Австрали дахь Монголчуудын нэгдсэн холбоо - UMCAA

09/06/2026

01/06/2026

Mongol Town in Australia

31/05/2026

Зарлал
Австралид сурч буй 8-12 ангийн сурагчид болон
эцэг эхчүүд анхаарлаа хандуулна уу!

31/05/2026

Энэ жилийн Наадмаар Их Монгол Улс байгуулагдсаны 820 жилийн ой тохиох юм.
Мөн өнөөдөр Бурхан Багш Гаутама Будда-гийн Их Дүйчэн өдөр тохиож байна.

Гурван их үйл нэг өдөр давхацдаг хэмээн үздэг хамгийн билэгт сайн өдрүүдийн нэг юм.

Бусдын төлөө хийсэн буян тань түм бум үржих болтугай.

(Монгол шүтээн, Их хаадын сэрэг дүр брендийн дүрсийг ашиглав)

Австрали дахь Монголчуудын нэгдсэн холбоо (UMCAA)

28/05/2026

Бүртгүүлээрэй!

Sydney-д ямар ямар үндэстэн, угсаатан байдаг вэ?
Хэрэв танд өөрийн үндэс угсаа, соёлын онцлогийг илэрхийлсэн үндэсний хувцас, хэрэглэл байдаг бол бидэнтэй холбогдож Наадам Festival 2026-ын нээлтийн парадад оролцохыг урьж байна.

Мөн:
• Худалдаа үйлчилгээ
• Хоол, хүнсний асар
• Хамтран ажиллах байгууллага
• Хандивлагч, sponsor
• Урлагийн авьяастан
• Сайн дурын volunteer

зэрэг чиглэлээр оролцох хүсэлтэй байгууллага, хувь хүмүүсийн Naadam Festival 2026 бүртгэл үргэлжилсээр байна.

Холбоо барих:
Утас-0400406596
[email protected]
Facebook chat PM

Australia дахь Монголчуудын Нэгдсэн Холбоо 🇲🇳

23/05/2026

🇲🇳NAADAM FESTIVAL 2026🇲🇳

Naadam Festival 2026-д дараах чиглэлүүдээр хамтран ажиллах, оролцох хүсэлтэй хувь хүн, албан байгууллага, бизнес эрхлэгч та бүхнийг урьж байна.

Австрали дахь Монголчуудын Нэгдсэн Холбооны (UMCAA) зүгээс Монгол өв соёл, уламжлалаа хамтдаа түгээн дэлгэрүүлэх энэхүү томоохон арга хэмжээнд идэвхтэй дэмжин оролцохыг уриалж байна.

13/05/2026

Ондоошил 🇲🇳 🇲🇳 🇲🇳

Эх орон, гэр бүл, найз нөхдөөсөө хол 10,000 бээрийн алсад, эх дэлхийн хамгийн том арал улс дээр оршин суугаа нүүр бардам “I’m from Mongolia” гэж чангаар хэлж чаддах Монгол хүн танд энэ оройн мэндийг дэвшүүлье.

Сайн байцгаана уу?

UMCAA холбооноос 2026.07.05-нд зохион байгуулах гэж буй “Naadam Festival 2026” арга хэмжээг энэ жил илүү өргөн дэлгэр зохион байгуулахын тулд Австрали улсад үйл ажиллагаа явуулж буй бизнес эрхлэгчид, компаниуд та бүхний хандив, дэмжлэг юу юунаас илүү чухал билээ.

Та болон танай компани яагаад заавал нэгдэх ёстой вэ?

1. Таны болон танай хамт олны гэр бүл, үр хүүхдүүд харийн нутагт өсөж торниж буй энэ үед Монгол хэл, соёл, ёс заншил, урлаг спорт, дээл хувцсаа жилдээ 1–2-хон удаа болов танин мэдүүлэх өдөр юм.
2. Таны хамтран ажилладаг гадаад түнш байгууллага, найз нөхдөө урин авчирч “Монголчууд гэж хэн бэ?” гэдгийг бахархалтайгаар танилцуулах боломж.
3. Хүний нутагт эх орноо сурталчлан таниулах, бид ямар үндэстэн бэ, Азийн төдийгүй дэлхийд ямар өвөрмөц соёл, ондоошилтой ард түмэн бэ гэдгээ харуулах өдөр.
4. Монголчууд биднийг нэгтгэж, танилцуулж, харилцаа холбоог өргөжүүлэх үнэт боломж. Бизнесийн шинэ харилцаа, хамтын ажиллагааны эхлэл ч энэ өдрөөс үүсдэг.

Наадам бол зүгээр нэг баяр биш. Энэ бол Монгол хүний үнэт зүйл, тусгаар тогтнол, бахархал, өв соёлын илэрхийлэл юм. Харийн нутагт бид бие биенээ таньж, ойлгож, дэмжиж, “бид хэн бэ” гэдгээ мартахгүй байх хамгийн том үндэсний өдөр билээ.

“Naadam Festival 2026”-д та бүхний өргөсөн хандив, дэмжлэг гаднын зочид төлөөлөгчид, айлчин гийчдийн нүдээр хэмжигдэж, Австрали дахь Монголчууд бидний өнгө төрхийг тодорхойлох юм.

Холбоо барих:
Email: [email protected]
Утас: 0400 406 596

Австрали дахь Монголчуудын нэгдсэн холбоо (UMCAA)

02/05/2026

UMCAA холбооноос 2026.07.05-нд зохион байгуулах “Наадам Фестиваль 2026”

Жилдээ ганц болдог хамгийн том үндэсний баярын арга хэмжээгээ нийгмийн хариуцлага, ухамсарлан Австрали улсад, тэр тусмаа Сидней хотод үйл ажиллагаа явуулдаг албан байгуулга, хувь хүн та бүхнийг идэвхтэй хандивын арга хэмжээнд нэгдэхийг уриалж байна.

Ар гэр, ажлын хамт олон, найз нөхдөөрөө баярын өдөр наадмын талбай дээр асар юугаан сүндэрлүүлэн суухыг урьж байна.

2024, 2025 оны наадмуудыг ердөө 2–3 компани Монгол community-ийхээ төлөө дийлэнх зардлыг гаргаж зохион байгуулсан.
Мэдээж тэд байнга цөөхүүлээ ачаалал үүрээд байж чадахгүй тул хэдэн арван, зуун ашиг орлоготой, арвинтай ажиллаж амжилттай яваа компаниуд та бүхэн нийгмийн хариуцлага, ухамсраар хандивт нэгдээрэй.

Наадмын дараа хандивт нэгдсэн албан байгууллага, хувь хүмүүст наадмын тайланг илгээж, UMCAA холбоо шилэн ажиллана.

Мөн хамтран ажиллах албан байгууллагууд холбогдно уу!

Баярлалаа

MongolBata MondaatMNG ContractorsATommy Battuvshin1Mongolia Road:Mugi D ParagonAMS BridgeBlue & BridgeBlue GlobalyGaruda Migration Education & RecruitmentATp EntertainmentBEnkhbayar EnktaivanrMgl Speed AutoRepair SydneyeBilguutei DamdinjavaBlue Sky CafeyAlex Tumurbaatar XYHHY Reo Pty LtdSBan Tours AustraliadAstragrace AUyMontaz-Au LTDmurbaatar XYHHY Reo Pty Ltd Ban Tours Australia Astragrace AU Montaz-Au LTD

27/04/2026

Anzac Day гэж ямар өдөр вэ?

Энэ өдрийг жил бүрийн 4-р сарын 25-нд тэмдэглэн өнгөрүүлэх гэхээсээ илүү иргэн дурсан санах хүндэтгэлийн өдөр юм.
Энэ өдөр нь 1915 онд болсон “Gallipoli Campaign”-д Австрали, Шинэ Зеландын цэргүүд анх удаа томоохон дайнд оролцсон өдрийг дурсдаг.

“ANZAC” гэдэг нь “Australian and New Zealand Army Corps” (Австрали, Шинэ Зеландын армийн корпус) гэсэн утгыг илэрхийлнэ.
Дайнд амь үрэгдсэн, мөн эх орныхоо төлөө зүтгэсэн бүх цэргүүдийг дурсах, хүндэтгэх өдөр.
Зөвхөн WWI биш, бүх дайнд оролцсон хүмүүсийг хамруулж дурсан сандаг өдөр юм.

1915 оны 4-р сарын 25 ANZAC цэргүүд Туркийн Gallipoli-д бууж World War I-д албан ёсоор нэгдэн оролцож эхэлжээ.

Нийт 60,000 орчим Австрали цэрэг мөн 8,500 орчим Шинэ Зеланд цэрэг оролцсоноос:

🇦🇺 Австрали: 8,700 хүнээ алдсан бол 🇳🇿 Шинэ Зеланд 2,700 хүнээ алдсан байдаг. Нийтдээ ANZAC талаас 11,000+ хүн амь үрэгджээ.

Эх орноосоо хол хүний нутагт байгаа бид тухайн улс орныхоо түүх ёс заншлыг тодорхой хэмжээнд мэдэж байх нь чухал билээ.

Та бүхэн сайхан амраарай!

Австрали дахь Монголчуудын нэгдсэн холбоо UMCAA

22/01/2026

МЭДЭГДЭЛ

Сайн байна уу?
Та бүхэнд энэ өдрийн мэндийг хүргэе.

1. Австрали дахь Монголчуудын Нэгдсэн Холбоо (UMCAA) нь
2026 оны 2 дугаар сарын 18-нд тохиох 17-р жарны “Сүрээр дарагч” хэмээх Гал улаан морин жилийн Сидней хотын олон нийтийн Цагаан сарын баярыг энэ жил зохион байгуулахгүй болохыг албан ёсоор мэдэгдэж байна.

2. 2026 оны 7 дугаар сарын 11-нд болох Тулгар төрийн 2235 жил, Их Монгол Улсын 820 жил, Үндэсний эрх чөлөө, тусгаар тогтнолоо сэргээн мандуулсны 115 жил, Ардын хувьсгалын 105 жилийн ой Үндэсний их баяр наадамыг зохион байгуулах болно.

Хэзээ: 2026.07.11/12 буюу Наадамын өдрүүдэд

Та бүхэнд сар шинийн мэнд хүргэе сайхан шинэлээрэй!

Австрали дахь Монголчуудын Нэгдсэн Холбоо (UMCAA)

Тэргүүн М.Баттөр

2026.01.22