Güclü Ol

Bu platforma kim üçündür?

ölkəmizdə bilavasitə gənclərin şəxsi inkişafına həsr edilən ilk milli platformadır. Bu platforma onların sosial həyatda üzləşdiyi çətinliklərin öhdəsindən gəlmələri, karyeralarını düzgün seçmələri, eləcə də öz ideyalarını, şəxsi bacarıqlarını paylaşa bilmələri üçün imkanlar təqdim edir. Proqram aşağıdakı fəaliyyətləri nəzərdə tutur:

1. Yeniyetmə və gənclər üçün

ölkəmizin müxtəlif regionlarında onların yaradıcı özünüifadə bacarıqlarını, müxtəlif mövzulara baxış perspektivlərini inkişaf etdirmək və cəmiyyətə fayda verə bilmələrinə vasitəçi olmaq məqsədilə təlimlərin, görüşlərin və düşərgələrin təşkili.
2. Gənc qızlar və oğlanların iştirakı ilə şəxsi həyat hekayələri və müxtəlif mövzulara əsaslanan məqalələrin, podkastların və video materialların hazırlanması və interaktivliyi təmin etmək məqsədi ilə platformada yerləşdirilməsi.
3. Qızlar və oğlanlar üçün mütəxəssislər tərəfindən onlayn məsləhətlərin verilməsini və dəstəyin əlçatanlığını təmin etmək
4. Bir çox “bağlı” və ya “ailədaxili” hesab edilən mövzulara toxunaraq, onlar barədə cəmiyyətimizdə düşüncə tərzini müsbət istiqamətdə dəyişmək.
5. Gənclərin qazandıqları bilik və bacarıqları icmalarındakı həmyaşıdları və digər insanlarla bölüşə bilməsi üçün imkanlar yaratmaq. Biz hansı mövzuları nəzərdə tuturuq?
- qızların və oğlanların sosial statusu
- ailədə rolu
- müstəqil qərarvermə bacarıqları
- həyat mahiyyətli seçimlərin mövcudluğu
- qızların arzuları, məqsədləri, yaşamaq istədikləri həyat üçün dəstəyin olub-olmaması
- təhsilin əlçatanlığı
- səhiyyə xidmətlərinin əlçatanlığı
- psixoloji dəstəyin mövcudluğu
- dəstək üçün müraciət etmə mümkünlüyüynün vacibliyi

Bizim dəyərlər

- İnsan hüquqları - biz bütün insanların dəyərli bir varlığın olmasına inanırıq və hamı üçün cəmiyyətdə bərabər imkanların yaradılmasını dəstəkləyirik.
- Qızların və qadınların gücləndirilməsi - bu ədalətli, inklüziv, firavan və sülhsevər bir cəmiyyətin qurulmasında dəstək verən mühum amildir.
- Azərbaycan dili - əhatəli və səmərəli olmaq məqsədilə ana dilimizdə ünsiyyətin qurulması imkanlarının genişləndirilməsi.
- Yerli mütəxəssislərin iştirakı - milli səviyyədə səmərəli işin görülməsi yerli şəraiti bilən və mədəni amillərə hörmətlə yanaşan insanların dəstəyi fəaliyyətlərin həyata keçirilməsi.
- Əməkdaşlıq və ünsiyyət – platformanın istifadəşiləri üçün səmərəli işin təşkili üçün bütün aidiyyatı qurumlar, vasitəçilər və partnyorlarla birgə işin qurulması.
- Dövlətin siyasətinin dəstəkləməsi və əlaqəli işlərin yerinə yetirilməsi - dövlətimizin uşaqların və qadınların hüquqlarının qorunması sahəsində həyata keçirdiyi fəaliyyətlərə uyğun işlərin görülməsi
- Dayanıqlığın təminatı- Layihə müddəti başa çatdığı dövrdən sonra da platformasının aktivliyini təmin etmək və bu platformanın məhz gənclərin özləi tərəfindən funksional şəkildə idarə olunmasına nail olmaq.