AR ETN Zoologiya İnstitutunun Həmkarlar Təşkilatı

11/06/2026

15/05/2026

💡Hər ay maddi mükafat alan alimlərin sayı 500-ə qədər artırılır

2024-cü ildən etibarən həyata keçirilən və tədqiqatçıların elmi fəaliyyətinin stimullaşdırılmasına xidmət edən “Alimlərin maddi mükafatlandırılması layihəsi” 2026-cı ildə də davam etdirilir.

📊 Cari ildə layihə üzrə qiymətləndirmə mexanizmi elmmetriya sahəsində ixtisaslaşmış beynəlxalq şirkət olan “Clarivate”in mütəxəssisləri və Azərbaycan Respublikasının Əqli Mülkiyyət Agentliyi ilə əməkdaşlıq çərçivəsində təkmilləşdirilib. Yenilənmiş qaydalar Azərbaycan Respublikası Elmi Tədqiqatların Əlaqələndirilməsi Şurası tərəfindən təsdiq olunub.

✅Təkmilləşdirilmiş mexanizmə əsasən, Elm və Təhsil Nazirliyinin tabeliyində fəaliyyət göstərən elmi müəssisələrdə çalışan 500-dək tədqiqatçının hər ay 1000 manatadək məbləğdə mükafatlandırılması nəzərdə tutulur.

Yeni qaydalara əsasən, mükafatlandırılacaq tədqiqatçıların sayı artırılıb, eləcə də qiymətləndirmə meyarları genişləndirilib. Belə ki, "Scopus" və “Web of Science” bazalarında indekslənən Q1 və Q2 kateqoriyalı jurnallarla yanaşı, Q3 və Q4 kateqoriyalı jurnallarda dərc olunan elmi işlər də qiymətləndirməyə daxil edilib.

📑 Bundan əlavə, tədqiqat nəticələrinin real sektora transferinin təşviqi məqsədilə ilk dəfə olaraq patent və faydalı modellər hesablama mexanizminə bonus bal kimi əlavə olunub.

📈 Müqayisə üçün qeyd edək ki, layihənin ilk ilində 150-dək, 2025-ci ildə isə 300-dək alim bu imkandan yararlanıb.

🗓️ Təkmilləşdirilmiş qaydaların tətbiqinə 2026-cı ilin may ayından başlanılacaq. Layihənin əsas məqsədi elmi fəaliyyətin nəticəyönümlülüyünü artırmaq, tədqiqatçıların beynəlxalq elmi bazalarda fəallığını təşviq etmək və elmi nəticələrin praktik tətbiqinə dəstək verməkdir.

15/05/2026

Canlı Sistemlərin Tədqiqi İnstitutu əməkdaşları elmi nailiyyətlərinə görə mükafatlandırılıblar
Azərbaycan Respublikası Elm və Ali Təhsil üzrə Dövlət Agentliyi tərəfindən həyata keçirilən tədqiqatçıların mükafatlandırılması prosesi 2026-cı ildə də uğurla davam etdirilir. Layihənin əsas məqsədi beynəlxalq impakt faktorlu jurnallarda dərc olunan elmi məqalələrin sayının artırılması, Azərbaycan elminin beynəlxalq elmi məkanında mövqeyinin daha da gücləndirilməsi və alimlərin elmi fəaliyyətə təşviq edilməsidir.
Bu məqsədlə Agentlik tərəfindən sahə üzrə istinad indeksi göstəriciləri, Q1 və Q2 kvartilli jurnallarda dərc olunan məqalələrin sayı, elmi işlərin dünya üzrə ən çox oxunan TOP 10% siyahısında yer alması, eləcə də həmmüəllif sayı kimi mühüm meyarlar əsasında müəllif balının hesablanma qaydası hazırlanıb. Qiymətləndirmənin nəticələrinə uyğun olaraq A, B və C kateqoriyalarında yer alan tədqiqatçılara aylıq mükafatların verilməsi nəzərdə tutulur.
ARETN Canlı Sistemlərin Tədqiqi İnstitutunun əməkdaşları da əldə etdikləri elmi nailiyyətlərlə bu siyahıda yer alıblar. Beynəlxalq impakt faktorlu jurnallarda çap olunmuş elmi məqalələrinə görə institutun bir qrup əməkdaşları müxtəlif kateqoriyalar üzrə mükafatlandırılacaqlar.
“A” kateqoriyası üzrə biologiya üzrə fəlsəfə doktoru Fuad Rzayev və biologiya elmləri doktoru Natalya Sneqovaya yüksək nəticələri ilə fərqləniblər.
“B” kateqoriyası üzrə Elşad Əsgərov mükafata layiq görülüb.
“C” kateqoriyası üzrə isə biologiya elmləri doktoru Ulduz Həşimova, biologiya üzrə fəlsəfə doktoru Təvəkkül İsgəndərov, biologiya üzrə fəlsəfə doktoru Gülbəniz Qasımova, biologiya elmləri doktoru Əli Nəsirov, biologiya üzrə fəlsəfə doktoru Simuzər Məmmədova, biologiya üzrə fəlsəfə doktoru Tamara Nuruyeva və biologiya elmləri doktoru Saleh Əliyev mükafatlandırılacaq tədqiqatçılar sırasında yer alıblar.
Qeyd edək ki, bu cür təşviq mexanizmləri ölkədə elmi fəaliyyətin inkişafına, beynəlxalq elmi əməkdaşlığın genişlənməsinə və Azərbaycan alimlərinin qlobal elmi platformalarda daha fəal təmsil olunmasına mühüm töhfə verir.
https://zoologiya.az/az/news/2860

13/05/2026

08/05/2026

26/04/2026

13/03/2026

02/12/2025