01/10/2025
📣 Շա՜տ կարևոր դասընթաց երիտասարդ հետազոտողների համար
✍ Եթե Դուք երիտասարդ գիտնական (հետազոտող) եք և ցանկանում եք բարելավել հոդվածագրության հմտությունները, ապա այս դասընթացը հենց Ձեզ համար է։
👩💻👨💻 Արցախի երիտասարդ գիտնականների և մասնագետների միավորումը (ԱԵԳՄՄ) «Երիտասարդ գիտնականների աջակցություն ծրագրի (ԵԳԱԾ)» աջակցությամբ կազմակերպում է «ՀՈԴՎԱԾԱԳՐՈՒԹՅԱՆ, ԳԻՏԱԿԱՆ ՀԱՂՈՐԴԱԿՑՈՒԹՅԱՆ ԵՎ ԱԿԱԴԵՄԻԱԿԱՆ ԳՐԱԳՐՈՒԹՅԱՆ ՀՄՏՈՒԹՅՈՒՆՆԵՐԻ ԶԱՐԳԱՑՈՒՄ» խորագրով դասընթացների շարք։
📅 Դասընթացները կազմակերպվելու են 5 առանձին խմբերով՝ փետրվար-նոյեմբեր ամիսներին:
✅ Դասընթացի նպատակներն են՝
🎯 Նպաստել մասնակիցների հետազոտական աշխատանքների որակի բարձրացմանը։
🎯 Նպաստել մասնակիցների` միջազգային գիտական հեղինակավոր հանդեսներում տպագրվելու համար անհրաժեշտ կարողությունների և հմտությունների զարգացմանը։
🎯 Զարգացնել մասնակիցների գիտական հաղորդակցության և ակադեմիական գրագրության հմտությունները։
📑 Դասընթացը բաղկացած է տեսական ու գործնական մասերից:
📜 Տեսական մասում, որն անցկացվելու է 3 օրերի ընթացքում, ներկայացվելու են հետևյալ թեմաները՝
🔸Հոդվածագրության հիմունքները,
🔸Հոդվածագրության փուլերը,
🔸Հոդվածագրության տերմինաբանությունը,
🔸Հոդվածի կառուցվածքը,
🔸Գիտական հոդվածը որպես հեղինակային իրավունքի օբյեկտ,
🔸Գիտական հոդվածի ձևավորման պահանջները,
🔸Հոդվածի տպագրության առանձնահատկությունները РИНЦ-ում,
🔸Միջազգային գիտական շտեմարաններ (Scopus, Web of Science),
🔸Որտե՞ղ և ինչպե՞ս գտնել հետազոտական աշխատանքի թեմային համապատասխան միջազգային հեղինակավոր հանդեսներ,
🔸Ինչպիսի՞ նախապատրաստական աշխատանք կատարել նախքան հետազոտությունը հանդեսի խմբագրություն ուղարկելը,
🔸Ինչպե՞ս աշխատել գրախոսությունների շուրջ,
🔸Գիտական առցանց հարթակներ (Scopus, ORCID, ResearchGate, Google Scholar),
🔸Միջազգային ակադեմիական հաղորդակցության առանձնահատկությունները,
🔸Ակադեմիական ոճի ընդհանուր բնութագիրը,
🔸Գիտական տեքստի լեզվական նորմերը,
🔸Ակադեմիական գրագրության մեջ հանդիպող լեզվական սխալներ, օտարաբան կառույցներ,
🔸Գիտական հոդվածի շարադրման և ձևավորման լեզվական առանձնահատկությունները:
📝 Դասընթացի 2-րդ մասում մասնակիցներին տրվելու է առաջադրանք, անցկացվելու է 1 գործնական պարապմունք, ինչի շրջանակում էլ տրվելու է խորհրդատվություն:
💻 Դասընթացն անցկացվելու է հեռավար ձևաչափով՝ փոքր խմբերով (Zoom հարթակ):
✅ Դասընթացը վարելու են՝
👨💻 «ԱԵԳՄՄ» ՀԿ-ի հիմնադիր, «ԳԻՏԱԿԱՆ ԱՐՑԱԽ» պարբերականի գլխավոր խմբագիր, ի.գ.թ., դոցենտ ԱՎԵՏԻՔ ՀԱՐՈՒԹՅՈՒՆՅԱՆԸ, ով ավելի քան 55 գիտական աշխատանքների հեղինակ է, որոնց մի մասն ընդգրկված է РИНЦ-ում:
👨💻 ԵՊՀ միջազգային հարաբերությունների և դիվանագիտության ամբիոնի ասիստենտ, պ.գ.թ. ԷՐԻԿ ԴԱՎԹՅԱՆԸ, ով ունի SCOPUS-ում ընդգրկված գիտական հանդեսներում տպագրվելու մեծ փորձ:
👨💻 ԵՊՀ դասախոս, դպրոցական դասագրքերի և ձեռնարկների հեղինակ, «Կրթարար» ՀԿ-ի հիմնադիր ԱՐՍԵՆ ՎԱՐԴԱՆՅԱՆԸ:
📚 Դասընթացը նախատեսված է հասարակագիտական և հումանիտար ուղղվածությամբ հետազոտողների (մագիստրոս, հայցորդ, ասպիրանտ, գիտությունների թեկնածու և դոկտոր) համար:
⏳ Դասընթացի վերջին՝ 5-րդ խումբը մեկնարկելու է 2025 թ. ՀՈԿՏԵՄԲԵՐԻ 18-ին:
🔥 ՇՏԱՊԵ´Ք գրանցվել մինչև մինչև 15.10.2025 թ.:
🔗 Մասնակցելու համար պետք է պարտադիր գրանցվել հետևյալ հղմամբ՝ https://clck.ru/3FrVzi:
🚀 Դասընթացն ԱՆՎՃԱՐ է, իսկ տեղերը՝ սահմանափակ:
📝 Դասընթացի մեկնարկին մասնակիցները պետք է ունենան իրենց հոդվածի աշխատանքային (սևագիր) տարբերակը, որի վրա աշխատելու են գործնական պարապմունքի ժամանակ։
🗂 Դասընթացը հաջողությամբ ավարտած մասնակիցները կստանան երկլեզու (հայերեն կամ անգլերեն) ՀԱՎԱՍՏԱԳԻՐ։
#ԱԵԳՄՄ #ԵԳԱԾ
#РИНЦ #հավաստագիր
