Aurora Prize

Aurora Prize Contact information, map and directions, contact form, opening hours, services, ratings, photos, videos and announcements from Aurora Prize, Nonprofit Organization, 6 Baghramyan, Yerevan.

«Ավրորան» աջակցում է համայնքներում մարդասիրական գործունեություն իրականացնողներին՝ առաջ մղելով «Երախտագիտությունն՝ ի գործ» համաշխարհային շարժումը, որի շնորհիվ կենսական օգնություն են ստանում նրանք, ովքեր ամենից շատ ունեն դրա կարիքը։ «Ավրորա» ամենամյա համաշխարհային մարդասիրական մրցանակի առաքելությունն է ճանաչման արժանացնել եւ աջակցել նրանց, ովքեր վտանգի են ենթարկում սեփական կյանքը, առողջությունը կամ

ազատությունը, որպեսզի փրկեն այն մարդկանց կյանքը, առողջությունը կամ ազատությունը, որոնք տառապում են հակամարտությունների, մարդկության դեմ իրագործվող հանցագործությունների կամ մարդու իրավունքների այլ լուրջ խախտումների հետեւանքով։

«Ավրորա» մրցանակի դափնեկիրն ընտրվում է՝ ըստ ցուցաբերած խիզախության, նվիրումի եւ ունեցած ազդեցության: Դափնեկրին շնորհվում է 1.000.000 ԱՄՆ դոլար պարգեւ։

Փոքրիկ Այիշան ապրում է Բուրկինա Ֆասոյի Նակամտենգա համայնքում, որտեղ նախադպրոցական հաստատությունը կարող է ոչ միայն կրթութ...
17/05/2026

Փոքրիկ Այիշան ապրում է Բուրկինա Ֆասոյի Նակամտենգա համայնքում, որտեղ նախադպրոցական հաստատությունը կարող է ոչ միայն կրթություն տալ, այլեւ ապահովել անվտանգություն եւ կայունություն։ Երկիրն այժմ մարդասիրական լուրջ ճգնաժամի մեջ է, որը պայմանավորված է թույլ կառավարմամբ, կլիմայական ցնցումներով եւ զինված բռնություններով։ «Յենենգա» դպրոցի ծրագրի շնորհիվ, որն ընտրել է 2024 թ․ «Ավրորա» մրցանակի դափնեկիր բժիշկ Դենիս Մուկվեգեն եւ իրականացվում է «Ավրորայի» աջակցությամբ, երեխաներին հասանելի են կայուն կրթական միջավայր եւ պաշտպանություն, որին արժանի են նրանք։

Ժամանակի ընթացքում Այիշայի ուսուցիչներն սկսեցին մտահոգվել, որովհետեւ ակնհայտ էր, որ աղջիկը բռնության է ենթարկվում տանը։ Նախակրթարանի աշխատակիցները կապ հաստատեցին ընտանիքի հետ եւ առաջարկեցին իրենց օգնությունը՝ ապահովելու ավելի անվտանգ միջավայր երեխայի համար։ Այսօր արդեն Այիշան ավելի ուժեղ, վստահ եւ ուրախ է գնում նախակրթարան։

Ձեր աջակցությամբ «Ավրորան» բարձր է պահում մեր ընդհանուր մարդասիրական ոգին եւ հնարավոր դարձնում պատմություններ, ինչիպիսին Այիշայինն է։ Նվիրաբերեք այսօր, օգնեք ավելի շատ երեխաների՝ գտնելու անվտանգություն, խնամք եւ ավելի լուսավոր կյանքի սկիզբ. aurorahumanitarian.org/hy/donate

14/05/2026

Տեսնելով, թե ինչպես են հիվանդներին տեղափոխում միանիվ ձեռնասայլակներով՝ «Ավրորայի» մերօրյա հերոս Աբդուլկադիր Աբդիրահման Ադանը կառուցեց Սոմալիի ամենամեծ անվճար շտապօգնության ծառայությունը: Նվիրաբերեք «Ավրորային»՝ աջակցելու Աբդուլկադիրի նման հերոսների կենսական աշխատանքին՝ aurorahumanitarian.org/hy/donate Aamin Ambulance

Ծանոթացեք «Ավրորայի» ամենամսյա տեղեկագրին։Մենք անդրադարձել ենք մարդասիրության ոլորտի ապագային՝ «Սքոլ» համաշխարհային ֆորո...
13/05/2026

Ծանոթացեք «Ավրորայի» ամենամսյա տեղեկագրին։

Մենք անդրադարձել ենք մարդասիրության ոլորտի ապագային՝ «Սքոլ» համաշխարհային ֆորումի ընթացքում տեղի ունեցած քննարկումներից մինչեւ համայնքներում մարդասերների գործունեություն․ պատմություններ աշխարհի տարբեր անկյուններում գործող «Ավրորայի» մերօրյա հերոսների մասին։ Իսկ «Ավրորա» գրքի ակումբն այս ամիս առաջարկում է Վարդան Գրեգորյանի՝ իր անցած ճանապարհի մասին ինքնակենսագրական գիրքը՝ auroraprize-files.s3.us-east-2.amazonaws.com/20260512_whatifwefundedthepeoplealreadydoingthework_arm.pdf

11/05/2026

«Ավրորայի» մերօրյա հերոս Հալիմա Բաշիրն առողջապահական օգնություն է տրամադրել զանգվածային բռնության զոհերին, ապա վտագելով իրեն՝ բարձրաձայնել այդ մասին։ Առաջադրեք Հալիմայի նման մարդասեր-հերոսներին «Ավրորա» մրցանակին` aurorahumanitarian.org/hy/nominatenow

08/05/2026

2024-2025 թթ․ «Երիտասարդական Ավրորայի» հաղթող UWC Մահինդրա քոլեջի թիմն արդեն իսկ զգալի առաջընթաց է գրանցել իր «Վառարան» նախագծով՝ պայքարելով ավանդական խոհանոցային վառարանների պատճառով առաջացած օդի աղտոտվածության դեմ։

Ընդամենը մի քանի ամսվա ընթացքում թիմը Մահարաշտրայի Մուլշի հովտի համայնքներում բաշխել է ցածր արտանետումներով 60 վառարան եւ պլանավորել հաջորդ վեց ամիսների ընթացքում եւս 100 տնային տնտեսությունների տրամադրել նույն վառարաններից։

Ողջամիտ քայլ՝ ուղղված ավելի անվտանգ տներ, առողջ ընտանիքներ եւ երկարատեւ փոփոխություններ ունենալուն։ 🌍

07/05/2026

Ապրիլի 23-ին «Ավրորան» «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով քննարկում անցկացրեց համայնքային առաջնորդների, դոնորների եւ փորձագետների հետ։

Նրանք քննարկեցին, թե դոնորներն ինչպես են փոփոխում իրենց ռազմավարությունները՝ ճգնաժամային իրավիճակներում գործող տեղական գործիչներին առաջնահերթություն տալու համար, եւ ինչպես կարող են տեղական գործիչներն ավելի լավ դիրքավորվել՝ աջակցություն ստանալու եւ այն ընդլայնելու համար: Այս քննարկումը տեղի ունեցավ Մեծ Բրիտանիայի Օքսֆորդ քաղաքում ընթացող «Սքոլ» համաշխարհային ֆորումի ժամանակ։

07/05/2026

Պարտադիր չէ, որ ֆինանսավորումը տեղ հասնի միայն ճգնաժամի պահին․ այս հարցին անդրադարձավ «Սթարթ նեթվորքի» կապերի եւ ֆոնդերի տնօրեն Լուկրեցիա Պուենտեսը «Ավրորայի»՝ «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով քննարկմանը։

Ֆինանսների՝ նախքան երաշտի սկսվելը տրամադրումից մինչեւ համատեղ ուսումնասիրության համակարգեր, որոնք թույլ են տալիս տեղական գործիչներին միաժամանակ հասանելիություն ունենալ ֆինանսական տարբեր հոսքերին՝ Լուկրեցիա Պուենտեսը հանդես եկավ կանխարգելման, այլ ոչ թե արձագանքի շուրջ կառուցված մարդասիրական ֆինանսավորման օգտին։

05/05/2026

Երբ բարեգործական կազմակերպությունները փորձում են լուծել ցանկացած խնդիր, նրանք բաց են թողնում շուկայի հնարավորությունները։ «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով «Ավրորայի» քննարկմանն այս մասին խոսեց Երեխաների ներդրումային հիմնադրամի (CIFF) ազդեցության պատասխանատու եւ սննդի ծրագրերի տնօրեն Աննա Հակոբյանը։

Տեղական ինքնակառավարման մարմինների կողմից ութը մեկի հարաբերակցությամբ համատեղ ֆինանսավորումից մինչեւ նախածննդյան վիտամինների տեղական արտադրության աջակցություն, որը կանանց դարձնում է սպառող, այլ ոչ թե պարզապես օգնություն ստացող․ Աննան ներկայացրեց մի մոդել, որը կառուցում է կայուն զարգացում ներքեւից վերեւ։

04/05/2026

Տասնամյակներ շարունակ ֆինանսավորման մոդելները համապատասխան չեն եղել հակամարտության գոտիներում արտակարգ իրավիճակներին արձագանքելուն, որի հետեւանքը եղել է մարդկային կյանքերի կորուստը։ Այսպիսի ուղերձ հղեց 2025 թ․ «Ավրորայի» հերոս եւ «Փրկիր երեխային» կազմակերպության հիմնադիր եւ գլխավոր տնօրեն Սալի Բեքերը «Ավրորայի» «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով քննարկման ժամանակ։

1993 թ․ Բոսնիայում պաշարված հիվանդանոցից ծանր վիրավոր երեխաներին դուրս բերելուց մինչեւ Գազայում գործող բուժանձնակազմերին այսօր աջակցելը՝ Բեքերը 30 տարի շարունակ աշխատում է մի համակարգում, որը չափազանց դանդաղ է գործում արտակարգ իրավիճակներում, որոնց հենց ուղղված է այն։

02/05/2026

2022 թ․ «Ավրորա» մրցանակի դափնեկիր, Խաղաղության եւ ազատության կանանց միջազգային լիգայի Աֆղանստանի գրասենյակի նախագահ Ջամիլա Աֆղանին «Ավրորայի» նախաձեռնած «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով քննարկման ժամանակ խոսեց այն մասին, թե ինչ հետեւանք ունեցավ միջազգային ֆինանսավորման հանկարծակի կրճատումն Աֆղանստանի կանանց համար։ Նրա կազմակերպությունը երկու տարի աշխատեց ԱՄՆ Միջազգային զարգացման գործակալության բոլոր պահանջներին համապատասխանելու համար, որպեսզի ստանա անհրաժեշտ ֆինանսավորում, բայց համաձայնագիրն ստորագրելուց մեկ ամիս անց այն կրճատվեց։

Ձմռան մեկ գիշերվա ընթացքում ավելի քան 100 որակավորված կանայք կորցրին իրենց աշխատանքը։

30/04/2026

«Ավրորայի» համահիմնադիր եւ Տնօրենների խորհրդի նախագահ Նուբար Աֆեյանը բացման խոսքով հանդես եկավ «Մարդասիրության նոր մոդելի ֆինանսավորում. տեղում մարդասիրական արձագանքին ուղղվող գլոբալ աջակցության ընդլայնում» թեմայով քննարկմանը` կապելով Հայոց ցեղասպանության ժամանակ իր պապի փրկության պատմությունը «Ավրորայի» այսօրվա առաքելության հետ։

Այն հարցը, որն «Ավրորայի» հիմնադիրները տվել էին իրենք իրենց տասը տարի առաջ, ըստ Նուբար Աֆեյանի՝ շարունակում է մնալ «Ավրորայի» հիմնական շարժիչ ուժը․ «Ինչպե՞ս ենք մենք աջակցում մարդկանց, որոնք մի օր փրկել են անծանոթների կյանքը, եւ օգնում նրանց՝ ավելին անել»։

Քննարկումը տեղի ունեցավ 2026 թ․ ապրիլի 23-ին Մեծ Բրիտանիայի Օքսֆորդ քաղաքում՝ «Սքոլ» համաշխարհային ֆորումի ընթացքում։

Address

6 Baghramyan
Yerevan
0019

Telephone

060 700 800

Website

Alerts

Be the first to know and let us send you an email when Aurora Prize posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Aurora Prize:

Shortcuts

Share

Category