https://www.facebook.com/104314711764291/

Qızlar oxusun, Baku (2026)

25/05/2026

Salam, mən Ədilə İmranova. ☺️

Ağcabədi rayonunun R. İbrahimov adına Nəcəfqulubəyli kənd tam orta məktəbində təhsil almışam.

Bu il 319.3 balla Qarabağ Universitetinin Coğrafiya müəllimliyi ixtisasına qəbul oldum.

“Amal” xeyriyyənin “Qızlar oxusun” layihəsi ilə müəllimim vasitəsilə tanış oldum.

Layihə boyunca həm maddi, həm də mənəvi dəstək gördüm.

Mentorlarla söhbətlər, karyera məsləhətləri, psixoloqlarla görüşlər və müəllimlərimin daim mənimlə maraqlanması bu yolda mənə böyük güc verdi.

Xüsusilə imtahan dövründə göstərilən diqqət və dəstəyi heç vaxt unutmayacağam.

Qəbul olduğum gün çox fərqli hisslər keçirdim. Həm ailəmə verdiyim sözü tutduğumu düşündüm, həm də mənə inanan müəllimlərimi xatırladım. O an özümə sadəcə bir cümlə dedim:
“Ədilə, sən bacardın.” 🤩

Gələcəkdə ölkəmə layiq bir pedaqoq olmaq, vətənpərvər uşaqların təlim-tərbiyəsində rol almaq və ölkəmin adını daim yüksəklərdə görmək istəyirəm.

Məktəbli qızlara sözüm məsləhət görürəm ki,
özünüzə inanın və böyük xəyallar qurun.

Yorulduğunuz anlarda sizə inanan insanları və öz arzularınızı xatırlayın.

22/05/2026

Salam, mən Aişə Zülfüqarova. 😊

Astara rayonunun Pensər 2 saylı liseydə təhsil almışam.

Bu il 367.5 balla Lənkəran Dövlət Universitetinin Kimya-biologiya müəllimliyi ixtisasına qəbul oldum.

“Amal” xeyriyyənin “Qızlar oxusun” layihəsi ilə bir müəllimim vasitəsilə tanış oldum.

Seçildikdən sonra layihə mənə hərtərəfli dəstək oldu xüsusilə 11-ci sinifdə həm maddi, həm də mənəvi baxımdan çox faydasını gördüm.

Universitetə qəbul olduğumu eşidəndə sevincdən çox təəssüf hissi keçirdim, çünki bu ixtisas mənim əsas istəyim deyildi. Amma buna baxmayaraq yoluma davam edirəm və hədəfimdən vaz keçmirəm.

Gələcəkdə ATU-ya daxil olub həkim olmaq istəyirəm.

Məktəbli qızlara onu deyə bilərəm ki, xüsusilə 10 və 11-ci sinifdə dərslərə ciddi yanaşın və məsuliyyətin fərqində olun.

Çünki sonradan yaranan peşmançılıq insanı çox yorur. Ona görə də çalışın, özünüz üçün ən yaxşı nəticəni əldə edin və məqsədlərinizdən vaz keçməyin. 🩷

11/05/2026

2026-2027-ci tədris ilində 10 və 11-ci sinif üzrə kənd məktəblərində (Sumqayıt və Bakı kəndləri istisna olmaqla) təhsil alacaq qızların "Amal xeyriyyə"nin “Qızlar oxusun” layihəsinin "Məktəbli qızların təhsilinə dəstək təqaüd proqramı"na qəbulunu açıq elan edirik!

Məqsədimiz maddi çatışmazlıqla üzləşən, potensialı yüksək və yalnız kənd məktəblərində təhsil alan abituriyent qızlarımız üçün təhsili əlçatan etməkdir.

Növbəti tədris ilində dəstək olmağı hədəflədiyimiz məktəbli qızlarımız üçün aşağıdakı fəaliyyətləri həyata keçirəcəyik:

Repetitor xərclərinin qarşılanması;
İxtisas seçimi ilə bağlı peşəkar dəstək;
İmtahan prosesi ilə bağlı psixoloq, mentor və karyera məsləhətçisi dəstəyi.

Müraciət üçün son tarix: 20 iyun 2026-cı il, saat 23:59

İlkin seçim mərhələsi bu qeydiyyat formasına uyğun aparılır. Formada qeyd edilən məlumatların onlayn müsahibə və ya ailə ziyarəti mərhələsində doğru olmadığı müəyyən edilərsə, proqramda iştirakınız mümkün olmayacaqdır.

Qeyd edək ki, yalnız uğurlu namizədlər növbəti seçim mərhələsi ilə bağlı iyun ayında məlumat əldə edəcəklər.

Qeydiyyat linki biodadır.

Yarıda qalmasın, qızlar oxusun! 💜

09/05/2026

Salam. Mən Aynur İsayeva 😊

Daşkəsən Qazaxyolçular tam orta məktəbində təhsil almışam.

Bu il 370.9 balla Gəncə Dövlət Universitetinin Fizika müəllimliyi ixtisasına qəbul oldum.

“Amal” xeyriyyənin “Qızlar oxusun” layihəsi ilə Nuranə xanım vasitəsilə tanış oldum.

Bu layihə mənim həyatımı dəyişdi yeni mən, yeni mühit, yeni müəllimələr və unudulmaz xatirələr qazandım. 🩷

Günlərlə səbirsizliklə gözlədiyim qəbul mesajı mənim üçün özümə verə biləcəyim ən böyük hədiyyə idi. O an sevincimdən göz yaşlarımı saxlaya bilmədim.

Gələcəkdə ən böyük hədəfim savadlı və uşaqların sevimli müəlliməsi olmaqdır.

Uşaqlıqdan heyranlıqla baxdığım müəllimlər kimi bir müəllim olmaq istəyirəm.

Məktəbli qızlara sözüm budur ki heç vaxt gözləməyin ki, kimsə gəlib sizin xəyallarınızı reallaşdıracaq.

Əslində buna gücü çatan insan elə özünüzsünüz.

Məqsəd qoyun, o məqsəd uğrunda əzmlə, həvəslə və inadla çalışın. Çünki biz qadınlar gözəl gələcəyə layiqik.

08/05/2026

Salam, mən Nəzrin Ağayeva. 😊

Şamaxı rayonunun Çarhan kənd tam orta məktəbində təhsil almışam.

Bu il 380 balla Bakı Mühəndislik Universitetinin Mühasibat ixtisasına qəbul oldum.

“Amal” xeyriyyənin “Qızlar oxusun” layihəsi ilə müəllimimin tövsiyəsi ilə tanış oldum. Bu layihə mənə həm maddi, həm də mənəvi baxımdan böyük dəstək oldu. 🩷

Universitetə qəbul olduğumu öyrənəndə çox sevindim.

Gələcəkdə universiteti əlaçı olaraq bitirib təhsilimi xaricdə davam etdirmək istəyirəm.

Məktəbli qızlara məsləhət görürəm, kiçik uğursuzluqlarda məyus olmaq əvəzinə onlardan dərs çıxarıb daha çox çalışsınlar. Çalışan hər kəs əziyyətinin bəhrəsini görür.

02/05/2026

"Amal" xeyriyyənin "Qızlar oxusun" layihəsinə dəstək ol, aylıq və illik hesabat al!

Layihəmizin əsas prinsiplərindən biri də dəstəkçilərimiz və ianə edənlər qarşısında şəffaflığı və hesabatlılığı təmin etməkdir. Buna görə abunəlik sistemi yaratdıq. 🤩

✅ Abunəlik sisteminə qoşularaq hər ay və il sonunda aşağıdakı məlumatları əldə edə bilərsiniz:

• Xərclənən məbləğlər haqqında hesabat;
• Dəstək göstərilən qızların sayı;
• Davam edən və tamamlanan aktiv layihələr.

Hesabatları imeyl və ya “WhatsApp” vasitəsilə rahatlıqla əldə edə bilərsiniz.

Abunə olmaq üçün sadəcə sosial media hesablarımıza və ya imeyl ünvanımıza yazın. Gəlin birlikdə daha çox qızın təhsilinə işıq olaq! 💜

24/04/2026

Salam, mən Duyğu Xəlilova. ☺️

Sabirabad rayonunun Hilal Ənnağıyev adına Qasımbəyli kənd tam orta məktəbində təhsil almışam.

Bu il 398 balla Lənkəran Dövlət Universitetinin Tarix-coğrafiya fakültəsinə qəbul oldum.

“Amal” xeyriyyənin “Qızlar oxusun” layihəsi ilə bir yaxınım vasitəsilə tanış oldum. Bu layihə sayəsində təhsilimə daha rahat davam etdim. Mənə göstərilən maddi və mənəvi dəstək böyük motivasiya oldu və gələcək hədəflərimə daha inamla baxmağa başladım.💖

Universitetə qəbul olduğumu eşidəndə yaşadığım hissləri sözlə ifadə etmək çətindir. İllərlə çəkdiyim zəhmətin nəticəsini görmək və mənə inananların ümidini doğrultmaq mənim üçün ən böyük xoşbəxtlik idi.

Universitetə qəbul olmaq mənim üçün yeni bir başlanğıcdır. Qarşıda daha böyük hədəflərim var: yaxşı təhsil almaq, savadlı mütəxəssis kimi yetişmək və cəmiyyətə faydalı bir insan olmaq. Bu layihə mənə göstərdi ki, insan çalışsa və inansa, arzularına çata bilər.

Məktəbli qızlara tövsiyəm budur ki, həmişə arzularını reallaşdırmaq haqqında düşünsünlər. Qarşılaşdıqları çətinliklər onları dayandırmasın, əksinə daha da gücləndirsin. Təhsil gələcəyin qapısını açan ən güclü açardır. Özünüzə inanın və çalışın.

23/04/2026

Mən Canan Nəcəfzadə.😊

Göygöldə 5 nömrəli tam orta məktəbdə təhsil almışam.

Bu il 421.4 balla Mingəçevir Dövlət Universitetinin Dil və ədəbiyyat müəllimliyi (ingilis dili və ədəbiyyatı) ixtisasına qəbul oldum.

“Amal” xeyriyyənin “Qızlar oxusun” layihəsi ilə qohumumun tövsiyəsi ilə tanış oldum.

Bu layihə mənə ilk addımlarımda həm maddi, həm də mənəvi baxımdan böyük dəstək oldu və gələcəyimi qurmaqda mühüm rol oynadı.

İmtahan nəticələrindən əvvəl çox narahat idim, çünki ballarda artım var idi və qəbul ola bilməməkdən qorxurdum.

Amma nəticələr açıqlananda sevincimin həddi-hüdudu yox idi. Üstəlik istədiyim ixtisasa qəbul olmaq bu sevinci daha da artırdı.

Gələcəkdə savadlı, öz ayaqları üzərində dura bilən və peşəkar bir kadr olmaq istəyirəm.

Eyni zamanda dəstəyə ehtiyacı olan şagirdlərə həm maddi, həm də mənəvi dəstək göstərmək istəyirəm, çünki bu yolun nə qədər çətin olduğunu özüm yaşamışam.

Məktəbli qızlara sözüm əgər “Amal” xeyriyyənin “Qızlar oxusun” layihəsinə qoşulmamısınızsa, mütləq müraciət edin. Bu layihə sizə yol göstərəcək, amma əsas məsuliyyət sizin üzərinizdədir. Oxuyun, çünki gələcəkdə öz ayaqları üzərində duran bir xanım olmaq üçün təhsil vacibdir.

Bu yolda çətinliklərlə qarşılaşacaqsınız, bəzən yıxılacaqsınız, amma yenidən qalxıb davam etməlisiniz. Çünki sizi qarşıda daha yaxşı bir gələcək gözləyir.

21/04/2026

“Qızlar dəyişiklik edir: Data analitika” proqramı davam edir

Proqram çərçivəsində Nübar Aslanlı tərəfindən Excel üzrə dərslər keçirilir.

Dərslər zamanı iştirakçılar Excel-in əsas funksiyaları, gündəlik istifadə imkanları və praktik yanaşmalarla tanış olur, biliklərini real nümunələr üzərindən tətbiq edirlər.

Bu kimi bacarıqlar qızlarımızın gələcəkdə data analitika sahəsində daha inamla irəliləməsinə və əmək bazarında daha hazırlıqlı olmasına töhfə verir.

Qızlarımızın təhsilinə verdiyi dəstəyə görə Nübar xanıma təşəkkür edirik! 💜

Qızlar oxusun

25/05/2026

22/05/2026

11/05/2026

09/05/2026

08/05/2026

02/05/2026

24/04/2026

23/04/2026

21/04/2026

Address

Website

Alerts

Contact The Organization

Shortcuts

Share

Category