What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 18:00

DRR National Platform/ARNAP foundation, A. Mikoyan 109/8 (Davitashen 4-rd taghamas), Yerevan (2026)

Q: What is the address?

A. Mikoyan 109/8 (Davitashen 4-rd Taghamas)

13/05/2026

✍️🗣️🥁🥁Մեղրի համայնքում քննարկվեց և ներկայացվեց ԱՌԿ պլանը՝ ներկայացված նոր մոտեցմամբ և ձևաչափով

🎯Մայիսի 6-7-ը Մեղրի համայնքում իրականացվեց երկօրյա վերապատրաստում՝ «Աղետների ռիսկի կառավարումը համայնքային մակարդակում» թեմայով, որը կրկին կազմակերպվել էր «Հայաստանում համայնքների դիմակայունության և աղետներին պատրաստվածության կարողությունների հզորացում բռնի տեղահանվածների համար» ծրագրի շրջանակում։

🧩💡Վերապատրաստմանը մասնակցեցին համայնքի Աղետների ռիսկի կառավարման խորհրդի անդամներ և ներկայացուցիչներ տարբեր կառույցներից, այդ թվում՝ Սյունիքի մարզային փրկարարական վարչությունից, Մեղրիի համայնքապետարանից, համայնքային մանկապարտեզներից, ՄՍԾ տարածքային կենտրոնից և այլ կազմակերպություններից։

📑📈Դասընթացի ընթացքում մասնակիցներին ներկայացվեցին աղետների ռիսկի կառավարման հիմունքները, համայնքային ԱՌԿ պլանավորման գործընթացները, արտակարգ իրավիճակներում կառավարման առանձնահատկությունները, ինչպես նաև մարդասիրական օգնության ստացման, բեռնաթափման և բաշխման կազմակերպման մեխանիզմները։

📑🗓️📯Վերապատրաստման կարևոր բաղադրիչ էին նաև գործնական և խմբային աշխատանքները, որոնց ընթացքում մասնակիցները քննարկեցին համայնքին սպառնացող վտանգները, դրանց ռիսկի նվազեցման հնարավոր միջոցառումները, ինչպես նաև ընդունող համայնքի գործողությունները տարահանված և/կամ տեղահանված բնակչության ընդունման համատեքստում։

📯🎊Դասընթացը վարեցին ոլորտի մասնագետներ Գ. Մատիաշվիլին և Վ. Հարությունյանը՝ ապահովելով ինչպես տեսական, այնպես էլ գործնական գիտելիքների փոխանցում և մասնակիցների ակտիվ ներգրավվածություն։

⌛️Վերապատրաստման ավարտին մասնակիցները քննարկեցին ստացված գիտելիքների կիրառման հնարավորությունները համայնքային մակարդակում՝ կարևորելով համայնքների պատրաստվածության և դիմակայունության բարձրացման անհրաժեշտությունը։

📯📯🤗Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ և ՄԱԿ-ի ՓԳՀ-ի, Վորլդ Վիժն Հայաստան կազմակերպության, ՆԳՆ Փրկարար ծառայության, Աղետների ռիսկերի նվազեցման ազգային պլատֆորմի հիմնադրամի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով:

29/04/2026

📯📯📯«ՍՈՎՈՐԵՆՔ, ԽԱՂԱՆՔ, ՓՈՐՁԵՆՔ» խաղ - վարժանքներ 📯📯📯📯
Խաղ, փորձ, գիտելիք - 391 երեխա, մեկ նպատակ🤗🤗🤩

«Հայաստանում համայնքների դիմակայունության և աղետների պատրաստվածության կարողությունների հզորացում բռնի տեղահանվածների համար» ծրագրի շրջանակում Մեղրի համայնքում մեկնարկել և հաջողությամբ իրականացվել են «ՍՈՎՈՐԵՆՔ, ԽԱՂԱՆՔ, ՓՈՐՁԵՆՔ» խորագրով զարգացնող և ինտերակտիվ դասընթաց-վարժանքները։

☝🏻Մարտի 23-26-ն ընկած ժամանակահատվածում ծրագրի շրջանակում դասընթացներն անցկացվել են համայնքի բոլոր յոթ նախադպրոցական ուսումնական հաստատություններում՝ Ալվանք, Ագարակ, Կարճևան, Շվանիձոր, Վարդանիձոր, Լեհվազ բնակավայրերում և Մեղրի քաղաքում։ Ապրիլի 13-ին վերապատրաստող թիմը շարունակել է աշխատանքները՝ այցելելով Նռնաձորի և Ալվանքի միջնակարգ դպրոցներ՝ ընդլայնելով ծրագրի ընդգրկումը։

💪💪Խաղ-վարժանքներին մասնակցել է 391 երեխա (172 աղջիկ և 219 տղա), որոնք ակտիվորեն ներգրավվել են ուսուցման հետաքրքիր և կենդանի գործընթացում։
✍️Դասընթացների իրականացմանը մասնակցել է նաև 123 աշխատակից՝ ապահովելով կազմակերպչական և մասնագիտական աջակցություն։

🎯🧩Ծրագրի կարևոր առանձնահատկությունն այն է, որ այն ստեղծում է ապահով և խթանող միջավայր, որտեղ երեխաները կարողանում են զարգացնել իրենց կրթական, սոցիալական և հաղորդակցական հմտությունները՝ խաղի, փորձի և համագործակցության միջոցով։ Միևնույն ժամանակ, նախաձեռնությունը նպաստում է համայնքային համախմբմանը և տարբեր դերակատարների միջև համագործակցության ամրապնդմանը։

💡💣Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ՝ ՄԱԿ-ի ՓԳՀ-ի, Վորլդ Վիժն Հայաստան-ի, ՆԳՆ Փրկարար ծառայություն-ի, Աղետների ռիսկերի նվազեցման ազգային պլատֆորմի հիմնադրամ-ի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով։

28/04/2026

📯📯📯📯Համայնքների դիմակայունության հզորացում՝ սոցիալական աջակցության կարևոր դերակատարմամբ

📃📃Ապրիլի 23-ին Մեղրի համայնքում անցկացվեց կարևոր մի դասընթաց՝ «Սոցիալական աջակցության հարցերն արտակարգ իրավիճակներում» թեմայով։ Միջոցառումն իրականացվեց «Հայաստանում համայնքների դիմակայունության և աղետների պատրաստվածության կարողությունների հզորացում բռնի տեղահանվածների համար» ծրագրի շրջանակում։

➡️Դասընթացի նպատակն էր զարգացնել մասնակիցների կարողությունները՝ արդյունավետ արձագանքելու արտակարգ իրավիճակներում առաջացող սոցիալական խնդիրներին, ինչպես նաև ամրապնդել համայնքային համակարգերի պատրաստվածությունը։

🎬🏁Օրը մեկնարկեց ջերմ և բաց մթնոլորտում՝ ծանոթության և փորձի փոխանակման փուլով։ Մասնակիցները հնարավորություն ունեցան կիսվելու իրենց փորձառությամբ աղետների արձագանքման ոլորտում, ինչը ստեղծեց փոխադարձ ուսուցման և ակտիվ ներգրավվածության միջավայր։
⏭️Հաջորդիվ ներկայացվեց աղետների ռիսկի կառավարման պլաններում սոցիալական պաշտպանության կարևորությունը։

🧐Առանձնահատուկ ուշադրություն դարձվեց ընդունիչ-բաշխիչ կայանների կազմակերպմանը և դրանց շրջանակում սոցիալական պաշտպանության գործառույթներին, որոնք առանցքային են ճգնաժամային իրավիճակներում մարդկանց աջակցելու համար։

☝🏻Դասընթացի երկրորդ հատվածում քննարկվեցին հրատապ կարիքների գնահատման մեթոդները, ինչպես նաև անդրադարձ կատարվեց արտակարգ իրավիճակներում խոցելի խմբերի՝ հատկապես երեխաների և տարեցների պաշտպանությանն ու անվտանգությանը։ Կարևոր շեշտադրում արվեց նաև անհայտ կորած անձանց հայտնաբերման և ընտանիքների վերամիավորման գործընթացների վրա։

🎬Օրվա ավարտին մասնակիցները ծանոթացան համայնքային սոցիալական պաշտպանության ծրագրերի մշակման սկզբունքներին և հրատապ արձագանք պահանջող իրավիճակներում կիրառվող սոցիալական աջակցության մեխանիզմներին, այդ թվում՝ «Շտապօգնություն» պետական բյուջետային ծրագրին:

🤩Դասընթացը եզրափակվեց ակտիվ քննարկմամբ, հարց ու պատասխանով և հիմնական գաղափարների ամփոփմամբ՝ ամրապնդելով մասնակիցների գիտելիքները և պատրաստվածությունը։
Այս նախաձեռնությունը ևս մեկ կարևոր քայլ էր համայնքների դիմակայունության բարձրացման ճանապարհին՝ նպաստելով համակարգված, արագ և մարդակենտրոն արձագանքին արտակարգ իրավիճակներում։

📯📯🤗Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ և ՄԱԿ-ի ՓԳՀ-ի, Վորլդ Վիժն Հայաստան կազմակերպության, ՆԳՆ Փրկարար ծառայության, Աղետների ռիսկերի նվազեցման ազգային պլատֆորմի հիմնադրամի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով:

15/04/2026

📯📯📯📯📯📯UNITED NATIONS OFFICE FOR DISASTER RISK REDUCTION (UNDRR) IS SEEKING A RECOVERY GOVERNANCE EXPERT.

📃📃📃Within the framework of the “Prepared for Recovery: Strengthening Livelihoods, Financial Protection, and Public Finance for Inclusive and Climate-Resilient Recovery in the Republic of Armenia (P4R in Armenia)” project, the UNDRR is seeking to hire a qualified Recovery Governance Expert.

⏳⏰The application deadline is April 21, 2026.

💁‍♂️💥For more information about the project, including the scope of work, duration of the assignment, and other details, please refer to the link provided below:
https://careers.un.org/jobSearchDescription/274853?language=en

16/03/2026

📯📯📃Աղետների ռիսկի նվազեցման ազգային պլատֆորմ հիմնադրամի ներկայացուցիչները նույնպես մասնակցեցին ՄԱԿ-ի զարգացման ծրագրի կողմից իրականացվող չափազանց կարևոր այս ծրագրի արդյունքների ներկայացմանն և քննարկմանը նվիրված աշխատաժողովին:

11/02/2026

«Աղետների ռիսկի նվազեցման ազգային պլատֆորմ» / ԱՌՆԱՊ հիմնադրամին իր գործունեության համար անհրաժեշտ է վարձույթով տրամադրվող ավտոմեքենա` առանց վարորդի։

Վարձակալության ժամկետը՝ մարտ, 2026թ. – դեկտեմբեր, 2026թ. և ավելին։

Ներկայացվող պահանջներ․
• Ամենագնաց
• Լիաքարշակ
• Բենզին/գազ
• Գտնվի տեխնիկապես անթերի վիճակում
• Արտադրության թիվը 2000թ․-ից բարձր
• Climate Control system կամ կոնդիցիոներ

Վճարումը իրականցվելու է փոխանցումով:

Ավտոմեքենան պետք է հանձնվի ԱՌՆԱՊ հիմնադրամին տեխնիկապես անթերի վիճակում, առանց արտաքին թերությունների` հաշվի առնելով բնական մաշվածությունը: Ավտոմեքենան կվերադարձվի վարձատուին վարձակալության ժամկետի ավարտին: Վարձակալության պայմանները ներկայացված կլինեն համապատասխան պայմանագրում:
Ավտոմեքենան շահագործվելու է Երևանում, ինչպես նաև մարզեր այցելությունների նպատակով` ամսական միջինում 12-15 օր: Մոտավոր վազքը կլինի 12000-14000 կմ-ի սահմաններում:

Գնային առաջարկն անհրաժեշտ է ներկայացնել հաշվի առնելով, որ մեքենայի շահագործման հետ կապված հիմնական ծախսերը (տեխ. ստուգատես, ԱՊՊԱ պայմանագիր, պլանային տեխնիկական սպասարկում և վերանորոգում) իրականացնելու է վարձատուն: Հիմնադրամը հոգալու է միայն ավտոմեքենայի շահագործման հետ կապված ընթացիկ ծախսերը (վառելիք, լվացող միջոցներ) և այն ծախսերը, որոնք կարող են առաջանալ վարձակալի մեղքով (վթարի, առևանգման, ոչ նպատակային կամ սխալ շահագործման արդյունքում):

Գնային առաջարկը կարող եք ներկայացնել ինչպես կարճաժամկետ վարձակալության համար (1–3 ամիս ժամկետով), այնպես էլ երկարաժամկետ՝ 12 ամիս ժամկետով:

Ձեր առաջարկությունները (ավտոմեքենայի լուսանկարներով, տեխնիկական բնութագրերով և վարձակալության արժեքով) կարող եք ուղարկել [email protected] և [email protected] էլ․ հասցեներին մինչև 2025թ-ի փետրվարի 20-ը, իսկ լրացուցիչ հարցերի դեպքում կարող եք զանգահարել՝ +374 91 204704 հեռախոսահամարին։

16/01/2026

🎉🎉🎉«Հայաստանում համայնքների դիմակայունության և աղետների պատրաստվածության կարողությունների հզորացում բռնի տեղահանվածների համար» ծրագրի շրջանակներում տարեվերջյան վերջին միջոցառումները շտաբային վարժանքներն էին, որոնք իրականացրինք Վայք, Մարտունի, Վարդենիս և Արարատ համայնքներում: 🎯🎯

💡💪Դրանք նպատակ ունեին փորձարկել նույն ծրագրի շրջանակում մշակված համայնքային ԱՌԿ պլանները, ինչպես նաև բարելավել համայնքային իշխանությունների և արձագանքող այլ կառույցների կոորդինացված աշխատանքը հնարավոր արտակարգ իրավիճակների ժամանակ` տեսական մակարդակում:

🤗💥Համայնքերում խաղարկվեցին տարբեր սցերնարներ (տարբեր վտանգների դեպքում մշակված), քննարկվեցին տարբեր ուսումնական հարցեր, որոնց մի զգալի մասը` ծրագրի բնույթից ելնելով վերաբերվում էին սոցիալական պաշտպանության հարցերին (տարահանվածների ընդնման կազմակերպում, տարածքի ընտրություն և կահավորում, տարահանվածների հաշվառում և կարիքների գնահատում, ընդունիչ կետերում ծառայությունների ապահովում և այլ):

☝🏻Ընդհանուր առմամբ, վարժանքները նպաստեցին դրված նպատակի իրականացմանը, օժանդակեցին համայնքային իշխանություններին փոքր-ինչ ավելի պատրաստված դառնալուն: Դրանք հնարավորություն ստեղծեցին քննարկել կոնկրետ իրավիճակ, բարձրաձայնել իրենց գործողությունները, ներդաշնակեցնել դրանք արձագանքման ընդհանուր պատկերի մեջ, ինչպես նաև քաղեցին դասեր:

🧩🎯🥁Բոլոր վարժանքներին միասին մասնակցեցին 101 պաշտոնյա` համայնքապետարաններից, համայնքապատկան կառույցներից, համայնքային և գերատեսչական ծառայություններից:

📈📃📊Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ և ՄԱԿ-ի ՓԳՀ-ի, Վորլդ Վիժն Հայաստան կազմակերպության, ՆԳՆ Փրկարար ծառայության, Աղետների ռիսկերի նվազեցման ազգային պլատֆորմի հիմնադրամի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով:

08/01/2026

💡📈Շարունակում ենք նախորդ տարվա ընթացքում կատարած աշխատանքների լուսաբանումը:

✍️☝🏻«ԹՎԵՐԻ» ԼԵԶՎՈՎ.
🌏 Գործունեության աշխարհագրությունը` 4 խոշորացված համայնք, 35 բնակավայր
#️⃣Ընգրկված մանկապարտեզների թիվը` 42
💥Իրականացված դասընթաց-վարժանքների թիվը` 42
📯Տարածաշրջանին սպառանացող վտանգների մասին (ռիսկի նվազեցում, արձագանքում) հրահանգավորման մասնակիցներ` 588 աշխատակից
🎞️Վտանգների մասին տեսաֆիլմերի դիտում և խաղ երեխաների հետ` 1364 մասնակից
🏘️Ուսումնական վարժանքի մասնակիցները` 2406 երեխա և 706 աշխատակից

🎯Գործընթացում ներգրաված մասնակիցների ընդհանուր թիվ` 3112:

🎖️💪Ահա այսպիսին է ԱՌՆԱՊ հիմնադրամի և Վորլդ Վիժն Հայաստանի համատեղ ջանքերով «Հայաստանում համայնքների դիմակայունության և աղետների պատրաստվածության կարողությունների հզորացում բռնի տեղահանվածների համար» ծրագրի շրջանակում իրականացված «Սովորենք, խաղանք, փորձենք» դասընթաց-վարժանքների վիճակագրությունը:

☝🏻💡💥Արդյունքում ունենք.
- Մեկ քայլ ավելի պատրաստված մանկապարտեզներ:
- Երեխաներին ուսուցանելու փորձարկված խաղային մոդել:
- Տեսական և գործնական աշխատանքների հետաքրքիր համադրում:
- Քաղված դասեր, որոնք հիմք կլինեն նոր ձեռնարկումների համար:

🎯Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ և ՄԱԿ-ի ՓԳՀ-ի, Վորլդ Վիժն Հայաստան կազմակերպության, ՆԳՆ Փրկարար ծառայության, Աղետների ռիսկերի նվազեցման ազգային պլատֆորմի հիմնադրամի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով:

25/12/2025

📯📯🖇️🖇️Դետեմբերի 22-ին Ավստրիական զարգացման գործակալության ֆինանսավորմամբ իրականացվող «Կլիմայական դիմակայունություն․ երիտասարդների և համայնքների հզորացում Հայաստանում՝ հանուն կայուն ապագայի» ծրագիր շրջանակում ՄԱԿ-ի մանկական հիմնադրամը (ՅՈՒՆԻՍԵՖ) Աղետների ռիսկի նվազեցման ազգային պլատֆորմ հիմնադրամի (ԱՌՆԱՊ) հետ համատեղ` գործընկերներին (պետական և ոչ պետական) ներկայացրին «Տեղական մակարդակում ռիսկի կառավարման (ՏՄՌԿ) գործընթացի թվայնացման և ավտոմատացման» նախաձեռնությունը:

🗂️🗂️Նախաձեռնությանը նպատակ է հետապանդում ՏՄՌԿ գործընթացի թվայնացման և ավտոմատացման միջոցով դյուրինացնելու տվյալների հավաքագրման և վերլուծության աշխատանքները, և օժանդակել որոշում կայացնողներին ԱՌՆ միջոցառումներ մշակելու և իրականացնելու հարցում:
Գործընթացի համար պատասխանատու մասնագետները ներկայացրին ՏՄՌԿ գործընթացի թվայնացման և ավտոմատացման առանձնահատկությունները, նախնական պատկերացումները և ճանապարհային քարտեզը:

📈Գործընկերների հետ քննարկում ծավալվեց, նրանք նույնպես կիսվեցին իրենց պատկերացումներով, բարձրացրին մի շարք հարցեր/խնդիրներ, որոնք պետք է նախօրոք լուծել` մինչ թվայնացման և ավտոմատացման գործընթացը սկսելը և հանդես եկան առաջարկություններով:

🗂️✍️Քննարկումների արդյունքում` որոշում կայացվեց ստեղծել «ՏՄՌԿ գործընթացի թվայնացման և ավտեմատացման հարցերի» թեմատիկ աշխատանքային խումբ, որը կաջակցի հիմնական փորձագետներին նախաձեռնությունը հասցնել իր տրամաբանական ավարտին:

23/12/2025

🎉🎉🎉Մարմարաշենի, Սայաթ Նովայի, Սիսի, Նորամարգի և Ռանչպարի միջնակարգ դպրոցների համար անցկացվեց կարողությունների զարգացման հերթական դասընթացը՝ նվիրված արտակարգ իրավիճակներում տարահանման և պատսպարման կազմակերպմանը։

💡💡Մասիսի համայնքապետարանի հյուրընկալության ներքո մասնակիցների հետ քննարկեցինք՝
• որոնք են բնակչության պաշտպանության ձևերն արտակարգ իրավիճակներում՝ առանձնահատուկ ուշադրություն դարձնելով տարահանմանը և պատսպարմանը,
• տարածաշրջանին բնորոշ այն վտանգները, որոնց դեպքում կարող է առաջանալ տարահանվելու կամ պատսպարվելու անհրաժեշտություն, և ինչ գործողություններ են պետք իրականացնել յուրաքանչյուր իրավիճակում,
• ինչպես ճիշտ կազմակերպել տարահանման և պատսպարման գործընթացը,
• ինչ են պաշտպանական պարզագույն կառույցները և ինչ լուծումներ կարելի է գտնել դրանց բացակայության դեպքում,
• և այլն:

👌✨Դասընթացն անցավ ակտիվ քննարկումների մթնոլորտում․ մասնակիցները բարձրացրին իրենց հուզող հարցերը, կիսվեցին փորձով, իսկ բոլոր հարցերին տրվեցին պարզ ու հասկանալի բացատրություններ։

Առանձին անդրադարձ կատարվեց նաև համայնքի աղետների ռիսկի կառավարման պլանին՝ հատկապես տարահանման և պատսպարման հատվածին։ Քննարկվեց, թե ինչ դեր ու անելիքներ ունեն ուսումնական հաստատությունները` որպես համայնքի կարևոր մաս։

📈📊Դասընթացն իրականացվել է ՄԱԿ-ի մանկական հիմնադրամի և Աղետների ռիսկի նվազեցման ազգային պլատֆորմ հիմնադրամի համատեղ ջանքերով։

17/12/2025

🎉🎉💡«Հայաստանում համայնքների դիմակայունության և աղետների պատրաստվածության կարողությունների հզորացում բռնի տեղահանվածների համար» ծրագրի շրջանակում հոկտեմբեր–նոյեմբեր ամիսներին Մարտունի, Վայք, Վարդենիս և Արարատ համայնքներում իրականացվել են մեկօրյա դասընթացներ՝ նվիրված արտակարգ իրավիճակներում սոցիալական աջակցության կազմակերպման և տրամադրման հարցերին։

📊Դասընթացների նպատակն էր ապահովել, որ համայնքների աղետների ռիսկի կառավարման խորհուրդների անդամները, միասնական սոցիալական ծառայության աշխատակիցները, սոցիալական աշխատողները, ՀԿ ներկայացուցիչները և մարզպետարանների մասնագետները հստակ պատկերացնեն սոցիալական պաշտպանության և սոցիալական աջակցության տրամադրման մեխանիզմները արտակարգ իրավիճակներում՝ համայնքային արձագանքման ընդհանուր համակարգի շրջանակում։

📯🖇️Մեկօրյա ինտերակտիվ դասընթացները ներառել են ինչպես տեսական, այնպես էլ գործնական քննարկումներ։ Դասընթացի ծրագիրն իր մեջ ներառում էր հետևյալ թեմաները.
• Փորձի փոխանակում և համայնքային արձագանքի ներկայիս կարողություններ:
• Սոցիալական պաշտպանության բաղադրիչն աղետների ռիսկի կառավարման պլանում:
• Ընդունիչ–բաշխիչ կայանի կազմակերպումը / ծավալումը, այդ թվում` նաև շահառուների գրանցումը, կարիքների առաջնային գնահատումը, տեղեկատվության փոխանցման մեխանիզմները:
• Հրատապ կարիքների գնահատում (բնակիչների առաջնային կարիքները, տեղահանվածների կարիքների առանձնահատկությունները, անհայտ կորածների և ընտանիքի անդամների վերամիավորման ուսանելի մեխանիզմները):
• Արտակարգ իրավիճակներում խնամքի կազմակերպում (առանց ուղեկցողի մնացած երեխաների, տարեցների և խոցելի խմբերի անվտանգության ապահովման և խնամքի տրամադրման քայլերը)։
• Սոցիալական պաշտպանության ծրագրերի մշակում (Հրատապ արձագանք պահանջող դեպքերի համար սոցիալական աջակցության ծրագրերի ձևավորում, «Շտապօգնություն» պետական բյուջետային ծրագրի հնարավորություններն ու կիրառելիությունը):

🗂️Օրվա ավարտին մասնակիցները ներկայացրին իրենց դիտարկումները, առաջարկեցին բարելավման ուղիներ և պատրաստակամություն՝ ծրագրի շրջանակում ուսուցած մեխանիզմները կիրառելու իրենց համայնքներում։
Մասնակիցների գերատեսչական բազմազանությունը հնարավորություն տվեց քննարկել սոցիալական աջակցության կազմակերպման հարցերը տարբեր տեսանկյուններից և ձևավորել համագործակցության ավելի արդյունավետ մեխանիզմներ։

💡✨🎉Ծրագիրն իրականացվում է ԵՄ Քաղաքացիական պաշտպանության և մարդասիրական օգնության ծառայություն (ECHO)-ի ֆինանսավորմամբ և ՄԱԿ-ի ՓԳՀ-ի, Վորլդ Վիժն Հայաստան կազմակերպության, ՆԳՆ Փրկարար ծառայության, Աղետների ռիսկերի նվազեցման ազգային պլատֆորմի հիմնադրամի, HEKS EPER-ի, Հայաստանի սոցիալական աշխատողների ասոցիացիայի և գործընկեր համայնքների համատեղ ջանքերով:

DRR National Platform/ARNAP foundation

13/05/2026

29/04/2026

28/04/2026

15/04/2026

16/03/2026

11/02/2026

16/01/2026

08/01/2026

25/12/2025

23/12/2025

17/12/2025

Address

Opening Hours

Telephone

Website

Alerts

Contact The Organization

Shortcuts

Share

Category

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 18:00