08/04/2025
ਟਰਬਨਸ ਫਾਰ ਆਸਟ੍ਰੇਲੀਆ ਵੱਲੋਂ ਅਮਰ ਸਿੰਘ ਹੁਣਾਂ ਨੂੰ Q+A ਪ੍ਰੋਗਰਾਮ ਵਿੱਚ ਸਵਾਲ ਰੱਖਣ ਦਾ ਮੌਕਾ ਮਿਲਿਆ।
* ਕੀ ਅਸੀਂ ਆਸਟ੍ਰੇਲੀਅਨ ਨਹੀਂ ਹਾਂ?
* ਕੀ ਸਾਡੇ ਬੱਚੇ ਆਸਟ੍ਰੇਲੀਅਨ ਨਹੀਂ ਹਨ?
* ਕੀ ਸਾਨੂੰ ਜਿਸ ਰੂਪ ਵਿੱਚ ਅਸੀਂ ਹਾਂ, ਉਸੇ ਤਰ੍ਹਾਂ ਸਵੀਕਾਰ ਕੀਤਾ ਜਾਵੇਗਾ?
* ਸਾਰੀਆਂ ਰਾਜਨੀਤਿਕ ਪਾਰਟੀਆਂ ਆਪਣੀਆਂ ਗਲਤੀਆਂ ਦਾ ਭਾਂਡਾ ਪ੍ਰਵਾਸੀਆਂ ਦੇ ਸਿਰ 'ਤੇ ਕਿਉਂ ਭੰਨ ਰਹੀਆਂ ਹਨ?
* ਸਾਡੇ ਆਪਣੇ ਜੋ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਨਾਲ ਸਬੰਧ ਰੱਖਦੇ ਹਨ, ਕੀ ਉਹ ਇਹ ਸਵਾਲ ਉਨ੍ਹਾਂ ਅੱਗੇ ਰੱਖਦੇ ਹਨ?
* ਲਿਬਰਲ ਪਾਰਟੀ ਦੇ ਮੈਂਬਰ ਵੱਲੋਂ ਕਿਹਾ ਗਿਆ ਕਿ ਜਦੋਂ ਕੋਈ ਪ੍ਰਵਾਸੀ ਆਸਟ੍ਰੇਲੀਆ ਦੀ ਜ਼ਮੀਨ 'ਤੇ ਆਉਂਦਾ ਹੈ, ਉਹ ਆਉਣ ਸਾਰ ਘਰ ਖਰੀਦ ਲੈਂਦੇ ਹਨ।
* ਇਹ ਗੱਲ ਕਿੰਨੀ ਸੱਚੀ ਹੈ, ਸਾਨੂੰ ਸਾਰਿਆਂ ਨੂੰ ਪਤਾ ਹੈ।
* ਅੱਜ ਤੱਕ ਜੇਕਰ ਆਸਟ੍ਰੇਲੀਆ ਵਿੱਚ ਸਭ ਤੋਂ ਵੱਧ ਪ੍ਰਵਾਸ ਹੋਇਆ ਹੈ, ਤਾਂ ਉਹ ਇੰਗਲੈਂਡ ਤੋਂ ਹੋਇਆ ਹੈ ਅਤੇ ਹੋ ਰਿਹਾ ਹੈ। ਕੀ ਉਨ੍ਹਾਂ ਦਾ ਪ੍ਰਵਾਸ ਆਸਟ੍ਰੇਲੀਆ ਵਿੱਚ ਪ੍ਰਵਾਸ ਨਹੀਂ ਮੰਨਿਆ ਜਾਂਦਾ?
* ਕਿਉਂ? ਉਨ੍ਹਾਂ ਨੂੰ ਜ਼ਿੰਮੇਵਾਰ ਕਿਉਂ ਨਹੀਂ ਸਮਝਿਆ ਜਾਂਦਾ?
* ਗ੍ਰੀਨਜ਼ ਪਾਰਟੀ ਦੇ ਮੈਂਬਰ ਨੇ ਇਹ ਗੱਲ ਆਖੀ ਕਿ ਕੋਵਿਡ ਦੇ ਦੌਰਾਨ 2 ਸਾਲ ਆਸਟ੍ਰੇਲੀਆ ਵਿੱਚ ਕੋਈ ਪ੍ਰਵਾਸ ਨਹੀਂ ਹੋਇਆ, ਪਰ ਘਰਾਂ ਦੀਆਂ ਕੀਮਤਾਂ ਵਿੱਚ ਉਸ ਸਮੇਂ 30% ਵਾਧਾ ਹੋਇਆ ਹੈ। ਉਸ ਵਾਧੇ ਲਈ ਪ੍ਰਵਾਸੀ ਜ਼ਿੰਮੇਵਾਰ ਨਹੀਂ ਸਨ।
ਜਦੋਂ ਕੋਵਿਡ ਦਾ ਦੌਰ ਚੱਲ ਰਿਹਾ ਸੀ, ਉਦੋਂ ਸਰਕਾਰਾਂ ਨੇ ਵਿਦਿਆਰਥੀ ਵੀਜ਼ੇ ਵਾਲਿਆਂ ਨੂੰ ਕੰਮ ਦੀ ਖੁੱਲ੍ਹੀ ਛੋਟ ਦਿੱਤੀ ਸੀ, ਕਿਉਂਕਿ ਉਸ ਦੌਰ ਵਿੱਚ ਤੁਹਾਡੇ ਲੋਕਲ ਭਾਈਚਾਰੇ ਨੇ ਕੰਮ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਉਸ ਵੇਲੇ ਕਿਉਂ ਨਹੀਂ ਤੁਸੀਂ ਸਾਰੇ ਉਹ ਕੰਮ ਕਰਨ ਅੱਗੇ ਆਏ?
ਨਸਲੀ ਭੇਦਭਾਵ ਕੀ ਹੈ?
ਨਸਲੀ ਭੇਦਭਾਵ ਉਦੋਂ ਹੁੰਦਾ ਹੈ ਜਦੋਂ ਕਿਸੇ ਵਿਅਕਤੀ ਦੇ ਨਾਲ ਉਸ ਦੀ ਨਸਲ, ਰੰਗ, ਵੰਸ਼, ਰਾਸ਼ਟਰ ਜਾਂ ਨਸਲੀ ਮੂਲ ਜਾਂ ਪ੍ਰਵਾਸੀ ਰੁਤਬੇ ਦੇ ਕਾਰਨ ਕਿਸੇ ਦੂਸਰੇ ਵਿਅਕਤੀ ਨਾਲੋਂ ਘੱਟ ਚੰਗੀ ਤਰ੍ਹਾਂ ਵਰਤਾਓ ਕੀਤਾ ਜਾਂਦਾ ਹੈ। ਉਦਾਹਰਨ ਦੇ ਤੌਰ 'ਤੇ, ਇਹ ‘ਸਿੱਧਾ ਭੇਦਭਾਵ’ ਹੋਵੇਗਾ ਜੇਕਰ ਕੋਈ ਰੀਅਲ ਅਸਟੇਟ ਏਜੰਟ ਕਿਸੇ ਵਿਅਕਤੀ ਨੂੰ ਮਕਾਨ ਕਿਰਾਏ 'ਤੇ ਦੇਣ ਤੋਂ ਇਨਕਾਰ ਕਰਦਾ ਹੈ ਕਿਉਂਕਿ ਉਹ ਵਿਸ਼ੇਸ਼ ਨਸਲੀ ਪਿਛੋਕੜ ਜਾਂ ਚਮੜੀ ਦੇ ਰੰਗ ਵਾਲਾ ਹੈ।
ਸਾਨੂੰ ਆਸਟ੍ਰੇਲੀਅਨ ਕਦੋਂ ਮੰਨਿਆ ਜਾਵੇਗਾ?