Gamepons, 29 Mehdi Mehdizadə küç, Baku (2026)

15/04/2026

🎮 Yerli oyun studiyaları üçün “Digital Dragons 2026” tədbirinə açıq çağırış elan olunub!

🔥 İRİA və “Xsolla”nın birgə tərəfdaşlığı ilə Azərbaycan oyun studiyaları Polşanın Krakov şəhərində keçiriləcək nüfuzlu “Digital Dragons 2026” tədbirində iştirak etmək imkanı əldə edəcək.

💡 Seçiləcək 4 yerli studiya 17–19 may tarixlərində qlobal oyun sənayesinin aparıcı nümayəndələri, nəşriyyatçıları və investorları ilə birbaşa görüşlər keçirə, həmçinin öz layihələrini beynəlxalq səviyyədə təqdim edə biləcək.

💼 Qalib studiyalar üçün aşağıdakı imkanlar təmin olunur:
✈️ Bakı — Polşa istiqamətində gediş-gəliş aviabiletləri və transfer
🏨 Hər studiyanın 2 nümayəndəsi üçün 3 gecəlik ödənişli yerləşmə
🎟️ Tədbirə giriş biletləri və B2B görüş sisteminə çıxış imkanı
💡 Oyun layihələrinin qlobal təqdimatı üçün peşəkar mentor dəstəyi

🤝 Bu təşəbbüs yerli oyun studiyalarının beynəlxalq bazara çıxışını dəstəkləmək, yeni tərəfdaşlıqlar qurmaq və Azərbaycan oyun sənayesinin qlobal səviyyədə tanıdılmasına töhfə vermək məqsədi daşıyır.

📌 İştirak ödənişsizdir, lakin qeydiyyat mütləqdir. Ətraflı məlumat və müraciət üçün bio-da yerləşən linkdən istifadə edə bilərsiniz.

📅 Son müraciət tarixi: 15 aprel, saat 23:59

14/04/2026

🎮 “Unreal Engine”-də “World Building”

Əksər “developer”lər “Landscape” quranda performansı itirir. “Foliage” əlavə etdikcə səhnə ağırlaşır, “lighting” düzəldəndə isə ya vizual keyfiyyət aşağı düşür, ya da “FPS” ciddi şəkildə azalır.

Problem alətlərdə deyil. Problem bu sistemlərin necə işlədiyini düzgün bilməməkdədir.

Bu onlayn sessiyada “Unreal Engine”də böyük və optimallaşdırılmış dünyaların necə qurulduğunu konkret və praktik yanaşma ilə izah edəcəyik. Bu, nəzəri “overview” deyil. Real istifadə olunan “workflow” və qərar məntiqi üzərindən danışılacaq.

💬 Sessiyada müzakirə olunacaq:
“Landscape” sistemi ilə düzgün quruluşun necə verilməsi
“Foliage” istifadə edərkən performansın necə qorunması
“Lighting” və atmosferin texniki baxımdan düzgün qurulması
“Nanite” və “material”ların effektiv istifadəsi
“Level Streaming” və “World Partition” sistemlərinin real fərqləri
Real layihələrdə istifadə olunan optimizasiya yanaşmaları

🧠 Sessiyadan sonra “world building”ə yanaşman dəyişəcək. Sən nə etdiyini anlayaraq edəcəksən və nəticəni idarə edə biləcəksən.

📍 Link: meet.google.com/fwo-tzco-yrj
📅 Tarix: 18 aprel 2026
🕒 Saat: 18:00 (UTC+4)

📌 İştirak sərbəstdir. Link bio-da.

GameDevelopment

12/04/2026

“OYU GameDev Program” üzrə infosessiya

Odlar Yurdu Universitetində “Xsolla”, İnnovasiya və Rəqəmsal İnkişaf Agentliyi, “IGDA Azerbaijan” və “Nomadman Studio”nun birgə təşəbbüsü ilə təşkil olunan “OYU GameDev Program”nın infosessiyası keçirildi.

İnfosessiya zamanı tələbələrə proqramın məqsədi, strukturu və təqdim etdiyi imkanlar barədə ətraflı məlumat verildi. İştirakçılara 6 həftəlik tədris planı, təlim istiqamətləri və proqramın yekun mərhələsi olan “Bootcamp” oyun hakatonu haqqında geniş təqdimat olundu.

Görüşdə bildirildi ki, “Game Design”, “Game Art” və “Game Development” istiqamətləri üzrə praktiki biliklərin inkişafına yönəlmiş bu proqram 18 təlim sessiyası və “game jam”i əhatə edir. Təlimlərin hibrid formatda, yəni həm əyani, həm də onlayn şəkildə təşkil olunacağı qeyd edildi.

İnfosessiya çərçivəsində iştirakçılar qarşıdan gələn 3 günlük “Bootcamp” oyun hakatonu mərhələsi barədə də məlumatlandırıldılar. Qeyd olundu ki, proqramın yekununda komandalar real oyun prototipləri hazırlayaraq təqdim edəcək və ən yaxşı nəticə göstərən komandalar üçün ümumilikdə 16,000 ABŞ dolları dəyərində mükafat fondu nəzərdə tutulub.

Tədbir zamanı tələbələrin sualları cavablandırıldı və proqramda iştirak şərtləri izah olundu.

11/04/2026

“GameDev Bonfire Vol.4” Bakıda oyun tərtibatçılatı ilə növbəti görüş nöqtəsinə çevrildi

9 aprel 2026 tarixində “GameDev Bonfire Vol.4” tədbiri oyun sənayesinə maraq göstərən iştirakçıları bir araya gətirdi. Tədbir “Gamepons” və “Xsolla”nın birgə təşkilatçılığı, İRİA-nın dəstəyi ilə həyata keçirildi.

Görüş müxtəlif profillərdən olan iştirakçıları, yəni oyun tərtibatçılarını, dizaynerləri, proqramçıları, rəssamları və bu sahəyə yeni qoşulanları eyni platformada birləşdirdi. Tədbir həm şəbəkələşmə, həm də bilik və təcrübə mübadiləsi üçün açıq mühit yaratdı.

Proqram çərçivəsində yerli oyun studiyaları üzərində çalışdıqları layihələri və yaxın dövr üçün planlarını təqdim etdilər. Bununla yanaşı, “Xsolla” tərəfindən yerli tərtibatçılar üçün nəzərdə tutulmuş yeni təşəbbüslər, universitetlərdə planlaşdırılan “GameDev Bootcamp”ları, eləcə də qarşıdan gələn game jam-lar və praktiki təcrübə imkanları iştirakçılara təqdim olundu.

Tədbirdə həmçinin “Turkic Game Jam 2026” və “GameSummit 2026” kimi regional və beynəlxalq təşəbbüslər də diqqət mərkəzində oldu.

“GameDev Bonfire” platforması yerli oyun icmasının inkişafına töhfə vermək, sahə üzrə peşəkarları və yeni başlayanları bir araya gətirmək, eləcə də əməkdaşlıq imkanlarını genişləndirmək məqsədini daşıyır.

Tədbir açıq və ödənişsiz şəkildə keçirildi. Gələn “GameDev Bonfire”a hər birinizi gözləyirik!

09/04/2026

🎨 “Senior 2D” Artist axtarılır

Yeni iş vakansiya var: “Lilitopia” komandası təcrübəli “Senior 2D Artist” axtarır.

“Lilitopia”, 0–8 yaşlı uşaqlar üçün nəzərdə tutulmuş oyunlar, animasiyalar və kitablar üzərində işləyən bir layihədir. Komanda Azərbaycandan çıxıb qlobal uğur qazanmış layihələr üzərində çalışmış insanlardan ibarətdir.

💻 “Senior 2D Artist”

Bu rolda sizdən gözlənilənlər:
• Layihələr üzrə vizual stilin formalaşdırılması və eyni xəttdə saxlanması
• Animasiya üçün “character”, “environment” və obyekt dizaynlarının hazırlanması
• Animasiya üçün hazır “asset”lərin hazırlanması (“turnaround”, “expression set”ləri və s.)
• Uşaq kitabları üçün illüstrasiyalar üzərində işləmək (“print” və “digital”)
• Oyun komandası ilə birlikdə “asset”lər hazırlamaq (“sprite sheet” və s.)
• Mövcud işlərə baxıb düzəlişlər etmək, keyfiyyəti yaxşılaşdırmaq

Tələblər:
• 5+ il 2D illüstrasiya təcrübəsi
• Güclü portfolyo (stil baxımından ardıcıllıq vacibdir)
• Kompozisiya, rəng və vizual balans üzrə yaxşı anlayış
• Müxtəlif formatlarda işləmək təcrübəsi (video, oyun, çap)
• Uşaq kontenti ilə işləmisinizsə, bu plus sayılır

📍 İş rejimi: Full-time
🌍 Remote mümkündür (ofisə üstünlük verilir)

📩 Müraciət: Ətraflı tələblər və müraciət üçün bütün məlumatlar telegram kanalımızda paylaşıldı.

08/04/2026

🎮 OYU GAMEDEV PROGRAM — İnfosessiya

“Xsolla” və İnnovasiya və Rəqəmsal İnkişaf Agentliyinin dəstəyi, “IGDA Azerbaijan” və “Nomadman Studio”-nun təşkilatçılığı ilə keçiriləcək 6 həftəlik pulsuz oyun tərtibatı “bootcamp”ı proqramı haqqında bütün suallarınıza cavab tapacağınız infosessiyaya dəvət edirik!

- Proqramın strukturu və formatı ilə tanışlıq
- “Game Design”, “Game Art” və “Game Development” istiqamətləri haqqında ətraflı məlumat
- 3 günlük “BOOTCAMP” oyun hakatonu və 16,000 $ mükafat fondu haqqında izahat
- İştirak şərtləri və tez-tez verilən suallara cavablar
- Təşkilatçılarla canlı ünsiyyət imkanı

⚠️ Qeyd: Proqramda iştirak yalnız Odlar Yurdu Universiteti tələbələri üçündür.

📅 Tarix: 10 aprel 2026, 11:00
📍 Yer: Odlar Yurdu Universiteti, Tədbir Zalı

06/04/2026

🎮 Hobbini peşəyə çevir! 6 həftəyə öyrən, oyun yarat, mükafat qazan!

🤝 “Xsolla”, İnnovasiya və Rəqəmsal İnkişaf Agentliyi, “IGDA Azerbaijan” və yerli oyun studiyası “Nomadman Studio”-nun birgə təşəbbüsü ilə Odlar Yurdu Universitetində 6 həftəlik oyun tərtibatı “OYU GAMEDEV PROGRAM”i keçiriləcək. Proqram 18 təlim və “BOOTCAMP” oyun hakatonundan ibarətdir.

📅 İştirakı ödənişsiz olan bu proqram aprel-may aylarını əhatə edir. Təlim günlərinin bir hissəsi şənbə günləri universitetdə, bəziləri isə tələbələrin əsas dərslərini qaçırmaması üçün onlayn formatda keçiriləcək. Dərs saatlarına düşən təlimlər üçün tələbələrə qayıb almamaq imkanı yaradılacaq. Proqram boyunca davamiyyət izləniləcək.

🗂️ Təlimlər aşağıdakı üç istiqaməti əhatə edir:

- “Game Design” — oyun mexanikaları, oyun ideyası quruculuğu və “gameplay”
- “Game Art” — “3D modelling” və vizual dizayn
- “Game Development” — “Unity” və “Unreal Engine” mühərriklərində oyun proqramlaşdırması

🏆 Proqramın yekunu olaraq, 26–28 may tarixlərində, 3 günlük “BOOTCAMP” keçiriləcək. İştirakçılar komandalar şəklində real oyun prototipi hazırlayıb təqdim edəcəklər. Hakaton zamanı ən yüksək göstəriciləri olan komandalar arasında ümumilikdə 16,000 ABŞ dolları dəyərində mükafat bölüşdürüləcək.

📜 Proqramı tamamlayan bütün iştirakçılara universitetin və təşkilatçıların imzasını daşıyan rəsmi sertifikat təqdim olunacaq. Oyun sənayesində karyeranıza başlamaq istədiyiniz zaman bu sertifikat əlinizdə ciddi bir üstünlük olacaq.

Qeyd: Proqramda iştirak sadəcə Odlar Yurdu Universitetinin tələbələri üçündür.

👇 Oyun sənayesinə ilk addımını atmaq istəyən tələbələri bu proqrama dəvət edirik. Qeydiyyat üçün bio-dakı linkə müraciət edə bilərsiniz.

28/02/2026

🎮 “Unreal Authorized Instructor” Necə Olunur?

Oyun sənayesində peşəkar inkişaf və beynəlxalq səviyyədə tanınmaq istəyənlər üçün “Epic Games” tərəfindən təqdim olunan “Unreal Authorized Instructor” statusu böyük üstünlüklər yaradır. Bu status həm texniki biliklərinizi təsdiqləyir, həm də sizi rəsmi şəkildə “Unreal Engine” üzrə təlimçi kimi tanıdır.

👩‍🏫 Azərbaycanda ilk “Unreal Authorized Instructor” titulu əldə edən Aydan Alıyeva bu təlimdə sertifikasiya prosesinin mərhələlərini, tələb olunan bacarıqları və müraciət zamanı diqqət edilməli məqamları ətraflı şəkildə izah edəcək.

💬 Təlimdə müzakirə olunacaq:
– “Unreal Authorized Instructor” proqramının tələbləri
– Texniki və pedaqoji bacarıqların hazırlanması
– Portfolionun və təcrübənin düzgün təqdim edilməsi
– Müraciət və qiymətləndirmə prosesi
– Real təcrübə və şəxsi tövsiyələr

🧠 Təlim interaktiv formatda keçiriləcək, iştirakçılar sertifikasiya ilə bağlı suallarını birbaşa ünvanlaya biləcəklər.

📍 Format: Onlayn
📅 Tarix: 6 mart 2026
🕒 Saat: 12:00 (UTC+4)

📌 İştirak sərbəstdir. Link bio-da.

27/02/2026

🎯 “Game Development” sahəsində karyeranızı qurmaq üçün fürsət

Aktiv inkişaf mərhələsində olan yerli oyun studiyasında 4 istiqamət üzrə “junior” mütəxəssislər axtarır. Əgər oyun sənayesinə ciddi addım atmaq istəyirsinizsə, bu elan sizin üçündür.

💻 “Junior Unity Developer” — 7 yer
Unity (C #) ilə prototipləşdirmə, asset inteqrasiyası, UI/UX qurulması və “bug fix”. OOP və dizayn patternlərini başa düşən, “deadline” şəraitində praktik həllər tətbiq edə bilən namizədlər axtarılır. 1–2 pet-layihə və ya “Game Jam” iştirakı ciddi üstünlükdür.

🎨 “Junior Technical Artist” — 2 yer
“Asset import” və sazlama, işıqlandırma, VFX effektlər (partlayış, toz, atış) və performans optimizasiyası. “Blender” və ya “Maya” ilə iş təcrübəsi, “draw call” və poliqon anlayışı olan namizədlər üstünlüklüdür.

🕹 “Junior Game Designer”
7 fərqli prototip üçün “Core Gameplay Loop” dizaynı, “One-Pager” sənədləşmə, “level design” və balans işi. Müxtəlif janrları mexanikalarına görə analiz edə bilmək, “Unity” ilə iş təcrübəsi vacib tələblər sırasındadır.

📋 “Junior Product Manager”
“Sprint” planlaması, “scope” idarəetməsi, rəqib analizi və investor materiallarının hazırlanması. “Retention”, “CPI”, “LTV” metrikləri üzrə baza bilik və güclü təşkilatçılıq bacarığı axtarılır.

💼 İş şərtləri:
Birinci ay sınaq müddətidir. Uğurlu keçirilməsi halında maaş intervyu nəticəsinə əsasən təyin olunur.

Portfolio və real layihə nümunələri bütün vəzifələr üçün üstünlük sayılır.

📲 Ətraflı tələblər və müraciət üçün məlumatlar telegram kanalımızda paylaşıldı.

vakansiya

20/02/2026

🎮 YERLİ OYUN STEAM NEXT FEST-DƏ

🚨 Yerli “indie” studiyamız “Legions Studio” tərəfindən hazırlanan “Don’t Panic Together” oyunu “Steam Next Fest 2026” çərçivəsində demo versiya ilə təqdim olundu.

🌲 “Don’t Panic Together” oyunçunu gecə vaxtı meşədə baş verən sirli hadisələri araşdıran polis qrupunun üzvü kimi təhlükəli bir mühitə salır. Bu oyunda əsas risk təkcə naməlum varlıqlar deyil, eyni zamanda panika, qorxu və oyunçunun real səsidir. Oyunun əsas fərqi isə səs mexanikasıdır. Oyunçunun real həyatda çıxardığı səslər oyunda eşidilir və birbaşa risk yaradır. Panika, ani reaksiya və yüksək səs oyunda təhlükəni yaxınlaşdırır.

🕹 Festival müddətində oyunu oynaya, sınaqdan keçirə və “Steam” üzərindən “wishlist”-ə əlavə edə bilərsiniz.

🏆 “Legions Studio” “Gamepons” oyun inkubasiyası proqramında yetişən studiyalardan biridir və bu uğur təkcə bir komandanın deyil, ölkə oyun ekosisteminin irəliləyişinin göstəricisidir. Yerli “indie” studiyaların beynəlxalq platformalarda öz məhsullarını təqdim etməsi Azərbaycan oyun sənayesinin dünya ilə eyni addımlarla inkişaf etdiyini bir daha ortaya qoyur.

💡”Gamepons” olaraq bu yolda addım atan hər bir komandanın yanında olmaqdan və onların uğurlarını sizinlə paylaşmaqdan məmnunuq.

https://store.steampowered.com/app/4359800/Dont_Panic_Together/

17/02/2026

🎮 YERLİ OYUN STEAM NEXT FEST-DƏ

🚀 Yerli “indie” studiyamız “DarkNight Studio” tərəfindən hazırlanan “JUPITER” oyunu “Steam Next Fest 2026” çərçivəsində demo versiya ilə paylaşılacaq.

🪐 “JUPITER” oyunçunu naməlum və təhlükəli bir planetdə sağ qalmağa çalışır. Burada təkcə ətraf mühit deyil, verilən hər qərar həyati əhəmiyyət daşıyır. Tək oynayarkən bütün məsuliyyət sənin üzərindədir, komanda ilə oynayanda isə ən kiçik koordinasiya səhvi belə bütün qrupu riskə atır. Oyun boyunca resursların məhdudluğu, ətraf mühitin yaratdığı təzyiq və zamanla artan təhlükə hissi gərginliyi daim yüksək saxlayır.

🕹 Festival müddətində oyunu oynaya, sınaqdan keçirə və “Steam” üzərindən “wishlist”-ə əlavə edə bilərsiniz.

🏆 Qürurla qeyd edirik ki, “DarkNight Studio” “Gamepons Compass III” oyun inkubasiyası proqramının məzunudur. Yerli “indie” studiyamızın beynəlxalq platformada yer alması Azərbaycan oyun sənayesinin inkişafı üçün mühüm addımdır.

💡 “Gamepons” olaraq yerli oyunların inkişafını dəstəkləməkdən və bu cür uğurları paylaşmaqdan qürur duyuruq.

12/02/2026

🎮 “Steam” Platformasında Oyun Marketinqi

Oyun studiolarının “Steam” kimi rəqabətli platformalarda uğur qazanması üçün məlumat analitikası və düzgün marketinq strategiyası həyati əhəmiyyət daşıyır. “Datahumble” platforması oyun tərtibatçılarına məlumat əsaslı qərarlar qəbul etmək və öz oyunlarını daha effektiv şəkildə tanıtmaq imkanı yaradır.

👨‍💻 “Datahumble” platformasının “Head of Product & Operations” vəzifəsində çalışan Sefercan Apaydın bu təlimdə “Steam” ekosistemində oyun marketinqinin necə qurulmalı olduğunu və “Datahumble” platformasının bu prosesdə necə dəstək göstərdiyini praktiki nümunələr əsasında izah edəcək.

💬 Təlimdə müzakirə olunacaq:
– “Steam” platformasının əsas xüsusiyyətləri və imkanları
– “Datahumble” vasitəsilə bazar trendlərinin izlənilməsi və rəqib analizi
– Məlumat əsaslı qiymətləndirmə və lansmanın planlaşdırılması
– Oyunun görünürlüyünü artırmaq üçün məlumat analitikasından istifadə
– Uğurlu nümunələr və tətbiq edilə bilən strategiyalar

🧠 Təlim interaktiv formatda keçiriləcək, iştirakçılar öz layihələri ilə bağlı konkret suallar verə biləcəklər.

📍 Format: Onlayn
📅 Tarix: 13 fevral 2026
🕒 Saat: 11:00 (UTC+4)

📌 İştirak sərbəstdir. Linki bio-da.

Gamepons

15/04/2026

14/04/2026

12/04/2026

11/04/2026

09/04/2026

08/04/2026

06/04/2026

28/02/2026

27/02/2026

20/02/2026

17/02/2026

12/02/2026

Address

Telephone

Website

Alerts

Contact The Organization

Shortcuts

Share

Category