«Մայրի» ՀԿ-ն սոցիալական ինտեգրման մշակութային կենտրոն է, որը նախատեսված է հատուկ կարիքներով երեխաների և երիտասարդների համար:
Նախ և առաջ կենտրոնն ապահովում է ամենօրյա ութժամյա դասընթացներ և ակտիվություն հատուկ կարիքներով այն երեխաների համար, ովքեր չեն կարող ներառվել հանրակրթական դպրոցի դասարաններում, կամ նրանց համար, ովքեր արդեն ավարտել են դպրոցը: Բոլոր դասերն ու ակտիվություններն իրականացվում են
բուժական մանկավարժների և հոգեբանների հսկողության ներքո, ովքեր ապահվում են սոցիալիզացիայի գործընթացը:
Կենտրոնում գործում են հետևյալ դասընթացներն ու գործունեությունները՝ երաժշտաթերապիա, ձեռքի աշխատանք, փայտագործություն, կերամիկա/նկարչություն, էվրիթմիա, սպորտ, պար, թատրոն, այգեգործություն, խոհանոցային աշխատանք, սրճարան:
Ակտիվության կարևորագույն պայմաններից մեկն այն է, որ երեխաները դասընթացների հետ մեկտեղ միաժամանակ աշխատեն կենտրոնում մանկավարժների հսկողությամբ և հնարավորություն ունենան համատեղել ուսումը աշխատանքի հետ: Մեր նպատակը ոչ միայն այս մարդկանց աջակցելն է, այլև նրանց անհատական կարողությունները զարգացնելու համար հնարավորություն տալը:
«Մայրի» ՀԿ-ն փակ կենտրոն չէ միայն հատուկ կարիքներով մարդկանց համար, մենք իրականացնում ենք մշակութային բաց նախագծեր խնդիրներ չունեցող երիտասարդների համար ևս:
Այս ամենն իրականացնելով՝ մենք հույս ունենք, որ հետագայում մեր սահմաններն ավելի կլայնանան: Մեր նպատակն է ժամանակի ընթացքում վերջնականապես փոխել հասարակական կարծիքը խնդիրներով մարդկանց վերաբերյալ և կոչ անել նրանց հարգել և ուշադրություն դարձնել խնդիրներին և այս երեխաներին:
