https://www.facebook.com/764529046736304/

Senior Sikhs in Canberra

Home
Australia
Canberra, ACT
Senior Sikhs in Canberra

Contact information, map and directions, contact form, opening hours, services, ratings, photos, videos and announcements from Senior Sikhs in Canberra, Nonprofit Organization, 31, Cashman Street, Denman prospect, Canberra.

14/10/2025

🙏💐🌹🪯 ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫਾ,
ਪੜ੍ਹਣ, ਸੁਨਣ, ਸਮਝਣ, ਵਿਚਾਰਨ,
ਲਈ ਹੋਂਦ ਵਿੱਚ ਲਿਆਂਦਾ ਗਿਆ ਸੀ,
ਪਰ
ਅਫ਼ਸੋਸ ਕਿ
ਸਿੱਖ ਸਮਾਜ ਦੇ ਧਾਰਮਿਕ ਠੇਕੇਦਾਰਾਂ ਨੇ ਸਿੱਖ ਸਮਾਜ ਨੂੰ ਬੇਵਕੂਫ਼ ਬਣਾਇਆ, ਵਰਗਲਾਇਆ ਅਤੇ ਗੁਮਰਾਹ ਕਰਨਾ ਕੀਤਾ।

📌🌲 ❗ ਬਾਣੀਂ ਸੁਖਮਨੀ ❗ ਨੂੰ ਸਮਝਣ ਜਾਨਣ ਬੁੱਝਣ ਦੀ ਬਜਾਏ ਰੱਟੇ ਲਾਉਣ ਵਾਲੇ ਪਾਸੇ ਤੋਰ ਦਿੱਤਾ।

🪻👉 ਪੂਰੇ ਸਿੱਖ ਸਮਾਜ ਦਾ ਜ਼ੋਰ (ਸੁਖਮਨੀ ਬਾਣੀ) ਦੇ ਪਾਠਾਂ ਉਪਰ ਲਗਿਆ ਹੋਇਆ ਹੈ, ਪਰ ਸੁਖਮਨੀ ਬਾਣੀ ਅੰਦਰ ਦਿੱਤੇ ਗਿਆਨ ਫਲਸਫੇ ਨੂੰ ਸਮਝਣਾ ਜਾਨਣਾ ਬੁੱਝਣਾ ਕੋਈ ਵੀ ਨਹੀਂ ਚਹੁੰਦਾ।

📌🌲 ਵੀਰ ਸੁਖਦੇਵ ਸਿੰਘ ਜੀ ਨੇ ਬਹੁਤ ਸੁਖੈਨ ਤਰੀਕੇ ਨਾਲ ਸੁਖਮਨੀ ਬਾਣੀ ਦੀਆਂ ਪੰਕਤੀਆਂ ਨੂੰ ਖੋਹਲਣਾ ਕੀਤਾ ਅਤੇ ਸਮਝਾਇਆ ਹੈ। ਬਹੁਤ ਬਹੁਤ ਧੰਨਵਾਦ ਵੀਰ ਜੀਓ।

ਇੰਜ ਦਰਸਨ ਸਿੰਘ ਪ੍ਰੀਤਮ
ਕੈਨਬਰਾ ਅਸਟ੍ਰੇਲੀਆ 🦘 🙏 🌹
14/10/25
🌹🌹🌹🌹🌹🌹🌹🌹🌹

🙏💐🌹🪯 ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫਾ,
ਪੜ੍ਹਣ, ਸੁਨਣ, ਸਮਝਣ, ਵਿਚਾਰਨ,
ਲਈ ਹੋਂਦ ਵਿੱਚ ਲਿਆਂਦਾ ਗਿਆ ਸੀ,
ਪਰ
ਅਫ਼ਸੋਸ ਕਿ
ਸਿੱਖ ਸਮਾਜ ਦੇ ਧਾਰਮਿਕ ਠੇਕੇਦਾਰਾਂ ਨੇ ਸਿੱਖ ਸਮਾਜ ਨੂੰ ਬੇਵਕੂਫ਼ ਬਣਾਇਆ, ਵਰਗਲਾਇਆ ਅਤੇ ਗੁਮਰਾਹ ਕਰਨਾ ਕੀਤਾ।

📌🌲 ❗ ਬਾਣੀਂ ਸੁਖਮਨੀ ❗ ਨੂੰ ਸਮਝਣ ਜਾਨਣ ਬੁੱਝਣ ਦੀ ਬਜਾਏ ਰੱਟੇ ਲਾਉਣ ਵਾਲੇ ਪਾਸੇ ਤੋਰ ਦਿੱਤਾ।

🪻👉 ਪੂਰੇ ਸਿੱਖ ਸਮਾਜ ਦਾ ਜ਼ੋਰ (ਸੁਖਮਨੀ ਬਾਣੀ) ਦੇ ਪਾਠਾਂ ਉਪਰ ਲਗਿਆ ਹੋਇਆ ਹੈ, ਪਰ ਸੁਖਮਨੀ ਬਾਣੀ ਅੰਦਰ ਦਿੱਤੇ ਗਿਆਨ ਫਲਸਫੇ ਨੂੰ ਸਮਝਣਾ ਜਾਨਣਾ ਬੁੱਝਣਾ ਕੋਈ ਵੀ ਨਹੀਂ ਚਹੁੰਦਾ।

📌🌲 ਵੀਰ ਸੁਖਦੇਵ ਸਿੰਘ ਜੀ ਨੇ ਬਹੁਤ ਸੁਖੈਨ ਤਰੀਕੇ ਨਾਲ ਸੁਖਮਨੀ ਬਾਣੀ ਦੀਆਂ ਪੰਕਤੀਆਂ ਨੂੰ ਖੋਹਲਣਾ ਕੀਤਾ ਅਤੇ ਸਮਝਾਇਆ ਹੈ। ਬਹੁਤ ਬਹੁਤ ਧੰਨਵਾਦ ਵੀਰ ਜੀਓ।

ਇੰਜ ਦਰਸਨ ਸਿੰਘ ਪ੍ਰੀਤਮ
ਕੈਨਬਰਾ ਅਸਟ੍ਰੇਲੀਆ 🦘 🙏 🌹
14/10/25

📌📌📌📌📌📌

🌹💐 ਬ੍ਰਹਮ ਗਿਆਨੀ ਕਾ ਦਰਸੁ ਬਡਭਾਗੀ ਪਾਈਐ
🌹💐 ਬ੍ਰਹਮ ਗਿਆਨੀ ਕਉ ਬਲਿ ਬਲਿ ਜਾਈਐ। ਮਹਲਾ ਪੰਜਵਾਂ।। 273।।

🥀👉🪻 ਇਹ ਬਾਣੀ ਸੁਖਮਨੀ ਦੀ ਅੱਠਵੀਂ ਅਸ਼ਟਪਦੀ ਦੀ ਪੰਕਤੀ ਹੈ।

🪻👉 ਬ੍ਰਹਮ ਗਿਆਨੀ ਵਿਅਕਤੀ ਦਾ ਸਰੀਰ ਨਹੀਂ ਹੁੰਦਾ, ਜਿਵੇਂ ਕਿ ਆਮ ਸਮਝਿਆ ਜਾਂਦਾ ਹੈ।

🪻👉 ਸੰਤ, ਭਗਤ, ਸਾਧੂ ਤੇ ਬ੍ਰਹਮ ਗਿਆਨੀ ਵਿਅਕਤੀ ਦੀ ਸੋਚ ਹੁੰਦੀ ਹੈ।

🪻👉 ਰੱਬੀ ਗੁਣਾਂ ਵਾਲੀ ਸੋਚ ਦੇ ਹੀ ਵੱਖੋ ਵੱਖਰੇ ਨਾਮ ਹਨ।

🪻👉 ਅਸੀਂ ਸਰੀਰ ਨੂੰ ਅਤੇ ਪਹਿਰਾਵੇ ਨੂੰ ਹੀ
👉ਸੰਤ,
👉ਭਗਤ,
👉ਸਾਧੂ ਤੇ
👉ਬ੍ਰਹਮ ਗਿਆਨੀ, ਸਮਝਣਾ ਸ਼ੁਰੂ ਕਰ ਦਿੱਤਾ ਹੈ, ਜਿਸ ਕਰਕੇ ਬਹੁਤ ਵਾਰ ਗੁਮਰਾਹ ਵੀ ਹੋ ਜਾਂਦੇ ਹਾਂ।

🪻👉 ਜਦ ਕਿ ਰੱਬੀ ਗੁਣਾਂ ਵਾਲੀ ਸੋਚ ਵਿਅਕਤੀ ਨੂੰ ਬ੍ਰਹਮ ਗਿਆਨੀ ਬਣਾਉਂਦੀ ਹੈ।

🪻👉 ਇਹੋ ਹੀ ਕਾਰਨ ਹੈ, ਕਿ
ਸਿੱਖੀ ਵਿੱਚ ਗੁਰੂਆਂ ਦੀ ਫੋਟੋ ਨੂੰ ਮੱਥਾ ਟੇਕਣਾ ਭਾਵ
ਪੂਜਾ ਕਰਨੀ ਮਨਾਹੀ ਹੈ।

🪻👉 (ਗੁਰੂ) ਉਹ ਸਰੀਰ ਕਰਕੇ ਨਹੀਂ ਸਨ।

🪻👉 (ਗੁਰੂ) ਉਹ ਉਨਾਂ ਦੀ ਰੱਬੀ ਗੁਣਾਂ ਵਾਲੀ ਸੋਚ ਦੇ ਕਾਰਨ ਸਨ।

🪻👉 ਫੋਟੋ ਤਾਂ ਸਰੀਰ ਦੀ ਹੁੰਦੀ ਹੈ।

🪻👉 ਜਦ ਕਿ (ਗੁਰੂ) ਉਹ ਸੋਚ ਕਾਰਨ ਸਨ।

🪻👉ਉਸ ਸੋਚ ਦੇ (ਦਰਸ਼ਨ) ਕਰਨ ਤੋਂ ਭਾਵ ਹੈ, ਉਸ ਰੱਬੀ ਗੁਣਾਂ ਵਾਲੀ ਸੋਚ ਨੂੰ ਆਪ ਧਾਰਨ ਕਰ ਲੈਣਾ।

🪻👉 ਜਦੋਂ ਰੱਬੀ ਗੁਣਾਂ ਵਾਲੀ ਸੋਚ ਦੇ ਧਾਰਨੀ ਹੋ ਗਏ ਤਾਂ ਇਸ ਤੋਂ ਬਾਅਦ ਤਾਂ ਕੁੱਝ ਪ੍ਰਾਪਤ ਕਰਨ ਨੂੰ ਰਹਿ ਹੀ ਨਹੀਂ ਜਾਂਦਾਂ।

🪻👉 ਇਸ ਤੋਂ ਵੱਡੇ ਭਾਗ ਹੋਰ ਕੀ ਹੋ ਸਕਦੇ ਹਨ, ਤਾਂ ਉਸ ਰੱਬੀ ਗੁਣਾਂ ਵਾਲੀ ਸੋਚ ਦੇ ਬਲਿਹਾਰੇ ਜਾਂਦੇ ਰਹਿਣਾ ਚਾਹੀਦਾ ਹੈ।

🌹🌹🌹🌹 ਬ੍ਰਹਮ ਗਿਆਨੀ ਕਉ ਖੋਜਹਿ ਮਹੇਸੁਰ ।।
🌹🌹🌹🌹 ਨਾਨਕ ਬ੍ਰਹਮ ਗਿਆਨੀ ਆਪਿ ਪਰਮੇਸੁਰ।। ਮਹਲਾ ਪੰਜਵਾਂ।। 273।।

🪴🥀 ਉਸ ਰੱਬੀ ਗੁਣਾਂ ਵਾਲੀ ਸੋਚ ਦੇ ਧਾਰਨੀ ਹੋਣ ਨੂੰ ਦੇਵਤੇ ਵੀ ਤਰਸਦੇ ਰਹਿੰਦੇ ਹਨ।

🪻👉 ਨਾਨਕ ਕਹਿ ਰਹੇ ਹਨ ਕਿ ਰੱਬੀ ਗੁਣਾਂ ਵਾਲੀ ਸੋਚ ਹੀ ਵਿਅਕਤੀ ਲਈ (ਪਰਮੇਸ਼ਰ) ਹੈ।

🪻👉 ਗੁਰਬਾਣੀ ਵਾਲਾ (ਪਰਮੇਸ਼ਰ) ਹਰ ਵਿਅਕਤੀ ਦਾ ਆਪਣਾ ਆਪਣਾ ਹੈ, ਕਿਉਂਕਿ ਹਰ ਵਿਅਕਤੀ ਦੀ ਸੋਚ ਆਪਣੀ ਆਪਣੀ ਹੈ।

🪻👉 ਜਿਸ ਦੀ ਸੋਚ ਵਿੱਚ ਸਾਰੇ ਰੱਬੀ ਗੁਣਾਂ ਦੀ ਸਮੂਲੀਅਤ ਹੋ ਗਈ ਤਾਂ ਉਹ ਸੋਚ ਵਿਅਕਤੀ ਲਈ (ਪਰਮੇਸ਼ਰ) ਹੋ ਜਾਂਦੀ ਹੈ ।

🪻👉 ਇਸੇ ਸਥਿਤੀ ਨੂੰ ਗੁਰੂ ਜੀ ਕਹਿੰਦੇ ਹਨ ('ਗੁਰ ਪ੍ਰਮੇਸ਼ਰ ਇਕੋ ਜਾਣ' 'ਪਾਰਬ੍ਰਹਮ ਗੁਰ ਨਾਹੀਂ ਭੇਦ।।)

🪻👉 ਗੁਰੂ ਜੀ ਜਦੋਂ (ਗਿਆਨ) ਨੂੰ ਗੁਰੂ ਪ੍ਰਚਾਰਦੇ ਹਨ ਤਾਂ ਉਨਾਂ ਦਾ (ਗਿਆਨ) ਤੋਂ ਭਾਵ ‼️ਗਿਆਨਮਈ ਸੋਚ'‼️ ਹੀ ਸੀ।

🪻👉 ਰੂਹਾਨੀ ਵਿਸ਼ੇ ਤੇ ਸਭ ਕੁੱਝ ਵਿਅਕਤੀ ਦੀ ਗਿਆਨਮਈ ਸੋਚ ਉਪਰ ਨਿਰਭਰ ਕਰਦਾ ਹੈ।

🪻👉 ਗੁਰਬਾਣੀ ਦਾ ਉਪਦੇਸ਼ ਨੈਗੇਟਿਵ ਸੋਚ ਨੂੰ ਪੌਜੇਟਿਵ ਸੋਚ ਵਿਚ ਬਦਲਣਾ ਹੈ।

🪻👉 ਅਵਗੁਣਾਂ ਨੂੰ ਛੱਡ ਕੇ, ਸਦਗੁਣਾਂ ਨੂੰ ਅਪਨਾਉਣਾ ਹੈ।

🪻👉 ਇਹ ਸਾਰੀ ਦੀ ਸਾਰੀ ਵਿਚਾਰਕ ਕਿਰਿਆ ਹੈ।

🪻👉 ਇਸ ਵਿੱਚ ਸਰੀਰਕ ਕਿਰਿਆ ਦਾ ਕੋਈ ਰੋਲ ਨਹੀਂ ਹੈ।

🌲💐💐 ਸਾਡਾ ਜੋਰ ਬਾਹਰਮੁਖੀ ਲੱਗਿਆ ਹੋਇਆ ਹੈ ਜਿਸ ਕਰਕੇ ਅੰਦਰ ਲੋੜੀਂਦੀ ਸ਼ਾਤੀ ਪ੍ਰਾਪਤ ਨਹੀਂ ਹੁੰਦੀ।

🪻👉 ਰੂਹਾਨੀ ਕਿਰਿਆ ਦਾ ਫਲ ਅੰਦਰ ਸੁਖ ਸ਼ਾਂਤੀ ਦੇ ਰੂਪ ਵਿੱਚ ਮਿਲਦਾ ਹੈ।

🪻👉 ਅਸੀਂ ਰੂਹਾਨੀ ਕਿਰਿਆ ਤੋਂ ਬਾਹਰੀ ਵਸਤੂ ਰੂਪ ਮੰਗਾ ਦੀ ਪੂਰਤੀ ਦੀ ਆਸ ਲਾਈ ਹੋਈ ਹੈ।

🪻👉 ਬਾਹਰੀ ਮੰਗ ਦੀ ਪੂਰਤੀ ਸਰੀਰਕ ਕਿਰਿਆ ਹੈ ਭਾਵ ਵਸਤੂ ਰੂਪ ਮੰਗ ਸਰੀਰਕ ਮਿਹਨਤ ਨਾਲ ਅਤੇ ਦਿਮਾਗ ਦੀ ਸਹੀ ਵਰਤੋਂ ਨਾਲ ਸੰਭਵ ਹੋਵੇਗੀ। ਲੋੜੀਂਦੀ ਇੰਤਜਾਰ ਵੀ ਕਰਨੀ ਪੈ ਸਕਦੀ ਹੈ।

🌲💐🌲 ਜਦੋਂ ਅਸੀਂ ਇਸ ਅਸ਼ਟਪਦੀ ਦਾ ਸਲੋਕ ਪੜਦੇ ਹਾਂ ਜੋ ਹੇਠਾਂ ਲਿਖ ਰਿਹਾ ਹਾਂ ਤਾਂ ਉਸ ਤੋਂ ਵੀ (ਬ੍ਰਹਮ ਗਿਆਨੀ) ਦੇ ਗੁਣਾਂ ਵਾਲੀ ਗੱਲ ਸਾਫ ਹੋ ਜਾਂਦੀ ਹੈ।

🪻👉 ਸਲੋਕ ਦੱਸ ਰਿਹਾ ਹੈ ਕਿ ਬ੍ਰਹਮ ਗਿਆਨੀ ਦੇ ਲੱਛਣ ਕਿਹੜੇ ਕਿਹੜੇ ਹਨ।

📌📌📌 ਸਲੋਕ ਕਹਿ ਰਿਹਾ ਹੈ,
ਕਿ
‼️ ਮਨਿ ਸਾਚਾ ਮੁਖਿ ਸਾਚਾ ਸੋਇ।
ਅਵਰੁ ਨ ਪੇਖੈ ਏਕਸ ਬਿਨੁ ਕੋਇ।
ਨਾਨਕ ਇਹ ਲਛਣ
ਬ੍ਰਹਮ ਗਿਆਨੀ ਹੋਇ। ‼️

🪴🌹🪴🌹 ਇਸ ਸਭ ਕੁਝ ਨੂੰ ਸਮਝਣ ਤੋਂ ਬਾਅਦ ਵੀ ਸਾਡੀ ਦੌੜ
➡️ ਬ੍ਰਹਮਗਿਆਨੀ, ਸੰਤ, ਭਗਤ ਤੇ ਸਾਧੂ,⬅️ ਨੂੰ ਲੱਭਣ ਉਪਰ ਲੱਗੀ ਹੋਈ ਹੈ।

🪻👉 ਗੁਰਬਾਣੀ ਦਾ ਉਪਦੇਸ਼ ਮਨ ਲਈ ਹੈ। ਮਨ ਭਾਵ ਸੋਚ ਨੇ ਆਪ ਰੱਬੀ ਗੁਣਾਂ ਨੂੰ ਧਾਰਨ ਕਰਨਾ ਹੈ।

🪻👉 ਪਹਿਲਾਂ ਤਾਂ ਰੱਬੀ ਗੁਣਾਂ ਵਾਲੀ ਸੋਚ ਦਾ ਲੱਭਣਾ ਸੰਭਵ ਹੀ ਨਹੀਂ ਹੈ,
ਕਿਉਂਕਿ ਇਹ ਪਤਾ ਕਿਵੇਂ ਲੱਗੇ ਕਿ ਕਿਸਦੀ ਸੋਚ ਰੱਬੀ ਗੁਣਾਂ ਵਾਲੀ ਹੈ❓

🪻👉 ਫਿਰ ਵੀ ਜੇ ਕਿਸੇ ਨੂੰ ਲੱਭ ਵੀ ਜਾਵੇ ਤਾਂ ਉਸਦਾ ਲਾਭ ਕੀ ਤੇ ਕਿਵੇਂ ਹੋਵੇਗਾ?

🪻👉 ਅੰਦਰ ਸੁਖ ਸ਼ਾਂਤੀ ਉਸ ਲਈ ਹੀ ਸੰਭਵ ਹੈ ਜਿਸ ਦੀ ਆਪਣੀ ਸੋਚ ਰੱਬੀ ਗੁਣਾਂ ਵਾਲੀ ਹੋਵੇਗੀ।

🪻👉 ਕਿਸੇ ਬ੍ਰਹਮਗਿਆਨੀ ਦੇ , ਕਿਸਦੇ ਸਿਰ ਉਪਰ ਹੱਥ ਰੱਖਣ ਨਾਲ ਕੁੱਝ ਨਹੀਂ ਹੋਣ ਵਾਲਾ, ਜਿਵੇਂ ਕਿ ਆਮ ਸੋਚਿਆ ਜਾਂਦਾ ਹੈ।

🪻👉 ਗੁਰਬਾਣੀ ਦਾ ਉਪਦੇਸ਼ ➡️ਬ੍ਰਹਮਗਿਆਨੀ⬅️ ਲੱਭਣ ਲਈ ਨਹੀਂ ਹੈ ਸਗੋਂ ਆਪ (ਬ੍ਰਹਮਗਿਆਨੀ) ਬਣਨ ਤੋਂ ਹੈ।

🪻👉 ਅਸੀਂ ਆਪ ਸਦਗੁਣਾਂ ਦਾ ਧਾਰਨੀ ਹੋਣਾ ਹੈ।

🪻👉 ਸਾਡੀ ਆਪਣੀ ਸੋਚ ਰੱਬੀ ਗੁਣਾਂ ਵਾਲੀ ਹੋਣੀ ਚਾਹੀਦੀ ਹੈ, ਜੋ ਸਾਨੂੰ ਜੀਵਨ ਵਿੱਚ ਸੁਖ ਸ਼ਾਂਤੀ ਦਿੰਦੀ ਰਹੇਗੀ।

🪻👉 ਬਾਣੀ ਪਾਠ ਕਰਦੇ ਰਹਿਣ ਲਈ ਹੀ ਨਹੀਂ ਹੈ।

🪻👉 ਗੁਰਬਾਣੀ ਦੇ ਉਪਦੇਸ਼ ਨੂੰ ਕਮਾਉਣਾ ਵੀ ਪਵੇਗਾ।

🪻👉 ਜਿਸ ਵਾਰੇ ਸਾਡਾ ਧਿਆਨ ਘੱਟ ਹੀ ਜਾਂਦਾ ਹੈ ਭਾਵ ਸਦਗੁਣਾਂ ਨੂੰ ਜਿੰਦਗੀ ਵਿੱਚ ਕਮਾਉਂਦੇ ਰਹਿਣ ਵੱਲ ਸਾਡੀ ਕੋਈ ਕੋਸ਼ਿਸ਼ ਨਹੀਂ ਹੈ।

🪻👉 ਇਹੋ ਹੀ ਕਾਰਨ ਹੈ ਕਿ ਅਸੀਂ ਬਾਣੀ ਦਾ ਪਾਠ ਕਰਦੇ ਰਹਿਣ ਦੇ ਬਾਵਜੂਦ ਵੀ ਹੈਰਾਨ ਪ੍ਰੇਸ਼ਾਨ ਰਹਿੰਦੇ ਹਾਂ।

✍️ ਸੁਖਦੇਵ ਸਿੰਘ 94171 91916

ਧੰਨਵਾਦ ਸਹਿਤ ਕਾਪੀ ਕੀਤਾ,
ਐਡਮਿੰਨ14/10/25

30/09/2025

ਬੰਦਾ ਚਾਹੇ Mars ਤੇ ਜਾਣ ਦੀਆਂ ਕੋਸ਼ਿਸ਼ਾਂ ਵਿਚ ਹੈ, ਪਰ ਧਰਤੀ ਤੇ ਅਜੇ ਅਣਗਿਣਤ ਅਜਿਹੇ ਭੇਤ ਆ ਜਿਹੜੇ ਬੰਦੇ ਦੀ ਸਮਝ ਵਿਚ ਨਹੀਂ ਆਏ।

*******

ਆਸਟ੍ਰੇਲੀਆ ਦੇ ਵਿਚਕਾਰ ਜਹੇ ਦਾ ਖੁਸ਼ਕ ਇਲਾਕਾ, ਜਿੱਥੇ ਕਈ ਕਈ ਸਾਲਾਂ ਤੱਕ ਮੀਂਹ ਨਹੀਂ ਪੈਂਦਾ। ਕਿਸੇ ਵੀ ਤਰ੍ਹਾਂ ਦੇ ਜੀਵ ਲਈ ਜੀਵਨ ਏਥੇ ਬਹੁਤ ਮੁਸ਼ਕਿਲ ਹੈ।

ਕਈ ਵਾਰ ਦਸਾਂ ਕੁ ਸਾਲਾਂ ਬਾਅਦ ਇੱਥੇ ਮੀਂਹ ਆਉਂਦਾ ਤੇ ਸੁੱਕੀਆਂ ਨਹਿਰਾਂ ਵਿਚ ਪਾਣੀ ਆ ਜਾਂਦਾ। ਪਾਣੀ ਨੀਵੇਂ ਹਿੱਸੇ ਵੱਲ ਜਾਣ ਲਗਦਾ ਤੇ ਇੱਕ ਜਗ੍ਹਾਂ ਕੱਠਾ ਹੋਣ ਲਗਦਾ, ਜਿਸ ਨਾਲ ਰੇਗਿਸਤਾਨ ਵਿਚ ਆਸਟ੍ਰੇਲੀਆ ਦੀ ਸੱਭ ਤੋਂ ਵੱਡੀ ਝੀਲ ਬਣ ਜਾਂਦੀ।
ਨਹਿਰਾਂ ਰਾਹੀਂ ਤੈਰਦੀਆਂ ਹੋਈਆਂ ਮੱਛੀਆਂ ਵੀ ਇਸ ਝੀਲ ਵਿਚ ਪਹੁੰਚ ਜਾਂਦੀਆਂ।

ਜੀਆ ਕਾ ਆਹਾਰੁ ਜੀਅ…..

ਝੀਲ ਵਿੱਚ ਮੱਛੀਆਂ ਆ ਗਈਆਂ। ਮਤਲਬ ਪੰਛੀਆਂ ਦੀ ਖੁਰਾਕ ਆ ਗਈ।

ਇੱਥੇ ਖਾਸ ਗੱਲ ਇਹ ਹੈ ਕਿ ਇਸ ਸਮੇਂ ਕਈ ਸੌ ਕਿਲੋਮੀਟਰ ਤੋਂ ਪੰਛੀ (Pelicans) ਵੀ ਉੱਡ ਕੇ ਪਹੁੰਚ ਜਾਂਦੇ ਆ ਜੋ ਏਨ੍ਹਾਂ ਮੱਛੀਆਂ ਨੂੰ ਖਾਂਦੇ ਆ।

ਏਨ੍ਹਾਂ ਪੰਛੀਆਂ ਦੀ ਪੂਰੀ ਜਿੰਦਗੀ ਵਿਚ ਇਹ ਝੀਲ ਕਿਤੇ ਇੱਕ ਅੱਧ ਵਾਰ ਹੀ ਪਾਣੀ ਨਾਲ ਭਰਦੀ ਹੈ। ਫੇਰ ਏਨ੍ਹਾਂ ਪੰਛੀਆਂ ਨੂੰ ਕਿਵੇਂ ਪਤਾ ਲਗਦਾ ਕਿ ਇੱਕ ਨਵੀਂ ਝੀਲ ਬਣੀ ਹੈ? ਕਿਹੜੀ ਜਗ੍ਹਾ ਤੇ ਬਣੀ ਹੈ ਤੇ ਰਸਤਾ ਕੀ ਹੈ ਓਥੇ ਪਹੁੰਚਣ ਦਾ?

ਕੁਦਰਤ ਦੀਆਂ ਅਣਗਿਣਤ ਬੁਝਾਰਤਾਂ ਵਾਂਗ ਇਹ ਵੀ ਇੱਕ ਭੇਤ ਹੀ ਹੈ, ਜੋ ਅਜੇ ਕਿਸੇ ਨੂੰ ਸਮਝ ਨਹੀਂ ਆਇਆ।

ਧੰਨਵਾਦ ਸਹਿਤ ਕਾਪੀ ਕੀਤਾ
ਐਡਮਿੰਨ
30/9/25

13/08/2025

🙏🌎🪻🌿 Everything is Temporary --

,👉 Thoughts,
👉 Emotions,
👉 Peoples, and
👉 Sceneries.

🌺🪻🌿 Do not become attached,
Just flow with it.

🌿🌿🌿🌿🌿🌿🌿🌿🌿🌿

🙏🍇 Very true. No One Can deny this statement

🥀🥀 What's ever we see in the world 🌍.

🥀🥀 What's ever we realise, in the out-side world 🌎.

🧩🧩 Is perishable. ਨਾਸ਼ਵਾਨ ਹੈ।

🧩🧩 ‌‌ਅਸੀਂ ਖ਼ੁਦ perishable ਹਾਂ। ਨਾਸ਼ਵਾਨ ਹਾਂ।

🌎🌎 ‌ਇਸ ਚਲਾਇਮਾਨ ਬ੍ਰਹਿਮੰਡ ਅੰਦਰ
👉 ਕੁੱਝ ਵੀ ਸਥਿਰ ਨਹੀਂ ਹੈ।
👉 ‌ਹਮੇਸ਼ਾ ਲਈ ਨਹੀਂ ਹੈ।

🌲🌲🌲 ਹੋਂਦ ਵਿੱਚ ਆਏ,
ਇਸ ਬ੍ਰਹਿਮੰਡੀ ਸਿਸਟਿੱਮ,
ਵਿਧੀ ਵਿਧਾਨਾਂ,
ਅਸੂਲਾਂ,
ਨੇਮਾਂ ਨਿਯਮਾਂ,
ਸਿਧਾਂਤਾਂ ਦੀ ਖੇਡ ਦਾ,

👭 ‌‌ਕੋਈ ਵੀ ਜੀਵ ਜਾਂ ਪ੍ਰਾਣੀ
ਲੱਖਾਂ ਕਰੋੜਾਂ ਸਾਲਾਂ ਤੋਂ
ਭੇਦ ਨਹੀਂ ਪਾ ਸਕਿਆ ਹੈ।

👭🦘 ਜੀਵ ਜਾਂ ਪ੍ਰਾਣੀ
ਜੰਮਦੇ ਹਨ
ਅਤੇ
ਆਪਣੇ ਜੀਵਨ ਦੀ ਖੇਡ
ਖੇਡ ਕੇ ਰੁਖਸੱਤ ਹੋ ਜਾਂਦੇ ਹਨ।

🍁🍁 ਕੋਈ ਸਵਾਲ ਸੁਨਣ ਵਾਲਾ ਨਹੀਂ ❓❓❓

🍁🍁 ‌‌ਕੋਈ ਸਵਾਲਾਂ ਦੇ ਜਵਾਬ ਦੇਣ ਵਾਲਾ ਨਹੀਂ ❓❓❓

ਪਰ,

👭👭 ‌‌ਮਨੁੱਖਾਂ ਦੇ ਦਿਮਾਗਾਂ ਅੰਦਰ ਤਾਂ, ਇਕ, ਦੋ ਨਹੀਂ,
ਬਲਕਿ, ,
ਇਸ ਬ੍ਰਹਿਮੰਡੀ ਸਿਸਟਿੱਮ ਨਿਜ਼ਾਮਾਂ ਨੂੰ ਲੈਕੇ
ਹਜ਼ਾਰਾਂ ਹੀ ਸਵਾਲ
ਪੈਦਾ ਹੁੰਦੇ ਹਨ।

🧩🧩 ‌ਭੰਬਲਭੂਸੇ ਬਣਦੇ ਹੀ ਰਹਿੰਦੇ ਹਨ।

🪴🦠 ‌‌ਧਾਰਮਿਕ ਠੇਕੇਦਾਰਾਂ ਨੇ,
🪴🦠 ਸ਼ਾਤਿਰ ਦਿਮਾਗ ਮਨੁੱਖਾਂ ਨੇ,
ਪੂਜਾਰੀਆਂ ਨੇ,
ਪਾਂਡਿਆਂ ਨੇ,
ਮੌਲਾਣਿਆਂ ਨੇ,
ਭਾਈਆਂ ਨੇ,
ਹੋਰ ਅਨੇਕਾਂ ਤਰਾਂ ਦੇ ਵਿਹਲੜ ਸਾਧੜਿਆਂ ਨੇ,
ਧਾਰਮਿਕਤਾ ਦੇ
ਨਾਮ ਤੇ
ਜਨਤਾ-ਜਨਾਰਦਨ ਨੂੰ ਬੇਵਕੂਫ਼ ਬਣਾਇਆ ਅਤੇ ਵਰਗਲਾਇਆ ਹੈ,
ਜਨਤਾ ਜਨਾਰਦਨ ਨੂੰ
ਰੱਬ ਦੇ ਨਾਮ ਦਾ ਡਰ ਦਿਖਾਇਆ ਅਤੇ ਧਮਕਾਇਆ ਹੈ ,
ਕੇ
ਅਗਰ
ਰੱਬ ਨੂੰ ਖੁਸ਼ ਨਹੀਂ ਕੀਤਾ,
ਤਾਂ
ਤੁਸੀਂ ਰੱਬ ਦੀ ਕਰੋਪੀ ਦੇ ਪਾਤਰ ਬਣ ਸਕਦੇ ਹੋ,
ਸਾਰੀ ਉਮਰ ਦੁੱਖਾਂ, ਤਕਲੀਫਾਂ, ਪ੍ਰੇਸ਼ਾਨੀਆਂ
ਦੇ ਭੋਗਣਹਾਰੇ
ਬਣ ਸਕਦੇ ਹੋ।

🪴🦠 ‌ਇਹਨਾਂ ਦੁੱਖਾਂ ਤਕਲੀਫਾਂ ਪ੍ਰੇਸ਼ਾਨੀਆਂ ਤੋਂ ਛੁਟਕਾਰਾ
ਕੇਵਲ
(ਵਿਚੋਲਾ) ਪੂਜਾਰੀ, ਕਰਵਾ ਸਕਦਾ ਹੈ।

😁😁😁😁 ‌ਹੈ ਨਾ,
ਕਿੱਡਾ ਵੱਡਾ ਫ਼ਰਾਡ ❓❓😁😁😁😁

,🌏🌏🌏 ਇਸ ਬ੍ਰਹਿਮੰਡ ਯੂਨੀਵਰਸ ਦੀ ਸੱਚਾਈ reality ਨੂੰ ਸਮਝਦੇ ਜਾਣਦੇ ਬੁੱਝਦੇ ਹੋਏ
ਆਪਣੇ ਆਪ ਨੂੰ
ਸਮਝਦਾਰ, ਸਿਆਣੇ, ਦੂਰਅੰਦੇਸ਼ ਸੂਝਵਾਨ ਬਨਾਉਣਾ ਕਰੋ,
ਅਤੇ
ਸਿਧਾਂਤਿਕ ਪੱਖਾਂ ਦੀ ਜਾਣਕਾਰੀ ਲੈ ਕੇ,
ਆਪਣੇ ਆਪ ਵਿੱਚ ਲੋੜੀਂਦੇ ਬਦਲਾਅ ਲਿਆਉਣਾ ਕਰਕੇ
ਆਪਣੇ ਮਨੁੱਖੀ ਜੀਵਨ ਨੂੰ
ਜ਼ਿਆਦਾ ਖੁਸ਼ਗਵਾਰ ਅਤੇ
ਖੁਸ਼ਹਾਲ ਬਣਾਇਆ ਜਾ ਸਕਦਾ ਹੈ।

❤️❤️❤️ ਇਹ possible ਹੈ।
ਕੋਸਿਸ਼ ਕਰ ਦੇਖੋ,‌ ਨਿਰਾਸ਼ਤਾ ਨਹੀਂ ਮਿਲੇਗੀ।

All the best and take care ❤️ 😘.

Eng Darshan Singh Pritam
Canberra Australia 🌏 🦘
13/8/25

👉 (Share with your friends.)

13/08/2025

🙏🌹 ਪਸ਼ੂਆਂ ਦੇ ਦੁੱਧ ਜਾਂ ਨਕਲੀ ਦੁੱਧ ਤੋਂ ਬਣਿਆ, ❤️ ਪਨੀਰ,❤️।

ਨੋਟ - ਕਾਪੀ ਤੋਂ ਬਾਅਦ ਪੰਜਾਬੀ ਅਨੁਵਾਦ ਕੀਤੀ ਗਈ

ਸਵਾਲ - ਤੁਸੀਂ ਕਿਹੜਾ ਪਨੀਰ ਖਾਣੇ ਵਿੱਚ ਖਾਂਦੇ ਹੋ❓
ਜਾਂ ਘਰੇ ਆਏ ਮਹਿਮਾਨਾਂ ਦੀ ਮਹਿਮਾਨ-ਨਿਵਾਜ਼ੀ ਤਹਿਤ ਖਵਾਉਂਦੇ ਹੋ ❓

---🥀🥀🥀🥀🥀🥀🥀

#ਪਨੀਰ Paneer!

ਅਕਸਰ ਮਨ ਵਿੱਚ ਇਹ ਸਵਾਲ ਉਠਦਾ ਹੈ ਕਿ ਜੋ ਪਨੀਰ ਅਸੀਂ ਮਾਰਕੀਟ ਤੋਂ ਲੈ ਕੇ ਖਾਂਦੇ ਹਾਂ, ਕੀ ਉਹ ਅਸਲੀ ਹੁੰਦਾ ਹੈ?

ਹਾਈਵੇ ਉੱਤੇ ਕਿਸੇ ਸਸਤੇ ਢਾਬੇ ‘ਤੇ ਖਾਣਾ ਖਾਓ, ਮੈਨੂ ਵਿੱਚ ਘੱਟੋ-ਘੱਟ 6 ਆਈਟਮ ਪਨੀਰ ਦੀਆਂ ਹੋਣਗੀਆਂ। 5-ਸਟਾਰ ਹੋਟਲ ‘ਚ ਜਾਓ, ਵੈਜੀਟੇਰੀਅਨ ਸੈਕਸ਼ਨ ਵਿੱਚ 60% ਡਿਸ਼ਾਂ ਪਨੀਰ ਦੀਆਂ ਹੁੰਦੀਆਂ ਹਨ।

30 ਰੁਪਏ ਵਿੱਚ 6 ਪਨੀਰ ਮੋਮੋਜ਼? 50 ਰੁਪਏ ਵਿੱਚ ਪਨੀਰ ਪਿਜ਼ਾ? 100 ਰੁਪਏ ਵਿੱਚ ਬਟਰ ਪਨੀਰ? 40 ਰੁਪਏ ਵਿੱਚ ਪਨੀਰ ਕੁਲਚਾ?

20 ਸਾਲ ਪਹਿਲਾਂ ਵੀ ਜਦੋਂ ਮੈਂ ਕਹਿੰਦੀ ਸੀ ਕਿ ਮੈਂ ਪਨੀਰ ਨਹੀਂ ਖਾਂਦੀ ਤਾਂ ਲੋਕ ਆਖਦੇ ਸੀ — ਐਨੀ ਹਾਈ ਪ੍ਰੋਟੀਨ ਚੀਜ਼ ਨਹੀਂ ਖਾਂਦੀ?

ਉਦੋਂ ਵੀ ਮੈਨੂੰ ਲੱਗਦਾ ਸੀ ਕਿ ਇਹ ਅਸਲੀ ਨਹੀਂ। ਫਿਰ ਮੈਂ ਘਰ ‘ਚ ਪਨੀਰ ਬਣਾਉਣੀ ਸ਼ੁਰੂ ਕਰਤੀ।
ਮੈਂ 70 ਰੁਪਏ ਦਾ 1 ਲੀਟਰ ਅਮੂਲ ਦਾ ਫੁਲ ਕ੍ਰੀਮ ਦੁੱਧ ਲੈਂਦੀ ਹਾਂ ਜਿਸ ਵਿੱਚੋਂ ਲਗਭਗ 200 ਗ੍ਰਾਮ ਪਨੀਰ ਬਣਦਾ ਹੈ।

ਇਸ ਅਨੁਸਾਰ ਜੇਕਰ 1 ਕਿਲੋ ਪਨੀਰ ਬਣਾਉਣਾ ਹੋਵੇ ਤਾਂ 5 ਲੀਟਰ ਦੁੱਧ ਦੀ ਲੋੜ ਪਵੇਗੀ, ਜਿਸ ਦੀ ਕੀਮਤ 350 ਰੁਪਏ ਹੋਏਗੀ।

ਜੇ ਫੈਕਟਰੀ ਦਾ ਦੁੱਧ 50 ਰੁਪਏ ਲੀਟਰ ਵੀ ਹੋਵੇ ਤਾਂ ਵੀ 250 ਰੁਪਏ ਦੀ ਕੇਵਲ ਦੁੱਧ ਦੀ ਲਾਗਤ ਆਏਗੀ।

ਜੇ ਇਸ ‘ਚ ਲੇਬਰ, ਗੈਸ, ਈਂਧਨ ਜੋੜੀਏ ਤਾਂ ਇਹ ਲਾਗਤ 60 ਰੁਪਏ ਹੋ ਜਾਂਦੀ ਹੈ।

ਸਪਲਾਈ ਚੇਨ, ਲਾਜਿਸਟਿਕ ਆਦਿ ਜੋੜੀਏ ਤਾਂ ਲਾਗਤ ਘੱਟੋ ਘੱਟ 315 ਰੁਪਏ ਹੋਈ।

ਹੁਣ ਜੇ ਕੋਈ ਦੁਕਾਨਦਾਰ 200 ਜਾਂ 250 ਰੁਪਏ ਕਿਲੋ ਵਾਲਾ ਪਨੀਰ ਵੇਚ ਰਿਹਾ ਹੈ ਤਾਂ ਕੀ ਉਹ ਤੁਹਾਡੇ ਲਈ ਦਾਨ ਕਰ ਰਿਹਾ ਹੈ?

ਅਸਲੀ ਪਨੀਰ ਦੀ ਕੀਮਤ ਅਤੇ ਮਾਤਰਾ ਨੂੰ ਸਮਝਣ ਲਈ ਘਰ ‘ਚ ਇਕ ਵਾਰੀ ਪਨੀਰ ਬਣਾਕੇ ਦੇਖੋ, ਸਾਰੀ ਸਚਾਈ ਪਤਾ ਲੱਗ ਜਾਏਗੀ।

ਹੁਣ ਆਉਂਦਾ ਹੈ ਐਨਾਲਾਗ ਪਨੀਰ — ਜਿਸਦਾ ਰੰਗ-ਰੂਪ ਤੇ ਟੈਕਸਟਚਰ ਤਾਂ ਪਨੀਰ ਵਰਗਾ ਹੁੰਦਾ ਹੈ ਪਰ ਅਸਲ ‘ਚ ਬਣਦਾ ਹੈ:
ਸੁੱਕੇ ਦੁੱਧ ਦਾ ਪਾਊਡਰ, ਵਨਸਪਤੀ ਤੇਲ (ਡਾਲਡਾ), ਪਾਮ ਆਇਲ, ਅਰਾਰੋਟ, ਸਟੇਬਲਾਈਜ਼ਰ ਆਦਿ ਨਾਲ।

ਕਿਉਂਕਿ ਪਾਊਡਰ ਦੁੱਧ ਵਿੱਚ ਫੈਟ ਨਹੀਂ ਹੁੰਦਾ ਤਾਂ ਉਸ ਵਿੱਚ ਡਾਲਡਾ ਜਾਂ ਪਾਮ ਆਇਲ ਪਾਇਆ ਜਾਂਦਾ ਹੈ।

ਇਹੀ ਵਜ੍ਹਾ ਹੈ ਕਿ ਇਹ ਚੀਜ਼ਾਂ ਤੁਹਾਡੀਆਂ ਨਸਾਂ ਵਿੱਚ ਜਮ ਜਾਂਦੀਆਂ ਹਨ। ਇਹ ਐਨਾਲਾਗ ਪਨੀਰ 5 ਸਟਾਰ ਹੋਟਲਾਂ ‘ਚ ਵੀ ਮਿਲਦਾ ਹੈ।

ਇਸ ਤੋਂ ਵੀ ਨੀਚੀ ਕਟੀਗਰੀ ਵਿੱਚ ਆਉਂਦਾ ਹੈ ਯੂਰੀਆ, ਡਿਟਰਜੈਂਟ ਅਤੇ ਮੇਦੇ ਤੋਂ ਬਣਿਆ ਹੋਇਆ ਨਕਲੀ ਪਨੀਰ।

ਜਿਹੜਾ ਤੁਸੀਂ 30 ਰੁਪਏ ਦੇ ਮੋਮੋਜ਼ ਵਿੱਚ ਜਾਂ 50 ਰੁਪਏ ਦੇ ਪਿਜ਼ਾ ਵਿੱਚ ਖਾਂਦੇ ਹੋ।

ਇਹ ਯੂਰੀਆ ਤੁਹਾਡੀ ਕਿਡਨੀ ਤੇ ਲਿਵਰ ਤੇ ਹਮਲਾ ਕਰਦਾ ਹੈ। ਲੰਬੇ ਸਮੇਂ ਖਾਣ ਨਾਲ ਇਹ ਜਾਨਲੇਵਾ ਸਾਬਤ ਹੋ ਸਕਦਾ ਹੈ।

ਭਾਰਤ

ਧੰਨਵਾਦ ਸਹਿਤ ਕਾਪੀ ਕੀਤਾ
ਐਡਮਿੰਨ
13/8/25

03/08/2025

☂️☂️ ਉਦਾਸ, ਉਦਾਸੀ। ☂️☂️

🌹❤️👉 ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫੇ ਅਨੁਸਾਰ "ਲਫਜ਼ ", (ਉਦਾਸੀ) ਨੂੰ ਸੰਸਾਰਿਕ ਤੋਂ ਅਰਥਾਂ ਭਾਵਾਂ ਤੋਂ ਵੀ ਲਿਆ ਗਿਆ ਹੈ, ਅਤੇ ਗੁਰਮੁਖਤਾਈ ਬੁਨਿਆਦ/ਆਧਾਰ ਤੋਂ ਵੀ ਸਮਝਿਆ ਵਿਚਾਰਿਆ ਅਤੇ ਸਮਝਾਇਆ ਗਿਆ ਹੈ।

❤️👉 ਪ੍ਰੀਵਾਰ ਅਤੇ ਮਨੁੱਖੀ ਸਮਾਜ ਦੀਆਂ ਬੁਨਿਆਦਾਂ ਜ਼ਿੰਮੇਵਾਰੀਆਂ ਨਿਭਾਉਣ ਵਾਲਾ ਸਚਿਆਰ ਸਿਖਿਆਰਥੀ
{{ਵਿਚੇ ਗ੍ਰਹਿਸਤ, ਉਦਾਸੀ ਜੀਉ)) ਨਿਰਲੇਪਤਾ ਨਾਲ ਜੀਵਨ ਬਿਤਾਉਣਾ ਜਿਊਣਾ ਕਰਦਾ ਹੈ। ਉਹ ਉਦਾਸੀ ਹੈ, ਪਰ ਪਾਖੰਡੀ ਨਹੀਂ, ਭਗੌੜਾ ਨਹੀਂ।

🌹👉 ਦੂਜੀ ਸਥਿੱਤੀ ਵਿੱਚ ਪ੍ਰੀਵਾਰ ਅਤੇ ਸਮਾਜਿਕ ਜ਼ਿੰਮੇਵਾਰੀਆਂ ਨੂੰ (ਤਿਆਗਣ ਵਾਲਾ, ਆਪਣੇ ਆਪ ਨੂੰ ਵਿਰੱਕਤ ਕਹਿਣ ਵਾਲਾ, ਉਪਰਾਮ ਅਵੱਸਥਾ ਵਿੱਚ ਰਹਿਣ ਵਾਲਾ), ਘਰ ਪ੍ਰੀਵਾਰ ਅਤੇ ਸਮਾਜਿਕ ਜ਼ਿੰਮੇਵਾਰੀਆਂ ਤੋਂ ਭਗੌੜਾ ਹੋ ਕੇ ਜੰਗਲਾਂ ਬੇਲਿਆਂ, ਇਕਾਂਤ ਵਿੱਚ ਮਨੁੱਖੀ-ਜੀਵਨ ਬਤੀਤ ਕਰਨ ਵਾਲਾ ਵੀ ਆਪਣੇ ਆਪ ਨੂੰ ਉਦਾਸੀ ਕਹਿਲਾਉਂਦਾ ਹੈ।

🌹👉 ਗੁਰਮਤਿ ਗਿਆਨ ਫਲਸਫਾ, ਐਸੇ ਉਦਾਸੀਆਂ ਦੀ ਮੁਖਾਲਫਿਤ, ਵਿਰੋਧਤਾ ਕਰਦਾ ਹੈ।
ਐਸੇ ਉਦਾਸੀ ਮਨੁੱਖੀ ਸਮਾਜ ਉਪਰ ਬੋਝ ਬਣਦੇ ਹਨ।

🌹🌹 ਮਹਲਾ ਤੀਜਾ।। ਗੁਰਮੁਖਿ ਉਦਾਸੀ ਸੋ ਕਰੇ ਜਿ ਸਚਿ ਰਹੈ ਲਿਵ ਲਾਇ ॥ ਚਿੰਤਾ ਮੂਲਿ ਨ ਹੋਵਈ ਹਰਿ ਨਾਮਿ ਰਜਾ ਆਘਾਇ ॥ ਨਾਨਕ ਨਾਮ ਬਿਨਾ ਨਹ ਛੂਟੀਐ ਹਉਮੈ ਪਚਹਿ ਪਚਾਇ ॥੨॥ {ਪੰਨਾ 588}🌹🌹

🙏🌹💥 ;- ਮਨੁੱਖੀ ਸਮਾਜ ਅੰਦਰ (ਉਦਾਸ) ਲਫ਼ਜ਼ ਤੋਂ ਅਰਥ ਭਾਵ ਲਿਆ ਜਾਂਦਾ ਹੈ, ਕਿ ਫਲਾਂ ਫਲਾਂ ਵਿਅਕਤੀ ਆਪਣੇ ਜੀਵਨ ਵਿੱਚ (ਖੁਸ਼) ਨਹੀਂ ਹੈ। ਚਿਹਰਾ ਟਹਿਕਦਾ-ਮਹਿਕਦਾ ਨਹੀਂ, ਹਸੂੰ ਹਸੂੰ ਨਹੀਂ ਕਰਦਾ। ਅੰਦਰੂਨੀ ਖ਼ੁਸ਼ੀ ਨਦਾਰਦ ਹੈ।

🌲👉 ਇਛਿਆਵਾਂ ਕਾਮਨਾਵਾਂ ਦੀ ਪੂਰਤੀ ਨਹੀਂ ਹੋ ਰਹੀ। ਤਾਂ (ਉਦਾਸੀ) ਉਸ ਮਨੁੱਖ ਦੇ ਚਿਹਰੇ ਉਪਰ ਸਾਫ਼ ਦਿਸਦੀ ਹੈ, ਝਲਕਦੀ ਹੈ।

🧿🧿🧿 ਮਨੁੱਖੀ ਸਮਾਜ ਅੰਦਰ , ਧਾਰਮਿਕਤਾ ਦੇ ਨਾਮ ਹੇਠ, ਇਕ ਦੋ ਨਹੀਂ ਬਲਕਿ, ਅਨੇਕਾਂ ਹੀ ਧਾਰਮਿਕ ਸੰਸਥਾਵਾਂ, ਮੱਤ, ਸੰਪਰਦਾਵਾਂ, ਡੇਰੇ, ਠਾਠ, ਧਰਮਸ਼ਾਲਾਵਾਂ, ਅਸਥਾਨ ਹੋਂਦ ਵਿੱਚ ਲਿਆਂਦੇ ਗਏ ਹਨ।

🧿🧿 ਸਾਰੇ ਦੇ ਸਾਰੇ ਆਪਣੇ ਆਪ ਨੂੰ ਸ੍ਰੇਸ਼ਟ ਅਤੇ (ਨਿਰਾਕਾਰ ਕਰਤੇ ਕਰਤਾਰ) ਨਾਲ ਮਿਲਾਉਣ ਦੀ ਗਰੰਟੀ ਦਿੰਦੇ/ਲੈਂਦੇ ਹਨ।
( ਜਦੋਂ ਕਿ ਸਬ ਝੂਠ ਦੀਆਂ ਦੁਕਾਨਦਾਰੀਆਂ ਹਨ।)

👀😁 ਇਹਨਾਂ ਵਿਚੋਂ ਹੀ {ਉਦਾਸੀ} ਮੱਤ ਵਾਲੇ ਵੀ ਹਨ। ਜਿਹੜੇ ਕਿ ਦਾਅਵਾ ਕਰਦੇ ਹਨ, ਕਿ (ਉਦਾਸੀ ਮੱਤ) ਦੀ ਸ਼ੁਰੂਆਤ
{{ਗੁਰੂ ਨਾਨਕ ਸਾਹਿਬ ਜੀ}} ਤੋਂ ਹੋਈ ਹੈ।

😁👀 ਜਦੋਂ ਕਿ (ਉਦਾਸੀ ਮੱਤ) ਦੀ ਸ਼ੁਰੂਆਤ (ਗੁਰੂ ਨਾਨਕ ਸਾਹਿਬ ਜੀ) ਦੇ ਵੱਡੇ ਪੁੱਤਰ ਸਿਰੀ ਚੰਦ ਨੇ ਕੀਤੀ।

😁👀 ਜਿਸਨੇ (ਸਿਰੀ ਚੰਦ ) ਆਪਣੇ ਗੁਰੂ ਪਿਤਾ ਦੇ ਅਨੁਸਾਰੀ ਨਾ ਹੋ ਕੇ, ਨਾ ਰਹਿ ਕੇ,
ਆਪਣਾ ਅਲੱਗ ਜੀਵਨ ਰਸਤਾ/ਪੰਧ ਚੁਨਣਾ ਕੀਤਾ।

🥀🌹 ਆਉ, ਅੱਗੇ ਵਿਚਾਰਦੇ ਹਾਂ ਕਿ ਗੁਰੂ ਨਾਨਕ ਸਾਹਿਬ ਜੀ (ਉਦਾਸੀ) ਸਨ ਕਿ ਨਹੀਂ ❓

🥀🌹 ਕੀ ਗੁਰੂ ਨਾਨਕ ਸਾਹਿਬ ਜੀ ਦੇ ਜੀਵਨ ਅੰਦਰ (ਉਦਾਸੀ ਜਾਂ ਉਦਾਸੀਨਤਾ) ਦਾ ਕੋਈ ਅੰਸ਼ ਸੀ ਜਾਂ ਕਿ ਨਹੀਂ।❓

🥀🌹 ਕੀ ਸਚਿਆਰ ਸਿਖਿਆਰਥੀ ਵੀ ਐਸਾ ਮਹਿਸੂਸ ਕਰਦੇ ਹਨ, ਕਿ ਗੁਰੂ ਨਾਨਕ ਸਾਹਿਬ ਜੀ ਉਦਾਸੀ ਸਨ। (ਭਾਵ ਘਰ ਬਾਰ, ਪਰੀਵਾਰਕ ਜ਼ਿੰਮੇਵਾਰੀਆਂ ਤੋਂ ਭਗੌੜੇ ਸਨ, ਜਾਂ ਕਿ ਨਹੀਂ ❓)

🔵🔵💥❤️ ਆਉ ਵਿਚਾਰੀਏ।

🙏🌹💐 ਨਾਨਕ ਨਾਮ ਲੇਵਾ ਸਿਖਿਆਰਥੀਆਂ ਲਈ ਸਵਾਲ - ਕੀ ਗੁਰੂ ਨਾਨਕ ਸਾਹਿਬ ਜੀ,
💚👉 ਉਦਾਸੀ ਸਨ ?
💚👉 ਤਿਆਗੀ ਸਨ ?
💚👉 ਵਿਰੱਕਤ ਸਨ ?
💚👉 ਪ੍ਰੀਵਾਰ, ਗ੍ਰਹਿਸਤ ਜੀਵਨ ਤੋਂ ਭਗੌੜੇ ਸਨ - ਉਪਰਾਮ ਸਨ ?

🧿💐 ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫੇ ਬਾਰੇ ਥੋੜੀ-ਬਹੁਤੀ ਵੀ ਜਾਣਕਾਰੀ ਰੱਖਣ ਵਾਲਾ ਹਰ ਸਿਖਿਆਰਥੀ, ਜਾਣਕਾਰ
ਇਹ ਭਲੀਭਾਂਤ ਸੋਝੀ ਰੱਖਦਾ ਹੈ, ਸਮਝਦਾ ਬੁੱਝਦਾ ਜਾਣਦਾ ਹੈ,
ਕਿ
🎈👉 ਗੁਰੂ ਬਾਬਾ ਨਾਨਕ ਜੀ ਨੇ 100% ਗ੍ਰਹਿਸਤੀ ਜੀਵਨ ਜਿਊਣਾ ਕੀਤਾ,
🎈👉 ਪਰੀਵਾਰਕ ਅਤੇ ਆਪਣੀਆਂ ਬਣਦੀਆਂ
ਸਮਾਜਿਕ ਜ਼ਿੰਮੇਵਾਰੀਆਂ ਨੂੰ ਨਿਭਾਉਣਾ ਕੀਤਾ।
🎈👉 ਭਗੌੜੇ ਨਹੀਂ ਬਣੇ/ਹੋਏ।
🎈👉 ਘਰਬਾਰ ਤਿਆਗਣਾ ਨਹੀਂ ਕੀਤਾ।

💙👉 ਪਤਨੀ ਸੀ, ਮਾਤਾ ਸੁਲੱਖਣੀ ਜੀ।
💙👉 ਦੋ ਬੇਟੇ ਸਨ।
💙👉 1. ਸਿਰੀ ਚੰਦ।
💙👉 2. ਲੱਖਮੀ ਦਾਸ।

🌍🪯 ਗੁਰੂ ਬਾਬਾ ਨਾਨਕ ਜੀ ਨੇ ਗ੍ਰਹਿਸਤੀ ਜੀਵਨ ਜਿਊਣ ਦੀ ਪ੍ਰੇਰਨਾ ਪੂਰੇ ਸੰਸਾਰ ਭਰ ਨੂੰ ਆਪਣੀਆਂ ਸਿਖਿਆਵਾਂ, ਬਾਣੀ ਰਚਨਾਵਾਂ ਅੰਦਰ ਦੇਣੀ ਕੀਤੀ/ਦਿੱਤੀ।

🌍🪯 ਪ੍ਰੀਵਾਰ ਅਤੇ ਮਨੁੱਖੀ ਸਮਾਜ ਤੋਂ ਭਗੌੜੇ ਹੋਣਾ,
ਤਿਆਗੀ, ਵਿਰੱਕਤ ਹੋਣਾ,
ਉਪਰਾਮ ਹੋ ਕੇ ਜੰਗਲਾਂ ਵਿੱਚ ਜਾਣਾ,
ਵਿਹਲੜਾਂ ਵਾਲਾ ਮਨੁੱਖੀ ਜੀਵਨ ਜਿਊਣਾ,
ਕਦੇ ਵੀ
ਗੁਰੂ ਬਾਬਾ ਨਾਨਕ ਜੀ ਦੇ
ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫੇ
ਦਾ ਹਿੱਸਾ ਨਹੀਂ ਸੀ, ਅਤੇ ਨਾ ਹੀ ਹਨ।

🌍🪯 ਗੁਰਬਾਣੀ ਫੁਰਮਾਨ ਹੈ ;-

🌹🌹 ੴ ਸਤਿਗੁਰ ਪ੍ਰਸਾਦਿ ॥ ਗੂਜਰੀ ਮਹਲਾ ੪ ਘਰੁ ੩ ॥ ਮਾਈ ਬਾਪ ਪੁਤ੍ਰ ਸਭਿ ਹਰਿ ਕੇ ਕੀਏ ॥ ਸਭਨਾ ਕਉ ਸਨਬੰਧੁ ਹਰਿ ਕਰਿ ਦੀਏ ॥੧॥ ਹਮਰਾ ਜੋਰੁ ਸਭੁ ਰਹਿਓ ਮੇਰੇ ਬੀਰ ॥ ਹਰਿ ਕਾ ਤਨੁ ਮਨੁ ਸਭੁ ਹਰਿ ਕੈ ਵਸਿ ਹੈ ਸਰੀਰ ॥੧॥ ਰਹਾਉ ॥
ਭਗਤ ਜਨਾ ਕਉ ਸਰਧਾ ਆਪਿ ਹਰਿ ਲਾਈ ॥
ਵਿਚੇ ਗ੍ਰਿਸਤ ਉਦਾਸ ਰਹਾਈ ॥੨॥ 494।।

ਭਾਵ ਅਰਥ;- ਸੁੱਤੇ ਸਿੱਧ ਫਲੀਭੂਤ ਹੋ ਰਹੇ ਬ੍ਰਹਿਮੰਡੀ ਸਿਸਟਿੱਮ, ਨਿਜ਼ਾਮਾਂ, ਸਿਧਾਂਤਾਂ, ਅਸੂਲਾਂ, ਨੇਮਾਂ, ਨਿਯਮਾਂ, ਤਹਿਤ
ਪਰੀਵਾਰ ਅਤੇ ਪਰੀਵਾਰਕ ਰਿਸ਼ਤੇ ਹੋਂਦ ਵਿੱਚ ਆਉਂਦੇ ਰਹਿੰਦੇ ਹਨ। ਸਚਿਆਰਤਾ ਦੇ ਰਾਹ ਪੁਰ ਚਲਦਿਆਂ, ਆਪਣੀਆਂ ਪਰੀਵਾਰਕ ਅਤੇ ਸਮਾਜਿਕ ਜ਼ਿੰਮੇਵਾਰੀਆਂ ਨੂੰ ਨਿਭਾਉਂਦੇ ਹੋਏ,
ਇਸ
ਪਰੀਵਾਰਕ ਅਤੇ ਸਮਾਜਿਕ ਜ਼ਿੰਮੇਵਾਰੀਆਂ ਦੇ ਤਾਲਾਬ ਅੰਦਰ ਰਹਿੰਦੇ ਹੋਏ ਕੰਵਲ ਫੁੱਲ ਵਾਂਗੂ ਨਿਰਲੇਪ ਰਹਿਣਾ ਹੈ, ਆਜ਼ਾਦ ਰਹਿਣਾ ਹੈ।

🌹🌹 ਗੁਰਬਾਣੀ ਫੁਰਮਾਨ;-
💚👉 ਵਿਚੇ ਗ੍ਰਿਹ ਸਦਾ ਰਹੈ ਉਦਾਸੀ ਜਿਉ ਕਮਲੁ ਰਹੈ ਵਿਚਿ ਪਾਣੀ ਹੇ ॥੧੦॥ ਮਹਲਾ ਚੌਥਾ।। 1071।।

🥀🥀🥀🥀🥀🥀🥀🥀🥀

💙💐 ਗੁਰੂ ਬਾਬਾ ਨਾਨਕ ਸਾਹਿਬ ਜੀ ਨੇ ਆਪਣੇ ਨਿਰੋਲ ਗੁਰਬਾਣੀ ਗੁਰਮਤਿ ਗਿਆਨ ਫਲਸਫੇ ਦੇ ਪ੍ਰਚਾਰ ਪ੍ਰਸਾਰ ਲਈ ਆਪਣੇ ਆਪ ਨਾਲ ਪ੍ਰੋਗਰਾਮ ਉਲੀਕਿਆ ਅਤੇ ਸਾਲ 1509 ਈਸਵੀ ਨੂੰ ਤਕਰੀਬਨ 40 ਸਾਲ ਦੀ ਉਮਰ ਵਿੱਚ ਅਮਲ ਕਰਨਾ ਕੀਤਾ। ਯਾਤਰਾਵਾਂ ਸ਼ੁਰੂ ਕੀਤੀਆਂ।

💙💐 ਜਿਸ ਵੀ ਤਰ੍ਹਾਂ ਦੇ ਸਮਾਜ ਅੰਦਰ ਗਏ, ਉਥੋਂ ਦੇ ਲੋਕਾਂ ਦੇ ਰਵਈਏ, ਵੇਸ਼ਭੂਸ਼ਾ ਅਤੇ ਖਾਣਪੀਣ ਦੇ ਅਨੁਸਾਰ ਆਪਣੇ ਆਪ ਨੂੰ ਢਾਲ ਲੈਂਦੇ ਸਨ,
ਫਿਰ
ਸਮਾਜ ਦੇ ਲੋਕਾਂ ਨਾਲ ਆਪਣੀ ਵਿਚਾਰਕ ਸਾਂਝ ਬਣਾਉਣਾ ਕਰਦੇ।

💙💐 ਸਮਾਜ ਦੇ ਲੋਕਾਂ ਦੀ ਮਾਨਸਿਕਤਾ ਨੂੰ ਪੜ੍ਹਣਾ, ਸਮਝਣਾ, ਪਕੜਣਾ ਕਰਦੇ ਸੀ, ਜਿਸ ਵਿਚ ਗੁਰੂ ਜੀ ਨੂੰ ਮੁਹਾਰਿਤ ਹਾਸਿਲ ਹੋ ਚੁੱਕੀ ਸੀ।

💙💐 ਫ਼ਿਰ ਐਸੇ ਮਹੌਲ ਦੀ ਸਿਰਜਣਾ ਕਰਦੇ, ਕਿ ਲੋਕ ਆਪਣੀ ਸੁਧ-ਬੁੱਧ ਭੁੱਲ ਜਾਂਦੇ
ਅਤੇ
ਗੁਰੂ ਨਾਨਕ ਸਾਹਿਬ ਜੀ ਦੀਆਂ (ਨਿਰੋਲ ਸੱਚਾਈ ਆਧਾਰਿਤ) ਭਰੀਆਂ ਵਿਚਾਰਾਂ ਨਾਲ ਕੀਲੇ ਜਾਂਦੇ। ਮੰਤਰ ਮੁਗਦ ਹੋ ਜਾਂਦੇ।

💙💐 ਗੁਰੂ ਜੀ ਨਾਲ ਉਹਨਾਂ ਲੋਕਾਂ ਨੂੰ ਪਿਆਰ ਹੋ ਜਾਂਦਾ। ਲੋਕ ਕੁਰਬਾਨ ਹੋਣ ਲਈ ਤਿਆਰ ਹੋ ਜਾਂਦੇ।

💙💐 ਨਫ਼ਰਤ, ਈਰਖਾ, ਦੋਖੀ ਲੋਕ ਵੀ ਬਹੁਤ ਸਨ, ਪਰ ਸੱਚਾਈ ਅੱਗੇ ਟਿਕ ਨਾ ਪਾਉਂਦੇ।

💙💐 ਗੁਰੂ ਨਾਨਕ ਸਾਹਿਬ ਜੀ ਨੇ ਭਾਰਤ ਦੇ ਪੂਰਬ, ਪੱਛਮ, ਉੱਤਰ, ਦੱਖਣ, ਭਾਵ ਭਾਰਤੀ ਖਿੱਤੇ ਦੇ ਹਰ ਪਾਸੇ ਅਤੇ ਹਰ ਮਨੁੱਖੀ ਵਰਗ ਅੰਦਰ ਨਿਰੋਲ ਸੱਚ ਦਾ ਪ੍ਰਚਾਰ ਪ੍ਰਸਾਰ ਕੀਤਾ।

💙💐 ਭਾਰਤੀ ਖਿੱਤੇ ਤੋਂ ਬਾਹਰ ਭਾਈ ਮਰਦਾਨਾ ਜੀ ਨੂੰ ਨਾਲ ਲੈ ਕੇ ਮੱਕਾ-ਮਦੀਨਾ ਵੀ ਗਏ ਅਤੇ ਵੈਸਾ ਹਾਜੀਆਂ ਵਾਲਾ ਵੇਸ ਧਾਰਨ ਕੀਤਾ। ਬਗ਼ਦਾਦ, ਈਰਾਨ, ਮੁਲਤਾਨ ਅਤੇ ਭਾਰਤ ਦੇ ਪੂਰਬ ਵੱਲ ਬੰਗਾਲ ਵਿਚ ਵੀ ਨਿਰੋਲ ਸੱਚ ਦਾ ਪ੍ਰਚਾਰ ਪ੍ਰਸਾਰ ਕੀਤਾ।

💙💐 ਗੁਰੂ ਨਾਨਕ ਦੇਵ ਜੀ ਨੇ ਸਿੱਕਿਮ, ਭੁਟਾਨ, ਤਿੱਬਤ, ਸੁਮੇਰ ਪਰਬਤ, ਮਾਨਸਰੋਵਰ ਦੀ ਝੀਲ, ਬਦਰੀਨਾਥ, ਕੇਦਾਰਨਾਥ, ਜੋਸ਼ੀਮਠ, ਲੱਦਾਖ, ਅਮਰਨਾਥ, ਅਲਮੋੜਾ, ਬਾਗੇਸ਼ਵਰ, ਖਟਮੰਡੂ ਆਦਿ ਸਥਾਨਾਂ ਦੀ ਯਾਤਰਾ ਕੀਤੀ ਤੇ ਅੱਜ ਵੀ ਇਨ੍ਹਾਂ ਥਾਵਾਂ 'ਤੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਚਰਨਾਂ ਦੇ ਨਿਸ਼ਾਨ ਮਿਲਦੇ ਹਨ।

💙💐 ਜਿਥੇ ਵੀ ਗਏ, ਵੈਸਾ ਹੀ ਵੇਸ ਧਾਰਨ ਕੀਤਾ ਅਤੇ ਲੋਕਾਂ ਨਾਲ ਰਚਮਿਚ ਜਾਂਦੇ।

💚🌹 ; ਬਾਣੀ (ਸਿਧਿ ਗੋਸਟਿ) ਗੁਰੂ ਨਾਨਕ ਸਾਹਿਬ ਜੀ ਦੀ ਸ਼ਾਹਕਾਰ ਰਚਨਾ ਹੈ। ਜੋ ਕਿ ਸ਼ਿਵਰਾਤਰੀ ਦੇ ਮੌਕੇ (ਫਰਬਰੀ-ਮਾਰਚ ਮਹੀਨੇ ਦਾ ਸਮਾਂ) ਤੇ ਅਚਲ ਬਟਾਲੇ ਦੇ ਸਥਾਨ ਤੇ ਹੋਈ।

💚🥀 ਗੁਰੂ ਨਾਨਕ ਸਾਹਿਬ ਜੀ, ਆਪਣੇ ਜੀਵਨ ਦੇ ਸੱਤਰਵੇਂ ਸਾਲ ਅੰਦਰ, ਆਪ ਕਰਤਾਪੁਰ ਤੋਂ ਚਲ ਕੇ ਸਿਧਾਂ ਨਾਲ ਗੋਸਟਿ ਕਰਨ ਲਈ (ਅਚਲ ਬਟਾਲੇ) ਅਸਥਾਨ ਤੇ ਪਹੁੰਚੇ।

💚🥀 ਉਥੇ ਰਹਿੰਦੇ ਸਿੱਧਾਂ ਨਾਲ ਜੋ ਵੀ ਗੋਸ਼ਟੀ, ਵਿਚਾਰ ਚਰਚਾ ਹੋਈ, ਸਾਰੇ ਵਾਰਤਾਲਾਪ ਨੂੰ ਗੁਰੂ ਨਾਨਕ ਸਾਹਿਬ ਜੀ ਨੇ ਆਪਣੇ ਵਲੋਂ {ਸਵਾਲ-ਜਵਾਬ, ਭਾਵ ਕਿ ਸਿੱਧਾਂ ਵਲੋਂ ਕੀਤੇ ਸਵਾਲ ਅਤੇ ਆਪਣੇ ਵਲੋਂ ਦਿੱਤੇ ਜਵਾਬ} ਬਣਾ ਕੇ ਬਾਣੀ ਰੂਪ ਵਿਚ ਆਪਣੇ ਕੋਲ ਸੁਰੱਖਿਅਤ ਕਰ ਲਿਆ, ਜੋ ਸਬਦ ਗੁਰੂ ਗ੍ਰੰਥ ਸਾਹਿਬ ਜੀ ਅੰਦਰ ਦਰਜ ਕੀਤਾ ਗਿਆ।

💚🥀 ਬਹੁਤ ਹੀ ਗਿਆਨ ਭਰਪੂਰ ਅਤੇ ਡੂੰਘਿਆਈ ਭਰਿਆ ਗਿਆਨ ਫਲਸਫਾ ਹੈ 🥎।

💚🥀 ਸਿਖਿਆਰਥੀਆਂ ਨੂੰ/ਲਈ (ਸਿਧਿ ਗੋਸਟਿ ਨੂੰ ਸਮਝਣ , ਵਿਚਾਰਨ, ਅਤੇ ਗੁਰਮਤਿ ਗਿਆਨ ਨੂੰ ਅਪਨਾਉਣ ਲਈ ਬਹੁਤ ਹੀ ਇਕਾਗਰਤਾ ਅਤੇ ਧਿਆਨ ਪੂਰਬਕ ਪੜ੍ਹਣ, ਸੁਨਣ ਅਤੇ ਅਪਨਾਉਣ ਦਾ ਵਿਸ਼ਾ ਹੈ।

🥎🫠😁 ਉਦਾਸੀ ਫ਼ਿਰਕੇ ਦੇ ਲੋਕਾਂ ਵਲੋਂ ਇਹ ਕਹਿਣਾ, ਦਾਅਵਾ ਕਰਨਾ ਕਿ, ਗੁਰੂ ਨਾਨਕ ਸਾਹਿਬ ਜੀ ਵੀ ਉਦਾਸੀ ਸਨ ਅਤੇ ਨਾਨਕ ਸਾਹਿਬ ਜੀ ਦੇ ਉਦਾਸੀ ਹੋਣ ਬਾਰੇ,
ਇਹ ਉਦਾਸੀ ਫ਼ਿਰਕੇ ਦੇ ਲੋਕਾਂ ਨੇ ਬਾਣੀ (ਸਿੱਧ- ਗੋਸ਼ਟਿ) ਦੇ ਕੁੱਝ ਸਵਾਲਾਂ ਨੂੰ ਆਧਾਰ ਬਣਾ ਕੇ ਬਹਿਸ ਸ਼ੁਰੂ ਕਰ ਦਿੱਤੀ ਕਿ
(ਉਦਾਸੀ ਮੱਤ) ਦੇ ਸੰਗਠਨ ਕਰਤਾ {{ਗੁਰੁ ਨਾਨਕ ਸਾਹਿਬ ਜੀ}} ਹਨ/ਸਨ। ???❓❓❓

🔵🔵🔵 ਆਉ, ਬਾਣੀ (ਸਿਧ-ਗੋਸਟਿ) ਅੰਦਰ ਸਿਧਾਂ ਜੋਗੀਆਂ ਦੁਆਰਾ ਪੁੱਛੇ ਗਏ ਸਵਾਲਾਂ ਦੇ ਜਵਾਬਾਂ ਤਹਿਤ ਗੁਰੂ ਨਾਨਕ ਸਾਹਿਬ ਜੀ ਕੀ ਜਵਾਬ ਦਿੰਦੇ ਹਨ,। ਜਾਣਦੇ, ਸਮਝਦੇ, ਵਿਚਾਰਦੇ ਹਾਂ।

❓🌲💚 ਸਵਾਲ ❓❓ ਕਿਸੁ ਕਾਰਣਿ ਗ੍ਰਿਹੁ ਤਜਿਓ ਉਦਾਸੀ ॥ ਕਿਸੁ ਕਾਰਣਿ ਇਹੁ ਭੇਖੁ ਨਿਵਾਸੀ ॥ ਕਿਸੁ ਵਖਰ ਕੇ ਤੁਮ ਵਣਜਾਰੇ ॥ ਕਿਉ ਕਰਿ ਸਾਥੁ ਲੰਘਾਵਹੁ ਪਾਰੇ ॥੧੭॥ {ਪੰਨਾ 939}

ਪਦ ਅਰਥ: ਕਿਸੁ ਕਾਰਣੁ = ਕਾਹਦੇ ਲਈ? ਤਜਿਓ = ਤਿਆਗਿਆ ਸੀ।
ਉਦਾਸੀ = ਵਿਰਕਤ ਹੋ ਕੇ।
ਨਿਵਾਸੀ = ਧਾਰਨ ਵਾਲੇ (ਹੋਏ ਸੀ) ।
ਵਣਜਾਰੇ = ਵਪਾਰੀ। ਸਾਥੁ = (ਸੰ: ਸਾਰਥੁ) ਕਾਫ਼ਲਾ। {ਨੋਟ: ਲਫ਼ਜ਼ "ਸਾਥੁ" ਅਤੇ "ਸਾਥਿ" ਦਾ ਫ਼ਰਕ ਚੇਤੇ ਰੱਖਣ-ਯੋਗ ਹੈ। 'ਸਾਥੁ' ਨਾਂਵ ਹੈ, ਅਤੇ 'ਸਾਥਿ' ਸੰਬੰਧਕ ਹੈ।
{ਵੇਖੋ 'ਗੁਰਬਾਣੀ ਵਿਆਕਰਣ'}।

ਨੋਟ: ਸਿੱਧਾਂ ਨਾਲ ਇਹ ਗੋਸ਼ਟਿ ਬਟਾਲੇ (ਜ਼ਿਲਾ ਗੁਰਦਾਸਪੁਰ) ਦੇ ਲਾਗੇ 'ਅੱਚਲ' ਤੇ ਹੋਈ ਸੀ। ਸਤਿਗੁਰੂ ਜੀ 'ਸ਼ਿਵਰਾਤਿ' ਦਾ ਮੇਲਾ ਸੁਣ ਕੇ ਕਰਤਾਰਪੁਰੋਂ ਆਏ ਸਨ ਤੇ ਇਸ ਵੇਲੇ ਗ੍ਰਿਹਸਤੀ ਲਿਬਾਸ ਵਿਚ ਸਨ, ਤਾਹੀਏਂ ਭੰਗਰਨਾਥ ਨੇ ਪੁੱਛਿਆ ਸੀ = "ਭੇਖ ਉਤਾਰਿ ਉਦਾਸਿ ਦਾ, ਵਤਿ ਕਿਉ ਸੰਸਾਰੀ ਰੀਤਿ ਚਲਾਈ ॥" ਦੂਜੀ 'ਉਦਾਸੀ' ਵਿਚ ਇਹਨਾਂ ਸਿੱਧਾਂ ਨੂੰ ਸੁਮੇਰ ਪਰਬਤ ਤੇ ਮਿਲੇ ਸਨ, ਤਦੋਂ ਉਦਾਸੀ ਬਾਣੇ ਵਿਚ ਸਨ।

ਇਥੇ ਪਉੜੀ ਨੰ: 17 ਦੇ ਪ੍ਰਸ਼ਨ ਵਿਚ ਉਸ ਵੇਲੇ ਦੇ ਉਦਾਸੀ ਬਾਣੇ ਵਲ ਇਸ਼ਾਰਾ ਹੈ।

ਅਰਥ: (ਪ੍ਰਸ਼ਨ:) (ਜੇ 'ਹਾਟੀ ਬਾਟੀ' ਨੂੰ ਤਿਆਗਣਾ ਨਹੀਂ, ਤਾਂ) ਤੁਸਾਂ ਕਿਉਂ ਘਰ ਛੱਡਿਆ ਸੀ ਤੇ 'ਉਦਾਸੀ' ਬਣੇ ਸੀ?
ਕਿਉਂ ਇਹ (ਉਦਾਸੀ-) ਭੇਖ ਧਾਰਿਆ ਸੀ?
ਤੁਸੀ ਕਿਸ ਸੌਦੇ ਦੇ ਵਪਾਰੀ ਹੋ?
(ਆਪਣੇ ਸ਼ਰਧਾਲੂਆਂ ਦੀ) ਜਮਾਤ ਨੂੰ (ਇਸ 'ਦੁਤਰ ਸਾਗਰ' ਕਿਵੇਂ ਪਾਰ ਲੰਘਾਵੋਗੇ?
(ਭਾਵ, ਆਪਣੇ ਸਿੱਖਾਂ ਨੂੰ ਇਸ ਸੰਸਾਰ ਤੋਂ ਪਾਰ ਲੰਘਣ ਲਈ ਤੁਸਾਂ ਕੇਹੜਾ ਰਾਹ ਦੱਸਿਆ ਹੈ) ?। 17।

🌹🌹 ਗੁਰੂ ਨਾਨਕ ਸਾਹਿਬ ਜੀ ਸਿਧਾ ਵਲੋਂ ਕੀਤੇ ਗਏ ਸਵਾਲ ਦਾ ਜਵਾਬ ਦੇ ਰਹੇ ਹਨ।

🌲💚👉 ਜਵਾਬ;-

💚🌲👉 ਗੁਰਮੁਖਿ ਖੋਜਤ ਭਏ ਉਦਾਸੀ ॥ ਦਰਸਨ ਕੈ ਤਾਈ ਭੇਖ ਨਿਵਾਸੀ ॥ ਸਾਚ ਵਖਰ ਕੇ ਹਮ ਵਣਜਾਰੇ ॥ ਨਾਨਕ ਗੁਰਮੁਖਿ ਉਤਰਸਿ ਪਾਰੇ ॥੧੮॥ {ਪੰਨਾ 939}

ਪਦ ਅਰਥ: ਭਏ = ਬਣੇ ਸਾਂ।
ਕੈ ਤਾਈ = ਦੀ ਖ਼ਾਤਰ।
ਦਰਸਨ = ਗੁਰਮੁਖਾਂ ਦਾ ਦਰਸ਼ਨ।

ਅਰਥ: (ਉੱਤਰ:) ਅਸੀਂ ਗੁਰਮੁਖਾਂ ਨੂੰ ਲੱਭਣ ਵਾਸਤੇ ਉਦਾਸੀ ਬਣੇ ਸਾਂ, ਅਸਾਂ ਗੁਰਮੁਖਾਂ ਦੇ ਦਰਸ਼ਨਾਂ ਲਈ (ਉਦਾਸੀ-) ਭੇਖ ਧਾਰਿਆ ਸੀ। ਅਸੀਂ ਸੱਚੇ ਪ੍ਰਭੂ ਦੇ ਨਾਮ-ਸੌਦੇ ਦੇ ਵਪਾਰੀ ਹਾਂ। ਹੇ ਨਾਨਕ! ਜੋ ਮਨੁੱਖ ਗੁਰੂ ਦੇ ਦੱਸੇ ਰਾਹ ਤੇ ਤੁਰਦਾ ਹੈ ਉਹ ('ਦੁਤਰ ਸਾਗਰ' ਤੋਂ) ਪਾਰ ਲੰਘਦਾ ਹੈ। 18।

💜💛👉 ਸਿਧਾਂ ਜੋਗੀਆਂ ਵਲੋਂ ਫਿਰ ਸਵਾਲ ਕੀਤਾ ਗਿਆ ਕਿ ;-

🧩💥 ਕਿਤੁ ਬਿਧਿ ਪੁਰਖਾ ਜਨਮੁ ਵਟਾਇਆ ॥ ਕਾਹੇ ਕਉ ਤੁਝੁ ਇਹੁ ਮਨੁ ਲਾਇਆ ॥ ਕਿਤੁ ਬਿਧਿ ਆਸਾ ਮਨਸਾ ਖਾਈ ॥ ਕਿਤੁ ਬਿਧਿ ਜੋਤਿ ਨਿਰੰਤਰਿ ਪਾਈ ॥ ਬਿਨੁ ਦੰਤਾ ਕਿਉ ਖਾਈਐ ਸਾਰੁ ॥ ਨਾਨਕ ਸਾਚਾ ਕਰਹੁ ਬੀਚਾਰੁ ॥੧੯॥ {ਪੰਨਾ 939-940}

👉👉 ਪਦ ਅਰਥ: ਕਿਤੁ ਬਿਧਿ = ਕਿਸ ਤਰੀਕੇ ਨਾਲ? ਜਨਮੁ ਵਟਾਇਆ = ਜ਼ਿੰਦਗੀ ਪਲਟ ਲਈ ਹੈ। ਕਾਹੇ ਕਉ = ਕਿਸ ਨਾਲ?
ਮਨਸਾ = ਮਨ ਦਾ ਫੁਰਨਾ। ਖਾਈ = ਖਾ ਲਈ ਹੈ। ਨਿਰੰਤਰਿ = ਇੱਕ-ਰਸ। ਜੋਤਿ = ਰੱਬੀ ਪ੍ਰਕਾਸ਼। ਦੰਤ = ਦੰਦ। ਸਾਰੁ = ਲੋਹਾ।

,💚🌲 ਅਰਥ: (ਪ੍ਰਸ਼ਨ:) ਹੇ ਪੁਰਖਾ! ਤੂੰ ਆਪਣੀ ਜ਼ਿੰਦਗੀ ਕਿਸ ਤਰੀਕੇ ਨਾਲ ਪਲਟ ਲਈ ਹੈ?
ਤੂੰ ਆਪਣਾ ਇਹ ਮਨ ਕਿਸ ਵਿਚ ਜੋੜਿਆ ਹੈ?
ਮਨ ਦੀਆਂ ਆਸਾਂ ਤੇ ਮਨ ਦੇ ਫੁਰਨੇ ਤੂੰ ਕਿਵੇਂ ਮੁਕਾ ਲਏ ਹਨ?
ਰੱਬੀ ਪ੍ਰਕਾਸ਼ ਤੈਨੂੰ ਇੱਕ-ਰਸ ਕਿਵੇਂ ਮਿਲ ਪਿਆ ਹੈ? (ਮਾਇਆ ਦੇ ਇਸ ਪ੍ਰਭਾਵ ਤੋਂ ਬਚਣਾ ਇਉਂ ਹੀ ਔਖਾ ਹੈ ਜਿਵੇਂ ਬਿਨਾ ਦੰਦਾਂ ਦੇ ਲੋਹਾ ਚੱਬਣਾ) ਦੰਦਾਂ ਤੋਂ ਬਿਨਾ ਲੋਹਾ ਕਿਵੇਂ ਚੱਬਿਆ ਜਾਏ?
ਹੇ ਨਾਨਕ! ਕੋਈ ਸਹੀ ਵੀਚਾਰ ਦੱਸੋ (ਭਾਵ, ਕੋਈ ਐਸਾ ਵੀਚਾਰ ਦੱਸੋ ਜੋ ਅਸਾਡੇ ਮਨ ਲੱਗੇ ਜਾਏ) । 19।

🌹🌹🌹 ਗੁਰੂ ਨਾਨਕ ਸਾਹਿਬ ਜੀ ਆਪਣੇ ਵਲੋਂ ਜਵਾਬ ਦੇ ਰਹੇ ਹਨ।

🥀🥀👉 ਸਤਿਗੁਰ ਕੈ ਜਨਮੇ ਗਵਨੁ ਮਿਟਾਇਆ ॥ ਅਨਹਤਿ ਰਾਤੇ ਇਹੁ ਮਨੁ ਲਾਇਆ ॥ ਮਨਸਾ ਆਸਾ ਸਬਦਿ ਜਲਾਈ ॥ ਗੁਰਮੁਖਿ ਜੋਤਿ ਨਿਰੰਤਰਿ ਪਾਈ ॥ ਤ੍ਰੈ ਗੁਣ ਮੇਟੇ ਖਾਈਐ ਸਾਰੁ ॥ ਨਾਨਕ ਤਾਰੇ ਤਾਰਣਹਾਰੁ ॥੨੦॥ {ਪੰਨਾ 940}

ਪਦ ਅਰਥ: ਸਤਿਗੁਰ ਕੈ = ਸਤਿਗੁਰੂ ਦੇ ਘਰ ਵਿਚ। ਸਤਿਗੁਰ ਕੇ ਜਨਮੇ = ਸਤਿਗੁਰੂ ਦੇ ਘਰ ਵਿਚ ਜਨਮ ਲਿਆਂ, ਜਦੋਂ ਗੁਰੂ ਦੀ ਸਰਣ ਆ ਕੇ ਪਿਛਲਾ ਸੁਭਾਉ ਮਿਟਾ ਦਿੱਤਾ। ਗਵਨੁ = ਭਟਕਣਾ, ਆਵਾਗਵਨ। ਅਨਹਤਿ = ਅਨਹਤ ਵਿਚ। ਅਨਹਤ = ਇਕ-ਰਸ ਵਿਆਪਕ ਪ੍ਰਭੂ {ਅਨਾਹਤਂ = ਆਹਤਂ ਛੇਦੋ ਭੋਗੋ ਵਾ ਤੱਨਾਸਤਿ ਯਸ੍ਯ। ਰਾਤੇ = ਮਸਤ ਹੋਇਆ। ਲਾਇਆ = ਪਰਚਾ ਲਿਆ। ਤ੍ਰੈਗੁਣ = ਮਾਇਆ ਦੇ ਤਿੰਨ ਗੁਣ; ਤਮੋ ਗੁਣ, ਰਜੋ ਗੁਣ, ਸਤੋ ਗੁਣ; ਅਗਿਆਨ, ਪ੍ਰਵਿਰਤੀ, ਗਿਆਨ; ਪ੍ਰਕ੍ਰਿਤੀ ਵਿਚੋਂ ਉੱਠੀਆਂ ਲਹਿਰਾਂ ਜੋ ਤਿੰਨ ਕਿਸਮ ਦਾ ਅਸਰ ਸਾਡੇ ਮਨ ਤੇ ਪਾਂਦੀਆਂ ਹਨ, ਇਹ ਤਿੰਨ ਗੁਣ ਹਨ ਮਾਇਆ ਦੇ = ਸੁਸਤੀ, ਚੁਸਤੀ ਤੇ ਸ਼ਾਂਤੀ।

ਅਰਥ: (ਉੱਤਰ:) ਜਿਉਂ ਜਿਉਂ ਸਤਿਗੁਰੂ ਦੀ ਸਿੱਖਿਆ ਤੇ ਤੁਰੇ, ਤਿਉਂ ਤਿਉਂ ਮਨ ਦੀ ਭਟਕਣਾ ਮੁੱਕਦੀ ਗਈ। ਜਿਉਂ ਜਿਉਂ ਇੱਕ-ਰਸ ਵਿਆਪਕ ਪ੍ਰਭੂ ਵਿਚ ਜੁੜਨ ਦਾ ਆਨੰਦ ਆਇਆ, ਤਿਉਂ ਤਿਉਂ ਇਹ ਮਨ ਪਰਚਦਾ ਗਿਆ। ਮਨ ਦੇ ਫੁਰਨੇ ਤੇ ਦੁਨੀਆ ਵਾਲੀਆਂ ਆਸਾਂ ਅਸਾਂ ਗੁਰੂ ਦੇ ਸ਼ਬਦ ਦੀ ਰਾਹੀਂ ਸਾੜੀਆਂ ਹਨ, ਗੁਰੂ ਦੇ ਸਨਮੁਖ ਹੋਇਆਂ ਹੀ ਇੱਕ-ਰਸ ਰੱਬੀ ਪ੍ਰਕਾਸ਼ ਲੱਭਾ ਹੈ। (ਇਸ ਰੱਬੀ ਪ੍ਰਕਾਸ਼ ਦੀ ਬਰਕਤ ਨਾਲ) ਅਸਾਂ ਮਾਇਆ ਦੇ ਝਲਕੇ ਦੇ ਤਿੰਨਾਂ ਹੀ ਕਿਸਮਾਂ ਦੇ ਅਸਰ (ਤਮੋ, ਰਜੋ, ਸਤੋ) ਆਪਣੇ ਉਤੇ ਪੈਣ ਨਹੀਂ ਦਿੱਤੇ, ਤੇ (ਇਸ ਤਰ੍ਹਾਂ ਮਾਇਆ ਦੀ ਚੋਟ ਤੋਂ ਬਚਣ ਦਾ ਇਹ ਅੱਤਿ ਔਖਾ ਕੰਮ-ਰੂਪ) ਲੋਹਾ ਚੱਬਿਆ ਗਿਆ ਹੈ। (ਪਰ) ਹੇ ਨਾਨਕ! (ਇਸ 'ਦੁਤਰ ਸਾਗਰ' ਤੋਂ) ਤਾਰਣ ਦੇ ਸਮਰੱਥ ਪ੍ਰਭੂ ਆਪ ਹੀ ਤਾਰਦਾ ਹੈ। 20।

🪻🪻🪻🪻🪻🪻🪻🪻🪻🪻🪻

💙💙👉 ਉਪਰੋਕਤ ਵਿਚਾਰ ਚਰਚਾ ਨੂੰ ਪੜ੍ਹਿਆ, ਸਮਝਿਆਂ ਵਿਚਾਰਿਆਂ ਸਾਫ਼ ਨਜ਼ਰ ਆ ਰਿਹਾ ਹੈ, ਮਹਿਸੂਸ ਕੀਤਾ ਜਾ ਸਕਦਾ ਹੈ,

ਕਿ

🌹👉 ਗੁਰੂ ਨਾਨਕ ਸਾਹਿਬ ਜੀ ਨੇ ਕਿਸੇ ਵੀ ਤਰ੍ਹਾਂ ਜੋਗੀਆਂ ਦੇ (ਉਦਾਸੀਨ ਮੱਤ) ਨੂੰ ਪੱਠੇ ਨਹੀਂ ਪਾਏ।

🌹👉 ਇਸ (ਉਦਾਸੀਨ ਮੱਤ) ਨੂੰ ਚਲਾਉਣ, ਜਾਂ ਸੰਸਾਰ ਦੇ ਲੋਕਾਂ ਨੂੰ ਐਸੀ ਵਿਚਾਰਧਾਰਾ ਨਾਲ ਜੁੜਨ ਜਾਂ ਜੋੜਨ ਲਈ ਨਹੀਂ ਪਰੇਰਿਆ ਅਤੇ ਨਾ ਹੀ ਉਤਸ਼ਾਹਿਤ ਕਰਨਾ ਕੀਤਾ।

🌹👉 ਆਪਣੇ ਵੱਡੇ ਬੇਟੇ ਸਿਰੀ ਚੰਦ ਨੂੰ ਵੀ, ਉਹਦੇ ਮੱਤ ਬਾਰੇ, ਕਿਸੇ ਤਰ੍ਹਾਂ ਦੇ ਸਵਾਲ ਜਵਾਬ ਨਹੀਂ ਕੀਤੇ।

🌹👉 ਜਦੋਂ ਕਿ ਬੜੀ ਸਾਫ਼ਗੋਈ ਨਾਲ ਗੁਰੂ ਨਾਨਕ ਸਾਹਿਬ ਜੀ ਨੇ ਉਦਾਸੀ ਜਾਂ ਉਦਾਸੀ ਮੱਤ ਦੀ ਪਰੋੜਤਾ ਨਹੀਂ ਕੀਤੀ,
ਤਾਂ
ਕਿਸ ਆਧਾਰ ਤੇ, (ਉਦਾਸੀ ਮੱਤ ਦਾ ਰੌਲਾ ਪਾਉਣ ਵਾਲੇ ਵਾਲੇ,)
ਗੁਰੂ ਨਾਨਕ ਸਾਹਿਬ ਜੀ ਨੂੰ
ਉਦਾਸੀ ਮੱਤ ਦਾ ਮੋਢੀ, ਜਾਂ ਸ਼ੁਰੂਆਤ ਕਰਨ ਵਾਲਾ Claim ਕਰਦੇ ਹਨ ❓❓❓❓❓

😁😁😁 ਸਰਾਸਰ, ਸ਼ਰਾਰਿਤ ਭਰੀਆਂ ਕੁਚਾਲਾਂ ਤਹਿਤ, ਇਹ ਬੇਲੋੜੀ ਬਹਿਸ ਬਾਜ਼ੀ ਕੀਤੀ ਜਾ ਰਹੀ ਹੈ। ਜਿਸ ਦਾ ਕੋਈ ਵੀ ਆਧਾਰ ਬਣਦਾ ਹੀ ਨਹੀਂ।

💥💥💥💥 ਸੋਸ਼ਲ ਮੀਡੀਆ, ਨੈੱਟਵਰਕਿੰਗ ਤੇ ਬਹਿਸਬਾਜ਼ੀ ਵਾਲੀ ਚਲ ਰਹੀ ਨੀਰਜ਼ ਕੁਮਾਰ ਦੀ ਵੀਡੀਓ ਸਰਾਸਰ ਝੂਠ ਬੋਲਿਆ ਜਾ ਰਿਹਾ ਹੈ ਅਤੇ ਅੰਧਵਿਸ਼ਵਾਸ਼ੀ ਲੋਕਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।

🧩🧩🧩🧩 ਉਦਾਸ, ਤੋਂ ਭਾਵ ਆਪਣੇ ਆਪ ਨੂੰ ਵਿਕਾਰਾ ਤੋਂ ਮੁਕਤ ਕਰਨਾ ਹੁੰਦਾ ਹੈ।

🧩🧩🧩 ਸਿਖਿਆਰਥੀਆਂ ਨੇ ਵਿਕਾਰਾਂ ਤੋਂ ਆਪਣੇ ਆਪ ਨੂੰ ਉਦਾਸ ਰੱਖਣਾ ਹੈ।

ਵਿਚੇ ਰ
ਗ੍ਰਹਿ ਉਦਾਸੀ ਰਹਿੰਦੇ ਹੋਏ, ਆਪਣੀਆਂ ਬਣਦੀਆਂ ਜ਼ਿੰਮੇਵਾਰੀਆਂ, ਫ਼ਰਜ਼ਾਂ, ਨਿਭਾਉਣਾ ਹੈ।

🌹🌹🌹🌹 ਮਃ ੫ ॥ ਨਾਨਕ ਸਤਿਗੁਰਿ ਭੇਟਿਐ ਪੂਰੀ ਹੋਵੈ ਜੁਗਤਿ ॥ ਹਸੰਦਿਆ ਖੇਲੰਦਿਆ ਪੈਨੰਦਿਆ ਖਾਵੰਦਿਆ ਵਿਚੇ ਹੋਵੈ ਮੁਕਤਿ ॥੨॥ {ਪੰਨਾ 522}🌹🌹🌹

ਇੰਜ ਦਰਸਨ ਸਿੰਘ ਪ੍ਰੀਤਮ
ਕੈਨਬਰਾ ਅਸਟ੍ਰੇਲੀਆ 🦘 🙏 🌹
ਤਿੰਨ ਅਗਸਤ ਵੀਹ ਸੌ ਪੰਚੀ।

25/07/2025

💐🙏🌹 ਧਰੂ ਤਾਰਾ।💥 ਧਰੁਵ ਤਾਰਾ। ਪੋਲ ਸਟਾਰ। 🌹

🌏👉 ਉੱਤਰੀ ਅਰਧ ਗਲੋਬ ਵਾਲੇ ਪਾਸੇ ਤੋਂ ਨਾਰਥ ਪੋਲ ਸਟਾਰ, ਹਰ ਰੋਜ਼ ਰਾਤ ਨੂੰ ਵੇਖਿਆ ਜਾ ਸਕਦਾ ਹੈ। ਪਰ, ਭੂਮੱਧ ਰੇਖਾ ਤੋਂ ਥੱਲੇ ਵਾਲੇ ਪਾਸੇ ਦੱਖਣੀ ਅਰਧ ਗਲੋਬ ਵਿਚਲੇ ਦੇਸ਼ਾਂ ਦੇ ਲੋਕ, ਨਾਰਥ ਪੋਲ ਸਟਾਰ (ਧਰੁਵ-ਧਰੂ ਤਾਰੇ) ਨੂੰ ਨਹੀਂ ਦੇਖ ਸਕਦੇ।
👀👀 ਕਾਰਨ,
🌏👉 ਧਰਤੀ ਦਾ ਗੋਲਾਕਾਰ ਹੋਣਾ, ਭੂਮੱਧ ਰੇਖਾ ਤੋਂ ਥੱਲੇ, ਦੱਖਣੀ ਪੋਲ ਤੱਕ ਗੋਲਾਈ ਹੋਣ ਕਰਕੇ, ਉਤਰੀ ਪੋਲ ਸਟਾਰ ਵਾਲਾ ਹੌਰੀਜ਼ਨ (Horizon), (ਜਿਥੇ ਧਰਤੀ ਆਕਾਸ਼ ਮਿਲਦੇ ਵਿਖਾਈ ਦਿੰਦੇ ਹਨ), ਵਿਖਾਈ ਨਹੀਂ ਦਿੰਦਾ।)

🌏👉 ਧਰਤੀ ਆਕਾਸ਼ ਕਦੇ ਵੀ ਨਹੀਂ ਮਿਲਦੇ, ਇਹ ਸਾਡੀ ਨਜ਼ਰ ਦਾ ਧੋਖਾ ਹੈ, ਪਰ, ਧਰਤੀ ਤੇ ਰਹਿੰਦੇ ਲੋਕਾਂ ਨੂੰ, ਐਸਾ ਆਭਾਸ ਜ਼ਰੂਰ ਹੁੰਦਾ ਹੈ।

🌹🌹🌹🌹🌹🌹🌹🌹🌹🌹🌹🌹

🌎👉 ਸੁੱਤੇ ਸਿੱਧ ਫਲੀਭੂਤ ਹੋ ਰਹੇ ਬ੍ਰਹਿਮੰਡੀ ਸਿਸਟਿੱਮ, ਵਿਧੀ ਵਿਧਾਨਾਂ, ਸਿਧਾਂਤਾਂ, ਅਸੂਲਾਂ, ਨੇਮਾਂ, ਨਿਯਮਾਂ, ਦੇ
ਸਾਡੇ ਪੈਰਾਂ ਦੇ ਥੱਲੇ ਵਾਲੀ ਧਰਤੀ, ਵਿਖਾਈ ਦੇ ਰਹੇ ਬ੍ਰਹਿਮੰਡ ਦੇ ਹੋਂਦ ਵਿੱਚ ਆਉਣ ਤੋਂ ਅਰਬਾਂ ਸਾਲਾਂ ਬਾਅਦ ਹੋਂਦ ਵਿੱਚ ਆਈ।

🌎👉 ਧਰਤੀ ਉਪਰ ਮਨੁੱਖ ਦੀ ਆਮਦ ਤਾਂ
ਧਰਤੀ ਦੀ ਕਰੋੜਾਂ ਸਾਲਾਂ ਦੀ ਉਥੱਲ ਪੁਥੱਲ ਅਤੇ ਅਨੇਕਾਂ ਜੂਨੀਆਂ ਦੇ ਜੀਵਾਂ ਦੀ ਜੀਵਨ ਯਾਤਰਾ ਤੋਂ ਲੱਖਾਂ ਕਰੋੜਾਂ ਸਾਲਾਂ ਬਾਅਦ ਆਉਂਣੀ ਹੋਈ ਹੈ।
ਜੀਵਾਂ ਦੇ ਜੀਵਨ ਦੀ ਸ਼ੁਰੂਆਤ ਪਾਣੀ ਤੋਂ ਹੋਈ। ((ਪਹਿਲਾ ਪਾਣੀ ਜੀਉ ਹੈ ਜਿਤੁ ਹਰਿਆ ਸਭੁ ਕੋਇ ॥ ਮਹਲਾ ਪਹਿਲਾ।। 472।।

🌎👉 ਮਨੁੱਖ ਨੇ ਆਪਣੀ ਬਿਬੇਕ ਬੁੱਧ ਦੀ ਵਰਤੋਂ ਕਰਦੇ ਹੋਏ (ਧਰਤੀ) ਦੇ ਬਾਰੇ ਅਤੇ ਆਕਾਸ਼ ਦੇ ਬਾਰੇ ਅਨੇਕਾਂ ਜਾਣਕਾਰੀਆਂ ਪ੍ਰਾਪਤ ਕੀਤੀਆਂ ਅਤੇ ਅਜੇ ਵੀ ਹੋਰ ਜਾਣਕਾਰੀਆਂ ਪ੍ਰਾਪਤ ਕਰਨ ਲਈ ਕੋਸ਼ਿਸ਼ਾਂ ਜ਼ਾਰੀ ਹਨ।

🌎👉 ਮਨੁੱਖ ਨੇ ਆਪਣੀਆਂ ਯਾਤਰਾਵਾਂ ਦੀਆਂ ਸਹੂਲਤਾਂ ਲਈ ਧਰਤੀ ਨੂੰ ਨਕਸ਼ਿਆਂ ਉਪਰ ਵੰਡਣਾ ਕੀਤਾ। ਭੂਮੱਧ ਰੇਖਾ ਊਲੀਕਣੀ ਕੀਤੀ।

🌎👉 ਇਸ ਭੂਮੱਧ ਰੇਖਾ ਦੀ ਵੰਡ ਨਾਲ ਧਰਤੀ ਦੇ ਦੋ ਗਲੋਬ ਬਣ ਗਏ। ਉੱਤਰੀ ਅਤੇ ਦੱਖਣੀ।

🌎👉 ਮਨੁੱਖ ਨੇ ਆਪਣੀ ਬਿਬੇਕ ਬੁੱਧ ਨਾਲ ਕੀਤੇ ਤਾਜੁਰਬਿਆਂ ਰਾਹੀਂ ਜਾਨਣਾ ਕਰ ਲਿਆ ਕਿ
ਧਰਤੀ ਬਹੁਤ ਵੱਡੇ ਚੁੰਬਕ ਦੀ ਨਿਆਈਂ ਹੈ।

🌎👉 ਚੁੰਬਕ ਦੇ ਦੱਖਣੀ ਅਤੇ ਉੱਤਰੀ ਚੁੰਬਕੀ ਖੇਤਰ ਦੀ ਨਿਆਈਂ, ਧਰਤੀ ਦੇ ਵੀ ਉੱਤਰੀ ਅਤੇ ਦੱਖਣੀ ਧਰੁਵ ਬਣਦੇ ਹਨ।

,🌎👉 ਇਸ ਤਰ੍ਹਾਂ ਧਰਤੀ ਨੂੰ ਦੋ ਭਾਗਾਂ ਵਿਚ ਵੰਡਿਆ ਗਿਆ। 1
1. ਉੱਤਰੀ ਅਰਧ ਗਲੋਬ। ਉੱਤਰੀ ਅਰਧ ਗਲੋਬ ਦਾ ਜਿਥੇ ਕੇਂਦਰੀ ਧੁਰਾ ਬਣਦਾ ਹੈ, ਉਹ ਸਾਰਾ ਸਮੁੰਦਰ ਵਿੱਚ ਆਉਂਦਾ ਹੈ। ਸੂਰਜ ਦੀਆਂ ਕਿਰਨਾਂ ਟੇਡੀਆਂ ਪੈਂਦੀਆਂ ਹੋਣ ਕਰਕੇ ਸਮੁੰਦਰ ਦਾ ਇਹ ਹਿੱਸਾ ਜੰਮਿਆ ਰਹਿੰਦਾ ਹੈ, ਭਾਵ ਬਰਫ਼ ਜੰਮੀ ਰਹਿੰਦੀ ਹੈ। ਇਸ ਨੂੰ (ਆਰਟਿਕ ਧੁਰਾ) ਕਿਹਾ ਜਾਂਦਾ ਹੈ।

2. ਦੱਖਣੀ ਅਰਧ ਗਲੋਬ। ਦੱਖਣੀ ਅਰਧ ਗਲੋਬ ਦਾ ਜਿਥੇ ਕੇਂਦਰੀ ਧੁਰਾ ਬਣਦਾ ਹੈ, ਉਹ ਸਾਰਾ ਜ਼ਮੀਨ ਉਪਰ ਆਉਂਦਾ ਹੈ। ਸੂਰਜ ਦੀਆਂ ਕਿਰਨਾਂ ਟੇਡੀਆਂ ਪੈਂਦੀਆਂ ਹੋਣ ਕਰਕੇ ਇਹ ਹਿੱਸਾ ਜੰਮਿਆ ਰਹਿੰਦਾ ਹੈ, ਭਾਵ ਬਰਫ਼ ਜੰਮੀ ਰਹਿੰਦੀ ਹੈ। ਇਸ ਨੂੰ (ਐਨਟਾਰਕਟਿਕ ਕੌਂਟੀਨੈਂਟ) ਕਿਹਾ ਜਾਂਦਾ ਹੈ। ਐਨਟਾਰਕਟਿਕ ਦੀ ਬਰਫ਼ ਥੱਲੇ ਸਖ਼ਤ ਜ਼ਮੀਨ ਹੈ।

🌎👉 ਉੱਤਰੀ ਅਰਧ ਗਲੋਬ ਅੰਦਰ ਧਰਤੀ ਨੂੰ ਹੋਰ ਅੱਗੇ ਵੰਡਿਆ ਗਿਆ। ਇਸ ਵੰਡ ਰੇਖਾ ਨੂੰ
(ਕਰਕ-ਰੇਖਾ) (Line of Cancer) ਕਿਹਾ ਜਾਂਦਾ ਹੈ।

🌎👉 ਦੱਖਣੀ ਅਰਧ ਗਲੋਬ ਨੂੰ ਵੀ ਅੱਗੇ ਹੋਰ ਵੰਡਿਆ ਗਿਆ। ਇਸ ਵੰਡ ਰੇਖਾ ਨੂੰ
(ਮਕਰ-ਰੇਖਾ) (Line of Capricorn) ਕਿਹਾ ਜਾਂਦਾ ਹੈ।

🌎🥀 ਧਰੂ ਤਾਰਾ, North Pole Star.💥p

🌎🥀 ਇਹ ਤਾਰਾ ਅਸਮਾਨ ਵਿੱਚ ਉੱਤਰੀ ਅਰਧ ਗਲੋਬ ਦੇ ਉੱਤਰੀ ਧਰੁਵ ਦੇ ਬਿੱਲਕੁਲ ਉਪਰ
ਟੀਸੀ ਵਲ ਸਥਿਤ ਹੈ।

🌎👉 ਧਰਤੀ ਆਪਣੀ ਧੁਰੀ ਦੁਆਲੇ 1600 ਕਿਲੋਮੀਟਰ ਪਰ ਘੰਟਾ ਦੀ ਸਪੀਡ ਨਾਲ ਘੁੰਮਦੀ ਹੈ।

🌎🥀 ਆਪਣੀ ਧਰਤੀ, ਸੂਰਜ ਦੀ ਪ੍ਰਕਰਮਾ ਕਰਦੀ ਹੈ। ਪ੍ਰਕਰਮਾ ਕਰਨ ਦੀ ਰਫ਼ਤਾਰ ਤਕਰੀਬਨ 107,000 ਕਿਲੋਮੀਟਰ ਪਰ ਘੰਟਾ ਹੈ।

🌎👉 ਧਰਤੀ ਦੀ ਸੂਰਜੀ ਪ੍ਰਕਰਮਾ ਨਾਲ ਧਰਤੀ ਉਪਰ ਰੁੱਤਾਂ ਵਿਚ ਬਦਲਾਅ ਆਉਂਦਾ ਹੈ।

🌎👉 ਧਰਤੀ ਦੀ ਸੂਰਜੀ-ਪ੍ਰਕਰਮਾ ਕਰਨ ਦੇ ਕਾਰਨ, ਆਸਮਾਨ ਵਿਚ ਚਮਕਦੇ ਤਾਰਿਆਂ ਦੀਆਂ ਸਥਿਤੀਆਂ ਵਿਚ ਵੀ ਮਨੁੱਖਾਂ ਨੂੰ ਬਦਲਾਅ ਨਜ਼ਰ ਆਉਂਦਾ ਹੈ।

🌎👉 ਅਸਲ ਵਿੱਚ ਤਾਰੇ ਆਪਣੀ ਆਪਣੀ ਜਗਹ ਸਥਿਰ ਨਹੀਂ ਹਨ, ਪਰ ਦੂਰੀਆਂ ਜਿਆਦਾ ਹੋਣ ਕਰਕੇ ਆਪਾਂ ਨੂੰ ਸਥਿਰ ਲੱਗਦੇ ਹਨ।

🌏👉 ਪਰ ਧਰਤੀ ਦੀ ਸੂਰਜੀ ਪ੍ਰਕਰਮਾ ਕਰਕੇ ਧਰਤੀ ਦੀ ਜਗਹ/ਸਥਿਤੀ ਵਿਚ ਬਦਲਾਅ ਹੁੰਦਾ ਰਹਿੰਦਾ ਹੈ। ਇਸ ਲਈ ਆਸਮਾਨ ਵਿਚ ਤਾਰੇ ਆਪਣੀ ਜਗਹ ਬਦਲਦੇ ਮਹਿਸੂਸ ਹੁੰਦੇ ਰਹਿੰਦੇ ਹਨ। ਜਦੋਂ ਕਿ ਸੱਚਾਈ ਇਹ ਹੈ ਕਿ ਸਾਡੀ ਧਰਤੀ ਅਤੇ ਪੂਰਾ ਬ੍ਰਹਿਮੰਡ ਹਮੇਸ਼ਾ ਹੀ ਚਲਾਇਮਾਨ ਹੈ।
ਕੋਹ ਕਰੋੜੀ ਚਲਤ ਨ ਅੰਤੁ ॥ 464।।

🌎👉 (ਧਰੂ-ਤਾਰਾ) ਇਕ ਐਸਾ ਹੀ ਤਾਰਾ ਹੈ, ਜਿਸਦੀ ਪੋਜੀਸ਼ਨ ਬਿੱਲਕੁੱਲ ਧਰਤੀ ਦੇ ਉਤਰੀ ਅਰਧ ਗਲੋਬ ਦੀ ਧੁਰੀ ਦੇ ਉਪਰ ਹੈ। ਧਰਤੀ ਦੇ ਸੂਰਜ ਦੁਆਲੇ ਚੱਕਰ ਲਾਉਣ ਦੇ ਬਾਵਜੂਦ ਵੀ
ਧਰੂ ਤਾਰਾ ਹਮੇਸ਼ਾ ਹੀ ਆਪਣੀ ਜਗਹ ਸਥਿਰ ਵਿਖਾਈ ਦਿੰਦਾ ਹੈ। ਚਾਹੇ ਧਰਤੀ ਕਿਸੇ ਵੀ ਪਾਸੇ ਚਲੰਤ ਹੋਏ।

🌎,👉 ਧਰੂ ਤਾਰੇ ਦੇ ਇਕ ਪਾਸੇ ਸਤ 7 ਤਾਰਿਆਂ ਦੀ ਇਕ ਆਕਿ੍ਤੀ ਮਹਿਸੂਸ ਹੁੰਦੀ ਹੈ। ਇਕ ਮੰਜੇ ਦੀਆਂ ਚੁਗਾਠਾਂ ਅਤੇ ਚਾਰ ਪਾਵੇ, ਇਕ ਪਾਸੇ ਤਿੰਨ ਤਾਰਿਆਂ ਦੀ ਪੂਛ ਵਾਲੀ ਆਕਿ੍ਤੀ ਬਣਦੀ ਹੈ।

🌎👉 ਧਰਤੀ ਦੇ ਸੂਰਜ ਦੁਆਲੇ ਚੱਕਰ ਲਾਉਣ ਦੇ ਸਮੇਂ ਇਹ ਸਤ ਤਾਰੇ ਹਮੇਸ਼ਾ ਧਰੂ ਤਾਰੇ ਦੇ ਇਰਦ ਗਿਰਦ (ਚੌਫੇਰੇ) ਹੀ ਨਜ਼ਰ ਆਉਂਦੇ ਹਨ, ਹਮੇਸ਼ਾ ਰਹਿੰਦੇ ਹਨ। ਸਿਆਲਾਂ ਵਿੱਚ ਅਲੱਗ ਜਗਹ, ਗਰਮੀਆਂ ਵਿਚ ਅਲੱਗ ਜਗਹ।

🌎👉 ਧਰਤੀ ਉਪਰ ਸਮੁੰਦਰ ਦੀਆਂ ਯਾਤਰਾਵਾਂ ਕਰਨ ਵਾਲੇ ਯਾਤਰੂ, ਧਰਤੀ ਉਪਰ ਦਿਸ਼ਾਵਾਂ ਦੀ ਦਿਸ਼ਾ ਲੱਭਣ ਲਈ ਇਸੇ ਧਰੂ ਤਾਰੇ ਦੀ ਸਹਾਇਤਾ ਨਾਲ ਦਿਸ਼ਾਵਾਂ ਦਾ ਭੇਦ ਪਾ ਲੈਂਦੇ ਹਨ। ਦਿਸ਼ਾਵਾਂ ਲੱਭ ਲੈਂਦੇ ਹਨ।

🌎👉 ਇਸੇ ਧਰੂ ਤਾਰੇ ਦੇ ਇਕ ਜਗਹ ਪੱਕਾ ਰਹਿਣ ਕਰਕੇ, ਮਨੁੱਖਾਂ ਦੇ ਧਾਰਮਿਕ ਖੇਤਰ ਵਿੱਚ ਇਕ ਕਹਾਣੀ ਘੜੀ ਗਈ। ਕੋਈ ਮਨੁੱਖ ਜਿਸ ਬਾਰੇ ਕਹਾਣੀ ਬਣਾਈ ਗਈ, ਉਸਦਾ ਨਾਮ ਵੀ (ਧਰੁਵ ਜਾਂ ਧਰੂ ਸੀ)। ਉਸਨੇ ਆਪਣੀ ਮਨੁੱਖੀ ਜੀਵਨ ਯਾਤਰਾ ਦੌਰਾਨ (ਸੱਚ-ਸੱਚਾਈ) ਨੂੰ ਹੀ ਆਪਣੇ ਮਨੁੱਖੀ ਜੀਵਨ ਦਾ ਆਧਾਰ ਬਨਾਉਣਾ ਕੀਤਾ। ਸੱਚ ਬਾਰੇ ਆਪਣੇ ਦਿਰੜ ਇਰਾਦੇ ਕਰਕੇ ਚੰਗੇ ਰਾਜਭਾਗ ਦਾ ਮਾਲਿਕ ਬਣਿਆ ਅਤੇ ਚੰਗਾ ਨਾਮਣਾ ਖੱਟਿਆ, ਮਸ਼ਹੂਰ ਹੋਇਆ। ਇਸ ਮਨੁੱਖ ਨੂੰ ਧਰੂ ਤਾਰੇ ਵਾਂਗ ਚਮਕਦਾ, ਸਥਿਰ ਅਤੇ ਅਡੋਲ ਪ੍ਰਵਾਨਿਆਂ ਗਿਆ।

🌏👉 ਆਸਮਾਨ ਅੰਦਰ ਤਾਰਿਆਂ ਦੀ ਨਿਸ਼ਾਨਦੇਹੀ ਮਨੁੱਖ ਨੇ ਆਪਣੀ ਸਹੂਲਤ ਲਈ ਕੀਤੀ ਹੋਈ ਹੈ।

🌏👉 ਧਰਤੀ ਦੀ ਆਪਣੀ ਧੁਰੀ ਦੁਆਲੇ ਪ੍ਰਕਰਮਾ ਨਾਲ ਦਿਨ ਅਤੇ ਰਾਤ ਦਾ ਚੱਕਰ ਹਮੇਸ਼ਾ ਹੋਂਦ ਵਿੱਚ ਬਰਕਰਾਰ ਰਹਿੰਦਾ ਹੈ। ਧਰਤੀ ਦੇ ਅੱਧੇ ਹਿੱਸੇ ਵਿੱਚ ਦਿਨ ਅਤੇ ਦੂਸਰੇ ਪਾਸੇ ਰਾਤ। 24 ਘੰਟਿਆਂ ਦਾ ਇਹ ਸਿਲਸਿਲਾ ਲਗਾਤਾਰ ਜਾਰੀ ਰਹਿੰਦਾਂ ਹੈ।

🌏👉 ਧਰੂ ਤਾਰਾ ਕਿਸੇ ਮਨੁੱਖ ਦੇ ਮਰਨੋਂ ਉਪਰੰਤ ਹੋਂਦ ਵਿੱਚ ਨਹੀਂ ਆਇਆ, ਬਲਕਿ
ਤਸਵੀਰ ਵਿਚਲੀਆਂ ਆਕਿਰਤੀਆ ਕੁੱਦਰਤੀ ਹੋਂਦ ਵਿੱਚ ਆਈਆਂ ਹਨ।

🌏👉 ਆਸਮਾਨ ਅੰਦਰ ਤਾਰਿਆਂ, ਸਿਤਾਰਿਆਂ, ਦਇਆਰਿਆ ਦੀ ਹੋਂਦ
ਮਨੁੱਖੀ-ਅਸਤਿਤਵ ਤੋਂ ਹੋਂਦ ਵਿੱਚ ਆਉਣ ਤੋਂ
ਅਰਬਾਂ ਖਰਬਾਂ ਸਾਲ ਪਹਿਲਾਂ ਦੀ ਹੋਈ ਹੈ।

,🌏👉 ਧਰੂ ਤਾਰਾ, ਕੋਈ ਸਪੈਸ਼ਲ ਤਾਰਾ ਨਹੀਂ, ਬੱਸ ਤਾਰਿਆਂ ਵਾਂਗ ਚਮਕਦਾ ਤਾਰਾ ਹੈ,
ਪਰ,
ਧਰੂ ਤਾਰੇ ਦੀ ਜਗਹ ਸਥਿਤੀ ਐਸੀ ਹੈ, ਜਿਸਦੀ ਪੋਜੀਸ਼ਨ ਮਨੁੱਖ ਸ਼੍ਰੇਣੀ ਲਈ ਲਾਹੇਵੰਦ ਸਾਬਤ ਹੋ ਰਹੀ ਹੈ, ਮਨੁੱਖ ਨੂੰ ਦਿਸ਼ਾਵਾਂ ਲੱਭਣ ਲਈ ਲਾਹੇਵੰਦ ਹੈ। ਬੱਸ ਇਹ ਮਹੱਤਤਾ ਹੈ ਧਰੂ ਤਾਰੇ ਦੀ। ਹੋਰ ਮਨੁੱਖ ਸ਼੍ਰੇਣੀ ਨਾਲ ਕੋਈ ਵਾਸਤਾ ਨਹੀਂ।

😁😁😁 ਗਪੌੜੀ ਕਹਾਣੀਆਂ ਸਾਖੀਆਂ ਮਨੁੱਖੀ ਸਮਾਜ ਅੰਦਰ ਬਹੁਤ ਪ੍ਰਚਲਤ ਹਨ। ਯਕੀਨ ਕਰਨ ਵਾਲੇ ਮਨੁੱਖ ਵੀ ਕਰੋੜਾਂ ਦੀ ਗਿਣਤੀ ਵਿਚ ਹਨ। ਸੱਚਾਈ ਨਾਲ ਜਿਉਣ ਵਾਲੇ ਵੀ ਅਣਗਿਣਤ ਹੀ ਹਨ।

,🌏👉 ਸੱਚਾਈ ਸਾਹਮਣੇ ਲਿਆਉਣੀ ਕੀਤੀ ਹੈ। ਯਕੀਨ ਅਤੇ ਫੈਸਲਾ ਸਭ ਨੇ ਆਪਣੀ ਆਪਣੀ ਬਿਬੇਕ ਬੁੱਧ ਨਾਲ ਕਰਨਾ ਹੈ।

ਇੰਜ ਦਰਸਨ ਸਿੰਘ ਪ੍ਰੀਤਮ
ਕੈਨਬਰਾ ਅਸਟ੍ਰੇਲੀਆ 🦘 🙏 🌹
25/7/25

24/07/2025

🥀 ਦੋਸਤੋ, ਸਤਿ ਕਰਤਾਰ ਜੀਉ।🙏🙏

☂️👉 ਮਨੁੱਖੀ ਜੀਵਨ ਅੰਦਰ ਕੋਈ ਆਪਣੇ ਮਨੁੱਖੀ ਦੋਸਤਾਂ ਨੂੰ ਫਾਇਦੇਮੰਦ ਨਸੀਹਤ ਦੇਣ ਲਈ

ਸਿਆਣੇ ਸਮਝਦਾਰ ਲੋਕ,

ਕੋਈ ਬੜੀ ਰੌਚਿਕ ਜਿਹੀ ਕਹਾਣੀ ਘੜ ਕੇ,

(ਲਾਭਦਾਇਕ ਸਿਖਿਆ) ਨੂੰ

ਉਸ ਕਹਾਣੀ ਦਾ ਤੱਤਸਾਰ ਬਣਾ ਕੇ ਪੇਸ਼ ਹਰ ਦਿੰਦੇ ਹਨ।

👉👉 ਕਹਾਣੀ ਅੰਦਰ ਰੌਚਿਕਤਾ ਹੋਣ ਕਰਕੇ,

ਪਾਠਕ ਜਨ ਬੜੀ ਰੀਝ ਨਾਲ ਪੜ੍ਹਦੇ ਹਨ ਅਤੇ

ਗਿਆਨ ਪ੍ਰਾਪਤੀ ਦੇ ਚਾਹਵਾਨ ਸੱਜਣ

ਤੱਤਸਾਰ ਦੀ ਵੀ ਪਕੜ ਕਰ ਲੈਂਦੇ ਹਨ।

☂️👉 ਹੱਥਲੀ ਲਿਖਤ ਵੀ ਇਸੇ ਤਰ੍ਹਾਂ ਦੇ ਭਾਵ ਨਾਲ ਲਿਖ਼ਤ ਵਿਚ ਆਈ ਹੈ।

☂️👉 ਸਿਖਿਆਰਥੀਆਂ ਨੇ ਤੱਤਸਾਰ ਦੀ ਪਕੜ ਲਈ ਕਹਾਣੀ ਨੂੰ ਪੜ੍ਹਣਾ ਅਤੇ ਵਿਚਾਰਨਾ ਹੈ।

☂️👉 ਸਮੱਗਰ ਗੁਰਬਾਣੀ ਗਿਆਨ ਦਾ ਭੰਡਾਰ ਹੈ। ਗੁਰਮਤਿ ਗਿਆਨ ਫਲਸਫਾ ਵਿਚਾਰਨਯੋਗ ਫ਼ਿਲਾਸਫ਼ੀ ਹੈ।

☂️👉 ਇਹ ਕੋਈ ਜਾਦੂ ਮੰਤਰ ਟੂਣਾ ਟੋਟਕਾ ਤਾਬੀਤ ਨਹੀਂ,

ਬਲਕਿ,

ਸੁਚੱਜੀ ਮਨੁੱਖੀ ਜੀਵਨ ਜਾਚ ਨੂੰ ਬਾਣੀਕਾਰਾਂ ਨੇ ਸਾਡੇ ਜੀਵਨ ਮਨੁੱਖੀ ਜੀਵਨ ਦੇ ਗਿਆਨ ਵਿਚ ਵਾਧੇ ਲਈ ਕਲਮਬੱਧ ਕਰਨਾ ਕੀਤਾ।

☂️👉 ਹੁਣ ਆਪਾਂ ਵਿਚਾਰਨਾ ਕਰਕੇ ਲਾਹਾ ਪ੍ਰਾਪਤ ਕਰਨਾ ਹੈ।

ਸਿਖੀ ਸਿਖਿਆ ਗੁਰ ਵੀਚਾਰਿ।।

ਇੰਜ ਦਰਸਨ ਸਿੰਘ ਪ੍ਰੀਤਮ

ਕੈਨਬਰਾ ਅਸਟ੍ਰੇਲੀਆ 🦘🙏🌹

੨੪/੭/੨੫

🥀🥀🥀🥀🥀🥀🥀🥀🥀🥀🥀

*ਗੁਰੂ ਗੋਬਿੰਦ ਸਿੰਘ ਜੀ :- ਹੋਰ ਸੁਣਾ ਪੁੱਤ ਕੀ ਕਰਦੈਂ?*

ਸੁਖਵਿੰਦਰ ਸਿੰਘ ਤੇਜਾ :- ਬਾਪੂ ਜੀ!

11 ਪਾਠ ਸੁਖਮਨੀ ਸਾਹਿਬ ਦੇ, 21 ਪਾਠ ਜਾਪੁ ਸਾਹਿਬ ਦੇ, 31 ਪਾਠ ਜਪੁਜੀ ਸਾਹਿਬ ਦੇ ਅਤੇ 51 ਪਾਠ ਚੌਪਈ ਸਾਹਿਬ ਦੇ ਕਰ ਰਿਹਾਂ।

*ਗੁਰੂ ਗੋਬਿੰਦ ਸਿੰਘ ਜੀ :- ਬਸ ਆਹੀ ਕੁੱਝ ਕਰੀ ਜਾਵੀਂ। ਹੋਰ ਕੁੱਝ ਨਾ ਕਰੀਂ।*

ਸੁਖਵਿੰਦਰ ਸਿੰਘ ਤੇਜਾ :- ਕਿੱਦਾਂ ਦੀ ਗੱਲ ਕਰਦੇ ਹੋ ਬਾਪੂ ਜੀ? ਸਾਨੂੰ ਤਾਂ ਬਾਬਾ ਨੰਦ ਸਿੰਘ ਜੀ ਵਰਗੇ ਅਤੇ ਭਾਈ ਗੁਰਇਕਬਾਲ ਸਿੰਘ ਜੀ ਵਰਗੇ ਮਹਾਂਪੁਰਸ਼ਾਂ ਨੇ ਇਹੀ ਸਿੱਖਿਆ ਦਿੱਤੀ ਹੈ ਕਿ ਜਿਹੜਾ ਵੀ ਕੋਈ ਗੁਰੂ ਦਾ ਸਿੱਖ ਇੰਨੇ ਪਾਠਾਂ ਦਾ ਜਾਪ ਕਰਦਾ ਹੈ, ਤਾਂ ਫਿਰ ਕਲਗੀਧਰ ਦਸਮੇਸ਼ ਪਿਤਾ ਜੀ ਆਪ ਉਹਦੇ ਸਾਰੇ ਕਾਰਜ ਰਾਸ ਕਰਦੇ ਹਨ।

ਜਿਹੜਾ ਵੀ ਕੋਈ ਮਾਈ ਭਾਈ ਅੱਠ-ਅੱਠ ਘੰਟਿਆਂ ਦਾ ਚੌਂਕੜਾ ਮਾਰਦਾ ਹੈ,

ਉਹ ਗੁਰੂ ਕਾ ਸਿੱਖ ਆਪਣੇ ਸ਼ੁਰੂ ਕੀਤੇ ਹੋਏ ਕਾਰਜ ਵਿੱਚ ਬਾਅਦ ਨੂੰ ਪਹੁੰਚਦੈ,

ਗੁਰੂ ਨਾਨਕ ਨੇ ਪਹਿਲਾਂ ਹੀ ਉਹਦਾ ਪ੍ਰਬੰਧ ਕਰਕੇ ਰੱਖਿਆ ਹੁੰਦੈ।

*ਗੁਰੂ ਗੋਬਿੰਦ ਸਿੰਘ ਜੀ :- ਪੁੱਤ! ਆਹ ਕੀ ਬੋਲਦਾਂ ਤੂੰ? ਧਰਮ ਦੇ ਨਾਂਅ 'ਤੇ ਆਖਿਰ ਇੰਨਾ ਕੁਫਰ ਕਿਉਂ ਤੋਲਦਾਂ ਤੂੰ?

ਪੁੱਤ! ਬਹੁਤ ਗਲਤ ਸੰਗਤ ਕਰ ਬੈਠਾਂ ਤੂੰ।*

*ਇਹ ਉਹ ਲੋਕ ਹਨ, ਜਿਹੜੇ ਤੁਹਾਨੂੰ ਮਿੱਠੀਆਂ ਗੋਲੀਆਂ ਦੇ ਕੇ ਤੁਹਾਡੇ ਕੋਲੋਂ ਆਪਣੇ ਕਾਰਜ ਰਾਸ ਕਰਵਾਉਂਦੇ ਹਨ।*

*ਮੈਂ ਕੀ ਤੁਹਾਡੇ ਕਾਰਜ ਰਾਸ ਕਰਨੇ! ਪਰ ਤੁਸੀਂ ਲੋਕ ਇਨ੍ਹਾਂ ਨੂੰ ਲੱਖਾਂ ਕਰੋੜਾਂ ਰੁਪਏ ਦਾ ਚੜ੍ਹਾਵਾ ਚੜ੍ਹਾ ਕੇ ਜਰੂਰ ਇਨ੍ਹਾਂ ਦੇ ਸਾਰੇ ਕਾਰਜ ਰਾਸ ਕਰ ਦਿੰਦੇ ਹੋ।*

*ਸੁਖਵਿੰਦਰ ਪੁੱਤ! ਇਨ੍ਹਾਂ ਲੋਕਾਂ ਬਾਰੇ ਹੀ ਸਾਡੇ ਸੀਨੀਅਰ ਬਾਬੇ, ਭਗਤ ਕਬੀਰ ਨੇ ਕਿਹਾ ਸੀ!*

_ਆਪ ਡੁਬੇ ਚਹੁ ਬੇਦ ਮਹਿ ਚੇਲੇ ਦੀਏ ਬਹਾਇ।।੧੦੪।।_

_ਓਇ ਹਰਿ ਕੇ ਸੰਤ ਨ ਆਖੀਅਹਿ ਬਾਨਾਰਸਿ ਕੇ ਠਗ।।੧।।_

*ਪਰ ਤੁਸੀਂ ਲੋਕ ਸਾਡੇ ਸੀਨੀਅਰ ਭਗਤਾਂ ਦੀਆਂ ਗੱਲਾਂ ਨੂੰ ਬਿਲਕੁੱਲ ਨਾ ਸਮਝਿਆ, ਸਗੋਂ ਬਨਾਰਸੀ ਪ੍ਰਚਾਰਕਾਂ ਦੀਆਂ ਗੱਲਾਂ ਨੂੰ ਬਹੁਤ ਛੇਤੀ ਮੰਨ ਲਿਆ।*

*ਉਸ ਵਿੱਚ ਗਲਤੀ ਤੁਹਾਡੀ ਵੀ ਨਹੀਂ। ਕਿਉਂਕਿ ਸਾਡੇ ਸੀਨੀਅਰ ਬਾਬਿਆਂ ਦੀਆਂ ਵਿਚਾਰਾਂ ਕੌੜੀਆਂ ਜੁ ਹੁੰਦੀਆਂ ਹਨ!*

*ਅੰਨ੍ਹੇ ਭਗਤਾਂ ਨੂੰ ਬਹੁਤ ਦੁੱਖ ਦਿੰਦੀਆਂ ਹਨ।*

*ਪਰ ਉਨ੍ਹਾਂ ਕੌੜੀਆਂ ਵਿਚਾਰਾਂ ਵਿੱਚ ਸੱਚ, ਈਮਾਨ, ਅਣਖ, ਗ਼ੈਰਤ, ਬਲ, ਤਾਕਤ ਅਤੇ ਮਰਨਾ ਲੁੱਕਿਆ ਹੁੰਦਾ ਹੈ।*

*ਬਨਾਰਸੀ ਪਾਂਡਿਆਂ ਦੀਆਂ ਗੱਲਾਂ ਅੱਤ ਦਰਜ਼ੇ ਦੀਆਂ ਬਹੁਤ ਹੀ ਮਿੱਠੀਆਂ ਹੁੰਦੀਆਂ ਹਨ, ਜੋ ਕਿ ਕੰਨਾਂ ਨੂੰ ਮਿੱਠੇ ਰਸ ਵਰਗੀਆਂ ਤੁਹਾਨੂੰ ਵਧੀਆ ਲੱਗਦੀਆਂ ਹਨ।*

*ਪਰ ਉਨ੍ਹਾਂ ਮਿੱਠੀਆਂ ਗੱਲਾਂ ਵਿੱਚ ਛੱਲ, ਫਰੇਬ, ਕੂੜ, ਲੋਭ ਅਤੇ ਝੂਠ ਲੁੱਕਿਆ ਹੁੰਦਾ ਹੈ।*

ਸੁਖਵਿੰਦਰ ਸਿੰਘ ਤੇਜਾ :- ਪਿਤਾ ਜੀ ਤੁਸੀਂ ਨਿੰਦਿਆ ਕਿਉਂ ਕਰਦੇ ਹੋ?

*ਗੁਰੂ ਗੋਬਿੰਦ ਸਿੰਘ ਜੀ :- ਪੁੱਤ! ਜਿਨ੍ਹਾਂ ਲੋਕਾਂ ਦੀ ਸੰਗਤ ਅੱਜ ਤੁਸਾਂ ਨੇ ਕਰ ਰੱਖੀ ਹੈ ਨਾ! ਮੇਰੇ ਸਤਿਕਾਰਯੋਗ ਪਿਤਾ ਯਾਨੀ ਕਿ ਤੁਹਾਡੇ ਦਾਦਾ ਗੁਰੂ ਤੇਗ਼ ਬਹਾਦਰ ਜੀ ਦੇ ਅੰਮ੍ਰਿਤਸਰ ਆਉਣ 'ਤੇ ਇਨ੍ਹਾਂ ਲੋਕਾਂ ਨੇ ਹੀ ਅੰਦਰੋਂ ਬੂਹੇ ਬੰਦ ਕਰ ਲਏ ਸਨ। ਤੇ ਅੱਜ ਇਨ੍ਹਾਂ ਲੋਕਾਂ ਨੇ ਅਧਿਆਤਮਿਕਤਾ ਦੇ ਨਾਂਅ 'ਤੇ ਪੂਰੀ ਲੋਕਾਈ ਦਾ ਅਜਿਹੇ ਢੰਗ ਨਾਲ ਬ੍ਰੇਨਵਾੱਸ਼ ਕੀਤਾ ਹੋਇਆ, ਤਾਂ ਕਿ ਜੇ ਕਿਤੇ ਅਚਾਨਕ ਤੁਹਾਨੂੰ ਕਦੇ ਇਨ੍ਹਾਂ ਦੀਆਂ ਗਲਤੀਆਂ ਦਾ ਪਤਾ ਲੱਗ ਵੀ ਜਾਵੇ ਤਾਂ ਫਿਰ ਤੁਸੀਂ ਇਹਨਾਂ ਦੀਆਂ ਗਲਤੀਆਂ ਨੂੰ ਨਿੰਦਿਆ ਸਮਝ ਕੇ ਨਜ਼ਰਅੰਦਾਜ਼ ਕਰਦੇ ਰਹੋ ਬਸ।*

*ਤੁਸੀਂ ਇਹੀ ਸਮਝਦੇ ਰਹੋ ਕਿ ਇਹ ਇਕ ਨਿੰਦਿਆ ਹੈ।*

*ਬੇਸ਼ੱਕ ਭਾਵੇਂ ਅਗਲੇ ਬੰਦੇ ਧਰਮੀ ਪਹਿਰਾਵੇ ਦੀ ਆੜ ਵਿੱਚ ਗਲਤ ਕੰਮ ਕਰੀ ਜਾਣ, ਪਰ ਹੁਣ ਤੁਸੀਂ ਉਨ੍ਹਾਂ ਦੀਆਂ ਸਾਰੀਆਂ ਗਲਤੀਆਂ ਨਿੰਦਿਆ ਸਮਝ ਕੇ ਨਜ਼ਰਅੰਦਾਜ਼ ਕਰਦੇ ਰਹੋਗੇ।*

*ਲੋਕਾਂ ਸਾਹਮਣੇ ਕਦੇ ਵੀ ਜਗ ਜਾਹਿਰ ਕਰਨ ਦੀ ਕੋਸ਼ਿਸ਼ ਨਹੀਂ ਕਰੋਗੇ।*

*ਅੱਜ ਤੁਹਾਡੇ ਸੀਨੇ ਵਿੱਚ ਇੰਨਾ ਵੀ ਜ਼ੋਰ ਨਹੀਂ ਰਿਹਾ ਕਿ ਤੁਸੀਂ ਬਾਬਰ ਨੂੰ ਜ਼ਾਬਰ ਕਹਿ ਸਕੋ! ਤੇ ਫੋਕੀਆਂ ਧਾਰਮਿਕ ਰਸਮਾਂ ਰੀਤਾਂ ਵਾਲਿਆਂ ਨੂੰ ਬਨਾਰਸ ਕੇ ਠੱਗ ਕਹਿ ਸਕੋ।*

*ਕਿਉਂਕਿ ਬਿਪਰ ਅਤੇ ਰਾਜਾ ਦੋਵੇਂ ਜਣੇ ਮਿਲ ਕੇ ਸ਼ੁਰੂ ਤੋਂ ਹੀ ਪਰਜਾ ਨੂੰ ਲੁੱਟਦੇ ਆ ਰਹੇ ਸਨ।*

*ਜਿਹੜਾ ਬਿਪਰ ਸੀ, ਉਹ ਲੋਕਾਂ ਦੇ ਦਿਮਾਗ਼ ਦਾ ਸ਼ੋਸ਼ਣ ਕਰਦਾ ਰਿਹਾ! ਤੇ ਜਿਹੜਾ ਰਾਜਾ ਸੀ, ਉਹ ਲੋਕਾਂ ਦੇ ਸ਼ਰੀਰਾਂ ਨੂੰ ਨਜਾਇਜ਼ ਸਜ਼ਾਵਾਂ ਦਿੰਦਾ ਰਿਹਾ!*

*ਬਿਪਰ ਅਧਿਆਤਮਿਕਤਾ ਦੇ ਨਾਂਅ 'ਤੇ ਲੋਕਾਂ ਦੇ ਦਿਮਾਗ਼ ਦਾ ਬ੍ਰੇਨਵਾੱਸ਼ ਕਰਕੇ ਉਨ੍ਹਾਂ ਨੂੰ ਰਾਜੇ ਦੇ ਅਧੀਨ ਬਣਾ ਕੇ ਰੱਖਦਾ ਸੀ ਤੇ ਰਾਜਾ ਰਾਜਨੀਤੀ ਦੇ ਨਾਂਅ 'ਤੇ ਲੋਕਾਂ ਦਾ ਰੱਜ ਕੇ ਸ਼ੋਸ਼ਣ ਕਰਦਾ ਸੀ।*

*ਪੁੱਤ! ਅਫਸੋਸ ਮੈਨੂੰ ਇਸ ਗੱਲ ਦਾ ਹੈ ਕਿ ਅੱਜ ਉਹੀ ਬਿਪਰ ਮੇਰੇ ਬਖਸ਼ੇ ਹੋਏ ਸਿੱਖੀ ਸਰੂਪ ਵਾਲੇ ਬਾਣੇ ਵਿੱਚ ਘੁੱਸ ਕੇ ਮੇਰੇ ਪੰਥ ਨੂੰ ਧਰਮ ਦੇ ਨਾਂਅ 'ਤੇ ਕੁਰਾਹੇ ਪਾ ਰਿਹਾ ਹੈ।*

*ਅੱਜ ਉਸ ਬਿਪਰ ਦੀ ਜਗਾਹ ਡੇਰਾ ਰਾਧਾ ਸੁਆਮੀ, ਡੇਰਾ ਸਿਰਸਾ, ਡੇਰਾ ਨਿਰੰਕਾਰੀ, ਡੇਰਾ ਨੀਲਧਾਰੀ ਸੰਪਰਦਾ, ਚਿੱਟ ਕਪੜੇ, ਭਲਾਈ ਕੇਂਦਰ, ਧਰਮ ਪ੍ਰਚਾਰ ਕਮੇਟੀ, ਸਤਿਕਾਰ ਕਮੇਟੀ, ਸੰਤਾਂ ਮਹੰਤਾਂ ਦੇ ਡੇਰੇ, ਡੇਰਾ ਬਲਾਂ, ਦਲ ਪੰਥ, ਲਾਡਲੀਆਂ ਫੌਜਾਂ ਦੀਆਂ ਛਾਉਣੀਆਂ ਅਤੇ ਮਹਾਂਪੁਰਸ਼ਾਂ ਦੇ ਡੇਰਿਆਂ ਨੇ ਲੈ ਰੱਖੀ ਹੈ! ਤੇ ਰਾਜੇ ਦੀ ਜਗਾਹ ਇਨ੍ਹਾਂ ਕੁੱਝ ਕੁ ਪੰਜ-ਛੇ ਪਾਰਟੀਆਂ ਨੇ ਲੈ ਰੱਖੀ ਹੈ।*

*ਅੱਜ ਵੀ ਪੂਰੀ ਮਨੁੱਖਤਾ ਦਾ ਰੱਜ ਕੇ ਸ਼ੋਸ਼ਣ ਹੋ ਰਿਹਾ ਹੈ, ਗਰੀਬ ਜਨਤਾ ਲਾਚਾਰ ਹੋ ਕੇ ਜੀਅ ਰਹੀ ਹੈ, ਗਰੀਬਾਂ ਦੇ ਬੱਚੇ ਭੁੱਖੇ ਮਰ ਰਹੇ ਹਨ, ਧਰਮ ਦੇ ਨਾਂਅ 'ਤੇ ਅੱਜ ਫਿਰ ਕੂੜ ਪ੍ਰਧਾਨ ਬਣਿਆ ਹੋਇਆ ਹੈ, ਲੋਭੀ ਰਾਜੇ ਆਪਣੇ ਖਜ਼ਾਨੇ ਭਰ ਕੇ ਆਪ ਐਸ਼ਾਂ ਕਰ ਰਹੇ ਹਨ ਤੇ ਇੱਧਰ ਮੇਰਾ ਲਾਡਲਾ ਪੁੱਤ ਸੁਖਵਿੰਦਰ ਸਿੰਘ ਤੇਜਾ ਪਾਠਾਂ ਦੀਆਂ ਰੇਲਾਂ ਬਣਾ ਕੇ ਪਤਾ ਨਹੀਂ ਮੈੱਥੋਂ ਕਿਹੜੀਆਂ ਖੁਸ਼ੀਆਂ ਲੱਭਦਾ ਫਿਰਦੈ?*

*ਪੁੱਤ! ਅਜਿਹੇ ਢੰਗ ਨਾਲ ਨਾ ਤਾਂ ਕਿਸੇ ਨੂੰ ਮੇਰੀਆਂ ਖੁਸ਼ੀਆਂ ਮਿਲੀਆਂ ਹਨ ਤੇ ਨਾ ਹੀ ਮੈਂ ਅਜਿਹੇ ਕੰਮਾਂ ਤੋਂ ਕਦੇ ਖੁਸ਼ ਹੋਇਆਂ।*

*ਜੇਕਰ ਤੁਹਾਡੇ ਪਾਠਾਂ ਤੋਂ ਖੁਸ਼ ਹੋ ਕੇ ਹੀ ਮੈਂ ਤੁਹਾਡੇ ਸਾਰੇ ਕਾਜ ਰਾਸ ਕਰਨੇ ਸਨ ਤਾਂ ਫਿਰ ਅਕਾਲ ਪੁਰਖ ਨੂੰ ਕੀ ਲੋੜ ਸੀ ਤੁਹਾਨੂੰ ਹੱਥ ਪੈਰ ਦੇਣ ਦੀ?*

*ਕਿਸੇ ਨੇ ਇੱਥੇ ਤੁਹਾਡੇ ਕਾਜ ਰਾਸ ਨਹੀਂ ਕਰਨੇ।*

*ਤੁਸੀਂ ਆਪਣੇ ਕਾਜ ਆਪ ਹੀ ਰਾਸ ਕਰ ਸਕਦੇ ਹੋ।*

_ਆਪਣ ਹਥੀ ਆਪਣਾ ਆਪੇ ਹੀ ਕਾਜੁ ਸਵਾਰੀਐ।।੨੦।।_

ਸੁਖਵਿੰਦਰ ਸਿੰਘ ਤੇਜਾ :- ਤਾਂ ਫਿਰ ਆਪਜੀ ਦੀ ਖੁਸ਼ੀ ਕਿਵੇਂ ਹਾਸਿਲ ਕੀਤੀ ਜਾ ਸਕਦੀ ਹੈ ਪਿਤਾ ਜੀ?

*ਗੁਰੂ ਗੋਬਿੰਦ ਸਿੰਘ ਜੀ :- ਪੁੱਤ! ਮੇਰੀਆਂ ਖੁਸ਼ੀਆਂ ਲੈਣ ਲਈ ਤੈਨੂੰ ਕਰਮ ਕਰਨੇ ਪੈਣਗੇ।*

_ਕਰਮੁ ਹੋਵੈ ਗੁਰੁ ਕਿਰਪਾ ਕਰੈ।।__ਇਹੁ ਮਨੁ ਜਾਗੈ ਇਸੁ ਮਨ ਕੀ ਦੁਬਿਧਾ ਮਰੈ।।੪।।_

ਸੁਖਵਿੰਦਰ ਸਿੰਘ ਤੇਜਾ :- ਪਿਤਾ ਜੀ! ਅਕਾਲ ਪੁਰਖ ਨਾਲ ਮੇਲ ਕਿਵੇਂ ਹੋਵੇ?

ਪਰਮੇਸ਼ਵਰ ਨਾਲ ਸਾਨੂੰ ਕੌਣ ਮਿਲਾਵੇ?

ਸਾਡਾ ਵਿਚੋਲਾ ਕੌਣ ਬਣੇ?

*ਗੁਰੂ ਗੋਬਿੰਦ ਸਿੰਘ ਜੀ :- _ਹਰਿ ਮਿਲਣੈ ਨੋ ਮਨੁ ਲੋਚਦਾ ਕਰਮਿ ਮਿਲਾਵਣਹਾਰ।।_

*ਸੁਖਵਿੰਦਰ ਬੱਚਾ! ਜੇਕਰ ਹਰੀ ਨੂੰ ਮਿਲਣ ਲਈ ਵਾਕਈ ਤੇਰਾ ਮਨ ਲੋਚਦੈ, ਤਾਂ ਫਿਰ ਉਸ ਹਰੀ ਨਾਲ ਤੇਰੇ ਕਰਮ ਹੀ ਤੈਨੂੰ ਮਿਲਾ ਸਕਦੇ ਸਨ।*

*ਤੇਰਾ ਕਰਮ ਹੀ ਤੇਰਾ ਵਿਚੋਲਾ ਹੈ।*

*ਕੋਈ ਦੂਜਾ ਤੀਜਾ ਬੰਦਾ ਤੇਰਾ ਵਿਚੋਲਾ ਨਹੀਂ ਬਣ ਸਕਦਾ।*

_ਅੰਮ੍ਰਿਤੁ ਪੀਆ ਸਤਿਗੁਰਿ ਦੀਆ।।_

_ਅਵਰੁ ਨ ਜਾਣਾ ਦੂਆ ਤੀਆ।।_

*ਮੈਂ ਵੀ ਨਾਮ ਰੂਪੀ ਅੰਮ੍ਰਿਤ ਪੀਤਾ ਹੈ।*

*ਇਹ ਨਾਮ ਅੰਮ੍ਰਿਤ ਮੈਨੂੰ ਮੇਰੇ ਗੁਰਦੇਵ ਪਿਤਾ ਜੀ ਨੇ ਦਿੱਤਾ ਹੈ।*

*ਕਿਸੇ ਦੂਜੇ ਤੀਜੇ ਨੂੰ ਮੈਂ ਜਾਣਦਾ ਹੀ ਨਹੀਂ।*

*ਪੁੱਤ! ਮੈਂ ਪਹਿਲਾਂ ਹੀ ਤੈਨੂੰ ਕਹਿ ਚੁੱਕਿਆਂ ਕਿ ਮੇਰੀਆਂ ਖੁਸ਼ੀਆਂ ਲੈਣ ਲਈ ਤੈਨੂੰ ਕਰਮ ਕਰਨੇ ਪੈਣਗੇ।*

*ਸਮਾਜ ਨੂੰ ਸੁਖੀ ਬਣਾਉਣ ਲਈ ਕੋਈ ਚੰਗਾ ਉਸਾਰੂ ਕੰਮ ਕਰ ਜਾਂ ਕੋਈ ਵਧੀਆ ਉਪਰਾਲਾ ਕਰ।*

*ਨਿਮਾਣੇ ਅਤੇ ਲਤਾੜੇ ਹੋਏ ਲੋਕਾਂ ਦਾ ਜਾ ਕੇ ਸਹਾਰਾ ਬਣ।*

*ਆਪਣਾ ਸੀਸ ਤਲੀ 'ਤੇ ਧਰ ਕੇ ਦੱਬੇ ਕੁਚਲੇ ਹੋਏ ਲੋਕਾਂ ਨੂੰ ਗ਼ੁਲਾਮੀ ਦੀ ਖੱਡ ਵਿੱਚੋਂ ਅਜ਼ਾਦ ਕਰਵਾ ਜਾ ਕੇ।*

*ਗ਼ਰੀਬ ਬੱਚਿਆਂ ਨੂੰ ਸਹਾਰਾ ਦੇ ਜਾ ਕੇ।*

*ਦੁਨੀਆ ਵਿੱਚ ਜਦੋਂ ਅਜਿਹੇ ਤੇਰੇ ਕਰਮ ਹੋਣਗੇ, ਤਾਂ ਹੀ ਮੈਂ ਤੇਰਾ ਸਾਥ ਦੇਵਾਂਗਾ।*

_ਵਿਚਿ ਦੁਨੀਆ ਸੇਵ ਕਮਾਈਐ।।_

_ਤਾ ਦਰਗਹ ਬੈਸਣੁ ਪਾਈਐ।।_

*ਤੇਰੇ ਅਜਿਹੇ ਕੀਤੇ ਹੋਏ ਕਰਮ ਹੀ ਤੇਰੇ ਲਈ ਉਸ ਪਰਵਦਗਾਰ ਦੀ ਇਬਾਦਤ ਬਣ ਜਾਣਗੇ।*

*ਪੁੱਤ! ਤੂੰ ਕਦੇ ਵੀ ਇਹ ਨਾ ਸਮਝੀਂ ਕਿ ਤੇਰਾ ਬਾਪ ਗੋਬਿੰਦ ਸਿੰਘ ਤੇਰਾ ਸਾਥ ਨਹੀਂ ਦੇਵੇਗਾ। ਜਰੂਰ ਦੇਵੇਗਾ।*

*ਪਰ ਕਦੋਂ? ਜਦੋਂ ਅਜਿਹੇ ਫੋਕੇ ਧਰਮੀ ਕਰਮਕਾਂਡਾਂ ਨੂੰ ਛੱਡ ਕੇ ਤੂੰ ਸ਼ੁੱਭ ਅਮਲਾਂ 'ਤੇ ਪਹਿਰਾ ਦੇਵੇਂਗਾ।*

*ਬਾਕੀ ਤੇਰੇ ਪਾਠ ਪੜ੍ਹਿਆਂ ਮੈਂ ਕਦੇ ਵੀ ਤੈੱਥੋਂ ਖੁਸ਼ ਨਹੀਂ ਹੋਣਾ।*

*ਕਿਉਂਕਿ ਸਾਡੇ ਪੜਦਾਦਾ ਪੰਜਵੇਂ ਗੁਰੂ ਜੀ ਆਪ ਕਹਿੰਦੇ ਹਨ!*

_ਪਾਠੁ ਪੜਿਓ ਅਰੁ ਬੇਦੁ ਬੀਚਾਰਿਓ ਨਿਵਲਿ ਭੁਯੰਗਮ ਸਾਧੇ।।_

_ਪੰਚ ਜਨਾ ਸਿਉ ਸੰਗੁ ਨ ਛੁਟਕਿਓ ਅਧਿਕ ਅਹੰਬੁਧਿ ਬਾਧੇ।।੧।।_

_ਪਿਆਰੇ ਇਨ ਬਿਧਿ ਮਿਲਣੁ ਨ ਜਾਈ ਮੈ ਕੀਏ ਕਰਮ ਅਨੇਕਾ।।_

_ਹਾਰਿ ਪਰਿਓ ਸੁਆਮੀ ਕੈ ਦੁਆਰੈ ਦੀਜੈ ਬੁਧਿ ਬਿਬੇਕਾ।।ਰਹਾਉ।।_

*ਪੁੱਤ! ਇੰਨਾ ਚੇਤੇ ਰੱਖੀਂ! ਤੇਰੇ ਪਾਠ ਪੜ੍ਹਿਆਂ, ਧਰਮ ਪੁਸਤਕਾਂ ਵਿਚਾਰਿਆਂ, ਪੁੱਠੇ ਸਿੱਧੇ ਆਸਣ ਲਾਇਆਂ, ਸਾਧਨਾ ਕੀਤਿਆਂ, ਹਠ ਤਪ ਕੀਤਿਆਂ ਅਤੇ ਜਪ ਤਪ ਕੀਤਿਆਂ ਕਦੇ ਵੀ ਪੰਜਾਂ ਵਿਕਾਰਾਂ ਤੋਂ ਤੇਰਾ ਛੁਟਕਾਰਾ ਨਹੀਂ ਹੋ ਸਕਦਾ। ਬਲਕਿ ਹੋਰ ਜਿਆਦਾ ਅਹੰਬੁਧਿ (ਹੰਕਾਰ) ਤੇਰੇ ਅੰਦਰ ਵੱਧਦਾ ਚਲਾ ਜਾਵੇਗਾ।*

*ਪਿਆਰਿਆ! ਉਸ ਪਰਵਦਗਾਰ ਨਾਲ ਇੰਝ ਕਦੇ ਵੀ ਨਹੀਂ ਮਿਲਿਆ ਜਾਣਾ।*

*ਕਿਉਂਕਿ ਇਹ ਸਾਰਾ ਅਨੁਭਵ ਮੈਂ ਖੁਦ ਆਪਣੇ 'ਤੇ ਹੰਢਾ ਕੇ ਵੇਖ ਚੁੱਕਿਆ ਹਾਂ।*

*ਆਖਿਰ ਥੱਕ ਹਾਰ ਕੇ ਮੈਨੂੰ ਉਸ ਪਰਮੇਸ਼ਵਰ ਦੇ ਅੱਗੇ ਆਪਣਾ ਆਪਾ ਛੱਡਣਾ ਪਿਆ ਤੇ ਉਹਦੀ ਮਰਜ਼ੀ ਅਨੁਸਾਰ ਕਰਮ ਕਰਨੇ ਪਏ, ਤਾਂ ਜਾ ਕੇ ਮੈਨੂੰ ਬਿਬੇਕ ਬੁੱਧੀ ਪ੍ਰਾਪਤ ਹੋਈ।*

ਸੁਖਵਿੰਦਰ ਸਿੰਘ ਤੇਜਾ :- ਮੈਨੂੰ ਮੁਆਫ਼ ਕਰ ਦੋ ਪਿਤਾ ਜੀ! ਹੁਣ ਤੱਕ ਮੈਂ ਭੁੱਲਿਆ ਰਿਹਾ।

ਤਾਂ ਹੀ ਮੈਂ ਸੋਚਾਂ ਕਿ ਮੈਂ ਇੰਨੇ ਪਾਠ ਕਰਦਾਂ, ਫਿਰ ਵੀ ਮੇਰਾ ਕੋਈ ਕੰਮ ਸਿਰੇ ਕਿਉਂ ਨਹੀਂ ਚੜ੍ਹ ਰਿਹਾ?

ਇੰਨੇ ਪਾਠਾਂ ਦੇ ਬਾਵਜੂਦ ਵੀ ਕੋਈ ਕੰਮ ਨਾ ਹੁੰਦਾ ਵੇਖ ਕੇ ਅੱਜ ਮੇਰੇ ਸਾਥੀ ਧਰਮ ਤੋਂ ਹੀ ਪਾਸਾ ਵੱਟ ਗਏ ਹਨ।

*ਗੁਰੂ ਗੋਬਿੰਦ ਸਿੰਘ ਜੀ :- ਪੁੱਤ! ਪਾਠ ਕੀਤਿਆਂ ਕੋਈ ਕੰਮ ਨਹੀਂ ਹੁੰਦਾ।*

*ਆਪਣੇ ਹੱਡ-ਪੈਰ ਚਲਾਉਣੇ ਪੈਂਦੇ ਹਨ।*

*ਗੁਰੂ ਨਾਨਕ ਸਾਹਿਬ ਜੀ ਦੀ ਸਿੱਖੀ ਕੋਈ ਇੰਨੀ ਜਿਆਦਾ ਕਰੜੀ ਜਾਂ ਔਖੀ ਨਹੀਂ ਸੀ, ਜਿੰਨੀ ਅੱਜ ਸਿੱਖੀ ਸਰੂਪ ਵਾਲੇ ਬਨਾਰਸੀ ਪਾਂਡਿਆਂ ਨੇ ਬਣਾ ਕੇ ਪੇਸ਼ ਕਰ ਰੱਖੀ ਹੈ ਤੇ ਲੋਕਾਂ ਨੇ ਜਿਹੜੀ ਮੰਨ ਰੱਖੀ ਹੈ।*

*ਪੁੱਤ! ਸਿੱਖੀ ਪਤਾ ਕੀਹਨੂੰ ਕਹਿੰਦੇ ਹਨ?*

_ਸਿਖੀ ਸਿਖਿਆ ਗੁਰ ਵੀਚਾਰਿ।।_

_ਨਦਰੀ ਕਰਮਿ ਲਘਾਏ ਪਾਰਿ।।_

*ਸ਼ਬਦ ਗੁਰੂ ਦੀ ਵਿਚਾਰ ਕਰਨੀ ਤੇ ਫਿਰ ਉਸਨੂੰ ਸਿੱਖ ਕੇ ਉਸ ਵਿਚਾਰ 'ਤੇ ਪਹਿਰਾ ਦੇਣਾ, ਇਹਨੂੰ ਕਹਿੰਦੇ ਸਿੱਖੀ।*

*ਘਾਲਣਾ ਘਾਲਣ ਨਾਲ ਜਾਂ ਹਠ ਤਪ ਕਰਨ ਨਾਲ ਕਦੇ ਵੀ ਰੱਬ ਨੀ ਮਿਲਦਾ।*

*ਤੁਹਾਡੇ ਕਰਮਾਂ ਨੂੰ ਵੇਖਦਾ ਹੋਇਆ ਉਹ ਸਹਿਜੇ ਹੀ ਆਪ ਆਣ ਕੇ ਤੁਹਾਨੂੰ ਮਿਲੇਗਾ।*

*ਜਿਵੇਂ ਮੌਤ ਸਹਿਜੇ (ਬਿਨਾਂ ਪਤਾ ਲੱਗਿਆਂ) ਆਉਂਦੀ ਹੈ! ਬਸ ਇਵੇਂ ਹੀ ਉਹ ਪਰਮੇਸ਼ਵਰ ਵੀ ਸਹਿਜੇ ਹੀ ਅੰਦਰੋਂ ਪ੍ਰਗਟ ਹੁੰਦਾ ਹੈ।*

_ਘਾਲ ਨ ਮਿਲਿਓ ਸੇਵ ਨ ਮਿਲਿਓ ਮਿਲਿਓ ਆਇ ਅਚਿੰਤਾ।।_

*ਜੋਗੀ ਅਤੇ ਸਿੱਧ ਸਾਰੇ ਹੀ ਜਪ ਤਪ ਕਰਕੇ ਖਵਾਰ ਹੋ ਰਹੇ ਸਨ, ਪਰ ਗੁਰੂ ਨਾਨਕ ਸਾਹਿਬ ਜੀ ਨੇ ਉਨ੍ਹਾਂ ਨੂੰ ਕਰਮ ਦੀਆਂ ਜੰਜੀਰਾਂ ਵਿੱਚ ਬੰਨ੍ਹ ਕੇ ਉਨ੍ਹਾਂ ਦਾ ਬੇੜਾ ਪਾਰ ਕੀਤਾ।*

ਪਿਤਾ ਗੁਰੂ ਗੋਬਿੰਦ ਸਿੰਘ ਜੀ ਦੀ ਬੱਸ ਇੰਨੀ ਗੱਲ ਸੁਣਦਿਆਂ ਹੀ ਸੁਖਵਿੰਦਰ ਸਿੰਘ ਤੇਜਾ ਉੱਚੀ ਉੱਚੀ ਗਾਉਣ ਲੱਗ ਪਿਆ।

*ਸੋ ਸਤਿਗੁਰੁ ਧਨੁ ਧੰਨੁ ਜਿਨਿ ਭਰਮ ਗੜੁ ਤੋੜਿਆ।।*

*ਸੋ ਸਤਿਗੁਰੁ ਵਾਹੁ ਵਾਹੁ ਜਿਨਿ ਹਰਿ ਸਿਉ ਜੋੜਿਆ।।*

ਰਾਤ ਦੇ ਦੋ ਵਜੇ ਅਚਾਨਕ ਹੀ ਸੁਖਵਿੰਦਰ ਨੂੰ ਪਤਾ ਨਹੀਂ ਕੀ ਹੋ ਗਿਆ?

ਖਵਰੇ ਦੌਰਾ ਪੈ ਗਿਆ ਪਤਾ ਨਹੀਂ ਕੀ ਹੋ ਗਿਆ?

ਸ਼ਬਦ ਦੀਆਂ ਗੂੰਜਾਂ ਨਾਲ ਘਰ ਦੀਆਂ ਪੂਰੀਆਂ ਕੰਧਾਂ ਹੀ ਹਿਲਾ ਮਾਰੀਆਂ।

ਮਾਂ ਆਣ ਕੇ ਕਹਿੰਦੀ ਪੁੱਤ ਕੀ ਹੋਇਆ?

ਕੀ ਵੇਖਿਆ! ਪੁੱਤ ਨੀਂਦ ਵਿੱਚ ਹੀ ਉੱਚੀ ਉੱਚੀ ਕੁੱਝ ਬੋਲੀ ਜਾ ਰਿਹਾ ਸੀ।

ਸ਼ਾਇਦ ਸੁਪਨੇ ਵਿੱਚ ਆਣ ਕੇ ਗੁਰੂ ਗੋਬਿੰਦ ਸਿੰਘ ਜੀ ਸੁਖਵਿੰਦਰ ਦੇ ਭਰਮ ਤੋੜ ਗਏ ਸਨ।

*ਸੁਖਵਿੰਦਰ ਸਿੰਘ ਤੇਜਾ*

ਨੋਟ;- ਅੱਜ ਤੋਂ 8 ਸਾਲ ਪਹਿਲਾਂ ਇਹ ਲਿਖ਼ਤ ਮੇਰੇ ਬੜੇ ਅਜ਼ੀਜ਼ ਛੋਟੇ ਵੀਰ ਸੁਖਵਿੰਦਰ ਸਿੰਘ ਤੇਜਾ ਨੇ ਆਪਣੇ ਅੰਦਰਲੇ ਸਿੱਖੀ ਭਾਵਾਂ ਨੂੰ ਉਜਾਗਰ ਕਰਨ ਲਈ ਲਿਖਣੀਂ ਕੀਤੀ। ਬੜੀ ਟੁੰਬਵੀ ਲਿਖ਼ਤ ਹੈ।

,👉 ਟੁੰਬੇਗੀ ਉਹਨਾਂ ਵੀਰਾਂ ਭੈਣਾਂ ਨੂੰ, ਜਿਹਨਾਂ ਦੇ ਅੰਦਰ ਸਿੱਖੀ ਸਿਧਾਂਤਾਂ ਅਸੂਲਾਂ ਨੇਮਾਂ ਨਿਯਮਾਂ ਨਿਜ਼ਾਮਾਂ

ਨਾਲ ਅਦਬ ਹੈ, ਪਿਆਰ ਹੈ, ਸਤਿਕਾਰ ਹੈ,

ਪਕੜ ਕਰਨ ਦੀ ਮਨ ਵਿਚ ਕਸਕ ਹੈ, ਖਿੱਚ ਹੈ, ਲਗਨ ਹੈ, ਫਿਰ ਕਹਾਣੀ ਦਾ ਤੱਤਸਾਰ ਮਨੁੱਖੀ ਦਿਮਾਗ ਦੇ ਯਾਦਾਂ ਦੇ ਭੰਡਾਰ ਵਿਚ ਕ਼ੈਦ ਹੋ ਜਾਵੇਗਾ,

ਵਰਨਾ ਬਹੁਤਿਆਂ ਵੀਰਾਂ ਭੈਣਾਂ ਨੇ ਇਕ ਵਾਰ ਪੜ੍ਹਕੇ ਅੱਗੇ ਲੰਘ ਜਾਣਾ ਹੈ।

ਹੋ ਸਕਦਾ ਹੈ, ਕਈ ਵੀਰ ਭੈਣ ਸਰਸਰੀ ਨਜ਼ਰ ਵੀ ਨਾ ਮਾਰਨ।

ਆਪਣੀਆਂ ਅੱਖਾਂ ਰਾਹੀਂ ਪੜ੍ਹੀ ਹੋਈ ਲਿਖਤ, ਜ਼ਰੂਰ ਕੁੱਝ ਦਿਨ ਆਪਣੇ ਮਾਨਸਿਕ ਪਟਲ ਤੇ ਛਾਈ ਰਹਿੰਦੀ ਹੈ ਅਤੇ ਆਪਾਂ ਨੂੰ ਟੁੰਬਦੀ ਵੀ ਰਹਿੰਦੀ ਹੈ।

ਵਿਚਾਰਨਾ ਜ਼ਰੂਰ। ਧੰਨਵਾਦ। ਇੰਜ ਦਰਸਨ ਸਿੰਘ ਪ੍ਰੀਤਮ, ਕੈਨਬਰਾ ਅਸਟ੍ਰੇਲੀਆ 🦘 🙏 🌹।

Address

31, Cashman Street, Denman Prospect
Canberra, ACT
2611

Website

facebook.com

Alerts

Be the first to know and let us send you an email when Senior Sikhs in Canberra posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Canberra?

14/10/2025

30/09/2025

13/08/2025

13/08/2025

03/08/2025

25/07/2025

24/07/2025

Address

Website

Alerts

Shortcuts

Share

Category