Wie lautet die Website?

https://www.facebook.com/279725765892111/

Edhe Unë jam Mateçi

Startseite
Österreich
Vienna
Edhe Unë jam Mateçi

Wegbeschreibung

Shoqatë e mërgimtarëve të Mateçit. Merret me aktivitete humanitare, financon projekte lokale të fshatit.

Të ardhurat i ka nga anëtarësia e rregullt vjetore si dhe nga donacionet e jashtëzakonshme.

14/10/2026

❤️ Të dashur bashkëvendas, kudo që jeta ju ka çuar…

Sado larg të jetojmë, zemra jonë mbetet gjithmonë në Mateç, vendin ku kemi lindur, jemi rritur dhe ku i kemi rrënjët tona.

Vendlindja nuk na kërkon të jemi të pasur, por të mos e harrojmë! ❤️

Shoqata „Edhe unë jam Mateçi“ është një mundësi për t’u bashkuar dhe për të bërë diçka të mirë për vendlindjen tonë.

🤝 Ftojmë të gjithë bashkëvendasit, anëtarët aktualë dhe ata që dëshirojnë të anëtarësohen, ta mbështesin shoqatën përmes pagesës së anëtarësisë. Çdo kontribut ka vlerë dhe së bashku mund të bëjmë shumë për Mateçin!

Le të mos themi vetëm „Unë jam nga Mateçi“, por me krenari: „Unë bëra diçka për Mateçin!“

❤️ EDHE UNË JAM MATEÇI - BËHU PJESË EDHE TI!

15/09/2026

Me rastin e fillimit të këtij viti shkollor, shoqata jonë ditën e djeshme ndërmori një aktivitet simbolik për shënimin e këtij rrugëtimi. Kësaj rradhe përgatitëm dhe shpërndamë gjithsej 203 pako me mjete elementare shkollore për nxënësit, nga të cilat fletore, lapsa, guma, vizore, etj.

Qoftë ky vit përplot me suksese dhe arritje për nxënësit tanë. Zoti i ruajtë fëmijët kudo që janë!

03/08/2026

Ndihemi pafundësisht krenarë dhe të lumtur që arritëm ta realizojmë këtë manifestim pikërisht ashtu siç e kishim planifikuar. Të shohësh sheshin plot, njerëzit duke u përshëndetur, duke qeshur e duke përcjellur programin, ishte shpërblimi më i madh për gjithë mundin e dhënë.

Programi festiv, vallet popullore, paneli i diskutimit dhe atmosfera e krijuar e bënë këtë takim vërtet të veçantë. Faleminderit çdonjërit që kontribuoi në realizimin e këtij programi. Faleminderit dhe ikonës së muzikës shqiptare z. Ismet Bexheti që na nderoi me prezencën dhe artin e tij. Entuziazmi, energjia pozitive dhe pjesëmarrja e secilit prej jush i dhanë kuptim të plotë këtij organizimi.

Falenderim publik deri te Shtëpia e Shëndetit - Likovë dhe sektorin e MPB-së Kumanovë, Mateç që iu përgjigjën kërkesës dhe u kujdesën për mbarëvajtjen e këtij organizimi.

Faleminderit nga zemra të gjithëve që ish*t pjesë e këtij takimi. Kjo na jep motiv që këtë traditë ta vazhdojmë edhe në vitet që vijnë, me të njëjtin përkushtim dhe dashuri për vendlindjen tonë.

Shihemi në aktivitetet e rradhës ❤️
Stafi i shoqatës

28/07/2026

Të dashur bashkëvendas,

kemi kënaqësinë të ju ftojmë në manifestimin tradicional të Ditës së Mërgimtarit, në të cilin do të prezantohet program i dedikuar në veçanti për mërgatën tonë. Njëashtu ju njoftojmë se në programin e këtij viti kemi organizuar një Mini-maratonë për fëmijët nga 7-11 vjeç, në të cilën 3 vendet e para do të shpërblehen me dhurata. Me këtë rast iu bëjmë thirrje prindërve që t’i sjellin fëmijët e tyre për të marrë pjesë në këtë garë. Manifestimi do të mbahet më datë 2 Gusht (e Diel) në qendër të fshatit.

Vrapimi do të jetë me fillim nga ora 17:00, ndërsa programi festiv nga ora 18:00.

Mirëpresim çdonjërin nga ju, t’i japim kuptim kësaj dite!

07/06/2026

Fotografi nga takimi i djeshëm në Vjenë. Faleminderit për mikpritjen dhe mirë u takofshim prapë.

20/05/2026

Të dashur bashkëvendas me banim në Austri,

ju ftojmë të merrni pjesë në takimin e shoqatës që do të mbahet më datë 06.06.2026 (e shtunë) në Vjenë. Ju mirëpresim, jeni të mirëseardhur.

Adresa: Schönbrunner Strasse 175, 1120 Wien
Ora: 19:00

Me respekt, stafi i shoqatës Edhe Unë jam Mateçi

07/04/2026

Sot, si shoqatë “Edhe unë jam Mateçi”, organizuam një pritje dhe koktej në shenjë respekti dhe mirënjohjeje për KF Rinia – gjenerata 2013 me në krye trajnerin Skender Ismaili për suksesin e tyre të jashtëzakonshëm duke zënë vendin e tretë në turneun ndërkombëtar IBERCUP CASCAIS 2026 në Portugali.

Ky rezultat është krenari për Mateçin dhe Komunën e Likovës në përgjithësi, si dhe një dëshmi e punës, përkushtimit dhe talentit të këtyre fëmijëve. Jemi të lumtur që kemi qenë pjesë e mbështetjes së tyre dhe do të vazhdojmë të qëndrojmë pranë rinisë sonë.

Urime kampionëve tanë për këtë arritje të madhe! 👏⚽

03/04/2026

Me krenari të madhe ju njoftojmë se KF Rinia nga fshati Mateç po përfaqëson vendin tonë në turneun ndërkombëtar IBERCUP CASCAIS 2026 në Portugali! ⚽🇵🇹

Ky është një hap i rëndësishëm për klubin dhe për gjithë popullatën e vendit tonë.

Vlen të theksohet se kjo pjesëmarrje është bërë e mundur edhe falë mbështetjes financiare nga shoqata “Edhe unë jam Mateçi”, të cilët vazhdojnë të jenë gjithmonë pranë rinisë dhe sportit tonë.

Suksese djemve tanë! 💪

20/03/2026

Qoftë kjo ditë e mbushur me gëzim e hare. Gëzuar festa e Fitër Bajramit!

18/02/2026

Të nderuar,

duke ju uruar Muajin e Bekuar të Ramazanit, duam të ju prezantojmë aktivitetet tona në prag të këtij muaji.

1. Shpërndarja e pakove të Ramazanit për 12 familje dhe gjithësej 56 anëtarë (me nga 20 CHF për anëtar). Me donatorë: Kadri Isufi (500€), Mexhid Isufi (300€) dhe Sejfulla Ramadani (390 CHF), duke mos e prekur buxhetin e shoqatës.

2. Vendosja e dritave dekorative në qendër të fshatit, me donatorë: Armend Avdiji (100€), Kadri Isufi (100€), Valon Idrizi (100€), Arjan Arifi (100€), Erkan Zendeli (120€), dhe pjesa e mbetur (1075€) nga buxheti i shoqatës.

Zoti iu dashtë të mira donatorëve dhe Elektro Fati (Shkelqim Rramani) për kontributin. Le të jetë çdo familje e gëzuar në këtë muaj të mëshirës. Amin

Adresse

Vienna

Website

facebook.com

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Edhe Unë jam Mateçi etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.