27/02/2026
पास्टर लाजरस थुलुङलाई जन्मदिनमा ५० लाखको किया मोटर उपहार
११ फागुन २०८२, ललितपुर।
ज्योती ग्रेट कमिसन फेलोसिपका पास्टर लाजरस थुलुङले आफ्नो ५२औँ जन्मदिनको अवसरमा करिब रु. ५० लाख मूल्यको किया मोटर उपहारस्वरुप प्राप्त गर्नुभएको छ।
सोमबार ललितपुरको कार्यविनायकस्थित चर्च परिसरमा आयोजित विशेष कार्यक्रममा अमेरिकास्थित भुटानिज नेप्लिज चर्चेज अफ अमेरिकाका (BNCA) अध्यक्ष पास्टर सान राईले पास्टर थुलुङलाई किया मोटरको साँचो हस्तान्तरण गर्दै उक्त उपहार प्रदान गर्नुभयो।
अध्यक्ष राईका अनुसार पास्टर लाजरस थुलुङले विगत ३५ वर्षदेखि निस्वार्थ रूपमा परमेश्वरको सेवामा समर्पित हुनुभएको सम्मानस्वरुप उक्त कार उपहार प्रदान गरिएको हो। कार खरिदका लागि अमेरिकामा रहेका नेपालीभाषी चर्चका पास्टर तथा अगुवाहरू, इस्राएलमा रहेका नेपालीभाषी चर्चका सदस्यहरू र भारतमा रहेका नेपालीभाषी चर्चका सदस्यहरूले आर्थिक सहयोग गरेका थिए।
