NRNA Women Forum Austria

01/09/2026

🕯️ नेपालमा भएको दुखद दुर्घटनाका मृतकहरूप्रति श्रद्धाञ्जली सभामा हार्दिक निमन्त्रणा 🕯️
​हालै नेपालमा भएको दुखद दुर्घटनामा ज्यान गुमाउनुभएका व्यक्तिहरूप्रति भावपूर्ण श्रद्धाञ्जली अर्पण गर्दै, उहाँहरूका शोकाकुल परिवारजनप्रति गहिरो समवेदना प्रकट गर्न र दिवंगत आत्माको चिर शान्तिको कामनाका लागि एक शान्तिपूर्ण श्रद्धाञ्जली सभा आयोजना गर्न लागिएको छ।
​अस्ट्रियामा रहनुहुने सम्पूर्ण नेपाली दाजुभाइ तथा दिदीबहिनीहरूलाई तोकिएको समय र स्थानमा उपस्थित भई यस दु:खद घडीमा एकसाथ उभिएर ऐक्यबद्धता जनाउनुहुन हार्दिक अनुरोध गर्दछौं।
​कार्यक्रमको विवरण:
​मिति: ५ सेप्टेम्बर २०२६ (05.09.2026)
​समय: साँझ १७:०० देखि १९:०० बजे सम्म (17:00 - 19:00 Uhr)
​स्थान: Stephansplatz 2, 1010 Wien
​(यो कार्यक्रम पूर्ण रूपमा शान्तिपूर्ण रहनेछ।)

27/08/2026

महत्वपूर्ण सूचना

आदरणीय सम्पूर्ण नेपाली दिदीबहिनी तथा दाजुभाइहरू,

नेपालमा हालै घटिरहेको दुःखद घटनाक्रम तथा विषम परिस्थितिलाई मध्यनजर गर्दै, आगामी ५ सेप्टेम्बर २०२६, शनिबार आयोजना गर्ने भनिएको हरितालिका तिज २०८३ कार्यक्रम यस वर्ष आयोजना नगर्ने निर्णय गरिएको जानकारी गराउँदछौं।

नेपालमा उत्पन्न यस कठिन परिस्थितिमा प्रभावित परिवार तथा समुदायप्रति ऐक्यबद्धता प्रकट गर्दै, उहाँहरूको दुःखमा हामी पनि साथमा रहेको महसुस गर्दै यो निर्णय गरिएको हो।

कार्यक्रमका लागि तयारी तथा सहयोग गर्नुहुने सम्पूर्ण व्यक्ति, संस्था तथा शुभेच्छुकहरूप्रति हार्दिक आभार व्यक्त गर्दछौं। कार्यक्रम स्थगित गर्नुपरेकोमा पर्न गएको असुविधाप्रति क्षमाप्रार्थी छौं।

दुःखको यस घडीमा सम्पूर्ण नेपाली समुदाय एकजुट भई प्रभावित परिवारहरूको साथमा रहौं। 🙏🇳🇵

दुःखको यस घडीमा सम्पूर्ण नेपाली समुदाय एकजुट भई प्रभावित परिवारहरूको साथमा रहौं। हामी सबै सहयोगका लागि जुटौं र आवश्यक सहयोग तथा सहकार्य गरौं। 🙏🇳🇵

धन्यवाद।

NRN Austria महिला फोरम परिवार 🇳🇵

23/08/2026

हार्दिक निमन्त्रणा 🌺
नेपाली नारीहरूको महान पर्व, आस्था, संस्कृति र आत्मीयताको सुन्दर संगम हरितालिका तिज २०८३ को पावन अवसरमा NRN Austria महिला फोरम परिवार को आयोजनामा सम्पन्न हुने विशेष तिज कार्यक्रममा यहाँहरू सम्पूर्ण नेपाली तथा विदेशी दिदीबहिनीहरूलाई हार्दिक निमन्त्रणा गर्दछौं। 🙏
दिदी बहिनिहरुको लागि ENTRY FREE
📅 मिति: ५ सेप्टेम्बर २०२६, शनिबार
🕓 समय: दिउँसो ४:०० बजे
📍 स्थान: Don-Bosco-G. 14, 1230 Wien
यहाँको गरिमामय उपस्थितिका लागि हार्दिक निमन्त्रणा गर्दछौं।
सादर धन्यवादसहित,
NRN Austria परिवार 🇳🇵🇦🇹
दिदी बहिनिहरुको लागि ENTRY FREE

18/08/2026

हार्दिक निमन्त्रणा 🌺
नेपाली नारीहरूको महान पर्व, आस्था, संस्कृति र आत्मीयताको सुन्दर संगम हरितालिका तिज २०८३ को पावन अवसरमा NRN Austria महिला फोरम परिवार को आयोजनामा सम्पन्न हुने विशेष तिज कार्यक्रममा यहाँहरू सम्पूर्ण नेपाली तथा विदेशी दिदीबहिनीहरूलाई हार्दिक निमन्त्रणा गर्दछौं। 🙏
दिदी बहिनिहरुको लागि ENTRY FREE!
📅 मिति: ५ सेप्टेम्बर २०२६, शनिबार
🕓 समय: दिउँसो ४:०० बजे
📍 स्थान: Don-Bosco-G. 14, 1230 Wien
यहाँको गरिमामय उपस्थितिका लागि हार्दिक निमन्त्रणा गर्दछौं।
सादर धन्यवादसहित,
NRN Austria परिवार 🇳🇵🇦🇹
दिदी बहिनिहरुको लागि ENTRY FREE!

09/08/2026

📅 मिति: ५ सेप्टेम्बर २०२६, शनिबार 🕓 समय: दिउँसो ४:०० बजे देखि 📍 स्थान: Don-Bosco-G. 14, 1230 Wien
कार्यक्रममा तिज गीत, नृत्य, सांस्कृतिक प्रस्तुति, मनोरञ्जन तथा आत्मीय भेटघाटको विशेष व्यवस्था रहनेछ। आउनुहोस्, हामी सबै मिलेर नेपाली कला, संस्कृति र परम्परालाई परदेशमा पनि जीवन्त राखौं। 🇳🇵🇦🇹
तपाईंहरूको सम्मानित उपस्थितिले कार्यक्रमलाई अझ भव्य, सभ्य र सफल बनाउने विश्वास लिएका छौं। कृपया परिवार, साथीभाइ तथा चिनेजानेका दिदीबहिनीहरूलाई समेत जानकारी गराई सहभागी हुन अनुरोध गर्दछौं।
✨ आउनुहोस्, तिजको रौनकमा रमाऔं, संस्कृतिलाई जोगाऔं र एकताको सन्देश फैलाऔं। ✨
जय नारी शक्ति! जय हरितालिका तिज! 🌺
— NRN Austria परिवार 🇳🇵🇦🇹

17/07/2026

16/07/2026

हार्दिक श्रद्धाञ्जली
एनआरएनए अष्ट्रियाकी संस्थापक अध्यक्ष आदरणीय शुभ दिदीप्रति भावपूर्ण श्रद्धाञ्जली।
हामी सबैका लागि यो सत्य स्वीकार्न अत्यन्त कठिन भइरहेको छ कि हाम्रो बीच सधैं प्रेरणाको दीप बनेर रहनुभएकी शुभ दिदी आज भौतिक रूपमा हामीसँग हुनुहुन्न।
शुभ दिदीले आफ्नो जीवनभर परिवार, समाज र मातृभूमिप्रति अतुलनीय समर्पणका साथ सेवा गर्नुभयो। कान्ति ईश्वरी विद्यालयदेखि पद्मकन्या क्याम्पससम्मको विद्यार्थी जीवनमा राष्ट्रिय सेवा दल (NCC), खेलकुद र नेपाली साहित्यमा सक्रिय सहभागिता जनाउँदै नेतृत्व क्षमता देखाउनुभयो। त्यसपछि कर्मभूमि अष्ट्रियामा संयुक्त राष्ट्रसंघ (UN) मा कार्यरत रहँदा पनि नेपालको हित, नेपाली समुदायको उत्थान र प्रवासी नेपालीहरूको एकताका लागि निरन्तर योगदान पुर्‍याउनुभयो।
एनआरएनए अष्ट्रियाको स्थापना गरी संस्थापक अध्यक्षको रूपमा संस्थालाई बलियो आधार प्रदान गर्नु उहाँको ऐतिहासिक योगदान हो। उहाँको दूरदृष्टि, नेतृत्व, समर्पण र सेवाभाव आज पनि हामी सबैका लागि प्रेरणाको स्रोत बनेर रहनेछ।
आज उहाँ हाम्रो बीच भौतिक रूपमा नभए पनि उहाँले छोड्नुभएको योगदान, आदर्श र संघर्षका पदचिह्नहरू सधैं जीवित रहनेछन्। उहाँको अभाव सधैं महसुस हुनेछ, तर उहाँका कर्म र मूल्यहरूले आगामी पुस्तालाई निरन्तर प्रेरणा दिइरहनेछन्।
एनआरएनए अष्ट्रिया परिवार उहाँप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो समवेदना व्यक्त गर्दछ। आराध्यदेव भगवान् पशुपतिनाथसँग उहाँको दिवंगत आत्माले चिरशान्ति प्राप्त गरोस् र शोकाकुल परिवारलाई यो असह्य पीडा सहने शक्ति प्रदान गरून् भन्ने हार्दिक प्रार्थना गर्दछौं।
भावपूर्ण श्रद्धाञ्जली!
दिवंगत आत्माप्रति हार्दिक श्रद्धाञ्जली तथा शोकसन्तप्त परिवारजनमा गहिरो समवेदना।
एनआरएनए अष्ट्रिया परिवार :::

30/05/2026

27/05/2026

Save the date!
NRNA AUSTRIA PRESENTS: HARITALIKA TEEJ 2026 🌸
​Celebrate the spirit, culture, and traditions of Teej right here in Austria! Join the Non-Resident Nepali Association (NRNA) Austria for an unforgettable evening of traditional dance, music, and community bonding.
​📅 EVENT DETAILS
​Date: Saturday, September 5, 2026
​Time: [e.g., 16:00 onwards]
​Venue: [Insert Venue Name, e.g., VHS Hall / Event Center]

09/03/2026

हार्दिक आभार तथा धन्यवाद
हिजो गैरआवासीय नेपाली संघ (NRNA) राष्ट्रिय महिला फोरम अष्ट्रिया द्वारा ८ मार्च २०२६ का दिन आयोजित अन्तर्राष्ट्रिय महिला दिवसको विशेष कार्यक्रम सफलतापूर्वक सम्पन्न भएकोमा अत्यन्त खुसी लागेको छ।
यस कार्यक्रममा मोडेल कन्सेप्ट तयार गर्न महत्वपूर्ण भूमिका खेल्नुहुने संस्थाकी उपाध्यक्ष रिमा बिष्ट, नेपाली स्कुलकी गुरुआमा अन्जना आचार्य, आकाश घिमिरे, विनिता केसी मुना गुरुङ लगायत सम्पूर्ण सहयोगीहरूमा हृदयदेखि नै हार्दिक आभार तथा धन्यवाद व्यक्त गर्दछु। उहाँहरूको सक्रिय सहयोग, समय र समर्पणले कार्यक्रमलाई अझ अर्थपूर्ण र सफल बनाउन ठूलो योगदान पुगेको छ।
कार्यक्रममा प्रमुख अतिथिका रूपमा उपस्थित भई कार्यक्रमको गरिमा बढाइदिनुहुने
नेपाली राजदूतावास भियना – उपनियोग प्रमुख / Minister Counsellor लेखनाथ गौतम ज्यु,
त्यसैगरी एनआरएनए अष्ट्रियाका पूर्व अध्यक्ष भवानी तिवारी ज्यु,
संस्थाका संरक्षक आदरणीय श्याम उपाध्याय ज्यु,
सस्थाका संरक्षक आदरणीय तुल बहादुर गुरुङ ज्यु
आदिवासी जनजाति महासंघ अष्ट्रियाका अध्यक्ष देभ गुरुङ ज्यु,
नेसास अष्ट्रियाका अध्यक्ष श्री डभिन लामा ज्यु लगायत सम्पूर्ण विशिष्ट अतिथि तथा आमन्त्रित व्यक्तित्वहरूमा हार्दिक नमन तथा धन्यवाद व्यक्त गर्दछु।
त्यसैगरी कार्यक्रमको खाना तथा नास्ता व्यवस्थापनमा सहयोग पुर्‍याउनुहुने संस्थाकी कोषाध्यक्ष कोपिला शाही ज्यु प्रति पनि विशेष आभार व्यक्त गर्न चाहन्छु।
यस कार्यक्रममा हामीले बालबालिकाहरूका लागि विशेष कार्यक्रम पनि आयोजना गरेका थियौं। कार्यक्रममा सहभागी भएका नानीबाबुहरू अत्यन्तै खुशी देखिनुभएको थियो, जसले कार्यक्रमलाई अझ अर्थपूर्ण बनायो। कार्यक्रमलाई उत्साहका साथ सफल बनाइदिनुहुने सम्पूर्ण नानीबाबुहरूलाई पनि हार्दिक धन्यवाद व्यक्त गर्दछु।
कार्यक्रममा उपस्थित सम्पूर्ण दिदीबहिनी, दाजुभाइ तथा भाइबहिनीहरूको सहभागिता, साथ र सहयोगले कार्यक्रमलाई अझ सफल, भव्य र स्मरणीय बनाउन महत्वपूर्ण योगदान पुर्‍याएको छ।
🙏 हार्दिक धन्यवाद।
एनआरएनए अस्ट्रीया महिला फोरम

सुनयना बिष्ट
🙏 हार्दिक धन्यवाद।