Azərbaycan Autizm Assosiasiyası/Azerbaijan Autism Association

24/04/2026

Yeni təcrübələr qazanmaq, özünü inkişaf etdirmək və eyni zamanda faydalı olmaq istəyirsən? ✨
O zaman könüllülük proqramı məhz sənin üçündür!

📌Proqramın müddəti: 3ay;
📌Proqramı uğurla və aktiv şəkildə başa vuran şəxslərə sertifikat təqdim olunacaq.

✨Bu proqramda sən:
🔹 Yeni dostlar qazanacaqsan
🔹 Bacarıqlarını inkişaf etdirəcəksən
🔹 Real təcrübə əldə edəcəksən
🔹Nəzəri bilikləri pratikada tətbiq edəcəksən
🔹Gələcək karyera üçün güclü baza yaradacaqsan
🔹 Sonda sertifikat qazanacaqsan

+olaraq real loqoped,psixoloq və duyu bütünləmə seanslarında iştirak imkanı✨

-Kimlər qatıla bilər?
👥 Hər kəs iştirak edə bilər (xüsusilə tələbələr üçün böyük fürsətdir)✨
Ünvan📍:Tiblisi prospekti 68
Yerlər məhduddur-indi müraciət et!
Vaxt itirmə, özünə investisiya et və dəyişimin bir hissəsi ol! 💫
Qeydiyyat üçün yorumlara “+” atmağınız kifayətdir✨

24/04/2026

Daha ətraflı məlumat üçün yorumlara + işarəsi atmaq kifayətdir✨

23/04/2026

Autizm fərqlilikdir,çatışmazlıq deyil💙Onları anlamağa çalış.Bir az anlayış,bir həyat dəyişə bilər.

21/04/2026

Autizmli fərdlər üçün Yaşam Lideri və İdman Mütəxəssisi Yetişdirmə Proqramı Ölkəmizdə autizm diaqnozlu uşaqların sayı artdıqca, onlara peşəkar yanaşan, həyata hazırlayan mütəxəssislərə ehtiyac da böyüyür. İlham Osmanlı tərəfindən tərtib edilmiş bu xüsusi proqram, autizmli fərdləri cəmiyyətə qazandırmaq istəyən hər kəs üçün qapılarını açır.
🎓 Kimlər İştirak Edə Bilər? İdman mütəxəssisləri və məşqçilər Psixoloqlar və sosial işçilər Reabilitasiya sahəsində çalışanlar və könüllülər 🛠 Proqramın üstünlükləri: Müddət: 4 aylıq intensiv nəzəri və praktiki təlim. Fərdi yanaşma: Hər bir iştirakçı ilə tək-tək keçirilən dərslər. Kompetensiyalar: İdman bacarıqları, davranış korreksiyası, psixoloji yanaşma və özünəxidmət vərdişlərinin öyrədilməsi. Nəticə: Proqramı bitirənlərə Diplom təqdim olunur.
🏃 Niyə Yaşam Lideri? Yaşam lideri uşağı sadəcə öyrətmir, onu addım-addım həyata hazırlayır, kriz anlarını idarə edir və ailənin ən böyük dəstəkçisinə çevrilir.
Qeydiyyat üçün tələsin!
📞 +994 77 742 00 75 📸 Instagram:

15/04/2026

Azərbaycan Autizm Assosiasiyası üzvlərinin növbəti toplantısı keçirildi.

Görüş zamanı illik təqvim planına uyğun olaraq qarşıda duran məsələlər geniş müzakirə olundu. Həmçinin 2 may 2026-cı il tarixində keçiriləcək Autizm Festivalı ilə bağlı təşkilat komitəsi yaradıldı.

Toplantıda festivalın məqsəd və vəzifələri müəyyənləşdirildi, təşkilati məsələlər ətrafında fikir mübadiləsi aparıldı və müvafiq qərarlar qəbul olundu.

Autizm sahəsində görülən işlərin daha da gücləndirilməsi istiqamətində fəaliyyətlər davam edir.

13/04/2026

Azərbaycan Autizm Assosiasiyasında
11 aprel tarixində psixoloq və loqoped ixtisası üzrə təhsil alan tələbə könüllülərlə ilk görüş keçirilmişdir.

12/04/2026

Gənclər və İdman Nazirliyinin dəstəyi ilə
Vl Autizm festivalına qeydiyyat başladı
2 May
Fəvvarələr meydanı
11:00-18:00
Təşkilatçı: Azərbaycan Autizm Assosiasiyası & Azfest Group

12/04/2026

Azərbaycan Kubokunun yarımfinalında “Qarabağ”–“Sabah” oyunu öncəsi Autizm Maarifləndirmə Günü münasibətilə sosial aksiya keçirildi. “Qarabağ” FK və Azərbaycan Autizm Assosiasiyasının təşkilatçılığı, ABB və Liv Bona Dea-nın dəstəyi ilə autizmli uşaqlara diqqət yönəldildi. Məqsəd cəmiyyətdə anlayış, hörmət və inklüzivliyi təşviq etmək idi. Autizmin fərqlilik olduğu vurğulandı, tribunalardan gələn alqışlar isə həmrəylik və dəstəyin rəmzinə çevrildi.

Autizmin Fərqindəyik Onların Yanındayıq .

10/04/2026

Daşkənt şəhərində Türk Dövlətləri Autizm Federasiyasının növbəti beynəlxalq tədbiri keçirildi

8 aprel 2026-cı il tarixində Özbəkistan Respublikasının Daşkənt şəhərində Türk Dövlətləri Autizm Federasiyasının növbəti beynəlxalq tədbiri keçirilmişdir. Tədbirdə Türk Dövlətlərinə üzv ölkələrin autizm üzrə fəaliyyət göstərən təşkilatlarının nümayəndələri və Azərbaycan nümayəndə heyəti iştirak etmişdir.

Azərbaycanı tədbirdə Azərbaycan Respublikası Milli Məclisinin deputatı, Türk Dövlətləri Autizm Federasiyasının fəxri prezidenti Vüqar İskəndərov, Türk Dövlətləri Autizm Federasiyasının prezidenti Elnur Məmmədli, eləcə də Assosiasiyanın üzvləri təmsil etmişlər.

Görüş zamanı autizm spektr pozuntusu olan şəxslərin sosial inteqrasiyasının gücləndirilməsi, birgə layihələrin həyata keçirilməsi, regional əməkdaşlığın genişləndirilməsi, idman yarışlarının təşkili, təlim proqramlarının hazırlanması və maarifləndirmə tədbirlərinin keçirilməsi istiqamətində mühüm qərarlar qəbul edilmişdir.
Qeyd olunmuşdur ki, Türk Dövlətləri Autizm Federasiyası çərçivəsində bu cür beynəlxalq platformalar regionda autizm sahəsində vahid yanaşmanın formalaşdırılmasına, elmi-praktiki əməkdaşlığın gücləndirilməsinə və ailələr üçün daha əlçatan xidmətlərin yaradılmasına mühüm töhfə verir.

02/04/2026