Was ist die Webseite?

https://www.facebook.com/209830402840356/

Dorfgemeinschaft Weißpriach

Startseite
österreich
Weißpriach
Dorfgemeinschaft Weißpriach

Kontaktinformationen, Karte und Wegbeschreibungen, Kontaktformulare, Öffnungszeiten, Dienstleistungen, Bewertungen, Fotos, Videos und Ankündigungen von Dorfgemeinschaft Weißpriach, Gemeinschaftliche Organisation, Weißpriach.

06/04/2026

Grias Enk!!
Ostern is scho wieda so guat wia vorbei!🙄
Oba mia mechtn uns auf diesen Weg nochmoi recht Herzlich bedanken bei Allen de bei unsern Osterfeuer waren und mit uns gfeiert hobn und vor allem das wieder so viele Kinder do woan und de sichtlich an Spaß kob hom 😅🥰
Und danke a an de Damen und Herren de ban aufbauen und vorbereiten mitghoifn hobn oda die Bewirtung übernommen hobn und damit ihr Freizeit geopfert hom weil des is wirklich nid selbstverständlich🫶 Mia gfrein uns wonn ma enk wieder moi Begrüßen derfn 😘🕺💃🍻🍻 Bis dahin bleibs Geil 👌👋

04/04/2026

Hey Fans!
Mia hom unsern Reifenhaufen hiatz doch vorzeitig verbrennt und nochmoi zwoa neue Feuer baut.
Im Nachhinein koa schlechte Idee weil die Grillwürstl doch an sehr interessiertn Beigeschmack entwickelt hom beim Reifenhaufen..🤪
Oiso kembs vorbei um 18:00 geht's los

Übrigens bei uns greift die Spritpreisbremse
Seitl 3,00€
Hoibe 3,50€
Barmischgetränke 3,00€
Spritzer 3,00€
Limoflasche 2,50€
Limo und Würstchen für die Kids Freiwillige Spende

01/04/2026

Hey Fans!
Heua hommas moi gschofft unser Feuer scho vorn Ostersamstag fertig zan kriagn 🥳🥳
Richtig lässig woan👍👌 und danke an die gesamte Dorfbevölkerung für die vielen Spenden 🫶
Samstag um 18:00 geht's los oiso bis bald 👋

30/03/2026

Mia datn uns gfrein wenns uns heuer auch wieder zahlreich Besuchts 👋 Natürlich gibt's auch wieder ein Kinderosterfeuer und ein Lagerfeuer zum Würstl grillen 🥳
Samstag um 18:00 geht's los ☝️

25/03/2026

Grias Gott aus Nah und Fern
I muas enks sogn enk hob i gern.😘
Drum loss i enk oas scho moi wissn,
wonns es nid za insan Osterfeuer kembs
wea ma enk schea vamissn😔

Oba i wea koa zweits moi frogn!
Weil jeden der nid kimb den wea i mit an gfroanan Schneitztiache jogn!!👹☝️

Drum kembs vorbei in großer Zahl
denn semma uns ehrlich es hobs koa ondre Wahl.

Fia die Kinder weama a wida a Feuer mochn,
weil in a poa Joa sen mia scho oit und grau
und donn lossns de hoffentlich krochn 🥳

Oiso liabe Leit aus Nord, Süd, Ost und West
Oas sog i enk des weat a Fest!😁
Bis dahin bleibs bittschea geil
und am Ostersamstag do geama Steil 🧙‍♀️💃🕺

19/01/2026

Hey Fans!👋
Da is Skirennen samt Siegerehrung bis auf den ein oder anderen Getränkeunfall reibungslos über die Bühne gong is,
möcht i mi im Namen der Organisatoren recht Herzlich bei allen Teilnehmern und Teilnehmerinnen, der Gemeinde Weißpriach, allen Helfern und allen Sponsoren der Tollen Preise (allem voran den Fanningberg und Pearle Tamsweg) bedanken denn ohne euch wär so ein Rennen mit so hochwertigen Sachpreisen nicht möglich.

Gratulieren möcht i auf diesen Weg auch noch allen Teilnehmern und Teilnehmerinnen und vor allem den Tagessiegern Prodinger Lena und Kernberger Robert... Wobei i erwähnen muas das die Lena mit ihren 11 Jahren in gonzn Dorf davon foat und in Kernberger Robert a 0,3 Sekunden gebn hot🤭🤫

17/01/2026

Rennbericht 49. Weißpriacher Ortsmeisterschaften.

Neunundvierzieg, des muas ma se amoi auf da Zung zge lossn.
So oft hot se de Weißpriacher Dorfbevölkerung scho hinreißen lossn se in Rennhang ochezanstürzen, ohne Rücksicht auf Verluste und im Anschluss die Isotonischen Erfrischungsgetränke auf Hopfen oder Traubenbasis garniert mit destillierten Früchten (zwegns der Vitamine) zu konsumieren🥸.
Ganz vergessen wird aber das zu viel dieser Genusssäfte am nächstn Tog einen massiven Vitaminüberschuss erzeugn und der Körper nicht weiß wo hin mit all der Energie und dadurch komplett überfordert is und ma dadurch am nächsten Tag brutal eingeschränkt funktioniert.....🥴
Aber Herr und Frau Weißpriacher lossn se dadurch nid einschüchtern und sen überzeugt daß er noch 48 moi Skirennen der Situation gewachsen ist und er beim heutigen 49. moi Herr der Lage ist und morgen Topfit in da Fria aufspringt ois wär er in Zaubertrank gfoin🧙‍♀️🧝‍♀️
I beneid jeden der dro glab, bin oba eha pessimistisch eigstöt weil is oazige wos i glab is, dass aus an guatn Rindfleisch a guate Suppn weat🧔‍♀️⛪... (Und des aus vollster Überzeugung)

Oba die Zeit und die Stille im Dorf morgen Vormittag wird's zoagn😉....

Unser dank gilt all den Gönnern und Sponsoren der Preise und vor allem dem Fanningberg de uns des jedes Jahr ermöglichen die Weißpriacher Olympiade zu Veranstalten, denn ohne deren Unterstützung wär so a Veranstaltung nicht möglich 😘
I gfrei mi scho aufs nächste Joa wonn donn endlich is 50 Jahr Jubiläum osteht bis dahin bleibs Geil ✌️

22/04/2025

Hey Fans 👋👋
Is Osterfeuer der Dorfgemeinschaft Weißpriach is mittlerweile a scho wieder a poa Tog hea oba i ois a immer öta werdendes Individuum brauch a scho a poa Tog bis ma wida duat und zumindest a bissl an klaren Gedanken zan fassen😝

I mecht mi im Namen fa uns olle gonz Recht Herzlich bedanken an alle die dabei wordn und mitkoifn hom das ma wida so a tolles Feuer kob hobn und des innerhoib fa a poa Stunden auffezimmert hobn, und a für die Organisation des Holzes, und oafoch bei allen de mitgearbeitet hobn... Den des is echt nid selbstverständlich.🙏

Natürlich mecht i mi a bei allen bedanken de vorbeikema sen um mit uns Ostern zu feiern.
Gonz besonders gfreit hot uns wieder das so viele Kinder unser Kinderosterfeuer bestaunt hobn.
Und da se unser Obmann so übereifrig sich als Animateur für die Kids engagiert hot homma beschlossen mia vermieten eam hiatz🥳
Buchungsanfragen gerne per PM 😅

Oiso i hoff mir segn uns nächstes Joa wida 👋👋

19/04/2025

Es ist vollbracht mit Blut, Schweiß und Tränen wurde das Osterfeuer der Dorfgemeinschaft Weißpriach nach stundenlanger Bauphase errichtet und ma muas echt sogn des schaut nid amoi so letz aus 👌 Mia gfrein ins auf euer Kommen 👋
Um 18:30 zünd Ma is Kinderosterfeuer o und nach der Kirche um 22:00 is Große!! Bussi 😘😘

18/04/2025

Grias Gott mitranond!!
Aufgrund aktueller Geschehnisse im Bezirk hobm mir als Dorfgemeinschaft heuer beschlossen unser Osterfeuer so zu gestalten das es umschupf sicher is.... Es ist echt traurig dasas so weit kema muas oba harte Zeiten benötigen harte Maßnahmen!!!!

Kloana Spaß am Rande mia fongan morgen o zan aufbaun versprochen 😘 Den wia a oite Bauernregel besog: ,,Was du heute kannst besorgen, das verschiebe stets auf morgen" oder so ähnlich 🤔

?

Adresse

Weißpriach

Webseite

facebook.com

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Dorfgemeinschaft Weißpriach erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.