Azərbaycan Özəl Təhsil Müəssisələri Assosiasiyası

10/07/2025

İyulun 10-da ADA Universitetində "Sertifikatlaşdırma 2025: peşəkar müəllim - keyfiyyətli təhsil" adlı tədbir keçirilib.  

Tədbirdə cari ildə keçirilən sertifikatlaşdırma prosesində yüksək nəticə göstərən təhsilverənlər və digər qonaqlar da iştirak ediblər. Tədbirdə Azərbaycan Özəl Təhsil Müəssisələri Assosiasiyasının sədri Heydər Eminli də iştirak edib.

Sertifikatlaşdırma prosesinə dair geniş təqdimatla çıxış edən elm və təhsil naziri Emin Əmrullayev bildirib ki, sertifikatlaşdırmanın məqsədi müəllimlərin bilik və bacarıqlarını obyektiv qiymətləndirərək təhsildə keyfiyyəti artırmaqdır. Bu prosesin nəticələri peşəkar müəllim bazasını daha aydın görməyə imkan verir.
 
2022–2025-ci illər üzrə təşkil olunmuş imtahanlarda 80 mindən çox müəllimin iştirak etdiyini vurğulayan Emin Əmrullayev deyib ki, 2026-cı ilin sonunadək bütün müəllimlər bu prosesdən keçmiş olacaqlar. Çıxışında sertifikatlaşdırma prosesinin nəticələrinə dair bəzi statistik məlumatları da diqqətə çatdıran nazir sertifikatlaşdırma nəticələrinin müəllimlərin əməkhaqqına təsirindən də danışıb.

02/06/2025

Mayın 30-da Azərbaycan Özəl Təhsil Müəssisələri Assosiasiyasının sədri Heydər Eminli Elm və Təhsil Nazirliyi yanında İctimai Şura olaraq mərkəzləşdirilmiş şəkildə təşkil olunmuş “Məktəblilərarası Milli Hakaton”un olimpiada mərhələsini yaxından müşahidə etdi.

Qeyd edək ki, “Milli Hakaton”un olimpiada mərhələsi ölkə üzrə 12 mərkəzdə eyni vaxtda həyata keçirildi.

“Məktəblilərarası Milli Hakaton”un əsas məqsədi məktəblilər arasında rəqəmsal bacarıqların inkişafına dəstək olmaq, İT üzrə istedadlı məktəbliləri müəyyən edərək onlar üçün gələcək inkişaf imkanları yaratmaqdır.

30/05/2025

28/04/2025

2025 Məktəblərarası Minifutbol Çempionatında LANDAU School komandası əzmkarlıq və yüksək performans nümayiş etdirərək Super Liqanın Qızıl Kubokuna yiyələndi. LANDAU School komandasının şagirdi isə çempionatın "Ən Yaxşı Oyunçu" nominasiyasına layiq görüldü və xüsusi kubok və diplomla təltif edildi. LANDAU School-u Liqanın çempionu olmağı münasibəti ilə təbrik edirik.🤩

28/04/2025

2025 Məktəblərarası Minifutbol Çempionatında Zirvə Liseyinin (Zirve liseyi) komandası Super Liqanın Gümüş Kubokuna yiyələndi. Zirvə Liseyinin komandasının şagirdi isə çempionatın "Bombardir" nominasiyasına layiq görüldü və xüsusi kubok və diplomla təltif edildi. Zirvə Liseyini Liqanın finalisti olmağı münasibəti ilə təbrik edirik.🤩

27/04/2025

2025 Məktəblərarası Minifutbol Çempionatında Dünya Məktəbi (DUNYA School) Super Liqanın Bürünc Kubokuna yiyələndi. Dünya Məktəbi komandasının şagirdi isə çempionatın "Ən Yaxşı Qapıçı" nominasiyasına layiq görüldü və xüsusi kubok və diplomla təltif edildi. Qeyd edək ki, Dünya Məktəbinin komandası bu ilki Liqanın ən yaxşı top üç komandasından biri oldu.🤩

27/04/2025

2025 Məktəblərarası Minifutbol Çempionatında Kaspi Liseyinin şagirdi Super Liqanın "Nümunəvi Oyunçu" nominasiyasına layiq görüldü və xüsusi kubok və diplomla təltif edildi. Qeyd edək ki, Kaspi Liseyinin komandası bu ilki Liqanın ən yaxşı top dörd komandasından biri oldu.🤩

26/04/2025

Aprelin 22-də Azərbaycan Özəl Təhsil Müəssisələri Assosiasiyasının sədri Heydər Eminli Elm və Təhsil Nazirliyi yanında İctimai Şuranın tərkibində Azərbaycan Dövlət Pedaqoji Universitetidə tələbələrlə görüş keçirdi.

Tədbirin əsas məqsədi ali təhsil müəssisələrində tələbələrlə birbaşa dialoqun qurulması, onların təhsil prosesində daha fəal iştirakının təşviqi, tələbələrin inkişafına dəstək və təhsil mühitinə dair təkliflərin dinlənilməsi olub.

Tədbirdən əvvəl ADPU-nun rektoru professor Cəfər Cəfərov Şura üzvləri ilə görüşdü. Görüşdə ali təhsildə idarəetmə, tədrisin keyfiyyəti və tələbələrin sosial-ictimai aktivliklərinin artırılması istiqamətində aparılan işlər barədə fikir mübadiləsi aparıldı.

Daha sonra 400-ə yaxın tələbənin iştirakı ilə panel görüş keçirildi. Görüş zamanı Heydər Eminli tələbələrə yalnız akademik biliklərlə məhdudlaşmamaq və özünüifadə, liderlik, ünsiyyət və komandada işləmək kimi bacarıqların da inkişaf etdirilməsi barədə tövsiyyələrini verib.

Panel görüş tələbələrlə fəal diskussiya və qarşılıqlı fikir mübadiləsi ilə davam edib.

25/04/2025

2025 Məktəblərarası Minifutbol çempionatının Qrup oyunlarından maraqlı anlar😇

25/04/2025

III Super Liqanın Qrup Oyunlarından maraqlı anlar 😇

25/04/2025

2025 Məktəblərarası Minifutbol Çempionatının Qrup oyunlarından həyacanlı anlar🤩