Vəkillər Kollegiyasının Hüquqi Yardım Mərkəzi

24/06/2026

23/06/2026

22/06/2026

📢 ELAN!

26 İyun – Azərbaycan Respublikasının Silahlı Qüvvələri Günü münasibətilə Azərbaycan Respublikası Vəkillər Kollegiyası tərəfindən 25 iyun 2026-cı il tarixində respublika üzrə növbəti dəfə vətəndaşlar üçün pulsuz hüquqi yardım aksiyası təşkil olunacaq.

⚖️ Aksiya çərçivəsində ölkə ərazisində fəaliyyət göstərən bütün vəkil qurumlarında “Açıq qapı” günü keçiriləcək və aztəminatlı şəxslərə müxtəlif hüquqi məsələlər üzrə pulsuz hüquqi yardım göstəriləcək.

📍 Pulsuz hüquqi yardımdan yararlanmaq istəyən şəxslər yaşadıqları ərazi üzrə fəaliyyət göstərən vəkil qurumlarına müraciət edə bilərlər.

📞 Əlaqələndirici şəxs: Afət Qaziyeva – Azərbaycan Respublikası Vəkillər Kollegiyasının Hüquqi Yardım Mərkəzinin direktoru

☎️ Telefon: (012) 594 99 85
📱 Mobil: (050) 340 09 81

21/06/2026

Azərbaycan Respublikasının Dini Qurumlarla İş üzrə Dövlət Komitəsinin yaradılmasından 25 il ötür.

Dini Qurumlarla İş üzrə Dövlət Komitəsi Ümummilli Lider Heydər Əliyevin 21 iyun 2001-ci il tarixli 512 nömrəli Fərmanı ilə yaradılıb.

20/06/2026

E-huquq.az portalı əhalinin bütün təbəqələri üçün hüquqi məsələlər, məhkəmə və hüquq-mühafizə orqanlarının işi üzrə müstəqil informasiya platforması kimi fəaliyyət göstərir.

18/06/2026

18 iyun Azərbaycanda İnsan Hüquqları Günü kimi qeyd olunur

17/06/2026

Vəkillər Kollegiyası Rəyasət Heyətinin növbəti iclası keçirilib

2026-cı il iyunun 17-də Azərbaycan Respublikası Vəkillər Kollegiyasının (VK) Rəyasət Heyətinin növbəti iclası keçirilib.

İclası giriş sözü ilə açan Kollegiyanın sədri Anar Bağırov Rəyasət Heyətinin cari fəaliyyəti, son dövrdə həyata keçirilmiş tədbirlər və qarşıda duran vəzifələr barədə ətraflı məlumat verib.

Gündəliyə uyğun olaraq bəzi vəkillərin digər vəkil qurumlarına keçməsi, dövlət qulluğuna qəbul edildiyinə görə vəkillik fəaliyyətinin dayandırılması, eləcə də öz arzusu ilə vəkillik fəaliyyətinə xitam verilməsi ilə bağlı müraciətlərinə baxılıb və müvafiq qərarlar qəbul edilib.

İclasın davamında Vəkillərin İntizam Komissiyasının rəylərinə baxılıb. Rəyasət Heyətinin müvafiq qərarları ilə yol verilən intizam pozuntularına görə 1 vəkil xaric edilib, 1 vəkilə xəbərdarlıq edilib, 5 vəkil barəsində cərimə tədbiri tətbiq olunub və 2 vəkilə isə peşə fəaliyyəti zamanı qanunvericiliyin tələblərinə riayət etməsi diqqətə çatdırılıb.

Ətraflı: https://barassociation.az/news/2021