06/04/2026
ਅਸੀਂ ਤਾਂ ਰੌਣਕ ਲਾ ਹਾਂ ਚੱਲੇ, ਹੁਣ ਤੁਸੀਂ ਨਾ ਭੁੱਲ ਜਾਇਓ।
ਅਗਲੀ ਵਾਰੀ ਨੂੰ ਪਰਥ, ਸ਼ਹਿਰ ਵਿੱਚ ਆਇਓ….,,।
38ਵੀਆਂ ਸਿੱਖ ਖੇਡਾਂ ਮੈਲਬਰਨ ਵਿੱਚ ਕੱਲ ਸਮਾਪਤ ਹੋ ਗਈਆਂ ਹਨ। ਬਹੁਤ ਸਾਰੇ ਸੱਜਣਾਂ ਮਿੱਤਰਾਂ ਨਾਲ ਮੁਲਾਕਾਤਾਂ ਹੋਈਆਂ। ਮਲਵਈ ਗਿੱਧਾ ਟੀਮ ਨੂੰ ਬਹੁਤ ਸਾਰਾ ਪਿਆਰ ਮਿਲਿਆ। ਲੋਕਾਂ ਨੇ ਲੜੀ ਦੀਆਂ ਬੋਲੀਆਂ ਨੂੰ ਬਹੁਤ ਪਸੰਦ ਕੀਤਾ। ਦੂਜੇ ਦਿਨ ਦੀ ਪ੍ਰਫਾਰਮੈਸ ਦੌਰਾਨ ਸਟੇਜ ਤੋਂ ਸਮੇਂ ਦੀ ਘਾਟ ਕਾਰਨ ਕਾਫ਼ੀ ਨਿਰਾਸ਼ਾ ਹੋਈ। ਆਖੀਰ ਸੱਥ ਦੇ ਖੁੱਲ੍ਹੇ ਪਿੜ ਵਿੱਚ ਅਖਾੜਾ ਲਾਇਆ। ਜਿੱਥੇ ਲੋਕਾਂ ਨੇ ਸਾਡਾ ਬਹੁਤ ਸਾਥ ਦਿੱਤਾ। ਸਾਰੇ ਰਲ ਮਿਲ ਕੇ ਗਿੱਧੇ ਦੇ ਪਿੜ ਵਿੱਚ ਨੱਚੇ ਤੇ ਖੁਸ਼ੀਆਂ ਸਾਂਝੀਆਂ ਕੀਤੀਆਂ।
ਤੇ ਅਗਲੇ ਸਾਲ ਪਰਥ ਮਿਲਣ ਦੇ ਵਾਅਦੇ ਨਾਲ ਅਖਾੜੇ ਦੀ ਸਮਾਪਤੀ ਕੀਤੀ।
ਮੈਲਬਰਨ ਵਿੱਚ ਸਭ ਤੋਂ ਪਹਿਲਾਂ ਬਾਈ ਹਰਮੰਦਰ ਕੰਗ ਤੇ ਓਹਨਾਂ ਦੇ ਪਰਿਵਾਰ ਨੇ ਸਾਡੀ ਟੀਮ ਨੂੰ ਆਪਣੇ ਘਰ ਬੁਲਾ ਕੇ ਮਹਿਮਾਨ ਨਿਵਾਜੀ ਕੀਤੀ। ਹਰਮੰਦਰ ਕੰਗ ਦੇ ਬੇਟੇ ਅਮੀਤੋਜ ਨੇ ਸਾਰੰਗੀ ਨਾਲ ਪ੍ਰਫਾਰਮੈਂਸ ਦੌਰਾਨ ਟੀਮ ਦਾ ਸਾਥ ਦਿੱਤਾ। ਪਰਿਵਾਰ ਵੱਲੋਂ ਮਿਲੇ ਵੱਧ ਚੜ੍ਹ ਕੇ ਸਹਿਯੋਗ ਦਾ ਅਸੀਂ ਤਹਿ ਦਿਲੋਂ ਧੰਨਵਾਦੀ ਹਾ।
ਵੀਰ ਸੁਖਜਿੰਦਰ ਲਾਡੀ ਵੱਲੋਂ ਟੀਮ ਦੇ ਲਈ ਮਿਲੇ ਮਾਣ ਸਨਮਾਨ ਲਈ ਵੀ ਬਹੁਤ ਧੰਨਵਾਦੀ ਹਾਂ। ਬਾਈ ਹਰਵਿੰਦਰ ਲੱਧਰ ਤੇ ਓਹਨਾ ਦੇ ਪਰਿਵਾਰ ਨੇ ਵੀ ਪਿਛਲੀ ਵਾਰ ਦੀ ਤਰ੍ਹਾਂ ਸਾਡੀ ਸਾਰੀ ਟੀਮ ਨੂੰ ਬਹੁਤ ਪਿਆਰ ਸਤਿਕਾਰ ਦਿੱਤਾ। ਮਨੀ ਬੀਹਲਾ ਤੇ ਜਰਨੈਲ ਸਿੰਘ ਵੱਲੋਂ ਵੀ ਸਾਰੀ ਟੀਮ ਨੂੰ ਘਰ ਬੁਲਾ ਕੇ ਮਹਿਮਾਨ ਨਿਵਾਜੀ ਕੀਤੀ। ਬੜੀ ਦੇਰ ਤੱਕ ਬੈਠ ਕੇ ਪਰਿਵਾਰ ਨਾਲ ਗੱਲਾਂਬਾਤਾ ਸਾਂਝੀਆਂ ਕਰਦੇ ਰਹੇ।
ਹਰਪਾਲ ਕੌਰ ਆਂਟੀ ਜੀ ਦਾ ਵੀ ਬਹੁਤ ਬਹੁਤ ਧੰਨਵਾਦ ਜਿਨ੍ਹਾਂ ਨੇ ਇਸ ਵਾਰ ਵੀ ਟੀਮ ਨੂੰ ਉਚੇਚੇ ਤੌਰ ਤੇ ਸੱਦਾ ਭੇਜਿਆ ਤੇ ਅਸੀਂ ਵੀ ਆਪਣੇ ਵਾਅਦੇ ਮੁਤਾਬਕ ਸਟੇਜ ਤੇ ਰੌਣਕਾਂ ਲਾਈਆਂ। ਕਿਸੇ ਕਿਸਮ ਦੀ ਕੋਈ ਕਮੀ ਪੇਸ਼ੀ ਰਹਿ ਗਈ ਹੋਵੇ ਤਾਂ ਮੈਲਬਰਨ ਦੇ ਭਾਈਚਾਰੇ ਤੋਂ ਖਿਮਾਂ ਦੇ ਜਾਚਕ ਹਾਂ।
-ਹਰਲਾਲ ਸਿੰਘ
