F.T.A. - Federacion di Trahadornan di Aruba

Bellen Routebeschrijving Website Contact opnemen met de organisatie

F.T.A. - Federacion di Trahadornan di Aruba Workers union

𝐑𝐞𝐩𝐫𝐞𝐬𝐚𝐲𝐚: 𝐊𝐞𝐝𝐚 𝐤𝐞𝐭𝐨 𝐨𝐟 𝐦𝐢 𝐭𝐚 𝐛𝐢𝐧 𝐩𝐚𝐛𝐨!Skirbi pa: Gillmar Werleman -Profesional den desaroyo di organisacion y maneho𝘓𝘢𝘨...
02/11/2026

𝐑𝐞𝐩𝐫𝐞𝐬𝐚𝐲𝐚: 𝐊𝐞𝐝𝐚 𝐤𝐞𝐭𝐨 𝐨𝐟 𝐦𝐢 𝐭𝐚 𝐛𝐢𝐧 𝐩𝐚𝐛𝐨!
Skirbi pa: Gillmar Werleman -Profesional den desaroyo di organisacion y maneho

𝘓𝘢𝘨𝘢 𝘯𝘰𝘴 𝘬𝘦𝘥𝘢 𝘬𝘦𝘵𝘰 𝘺 𝘩𝘢𝘤𝘪 𝘭𝘰𝘬𝘦 𝘯𝘢𝘯 𝘣𝘪𝘴𝘢 𝘯𝘰𝘴, 𝘱𝘢𝘴𝘰 𝘯𝘢 𝘦 𝘪𝘴𝘭𝘢 𝘤𝘩𝘪𝘬𝘪𝘵𝘰 𝘬𝘪, 𝘯𝘰𝘴 𝘴𝘢 𝘤𝘢𝘣𝘢 𝘤𝘰𝘯 𝘤𝘰𝘴 𝘵𝘢 𝘣𝘢𝘺.
“𝘚𝘪 𝘣𝘰 𝘯𝘰 𝘩𝘢𝘤𝘪 𝘭𝘰𝘬𝘦 𝘮𝘪 𝘣𝘪𝘴𝘢𝘣𝘰 𝘰𝘧 𝘣𝘰 𝘥𝘶𝘳𝘧 𝘥𝘪 𝘣𝘪𝘴𝘢 𝘢𝘭𝘨𝘰, 𝘔𝘐 𝘛𝘈 𝘉𝘐𝘕 𝘗𝘈𝘉𝘖”.

Represaya (represalia) ta un accion di castigo, of venganza cu un persona ta tuma contra otro persona como contesta pa un accion anterior.

𝑫𝒊𝒄𝒐𝒏 𝒏𝒂𝒏 𝒕𝒂 𝒕𝒖𝒎𝒂 𝒓𝒆𝒑𝒓𝒆𝒔𝒂𝒚𝒂 ?

Sed pa poder: Tin persona ta gusta mustra cu nan tin poder. Nan ta biba di esaki. Nan ego ta asina halto cu nan ta sinti bon di kibra otro y wanta otro abou pa asina nan keda cu e poder.
Insiguridad: Tin otro ta uza esaki, paso nan tin miedo pa nan wordo exponi ken di berdad nan ta of expone nan incompetencia nan.
Silencia bo: Otro ta silencia bo, paso bo a wak of sa di irregularidad cu ta of a tuma luga.
Envidia: Tin ta wanta bo abou mas cu e por paso si bo logra sali for di su poder, bo ta crece y logra mas cune.

𝘾𝙤𝙣 𝙚𝙨𝙖𝙠𝙞 𝙥𝙤𝙧 𝙢𝙪𝙨𝙩𝙧𝙖 𝙙𝙚𝙣 𝙚 𝙘𝙤𝙣𝙩𝙚𝙭𝙩𝙤 𝙡𝙖𝙗𝙤𝙧𝙖𝙡 ?

Den e contexto laboral, un represaya ta pasa ora un hefe of compania ta castiga un empleado pasobra e empleado a haci uzo di su derechonan (manera raporta corupcion, denuncia acoso, duna un keho, of uni na un sindicato).

𝑯𝒆𝒇𝒆 𝒑𝒐𝒓 𝒕𝒖𝒎𝒂 𝒓𝒆𝒑𝒓𝒆𝒔𝒂𝒚𝒂 𝒅𝒐𝒐𝒓 𝒅𝒊 𝒑𝒐𝒓 𝒆𝒉𝒆𝒎𝒑𝒆𝒍:

●Cambia bo orario di trabou sin motibo valido

●Kita tarea nan importante for di bo

●Exclui bo di decision/reunion importante

●Traha evaluacion negativo cu no ta berdad

●Nenga bo promocion of aumento

●Kita bo for di trabou sin motibo valido

𝙆𝙞𝙠𝙤 𝙣𝙤𝙨 𝙥𝙤𝙧 𝙝𝙖𝙘𝙞 ?

Documenta tur cos, skirbi loke bo por skirbi, mail loke bo por mail, warda mensahe nan cu bo por warda. Rapporta na hefe mas ariba (Si por). Raporta na Recurso Humano / Human Resources (HR). Bay bo sindicato. Busca bo abogado. Y ban spera cu e hefe por reflexiona UN dia.

30/10/2026

Federacion di Trahadornan di Aruba (FTA) ta mantene firmemente cu cada trahado tin derecho riba un salario husto y digno, cu ta permitie cubri su necesidadnan basico y participa di…

𝗙𝗧𝗔 𝗽𝗿𝗲𝘀𝗲𝗻𝘁𝗲 𝗻𝗮 𝗔𝘀𝗮𝗺𝗯𝗹𝗲𝗮 𝗚𝗲𝗻𝗲𝗿𝗮𝗹 𝗱𝗶 𝗔𝗜𝗖𝗘𝗦𝗜𝗦 𝗻𝗮 𝗠𝗮𝗱𝗿𝗶𝗱𝘗𝘳𝘦𝘴𝘪𝘥𝘦𝘯𝘵𝘦 𝘥𝘪 𝘍𝘛𝘈, 𝘮𝘳. 𝘏𝘰𝘴𝘦 𝘎. 𝘍𝘪𝘨𝘢𝘳𝘰𝘢, 𝘥𝘦𝘯 𝘴𝘶 𝘤𝘢𝘭𝘪𝘥𝘢𝘥 𝘥𝘪 𝘱𝘳𝘦𝘴𝘪𝘥𝘦𝘯𝘵...
29/10/2026

𝗙𝗧𝗔 𝗽𝗿𝗲𝘀𝗲𝗻𝘁𝗲 𝗻𝗮 𝗔𝘀𝗮𝗺𝗯𝗹𝗲𝗮 𝗚𝗲𝗻𝗲𝗿𝗮𝗹 𝗱𝗶 𝗔𝗜𝗖𝗘𝗦𝗜𝗦 𝗻𝗮 𝗠𝗮𝗱𝗿𝗶𝗱

𝘗𝘳𝘦𝘴𝘪𝘥𝘦𝘯𝘵𝘦 𝘥𝘪 𝘍𝘛𝘈, 𝘮𝘳. 𝘏𝘰𝘴𝘦 𝘎. 𝘍𝘪𝘨𝘢𝘳𝘰𝘢, 𝘥𝘦𝘯 𝘴𝘶 𝘤𝘢𝘭𝘪𝘥𝘢𝘥 𝘥𝘪 𝘱𝘳𝘦𝘴𝘪𝘥𝘦𝘯𝘵𝘦 𝘥𝘪 𝘚𝘌𝘙 𝘈𝘳𝘶𝘣𝘢, 𝘵𝘢 𝘱𝘢𝘳𝘵𝘪𝘤𝘪𝘱𝘢 𝘯𝘢 𝘈𝘴𝘢𝘮𝘣𝘭𝘦𝘢 𝘎𝘦𝘯𝘦𝘳𝘢𝘭 𝘥𝘪 𝘈𝘐𝘊𝘌𝘚𝘐𝘚 𝘯𝘢 𝘔𝘢𝘥𝘳𝘪𝘥, 𝘚𝘱𝘢𝘯̃𝘢, 𝘩𝘶𝘯𝘵𝘰 𝘤𝘶 𝘴𝘦𝘤𝘳𝘦𝘵𝘢𝘳𝘪𝘰 𝘨𝘦𝘯𝘦𝘳𝘢𝘭 𝘥𝘪 𝘚𝘌𝘙 𝘈𝘳𝘶𝘣𝘢, 𝘥𝘳𝘴. 𝘍𝘦𝘭𝘪𝘹 𝘉𝘪𝘫𝘭𝘩𝘰𝘶𝘵. 𝘌 𝘦𝘯𝘤𝘶𝘦𝘯𝘵𝘳𝘰 𝘪𝘯𝘵𝘦𝘳𝘯𝘢𝘤𝘪𝘰𝘯𝘢𝘭 𝘵𝘢 𝘤𝘰𝘯𝘤𝘦𝘯𝘵𝘳𝘢 𝘳𝘪𝘣𝘢 𝘥𝘪𝘢𝘭𝘰𝘨𝘰 𝘴𝘰𝘤𝘪𝘢𝘭, 𝘩𝘶𝘴𝘵𝘪𝘤𝘪𝘢 𝘴𝘰𝘤𝘪𝘢𝘭 𝘺 𝘤𝘰𝘰𝘱𝘦𝘳𝘢𝘤𝘪𝘰𝘯 𝘪𝘯𝘵𝘦𝘳𝘯𝘢𝘤𝘪𝘰𝘯𝘢𝘭 𝘱𝘢 𝘱𝘳𝘰𝘮𝘰𝘷𝘦 𝘶𝘯 𝘥𝘦𝘴𝘢𝘳𝘰𝘺𝘰 𝘦𝘤𝘰𝘯𝘰𝘮𝘪𝘤𝘰 𝘺 𝘴𝘰𝘤𝘪𝘢𝘭 𝘩𝘶𝘴𝘵𝘰.

Madrid, 29 di october 2026 – Dianan dia 29 y 30 di october ta tuma lugar e Asamblea General di AICESIS, organisa pa Conseho Economico y Social di Spaña. Durante e encuentro, representantenan di consehonan economico y social di diferente pais ta intercambia experiencia y conocemento tocante desafionan socioeconomico cu nan ta enfrenta.

AICESIS (International Association of Economic and Social Councils and Similar Institutions) ta un organisacion internacional funda na 1999, cu ta reuni consehonan economico y social y institucionnan similar di mas di 70 pais. Su meta ta promove dialogo social, cooperacion internacional y participacion di organisacionnan representativo di trahadornan, dunadornan di trabao y otro sector di sociedad den formulacion di maneho socioeconomico. SER Aruba ta miembro di AICESIS desde 2012.

Durante e Asamblea General, ta trata entre otro cooperacion cu Organisacion Internacional di Trabao (OIT/ILO) y Conseho Economico y Social di Nacionnan Uni (ECOSOC). E tema central ta “Building Bridges for Just Transition and Global Social Justice”, cu ta enfoca riba importancia di un transicion economico y social husto, den cual progreso y desaroyo mester beneficia tur sector di sociedad.

Dia 30 di october, e programa ta continua cu un encuentro entre AICESIS y diferente rednan regional di consehonan economico y social, cu enfasis riba cooperacion internacional pa enfrenta desafionan comun.

Pa FTA, dialogo social ta un instrumento fundamental pa garantisa cu interesnan y derechonan di trahadornan ta ser considera den decisionnan cu ta afecta desaroyo economico y social. Un transicion economico no por ser considera husto si e no ta tene cuenta cu bienestar di trahadornan, proteccion social y distribucion husto di prosperidad.

FTA ta considera cu participacion na encuentronan internacional manera esaki ta brinda oportunidad pa intercambia experiencia y fortalece conocemento tocante temanan cu tambe ta relevante pa Aruba, manera costo di bida, mercado laboral, proteccion social y desaroyo economico sostenibel.

𝗨𝗻 𝘀𝗮𝗹𝗮𝗿𝗶𝗼 𝗱𝗶𝗴𝗻𝗼 𝗺𝗲𝘀𝘁𝗲𝗿 𝗴𝗮𝗿𝗮𝗻𝘁𝗶𝘀𝗮 𝘂𝗻 𝗺𝗶𝗵𝗼 𝗻𝗶𝘃𝗲𝗹 𝗱𝗶 𝗯𝗶𝗱𝗮Federacion di Trahadornan di Aruba (FTA) ta mantene firmemente cu...
29/10/2026

𝗨𝗻 𝘀𝗮𝗹𝗮𝗿𝗶𝗼 𝗱𝗶𝗴𝗻𝗼 𝗺𝗲𝘀𝘁𝗲𝗿 𝗴𝗮𝗿𝗮𝗻𝘁𝗶𝘀𝗮 𝘂𝗻 𝗺𝗶𝗵𝗼 𝗻𝗶𝘃𝗲𝗹 𝗱𝗶 𝗯𝗶𝗱𝗮

Federacion di Trahadornan di Aruba (FTA) ta mantene firmemente cu cada trahador tin derecho riba un salario husto y digno, cu ta permiti’e cubri su necesidadnan basico y participa di forma digno den sociedad.

P’esey FTA ta sostene e meta pa eleva salario minimo legal te na e nivel di minimo di subsistencia (bestaansminimum), di manera cu cada trahador por gana un salario cu ta permiti’e mantene un bida digno (living wage).

Pa demasiado tempo caba tin un diferencia considerabel entre salario minimo legal y e entrada cu un persona mester pa por cubri su gastonan basico di bida na Aruba. E situacion aki no por wordo considera socialmente aceptabel ni sostenibel.

Un trahador cu ta cumpli cu un siman completo di trabao mester por mantene un nivel di bida decente, sin mester depende constantemente di un segundo trabao of di asistencia di gobierno simplemente pa por cubri su necesidadnan esencial.

E pregunta, p’esey, no ta si trahadornan merece un salario digno. Nan merece esaki sin mas. E pregunta fundamental ta con Aruba por garantisa cu un aumento di salario realmente ta resulta den un mehoracion duradero di nivel di bida di trahadornan.

𝗠𝗶𝗻𝗶𝗺𝗼 𝗱𝗶 𝘀𝘂𝗯𝘀𝗶𝘀𝘁𝗲𝗻𝗰𝗶𝗮 𝘁𝗮 𝘂𝗻 𝗺𝗲𝘁𝗮 𝗰𝘂 𝘁𝗮 𝗰𝗮𝗺𝗯𝗶𝗮 𝗰𝗼𝗻𝘁𝗶𝗻𝘂𝗮𝗺𝗲𝗻𝘁𝗲

Un di e desafionan fundamental relaciona cu e aumento di salario minimo te na e nivel di minimo di subsistencia (bestaansminimum) ta cu e ultimo aki no ta un suma di placa fiho.

Minimo di subsistencia ta wordo adapta periodicamente conforme cambionan den costo di productonan y servicionan esencial. Consecuentemente, aumento di prijs di productonan y servicionan por causa cu e cantidad di placa cu un persona mester pa mantene un nivel di bida socialmente aceptabel tambe ta aumenta.

Desaroyonan reciente na Aruba ta ilustra concretamente e realidad aki.

Segun cifranan publica pa Oficina Central di Estadistica (CBS), e minimo di subsistencia mensual pa un persona so a aumenta di Afl. 2.683 na juli 2026, pa Afl. 2.697 na augustus y posteriormente pa Afl. 2.700 na september 2026.

Durante e periodo aki, salario minimo legal a keda aproximadamente Afl. 2.007 pa luna, locual ta representa un diferencia di Afl. 693 na september 2026.

Maske e aumento di minimo di subsistencia (bestaansminimum) durante e dos lunanan aki tabata relativamente limita, e ta ilustra un realidad socioeconomico importante: e cantidad di placa cu un trahador mester pa cubri su gastonan basico ta cambia conforme e prijsnan di producto y servicionan ta cambia.

E aumento antes menciona no tabata consecuencia di un aumento correspondiente di salario minimo. Sinembargo, e ta demonstra dicon ta importante pa tene debidamente cuenta cu e desaroyo di prijsnan di consumo ora di diseña un politica cu tin como meta pone salario minimo na e mesun nivel cu minimo di subsistencia.

𝗘 𝗿𝗶𝗲𝘀𝗴𝗼 𝗱𝗶 𝗰𝗼𝗺𝗽𝗿𝗼𝗺𝗲𝘁𝗲 𝗲 𝗺𝗲𝘁𝗮 𝗰𝘂 𝗻𝗼𝘀 𝗸𝗶𝗲𝗿 𝗹𝗼𝗴𝗿𝗮

Maske FTA ta sostene firmemente e meta di un salario digno, nos ta enfatisa cu un aumento di salario minimo legal no por wordo considera como un medida economico aisla.

Un aumento substancial di salario ta afecta e structura di costo di empresanan cu tin trahadornan cu ta gana salario minimo of un salario cercano na dje.

Dependiendo di nan situacion financiero y e condicionnan di competencia den cual nan ta opera, algun empresa por purba recupera e gastonan adicional aki door di aumenta prijs di nan producto y servicionan.

Si esaki sosode riba un escala suficientemente amplio, e por contribui na presion inflatorio adicional.

Esaki ta crea e riesgo di un circulo vicioso: salario ta aumenta pa yega na e minimo di subsistencia, pero e eventual aumento di prijsnan di consumo ta causa cu e minimo di subsistencia mes ta bolbe aumenta, locual por reduci parti di e mehoracion den poder di compra cu e aumento di salario tabatin como meta.

Den un situacion asina, e meta pa pone salario minimo na e mesun nivel cu minimo di subsistencia por bira cada biaha mas dificil pa logra y, particularmente, pa mantene.

FTA ta enfatisa cu esaki ta un riesgo potencial y no un consecuencia inevitable di aumento di salario.

E magnitud di e riesgo ta depende di diferente factor, manera e tamaño y forma di implementacion di e aumento, e capacidad di empresanan pa absorbe gastonan adicional, desaroyo di productividad y e situacion economico general.

Sinembargo, e posibilidad aki no por wordo ignora.

Pa FTA, e berdadero medida di exito no por ta simplemente si salario minimo legal a yega na un suma determina di placa. Exito mester wordo midi a base di si, despues di e aumento, trahadornan realmente por permiti nan mes un miho nivel di bida.

𝗣𝗿𝗼𝘁𝗲𝗰𝗰𝗶𝗼𝗻 𝗱𝗶 𝗽𝗼𝗱𝗲𝗿 𝗱𝗶 𝗰𝗼𝗺𝗽𝗿𝗮 𝗱𝗶 𝘁𝘂𝗿 𝘁𝗿𝗮𝗵𝗮𝗱𝗼𝗿

FTA kier hala atencion tambe pa e consecuencianan cu un aumento di salario minimo por tin pa empleadonan cu ta gana un salario mas halto cu e minimo legal.

E trahadornan aki no necesariamente lo ricibi un aumento correspondiente di nan salario, mientras cu nan lo por wordo afecta pa aumentonan den prijs di producto y servicio.

Un politica cu tin como meta mehora e posicion di e trahadornan cu ta gana menos, mester tene cuenta tambe cu e efectonan cu e por tin riba otro categorianan di trahador.

Ademas, atencion mester wordo duna na e posibel efectonan riba empleo, particularmente den empresanan cu tin un capacidad financiero limita pa absorbe aumentonan substancial di costo laboral.

FTA ta enfatisa, sinembargo, cu e consideracionnan aki nunca por sirbi como hustificacion pa mantene un situacion den cual trahadornan ta ricibi un salario cu no ta suficiente pa cubri nan necesidadnan basico.

Al contrario, nan ta demonstra e necesidad di un acercamento integral, den cual e responsabilidadnan relaciona cu mehoracion di nivel di bida ta wordo comparti di manera husto.

𝗥𝗲𝘀𝗽𝗼𝗻𝘀𝗮𝗯𝗶𝗹𝗶𝗱𝗮𝗱 𝗱𝗶 𝗚𝗼𝗯𝗶𝗲𝗿𝗻𝗼 𝘆 𝗺𝗲𝗱𝗶𝗱𝗮𝗻𝗮𝗻 𝗰𝗼𝗺𝗽𝗹𝗲𝗺𝗲𝗻𝘁𝗮𝗿𝗶𝗼

FTA kier subraya cu e responsabilidad pa logra un salario digno no por wordo poni exclusivamente riba dunadornan di trabao mediante un aumento di e salario minimo legal.

Gobierno di Aruba tin un responsabilidad esencial pa crea e condicionnan socioeconomico necesario pa garantisa cu aumento di salario ta resulta den un mehoracion berdadero y sostenibel di poder di compra.

Consecuentemente, FTA ta considera necesario cu e aumento progresivo di salario minimo mester bay acompaña pa medidanan fiscal, economico y social adecua.

E medidanan aki por inclui incentivo fiscal dirigi na empresanan cu realmente ta enfrenta dificultad pa absorbe gastonan laboral adicional, iniciativanan pa controla e costo di producto y servicionan esencial, y medidanan pa fortalece productividad y resistencia di nos economia.

E medidanan aki mester ta transparente, proporcional y muy en especial acompaña cu mecanismonan di control(!). Esaki pa garantisa cu recursonan publico realmente ta contribui na e metanan social cu nan tin como proposito.

Na mes momento, un plan di implementacion creibel mester inclui evaluacion periodico di e efecto real riba prijsnan di consumo, poder di compra di famianan, empleo y actividad economico.

E evaluacionnan aki mester permiti pa adapta e medidanan complementario na tempo, en bes di bira un obstaculo permanente pa logra un salario digno.

Atencion particular mester wordo poni na e desaroyo di minimo di subsistencia mes.

Si e meta ta pa garantisa cu salario minimo ta permiti un nivel di bida socialmente aceptabel, anto e factornan cu ta causa cu costo di necesidadnan basico ta aumenta mester forma parti integral di e politica.

No ta suficiente pa aumenta e entrada di un trahador si, na mes momento, no ta haci nada pa mitiga e aumento di su gastonan esencial.

𝗘 𝗺𝗲𝘁𝗮 𝗳𝘂𝗻𝗱𝗮𝗺𝗲𝗻𝘁𝗮𝗹 𝗺𝗲𝘀𝘁𝗲𝗿 𝗸𝗲𝗱𝗮 𝗶𝗻𝘁𝗮𝗰𝘁𝗼

FTA kier enfatisa cu reconoce e posibel consecuencianan economico di un aumento di salario minimo nunca mester wordo confundi cu oposicion contra mehoracion di entrada di trahadornan.

E derecho riba un salario husto y digno ta keda e punto di salida fundamental.

Sinembargo, FTA ta considera cu su responsabilidad como organizacion sindical ta bay mas leu cu simplemente exigi un salario minimo nominal mas halto.

Nos responsabilidad ta tambe pa contribui na garantisa cu e mehoracion cu ta wordo ambiciona realmente ta resulta den un mehoracion duradero di e posicion economico y social di e clase trahador.

Un aumento di salario cu ta wordo absorbi den gran parti door di un aumento di costo di bida nunca por wordo considera como un medida cu a logra su proposito.

P’esey FTA ta sostene un trayecto progresivo pa yega na un salario minimo cu ta coresponde cu e minimo di subsistencia (bestaansminimum), acompaña pa medidanan concreto y efectivo pa proteha poder di compra di tur trahador y garantisa sostenibilidad di economia di Aruba.

Nos meta no por ta simplemente pa aumenta salario minimo riba papel. Nos meta mester ta pa garantisa cu trahadornan realmente tin e posibilidad financiero pa mantene un nivel di bida digno.

Esaki ta e diferencia real entre un salario mas halto y un berdadero salario digno.

𝘏𝘰𝘴𝘦 𝘎. 𝘍𝘪𝘨𝘢𝘳𝘰𝘢, 𝘓𝘓.𝘔.
𝘗𝘳𝘦𝘴𝘪𝘥𝘦𝘯𝘵𝘦 𝘺 𝘚𝘦𝘤𝘳𝘦𝘵𝘢𝘳𝘪𝘰 𝘎𝘦𝘯𝘦𝘳𝘢𝘭 𝘍𝘛𝘈

28/10/2026

Cuanto esfuerso ta tuma un persona hoben pa por haya un trabao decente awendia ?

Rond mundo; uno den cada cinco persona jong no tin trabao, educacion of training. Na aña 2025 desempleo hubenil a aumenta cu 12.4%.

Tras di e cifra aki tin preguntanan importante cu ta surgi encuanto educacion, oportunidad di empleo y e mundo laboral di awendia cu ta conoce retonan di cambio.

Den e edicion recien di e podcast "Future of Work" (E futuro di labor) presenta pa Enrique León di Organisacion Internacional di Labor (ILO), ta sostene un combersacion cu Sara Lead kende ta autor di e rapport "Global Employment Trends for Youth 2026".

Lo discuti e retonan cu hendenan jong ta enfrenta awendia, incluyendo e desafionan cu inteligencia artificial (AI) ta treciendo pa cuponan di trabao riba nivel basico.

Durante e combersacion lo conta tambe cu participantenan hubenil for di e Associacion di World Scouting cu ta: Anca-Ana Sampetrean for di Romania, Isaura Rodríguez Calderón for di Mexico y Innocent Mudzingwa for di Zimbabwe, cu lo trece nan perspectiva riba e topico aki.

Click riba e video pa por wak e entrevista completo na idioma Ingles.

Texto original di articulo: International Labour Organisation (ILO).

𝗙𝗧𝗔 𝘁𝗮 𝗯𝗶𝘀𝗵𝗶𝘁𝗮 𝗦𝗘𝗥 𝗕𝗿𝗮𝗯𝗮𝗻𝘁 𝘆 𝗬𝗼𝘂𝗻𝗴 𝗣𝗿𝗼𝗳𝗲𝘀𝘀𝗶𝗼𝗻𝗮𝗹𝘀 𝗕𝗿𝗮𝗯𝗮𝗻𝘁𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘶𝘯 𝘣𝘪𝘴𝘩𝘪𝘵𝘢 𝘥𝘪 𝘵𝘳𝘢𝘣𝘢𝘰 𝘯𝘢 𝘏𝘶𝘭𝘢𝘯𝘥𝘢, 𝘶𝘯 𝘥𝘦𝘭𝘦𝘨𝘢𝘤𝘪𝘰𝘯 𝘥𝘪 ...
27/10/2026

𝗙𝗧𝗔 𝘁𝗮 𝗯𝗶𝘀𝗵𝗶𝘁𝗮 𝗦𝗘𝗥 𝗕𝗿𝗮𝗯𝗮𝗻𝘁 𝘆 𝗬𝗼𝘂𝗻𝗴 𝗣𝗿𝗼𝗳𝗲𝘀𝘀𝗶𝗼𝗻𝗮𝗹𝘀 𝗕𝗿𝗮𝗯𝗮𝗻𝘁

𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘶𝘯 𝘣𝘪𝘴𝘩𝘪𝘵𝘢 𝘥𝘪 𝘵𝘳𝘢𝘣𝘢𝘰 𝘯𝘢 𝘏𝘶𝘭𝘢𝘯𝘥𝘢, 𝘶𝘯 𝘥𝘦𝘭𝘦𝘨𝘢𝘤𝘪𝘰𝘯 𝘥𝘪 𝘚𝘌𝘙 𝘈𝘳𝘶𝘣𝘢 𝘢 𝘣𝘪𝘴𝘩𝘪𝘵𝘢 𝘚𝘌𝘙 𝘉𝘳𝘢𝘣𝘢𝘯𝘵 𝘺 𝘠𝘰𝘶𝘯𝘨 𝘗𝘳𝘰𝘧𝘦𝘴𝘴𝘪𝘰𝘯𝘢𝘭𝘴 𝘉𝘳𝘢𝘣𝘢𝘯𝘵, 𝘶𝘯𝘥𝘢 𝘤𝘶 𝘢 𝘪𝘯𝘵𝘦𝘳𝘤𝘢𝘮𝘣𝘪𝘢 𝘪𝘯𝘧𝘰𝘳𝘮𝘢𝘤𝘪𝘰𝘯 𝘺 𝘦𝘹𝘱𝘦𝘳𝘪𝘦𝘯𝘤𝘪𝘢 𝘵𝘰𝘤𝘢𝘯𝘵𝘦 𝘰𝘳𝘨𝘢𝘯𝘪𝘴𝘢𝘤𝘪𝘰𝘯 𝘥𝘪 𝘢𝘴𝘦𝘴𝘰𝘳𝘢𝘮𝘦𝘯𝘵𝘰 𝘴𝘰𝘤𝘪𝘰𝘦𝘤𝘰𝘯𝘰𝘮𝘪𝘤𝘰 𝘯𝘢 𝘯𝘪𝘷𝘦𝘭 𝘱𝘳𝘰𝘷𝘪𝘯𝘤𝘪𝘢𝘭 𝘺 𝘦 𝘮𝘢𝘯𝘦𝘳𝘢 𝘤𝘶 𝘩𝘰𝘣𝘦𝘯𝘢𝘯 𝘵𝘢 𝘸𝘰𝘳𝘥𝘰 𝘪𝘯𝘷𝘰𝘭𝘶𝘤𝘳𝘢 𝘦𝘴𝘵𝘳𝘶𝘤𝘵𝘶𝘳𝘢𝘭𝘮𝘦𝘯𝘵𝘦 𝘥𝘦𝘯 𝘧𝘰𝘳𝘮𝘶𝘭𝘢𝘤𝘪𝘰𝘯 𝘥𝘪 𝘮𝘢𝘯𝘦𝘩𝘰 𝘺 𝘱𝘳𝘰𝘤𝘦𝘴𝘰𝘯𝘢𝘯 𝘥𝘪 𝘵𝘰𝘮𝘢 𝘥𝘪 𝘥𝘦𝘤𝘪𝘴𝘪𝘰𝘯.

’s-Hertogenbosch, 27 di october 2026 – Presidente di Federacion di Trahadornan di Aruba (FTA), Sr. Hose Figaroa, den su calidad di Presidente di Conseho Economico y Social di Aruba (SER Aruba), conhuntamente cu Secretario General di SER Aruba, Sr. Felix Bijlhout, a sostene reunionnan cu Sra. Karin van Steensel, Secretario di SER Brabant, y Sr. Marius Zuurbier, Presidente di Young Professionals Brabant.

Ambos organo ta forma parti di BrabantAdvies, un organisacion independiente cu ta asesora gobierno provincial, tanto riba peticion como riba su propio iniciativa. BrabantAdvies ta consisti di cuater conseho: Sociaal-Economische Raad (SER) Brabant, Provinciale Raad voor de Leefomgeving, Provinciale Raad Gezondheid y Young Professionals Brabant. E structura aki ta permiti pa diferente asunto socioeconomico y social wordo aborda for di diferente perspectiva, incluyendo esun di generacionnan hoben.

Durante e bish*ta na SER Brabant, a intercambia informacion tocante organisacion y funcionamiento di e conseho, como tambe cooperacion entre e diferente organonan di asesoramento. E reunion cu Young Professionals Brabant a concentra particularmente riba e manera cu hobenan ta participa structuralmente den discusionnan tocante desafionan social y economico, y con nan contribucion ta wordo incorpora den consehonan dirigi na gobierno provincial.

Pa FTA, participacion activo di hobenan den dialogo social ta di importancia fundamental. Decisionnan cu ta wordo tuma awe tocante mercado laboral, enseñansa y desaroyo economico tin consecuencia directo pa generacionnan futuro. Pesei, ta esencial pa hobenan no solamente wordo scucha, pero tambe haya oportunidad real pa contribui na formulacion di maneho y toma di decision.

E bish*tanan a brinda un oportunidad valioso pa conoce un modelo di asesoramento unda diferente perspectiva social ta reuni y participacion di esnan mas jong tin un luga structura.

FTA ta considera cu e conocemento y experiencia aki por contribui na reflexionnan tocante posibilidadnan pa fortalece dialogo social y promove un involucramento mas activo di hobenan den discusionnan relaciona cu futuro socioeconomico di Aruba.

𝗣𝗿𝗲𝘀𝗶𝗱𝗲𝗻𝘁𝗲 𝗱𝗶 𝗙𝗧𝗔 𝘁𝗮 𝗰𝗼𝗻𝗼𝗰𝗲 𝗳𝘂𝗻𝗰𝗶𝗼𝗻𝗮𝗺𝗶𝗲𝗻𝘁𝗼 𝗱𝗶 𝗝𝗼𝗻𝗴𝗲𝗿𝗲𝗻𝗽𝗹𝗮𝘁𝗳𝗼𝗿𝗺 𝗱𝗶 𝗦𝗘𝗥 𝗛𝘂𝗹𝗮𝗻𝗱𝗮𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘶𝘯 𝘣𝘪𝘴𝘩𝘪𝘵𝘢 𝘥𝘪 𝘵𝘳𝘢𝘣𝘢𝘰 𝘯𝘢 𝘏𝘶𝘭𝘢𝘯...
26/10/2026

𝗣𝗿𝗲𝘀𝗶𝗱𝗲𝗻𝘁𝗲 𝗱𝗶 𝗙𝗧𝗔 𝘁𝗮 𝗰𝗼𝗻𝗼𝗰𝗲 𝗳𝘂𝗻𝗰𝗶𝗼𝗻𝗮𝗺𝗶𝗲𝗻𝘁𝗼 𝗱𝗶 𝗝𝗼𝗻𝗴𝗲𝗿𝗲𝗻𝗽𝗹𝗮𝘁𝗳𝗼𝗿𝗺 𝗱𝗶 𝗦𝗘𝗥 𝗛𝘂𝗹𝗮𝗻𝗱𝗮

𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘶𝘯 𝘣𝘪𝘴𝘩𝘪𝘵𝘢 𝘥𝘪 𝘵𝘳𝘢𝘣𝘢𝘰 𝘯𝘢 𝘏𝘶𝘭𝘢𝘯𝘥𝘢, 𝘗𝘳𝘦𝘴𝘪𝘥𝘦𝘯𝘵𝘦 𝘥𝘪 𝘍𝘦𝘥𝘦𝘳𝘢𝘤𝘪𝘰𝘯 𝘥𝘪 𝘛𝘳𝘢𝘩𝘢𝘥𝘰𝘳𝘯𝘢𝘯 𝘥𝘪 𝘈𝘳𝘶𝘣𝘢 (𝘍𝘛𝘈), 𝘚𝘳. 𝘏𝘰𝘴𝘦 𝘍𝘪𝘨𝘢𝘳𝘰𝘢, 𝘥𝘦𝘯 𝘴𝘶 𝘤𝘢𝘭𝘪𝘥𝘢𝘥 𝘥𝘪 𝘗𝘳𝘦𝘴𝘪𝘥𝘦𝘯𝘵𝘦 𝘥𝘪 𝘊𝘰𝘯𝘴𝘦𝘩𝘰 𝘌𝘤𝘰𝘯𝘰𝘮𝘪𝘤𝘰 𝘺 𝘚𝘰𝘤𝘪𝘢𝘭 𝘥𝘪 𝘈𝘳𝘶𝘣𝘢 (𝘚𝘌𝘙 𝘈𝘳𝘶𝘣𝘢), 𝘢 𝘴𝘰𝘴𝘵𝘦𝘯𝘦 𝘶𝘯 𝘦𝘯𝘤𝘶𝘦𝘯𝘵𝘳𝘰 𝘤𝘶 𝘗𝘳𝘦𝘴𝘪𝘥𝘦𝘯𝘵𝘦 𝘥𝘪 𝘑𝘰𝘯𝘨𝘦𝘳𝘦𝘯𝘱𝘭𝘢𝘵𝘧𝘰𝘳𝘮 𝘥𝘪 𝘚𝘌𝘙 𝘏𝘶𝘭𝘢𝘯𝘥𝘢, 𝘚𝘳𝘢. 𝘔𝘦𝘳𝘭𝘦 𝘉𝘭𝘰𝘮.

Den Haag, 26 di october 2026 – Sr. Hose Figaroa, conjuntamente cu Secretario General di SER Aruba, Sr. Felix Bijlhout, a reuni cu Sra. Merle Blom pa conoce di cerca e organisacion, funcionamiento y rol di Jongerenplatform den e structura di SER Hulanda.

Jongerenplatform, estableci na 2015, ta reuni representantenan di diferente organisacionnan di hoben na Hulanda, cu e objetivo di incorpora perspectiva y interesnan di generacionnan hoben den e proceso di asesoramento socioeconomico.

Durante e encuentro, e delegacion di SER Aruba tambe a ricibi un invitacion pa asisti na un reunion di Jongerenplatform, brindando asina e oportunidad pa observa di cerca e funcionamiento, dinamica y manera di traha di e organo aki.

Pa FTA, participacion di hobenan den dialogo social ta di importancia fundamental, considerando cu decisionnan y desaroyonan socioeconomico di awe tin un impacto directo riba futuro di generacionnan venidero. Involucramento activo di hobenan ta contribui na un dialogo social mas inclusivo, representativo y orienta riba futuro.

FTA ta considera cu conoce diferente modelonan di participacion di hobenan na nivel internacional por brinda perspectivanan valioso pa fortalece e involucramento di generacionnan hoben den discusionnan tocante futuro di trabao y desaroyo socioeconomico di Aruba.

Sociaal-Economische Raad (SER)

𝗣𝗿𝗲𝘀𝗶𝗱𝗲𝗻𝘁𝗲 𝗱𝗶 𝗙𝗧𝗔 𝘁𝗮 𝗽𝗮𝗿𝘁𝗶𝗰𝗶𝗽𝗮 𝗻𝗮 𝗯𝗶𝘀𝗵𝗶𝘁𝗮 𝗱𝗶 𝗦𝗘𝗥 𝗔𝗿𝘂𝗯𝗮 𝗻𝗮 𝗦𝗘𝗥 𝗛𝘂𝗹𝗮𝗻𝗱𝗮𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘧𝘰𝘳𝘵𝘢𝘭𝘦𝘤𝘦𝘮𝘦𝘯𝘵𝘰 𝘥𝘪 𝘳𝘦𝘭𝘢𝘤𝘪𝘰𝘯𝘯𝘢𝘯 𝘪𝘯𝘴𝘵𝘪𝘵𝘶...
26/10/2026

𝗣𝗿𝗲𝘀𝗶𝗱𝗲𝗻𝘁𝗲 𝗱𝗶 𝗙𝗧𝗔 𝘁𝗮 𝗽𝗮𝗿𝘁𝗶𝗰𝗶𝗽𝗮 𝗻𝗮 𝗯𝗶𝘀𝗵𝗶𝘁𝗮 𝗱𝗶 𝗦𝗘𝗥 𝗔𝗿𝘂𝗯𝗮 𝗻𝗮 𝗦𝗘𝗥 𝗛𝘂𝗹𝗮𝗻𝗱𝗮

𝘋𝘦𝘯 𝘤𝘶𝘢𝘥𝘳𝘰 𝘥𝘪 𝘧𝘰𝘳𝘵𝘢𝘭𝘦𝘤𝘦𝘮𝘦𝘯𝘵𝘰 𝘥𝘪 𝘳𝘦𝘭𝘢𝘤𝘪𝘰𝘯𝘯𝘢𝘯 𝘪𝘯𝘴𝘵𝘪𝘵𝘶𝘤𝘪𝘰𝘯𝘢𝘭 𝘺 𝘪𝘯𝘵𝘦𝘳𝘤𝘢𝘮𝘣𝘪𝘰 𝘥𝘪 𝘤𝘰𝘯𝘰𝘤𝘦𝘮𝘦𝘯𝘵𝘰 𝘺 𝘦𝘹𝘱𝘦𝘳𝘪𝘦𝘯𝘤𝘪𝘢, 𝘶𝘯 𝘥𝘦𝘭𝘦𝘨𝘢𝘤𝘪𝘰𝘯 𝘥𝘪 𝘊𝘰𝘯𝘴𝘦𝘩𝘰 𝘌𝘤𝘰𝘯𝘰𝘮𝘪𝘤𝘰 𝘺 𝘚𝘰𝘤𝘪𝘢𝘭 𝘥𝘪 𝘈𝘳𝘶𝘣𝘢 (𝘚𝘌𝘙 𝘈𝘳𝘶𝘣𝘢) 𝘢 𝘦𝘧𝘦𝘤𝘵𝘶𝘢 𝘶𝘯 𝘣𝘪𝘴𝘩𝘪𝘵𝘢 𝘥𝘪 𝘵𝘳𝘢𝘣𝘢𝘰 𝘯𝘢 𝘚𝘰𝘤𝘪𝘢𝘢𝘭-𝘌𝘤𝘰𝘯𝘰𝘮𝘪𝘴𝘤𝘩𝘦 𝘙𝘢𝘢𝘥 (𝘚𝘌𝘙) 𝘥𝘪 𝘏𝘶𝘭𝘢𝘯𝘥𝘢.

Den Haag, 26 di october 2026 – Presidente di Federacion di Trahadornan di Aruba (FTA), Sr. Hose Figaroa, den su calidad di Presidente di SER Aruba, conjuntamente cu Secretario General di SER Aruba, Sr. Felix Bijlhout, a sostene un reunion cu Presidente di SER Hulanda, Sr. Kim Putters.

Durante e encuentro, a intercambia informacion y experiencia tocante diferente trayectonan di asesoramento cu actualmente ta den desaroyo den ambos institucion. Tambe a intercambia ideanan y punto di bista relaciona cu asuntonan socioeconomico cu por merece atencion den futuro.

Un otro punto importante di conversacion tabata e preparacionnan pa celebracion di 40 aña di existencia di SER Aruba na 2027. Den e contexto aki, a intercambia ideanan tocante organisacion y ehecucion di e actividadnan planea pa conmemora e aniversario aki, cu ta marca cuater decada di contribucion di SER Aruba na dialogo social y asesoramento socioeconomico na nos pais.

E bish*ta a brinda un oportunidad valioso pa fortalece cooperacion entre ambos institucion y reflexiona riba e rol importante cu consehonan economico y social ta desempeña den promocion di dialogo entre representantenan di empleadornan, trahadornan y otro sectornan di sociedad.

Pa FTA, dialogo social ta un instrumento fundamental pa garantisa cu e perspectiva y interesnan di trahadornan ta haya un luga den discusionnan y procesonan di asesoramento tocante desaroyo socioeconomico di nos pais.

FTA ta considera cu intercambio di conocemento y experiencia na nivel internacional ta contribui na fortalecemento di dialogo social y na formulacion di recomendacionnan fundamenta, cu por contribui na un desaroyo economico y social mas sostenibel, inclusivo y equitativo pa Aruba.

Sociaal-Economische Raad (SER)

26/10/2026

Durante e serie di presentacion na emisora Hit 94 FM, orador di maneho y liderazgo Gilmar Werleman a comparti varios conseho pa fortalece y mehora ambiente laboral na trabao.

Aki nos ta presenta un fragmento di e programma radial, na unda Gilmar ta presenta varios tips den e rango di liderazgo.

Click riba e video pa por wak e fragmento di e presentacion.

Video cortesia: Hit 94 FM / Programma: Nina Tromp (Nina on the Air) / Gilmar Werleman.

20/10/2026

Gilmar Werleman orador di maneho y liderazgo, durante un serie di presentacion na emisora Hit 94 FM, a sigui comparti varios consehonan pa fortalece ambiente laboral na trabao.

Durante e siguiente fragmento, Gilmar ta presenta tips y conseho pa por logra un bon communicacion entre Trahadornan, hunto cu nan Supervisor of Hefe y logra metanan cu ta mehora e ambiente na trabao.

Click riba e video pa por wak fragmento di e presentacion.

Video cortesia: Hit 94 FM / Programma: Nina on the Air (Nina Tromp) / Gilmar Werleman.

Adres

Bernardstraat 23
Sint Nicolaas
00000

Openingstijden

Maandag 08:00 - 17:00
Dinsdag 08:00 - 17:00
Woensdag 08:00 - 17:00
Donderdag 08:00 - 17:00
Vrijdag 08:00 - 16:00

Telefoon

+2975845448

Meldingen

Wees de eerste die het weet en laat ons u een e-mail sturen wanneer F.T.A. - Federacion di Trahadornan di Aruba nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact Opnemen Met De Organisatie

Stuur een bericht naar F.T.A. - Federacion di Trahadornan di Aruba:

Snelkoppelingen

Delen

Non-profit Organisaties in de buurt