30/03/2026
ავსტრიაში მცხოვრებ ქართულ დიასპორას გაუმართლებლად მიგვაჩნია სანქცირებული ტელეკომპანია "იმედის" თანამშრომლის, ანრი ჯოხაძის "ტაშ-ფანდურის" გამართვა ავსტრიის დედაქალაქ ვენაში.
ვთვლით, რომ მას არანაირი მორალური უფლება არ აქვს, კონცერტი ჩაატაროს შუაგულ ევროპაში, რომლის მარგინალიზებასაც მისი სამსახური - ტელეკომპანია "იმედი" წლებია ახდენს.
ავსტრიული კანონის ფარგლებში, ყველა ძალას გამოვიყენებთ იმისთვის, რომ საქართველოს დემოკრატიისთვის ძირის გამომთხრელმა და ევროპის მაძაგებელმა ადამიანებმა ევროპულ, დემოკრატიულ ქვეყნებში კონცერტებისს ჩატარება ვერ შეძლონ.
ვთხოვთ ორგანიზატორებს, გააუქმონ აღნიშნული კონცერტი და სამომავლოდ ისეთ ხელოვანებთან ითანამშრომლონ, რომლებიც ცივილიზებული სამყაროს მიერ არ არიან დასანქცირებულნი და ანტი-ევროპულ პროპაგანდაში არ შეაქვთ წვლილი. ასეთ კონცერტებს ჩვენც სიამოვნებით შემოვუერთდებით.
