15/06/2026
Цаг хугацаа, сэтгэл зүтгэл ч тэр, мөнгөн хандив ч тэр илүүдээ биш, илүүчилж өгөх сэтгэлтэй хүн л хийдэг, хандивладаг.
Үүнийг зарим хүн ойлгодоггүй л дээ. Гэхдээ хүмүүс юу гэж бодох нь хамаагүй. Бид чинь хорвоо ертөнцөд ирэхдээ өөрийн гэсэн даалгавартай, өгөгдөлтэй төрсөн байж таарна. Тэр нь заавал төрийн бус байгууллага байгуулж, сайн дурын ажил хийх биш л дээ. Ер нь хүн эх орноо хөгжүүлнэ гэж санаанд багтамгүй том зорилго тээж явахаас илүү би хувьдаа юу хийж чадах вэ гэдгээс эхэлбэл үр дүнтэй гэж боддог.
Эргэн тойрондоо эерэгээр нөлөөлөх, хэлсэндээ хүрэх гэдэг ч юмуу.
Зургаан жилийн өмнө Lantuun Dohio Australia багаа байгуулж байхдаа өнөөдрийн хэмжээний амжилтад хүрнэ гэж төсөөлөөгүй. Харин одоо бид жилдээ 70-80 сая төгрөгийн хандив босгоод эх орон руугаа явуулдаг.
Шинэ жилээр Австралид “Magic bag” аяныг онлайнаар явуулж Монголын багийнханы жил болгон зохион байгуулдаг Ид Шидийн Уут аяныг дэмжээд 6 жил болж байна.
Бид өөрсдийн чадах жижиг ч хамаагүй зүйлээ сэтгэлээсээ хийсэн болохоор үр дүн гарсан гэж боддог.
Лантуун дохио төрийн бус байгууллага нь АНУ болон Австрали улсад салбартай билээ. HumanZ редакц энэ удаа “Лантуун дохио Автстрали” салбарын үүсгэн байгуулагч Т.Оюун...
