SƏTƏMM Azəriqaz İB

17/10/2025

“Azəriqaz” İstehsalat Birliyinin strategiyasının tətbiq planına uyğun olaraq yeni əməliyyat modelinə keçidlə əlaqədar təlim ehtiyaclarının təmin edilməsi üçün Bakı və Naxçıvan Regioal Qaz İstismarı İdarələrinin mühəndis və fəhlə personalı üçün 7 adda vəzifə və peşələr üzrə təlimlərin keçirilməsi davam etməkdədir.
Təlin keçirilməsində verdiyi dəstəyə görə SOCAR TTSİ - Təlim, Tədris və Sertifikatlaşdırma İdarəsinin rəhbərliyinə təşəkkürümüzü bildiririk.

01/05/2025

1 May - Beynəlxalq Əmək Günüdür.

Bu münasibətlə bütün zəhmətkeş əməkdaşlarımızı təbrik edir, iş fəaliyyətlərində qəzasız iş saatları və şəxsi həyatlarında uğurlar arzulayırıq!

29/03/2025

İstehsalatda 10 gün və daha artıq iş günü olmadıqda və işə qayıtdıqdan sonra işçilər üçün bir sıra risklər yaranır. Bu risklər əsasən aşağıdakı kateqoriyalara bölünür:

- Təhlükəsizlik və qəza riski:

Uzun fasilədən sonra iş prosesinə adaptasiya çətinliyi səbəbindən diqqətsizlik və unutqanlıq arta bilər;

İş avadanlıqları və təhlükəsizlik qaydaları ilə bağlı biliklərdə zəifləmə baş verə bilər;

İş mühitində baş verən dəyişikliklərə bələd olmamaq qəza ehtimalını artırır;

Fasilədən sonra qoruyucu vasitələrin düzgün istifadəsini unutmaq mümkündür.

- Səhiyyə və sağlamlıq riskləri:

İstehsalat sahəsində fiziki işlə məşğul olan işçilər üçün əzələ zəifləməsi və koordinasiya problemi baş verə bilər;

Uzun fasilədən sonra iş yükünə öyrəşməkdə çətinlik çəkə bilərlər ki, bu da yorğunluğa və səhvlərə səbəb ola bilər;

Qaz və kimyəvi maddələrlə işləyən şəxslərdə qəfil məruz qalma hallarına qarşı immunitet zəifləyə bilər.

- Psixoloji və emosional risklər:

İşə qayıtdıqdan sonra stres və psixoloji təzyiq hiss oluna bilər;

İşçilərdə motivasiya itkisi və diqqət dağınıqlığı yarana bilər;

İşçilərin komandaya və iş mühitinə yenidən uyğunlaşması zaman tələb edə bilər;

- İstehsalatın keyfiyyət və məhsuldarlıq riski:

Fasilə səbəbindən bəzi iş proseslərində effektivlik və sürət azalır:

İşçilərin bilik və bacarıqlarında müvəqqəti eniş müşahidə edilə bilər:

Yeni qaydalar və ya texnologiyalar tətbiq edilibsə, işçilər bunlara adaptasiya olmaqda çətinlik çəkə bilərlər.

- Risklərin Azaldılması Üçün Təkliflər:

İşə qayıtdıqdan sonra təhlükəsizlik və iş prosedurları üzrə təlim keçirmək;

İşçilərin ilkin günlərdə daha yüngül işlərlə başlamasını təmin etmək;

Əlavə nəzarət və rəhbərlik tərəfindən dəstək mexanizmlərini gücləndirmək;

Psixoloji və fiziki adaptasiya üçün xüsusi tədbirlər görmək.

19/02/2025

02/02/2025

Əziz SƏTƏMM kollektivi,

Sizləri "2 Fevral Azərbaycan Gəncləri günü" münasibəti ilə təbrik edirik.
"Azəriqaz" İstehsalat Birliyi və Birliyin SƏTƏMM kollektivi ümumilikdə gənc kollektivə sahibdir (orta yaş 44) və bu dinamizm bizim uğurumuzdur.
Hər birinizə uğurlar və qəzasız istehsalat saatları arzulayırıq.

Qeyd:
Bu gün 1997-ci ildə ümummilli lider, prezident Heydər Əliyevin sərəncamı ilə təsdiq olunub.

Bu, Heydər Əliyevin gəncliyə göstərdiyi diqqət və qayğının bir nümunəsi idi. Gənclər günü MDB məkanında və Şərqi Avropa ölkələri arasında ilk dəfə olaraq Azərbaycanda qeyd olunub. 1996-cı ildən başlayaraq Azərbaycanda Gənclər günü qeyd olunandan sonra, digər MDB ölkələrində və Şərqi Avropa dövlətlərində də bu gün qeyd olunmağa başladı.

Dünyada yalnız 1998-ci il avqustun 8-dən 12-dək Lissabonda keçirilən Konfransda BMT-nin qərarı ilə avqustun 12-si gənclər günü elan edilmişdir.