25/05/2026
๐๐ฒ๐๐ณ๐น๐ฒ๐
๐ถ๐ฏ๐ถ๐น๐ถ๐๐ฎ๐ฐ๐ถ๐ผ๐ป ๐๐ฎ๐ฏ๐ผ๐ฟ๐ฎ๐น
๐๐ฌ๐ช๐ณ๐ฃ๐ช ๐ฑ๐ข: ๐๐ฐ๐ด๐ฆ (๐๐ฐ๐ฎ๐ข๐ณ) ๐๐ช๐จ๐ข๐ณ๐ฐ๐ข - ๐๐ณ๐ฆ๐ด๐ช๐ฅ๐ฆ๐ฏ๐ต๐ฆ ๐ฅ๐ช ๐๐๐.
Mientras cu na Aruba regularmente nos ta tende algun yamada pa โflexibilisaโ e mercado laboral, Hulanda na su turno ta move den e direccion contrario.
Dia 12 di mei ultimo, Tweede Kamer na Hulanda a aproba e ley nobo โWet meer zekerheid flexwerkersโ, un ley cu ta enfoca riba duna trahadornan mas siguridad laboral y mas stabilidad financiero. Esaki no ta un cambio tecnico chikito den ley, pero parti di un discusion hopi mas amplio cu Hulanda ta hibando varios aรฑa caba riba e pregunta: te unda un mercado laboral por wordo flexibilisa sin cu esaki bira daรฑino pa trahadornan, pa stabilidad social y finalmente pa e economia en general?
Despues di decadanan den cual mercadonan laboral a bin ta bira cada bes mas flexibel, ta surgi na Hulanda un consentizacion mas grandi cu un economia sano no por ta basa unicamente riba flexibilidad pa empresanan, pero tambe riba seguridad di existencia pa trahadornan.
Segun gobierno Hulandes, hopi trahador ta den un situacion unda cu nan no sa cuanto ora nan lo traha durante un luna, cuanto salario nan lo ricibi of si nan ta bai mantene nan trabao. E insiguridad aki tin consecuencianan cu ta bai hopi mas leu cu pia di trabao. Trahadornan ta pospone compra di un cas, ta evita haci compromisonan financiero grandi y ta perde confiansa den futuro. Na mes momento, e diferencia entre e trahador cu un contract fiho y esnan cu ta keda den contractnan temporal of flexibel pa aรฑanan largo, ta bira cada biaha mas grandi.
Precisamente pa e motibo ey, na Hulanda a dicidi pa interveni.
E ley nobo ta limita diferente forma di trabao flexibel cu segun e legislador Hulandes a โbai mucho leuโ. Contractnan di โcero oraโ (nul uren) lo disaparece, y na nan lugar lo bin contractnan cu un cantidad minimo garantisa di oranan di trabou. E idea ta cu un trahado mester por sa cuanto e por conta riba dje, pa asina e por plania su bida y mantene un grado basico di siguridad financiero.
Tambe lo bira mas dificil pa companianan tene trahadornan durante hopi aรฑa den contractnan temporal. Hulanda kier pone un limite mas fuerte riba e sistema di contractnan temporal repetitivo, pasobra tin e percepcion cu den hopi caso โtrabao temporalโ a bira realmente trabao permanente, pero sin e proteccionnan cu normalmente ta bai cu un funcion fiho.
Ademas, e posicion di trahadornan via agencia (โuitzendkrachtenโ) tambe lo wordo fortifica. Nan lo hanja derechonan mas liher riba condicionnan laboral, igual na esunnan di trahadornan den servicio fiho, incluyendo salario, beneficionan y otro proteccionnan laboral.
Loke ta interesante ta cu e cambionan aki no ta wordo apoya solamente door di sindicatonan. Tambe tin organisacionnan empresarial y actornan politico cu ta reconoce cu flexibilisacion extremo por tin consecuencianan negativo pa:
- productividad;
- lealtad di personal;
- poder di compra;
- stabilidad social;
- y pa economia den su totalidad.
Esaki no kiermen cu no lo tin niun tipo di flexibilidad. Tambe ta wordo reconoci cu cierto sectornan, specialmente ora di eventonan of trabao di temporada, tin nesesidad di un grado di flexibilidad. Pero e tendencia general a cambia claramente: flexibilidad no por significa cu tur riesgo ta wordo pasa riba trahador.
Esaki ta un desaroyo importante cu aki na Aruba tambe mester sigui cu atencion.
Na Aruba nos ta tende regularmente yamadanan pa haci e mercado laboral โmas flexibelโ. Hopi biaha esaki ta bai hunto cu propuesta pa menos proteccion laboral, terminacion mas facil of mas posibilidad pa trabao temporal. Pero e experiencia Hulandes ta indica hustamente cu un pais finalmente ta paga un prijs caro, ora gruponan grandi di trahador ta biba den insiguridad permanente.
Un economia fuerte no ta consisti solamente di empresanan rentable. Un economia fuerte tambe mester di trahadoran cu tin:
- siguridad financiero;
- poder di compra;
- posibilidad pa plania nan futuro;
- acceso na credito y vivienda;
- y confiansa den nan situacion laboral.
Sin e stabilidad ey, eventualmente e economia mes na su turno ta bira instabil.
E desaroyonan na Hulanda ta mustra un tendencia internacional importante: cada biaha mas pais ta buscando un balans nobo entre flexibilidad economico y proteccion social.
Esaki ta un discusion serio cu aki na Aruba tambe mester wordo teni.
