri biliklərinin praktiki müstəvidə möhkəmlənməsinə və peşəkar inkişaflarına kömək edəcək. ⚖️🤎

02/05/2026

Azərbaycan Respublikası Ədliyyə Nazirliyinin təşkilatçılığı ilə Bakı Dövlət Univetsiteti Hüquq fakültəsinin Cinayət Hüququ Klubunun (CLC) bir qrup üzvü və Cinayət hüququ və kriminologiya kafedrasının müəllimi Jalə Qənbərova Nazirliyin Probasiya Xidmətində olublar.
Görüş zamanı Xidmət əməkdaşları tərəfindən tələbələrə probasiya nəzarətinin mahiyyəti, məhkumların islah edilməsində bu sistemin rolu və tətbiq olunan müasir nəzarət mexanizmləri barədə geniş məlumat verilib.
Probasiya Xidmətinin rəhbəri Vüqar Ağayev və xidmətin məsul əməkdaşları cinayətkarlığın qarşısının alınması istiqamətində tələbələri maraqlandıran suallara cavab veriblər.
Təcrübə mübadiləsi üçün yaradılan şəraitə və göstərilən diqqətə görə Ədliyyə Nazirliyinin rəhbərliyinə və Probasiya Xidmətinin kollektivinə dərin təşəkkürümüzü bildiririk.