Azərbaycan Tikinti İstehsalçıları Assosiasiyası

23/05/2026

23 May - Ekologiya və Təbii Sərvətlər Nazirliyi işçilərinin peşə bayramı günüdür.

Bu gün Prezident İlham Əliyevin 2007-ci il 16 may tarixli Sərəncamı ilə təsis olunub.

Məqsəd ölkədə ekologiya, ətraf mühitin mühafizəsi, hidrometeorologiya, geologiya, meşəçilik və balıqçılıq sahəsində vahid dövlət siyasətini həyata keçirməkdir.

Onlar Xəzər dənizini çirklənmədən qoruyur, meşə sahələrini bərpa edir, nadir və nəsli kəsilməkdə olan növləri mühafizə edir, ağacəkmə aksiyaları keçirir, yeni milli parklar yaradır, yaşıllaşdırma layihələri həyata keçirir, ekoturizmi inkişaf etdirir, ölkəmizin ekoloji vəziyyətinin yaxşılaşdırılması üçün çalışırlar.

Ekologiya və Təbii Sərvətlər Nazirliyi işçilərinin peşə bayramını təbrik edir, ətraf mühitin mühafizəsi və ekoloji vəziyyətin yaxşılaşdırılması istiqamətində həyata keçirdikləri önəmli fəaliyyətlərində uğurlar arzulayırıq.

21/05/2026

Xarkov şəhərinin meri İqor Terexov ATİA və KOBİA-nın birgə stendini ziyarət edib.

Ukraynalı qonağı ATİA-nın sədri Ramiz İsayev qarşılayıb. Söhbət zamanı mer Bakını çox bəyəndiyini və buradakı inkişafın onlar üçün mühüm nümunə olduğunu bildirib. Şəhərlərin təhlükəsizliyi məsələsinə də toxunan İqor Terexov Ukraynanın Xarkov şəhərinin bərpası ilə bağlı geniş müzakirə aparıb.

ATİA-nın sədri Ramiz İsayev hazırda Xarkovdakı vəziyyətlə maraqlanaraq bildirib ki, Xarkovun bərpası zamanı yalnız infrastruktur yenilənməli deyil, həm də müasir və dayanıqlı şəhər mühiti yaradılmalıdır.

Mer diqqətə çatdırıb ki, beynəlxalq tərəfdaşların dəstəyi və iştirakı ilə Xarkovun Baş planı hazırlanıb və hazırda Şimali Saltovka ərazisi üzrə pilot layihə həyata keçirilir.

21/05/2026

WUF13 – ÜN 5-Cİ GÜNÜ!

“Kiçik və orta bizneslərin dayanıqlı, inklüziv və davamlı şəhərlərin qurulmasında əsas iştirakçı kimi rolunun gücləndirilməsi” adlı sessiya keçirilib. Panel iclasda ATİA-nın sədri Ramiz İsayev də iştirak edib.

Çıxış edən KOBİA-nın İdarə Heyətinin sədri Orxan Məmmədov bildirib ki, dayanıqlı şəhərlər yalnız dövlət investisiyaları və siyasət çərçivələri hesabına qurula bilməz. Sahibkarlar, KOB-lar, startaplar, texnologiya təminatçıları, memarlar, şəhər innovatorları və infrastruktur qurucuları — onların hamısı gələcək nəsillər üçün daha “ağıllı”,daha “yaşıl” və daha inklüziv şəhərlərin yaradılmasında vacib rol oynayır. KOB-lar yalnız iqtisadi artıma və məşğulluğa töhfə vermir, həm də innovasiya, yaşıl keçid, rəqəmsallaşma, yerli xidmətlərin inkişafı və şəhər icmaları daxilində sosial inklüzivliyin gücləndirilməsində mühüm rol oynayır.

Bu cür panel müzakirələr dövlət qurumları, beynəlxalq təşkilatlar və özəl sektor arasında əməkdaşlığın gücləndirilməsinə xidmət edir!


gov.az

19/05/2026

ATİA STENDİNİN MÖTƏBƏR QONAĞI ŞAHMAR MÖVSÜMOV!

Prezidentin köməkçisi,Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov bu gün ATİA-nın stendini ziyarət edib. Qonağı ATİA-nın sədri Ramiz İsayev qarşılayıb.

Prezidentin köməkçisi, Assosiasiyanın gördüyü işlərlə yaxından tanış olaraq, gələcək fəaliyyətində uğurlar arzulayıb. ATİA-nın sədri Ramiz İsayev bildirib ki, KOBİA və ATİA-nın birgə stendində tikinti sahəsi ilə bağlı müxtəlif sahibkarların məhsulları nümayiş olunur, onların fəaliyyəti geniş şəkildə qonaqların diqqətinə çatdırılır.

Söhbət zamanı WUF13 tədbirinin ölkəmizdə keçirilməsinin önəminə toxunulub, Azərbaycanın Foruma ev sahibliyi etməsi mühüm diplomatik nailiyyət kimi dəyərləndirilib. Diqqətə çatdırılıb ki, Azərbaycan bu platforma vasitəsilə yeni tərəfdaşlar və dostlar qazanır, beynəlxalq əməkdaşlıq imkanlarını genişləndirir.

Sonda Şahmar Mövsümova ATİA adından hədiyyə təqdim olunub.


gov.az

19/05/2026

KOBİA-NIN SƏDRİ KOBİA VƏ ATİA-NIN BİRGƏ STENDİNDƏ!

WUF13-ün 3-cü günü KOBİA-nın sədri Orxan Məmmədov Kiçik və Orta Biznesin İnkişafı Agentliyi ilə Azərbaycan Tikinti İstehsalçıları Assosiasiyasının birgə stendini ziyarət edib.

Orxan Məmmədov həm ATİA-nın sədri Ramiz İsayev ilə təkbətək, həm də üzv şirkətlərin nümayəndələri ilə birgə geniş tərkibdə görüş keçirib. Beynəlxalq təcrübə, tərəfdaşlıq imkanları, qlobal trendlər, uğurlu layihələr,yeni bazarlara çıxış imkanları, WUF13-də şəhərsalma ilə bağlı yeniliklər əsas müzakirə mövzusu olub.

Sonda birgə xatirə fotoları çəkilib.


gov.az

official az

18/05/2026

WUF13-DƏ ATİA STENDİNİN NÖVBƏTİ QONAĞI İŞ XANIMI RƏNA QƏFƏROVA OLDU!

Karvan -L Group"un direktoru, "Africa Azerbaijan Cooperation" təsisçisi Rəna Qəfərovanı ATİA İdarə Heyəti Sədrinin Birinci Müavini Ramilə İsrafilbəyova qarşılayıb. Həm də ATİA-nın üzvü olan qonağa stend barədə ətraflı məlumat verilib.

Şəhərsalma, əlverişli mənzil təminatı, davamlı inkişaf, tikinti-quruculuq, birgə əməkdaşlıq məsələləri əsas müzakirə mövzusu olub.

Rəna Qəfərovaya ATİA adından hədiyyə təqdim olunub.




gov.az

18/05/2026

WUF13 RƏSMİLƏRİ BİR ARAYA GƏTİRİR!

Forum çərçivəsində ATİA-nın sədri Ramiz İsayevlə Mərkəzi Asiyanın №1 inşaat şirkəti olan “BI Group”un rəhbərliyi arasında görüş keçirilib.

İşguzar görüş çərçivəsində tikinti sahəsində tətbiq olunan yeniliklər, əməkdaşlığın genişləndirilməsi , birgə layihələrin icrası, gələcək perspektivlər müzakirə olunub.

“BI Group” beynəlxalq inkişafçı şirkətdir. Yalnız Mərkəzi Asiyada bir nömrə deyil, həm də BƏƏ və ABŞ-də də uğurla fəaliyyət göstərir.
group group.az

14/05/2026

ATİA WUF13-də SİZİNLƏ!

17-22 may tarixlərində keçiriləcək WUF13 çərçivəsində⬇️

Güvənli tikinti✔️
Çoxillik təcrübə✔️
Tam zəmanət✔️
Peşəkar işçi heyəti✔️
Keyfiyyətli məhsul ✔️
təqdim edən tərəfdaşlarımız ⬇️

CRYSTAL GROUP OF COMAPİES
UNİMETAL MMC
THERMOWOOD
İZO FASAD MMC ilə birlikdə olacağıq!

41 ölkə pavilyonunun 1-i ATİA stendi☑️



az

10/05/2026

Heydər Əliyev: "Mənim üçün öz həyatımdan, öz canımdan artıq Azərbaycanın müstəqilliyini qorumaq, onu saxlamaq, onu əbədi etməkdir"

Müstəqil, qüdrətli və güclü Azərbaycan ümummilli lider Heydər Əliyevin şah əsəridir...

İmzası müasir tariximizə qırmızı hərflərlə yazılan DAHİ...
Böyük hörmət, dərin ehtiram, sonsuz sevgi ilə anırıq!

09/05/2026

06/05/2026

IV Türk Dünyası Beynəlxalq Mühəndislik Zirvəsi başladı…
 
Açılış mərasimində Azərbaycan ilə yanaşı, Türkiyə, Qazaxıstan, Qırğızıstan, Özbəkistan, Macarıstan və Kuzey Kıbırs Türk Cümhuriyyətindən olan dövlət qurumlarının, akademik dairələrin nümayəndələri və iş adamları iştirak edirdilər.

Tədbir çərçivəsində Türkiyədən olan dövlət və iş adamları ilə yanaşı, Kiçik və Orta Biznesin İnkişafıAgentliyinin İdarə Heyətinin sədri Orxan Məmmədov, Azərbaycan Sahibkarlar Konfederasiyasının prezidenti Məmməd Musayevin də çıxışı oldu.

Ortaq mühəndislik təhsili, müdafiə sənayesi, enerji və dayanıqlılıq, zəlzələyə davamlı tikililər, kibertəhlükəsizlik və süni intellekt kimi mühüm istiqamətlər üzrə panel və sessiyalar keçirildi. Təcrübə mübadiləsi aparıldı, yeni layihələrin formalaşdırılması və institusional əməkdaşlığın genişləndirilməsi istiqamətində geniş fikir mübadiləsi həyata keçirildi.

Qeyd edək ki, Türk dünyasında mühəndislik, texnologiya və innovasiya sahələrində əməkdaşlığın gücləndirilməsi məqsədilə təşkil olunan tədbirdə mühəndislik təhsili, müdafiə sənayesi, enerji və dayanıqlılıq, kibertəhlükəsizlik və süni intellekt mövzularında panel müzakirələr aparılır , həmçinin, B2B görüşləri təşkil olunur.
 
Tədbir mayın 8-ə kimi davam edəcək.