25/04/2026
Ratu Eroni Loganimoce
Taukei Nukuciri
Yavusa Qala
Sa mai lala ko Nukuciri😭
E ra a mai vakacegu ena mataka lailai ni kua 24 ni Siga ni Epereli a turaga Taukei Nukuciri, ka ra sa mai vakotori sara talega ena Sautabu ena kayavi ni kua. E ra sa yabaki ono sagavulu.
E turaga dau vosota, dau veiqaravi e na kena maopo kei na kena cecere duadua, dau loloma ka dau vakarokoroko.
E ra a tekivu veiqaravi taumada e na lotu.
E a i Vakatawa vakacegu ena Wasewase ko Kadavu, kara veiqaravi ena Tabacakacaka Vakaivakatawa mai Lavidi, Vacalea, kei na Tabcakacaka Natokalau.
Kara mai tomana tale nodra i tavi vakalotu enai tutu vakadauvunau ena Tabacakacaka i Lomaloma ni cava mai nai tavi mai Kadavu ka yacova sara na gauna e sa ra mai vakacegu kina.
Era sa qai rogoca a kaci ni vanua ni sa kerea a odrai tubutubu turaga, Taukei Nukuciri vakacegu Ratu Lolo, me sa lesu mai ni ra sa malumalumu.
Toso take odra veiqaravi yacova a gauna sa mai tara kina vakawawa Ai tutu ni Ravunisa e na dua a gauna balavu sara.
E ra veiqaravi ena yalodina, uasivi, ka cecere a odrai tavi ki na Vanua kei na Lotu.
Malo vakalevu sara a veiqaravi ena wetatou vanua lomani ko Lomaloma ,Taukei Nukuciri, Ratu Eroni.
Me kalougata tiko vakalevu a omunu tikotiko vakaturaga e Nukuciri ka me cila tudei tu ga kina a cina rarama ni tamada sa cecere sara.💖💖💖
