Օգնենք Հայ Մանուկներին Help Armenian Children

01/09/2026

«Օգնիր գնալ դպրոց» ծրագիրն իրականացավ🤗

Լոռու մարզի Սվերդլով համայնքի 1-4 դասարաններում սովորող բոլոր աշակերտները ստացան պայուսակներ և գրենական պարագաներ📚🎒✏️

Սրտանց շնորհակալ ենք բոլոր նրանց, ովքեր միացան մեր նախաձեռնությանը՝ նվիրատվությամբ, աջակցությամբ, տարածելով մեր կոչը կամ պարզապես մեր կողքին լինելով։ Ձեր յուրաքանչյուր ներդրում դարձավ մի փոքրիկի նոր պայուսակ, տետր, մատիտ և, ամենակարևորը՝ ուշադրության ու հոգատարության զգացում❤️

Թող նոր ուսումնական տարին մեր փոքրիկների համար լինի խաղաղ, լուսավոր, գիտելիքներով ու հաջողություններով լի 📚✏️

19/08/2026

🎒Նոր ուսումնական տարվան ընդառաջ ընտանիքներում սկսվում են դպրոցական պատրաստությունները՝ նոր պայուսակ, տետրեր, գրենական պիտույքներ…📚✏️

Ինչպես ամեն տարի, այս տարի ևս «Օգնենք հայ մանուկներին» բարեգործական ՀԿ-ն իրականացնում է «Օգնիր գնալ դպրոց» ծրագիրը։ Այս անգամ ուղևորվելու ենք գեղատեսիլ Լոռու մարզ❤️

Մեր նպատակն է ավելի շատ գյուղաբնակ երեխաների ապահովել դպրոցական պայուսակներով և անհրաժեշտ գրենական պիտույքներով, որպեսզի սեպտեմբերի 1-ը նրանց համար նույնպես սկսվի ուրախությամբ ու ոգևորությամբ 😊

Սիրելի՛ ընկերներ, ձեր աջակցությամբ տարիներ շարունակ կարողացել ենք այս նախաձեռնությունը կյանքի կոչել։ Միացե՛ք մեզ նաև այս տարի․ միասին կարող ենք ևս մի քանի փոքրիկի դպրոցական առաջին օրը դարձնել ավելի ուրախ։ 🙏❤️

💳 Փոխանցումների համար՝
Ամերիաբանկ
Ստացող՝ «Օգնենք հայ մանուկներին» ԲՀԿ
AMD — 15700 13385300100
USD — 15700 13385300101
EUR — 15700 13385300146
RUB — 15700 13385300158
ARCA — 5526 5500 1005 6636

Փոխանցման «Նպատակ» դաշտում խնդրում ենք նշել՝ «Օգնիր գնալ դպրոց»։
Վճարումներ կարող եք կատարել նաև EasyPay տերմինալներով՝ ընտրելով «Բարեգործություն» → «Օգնենք հայ մանուկներին» բաժինը։

📱 Հարցերի դեպքում գրեք մեր էջին կամ զանգահարեք՝ 091 011 369։

Օգնի՛ր, որ յուրաքանչյուր երեխա դպրոց գնա ժպիտով։ 🎒❤️

17/08/2026

Շնորհակալ ենք, որ միանում եք մեր բարի նախաձեռնություններին և ձեր աջակցությամբ դառնում մեր փոքրիկների ժպիտների ու լուսավոր ապագայի մի մասը։ ❤️

Մենք էլ՝ փոքրիկ քայլերով, բայց մեծ հավատով, շարունակում ենք առաջ շարժվել՝ նախաձեռնելով նոր ծրագրեր ու միջոցառումներ, որոնք մի փոքր ավելի գունավոր ու լուսավոր են դարձնում երեխաների առօրյան🥰🤗

12/08/2026

Օրեր առաջ կայացավ «Օգնենք հայ մանուկներին» բարեգործական ՀԿ-ի ևս մեկ միջոցառում. Արմավիրի մարզի Մրգաշատ գյուղի մշակույթի տանը իրականացվեց արտ-թերապիայի մեկօրյա ծրագիր՝ 5-15 տարեկան երեխաների մասնակցությամբ🤗

Փոքր տարիքային խմբի երեխաները նկարազարդեցին գիպսե ֆիգուրներ, իսկ ավելի մեծերը պատրաստեցին իրենց սեփական ֆիգուրները՝ այդ ընթացքում ծանոթանալով գիպսեգործության գործընթացին։

Մյուս խմբի երեխաներն իրենց ստեղծագործական մտքերն արտահայտեցին էկո պայուսակների վրա՝ նկարելով իրենց նախընտրած պատկերները🧑‍🎨

Ծրագրի ընթացքում երեխաների հետ անցկացրինք նաև երևակայությունը, հիշողությունը, կենտրոնացումն ու ուշադրությունը զարգացնող խաղեր։
Օրվա ավարտին յուրաքանչյուր երեխա իր պատրաստած աշխատանքը տարավ տուն՝ որպես ստեղծագործական ու հետաքրքիր օրվա գեղեցիկ հիշողություն😊🧑‍🎨🎁

Շնորհակալություն մեր բոլոր աջակիցներին։ Ձեր օգնությամբ երեխաների օրը լցվեց ժպիտներով, նոր տպավորություններով ու գեղեցիկ հիշողություններով։ 💛🙂

03/07/2026

📖 Գիրքը լավագույն նվերն է, իսկ կրթված սերունդը՝ մեր ապագան։

Շարունակելով խթանել կրթությունն ու ընթերցանությունը համայնքներում՝ «Օգնենք հայ մանուկներին» ԲՀԿ-ն ավելի քան 100 կտոր գիրք է նվիրաբերել Աշտարակի տեխնոլոգիական դպրոցին։

Նվիրաբերած գրականության մի մասը թարմ տպագրության, իսկ մյուս մասը՝ հին հրատարակության, բայց արժեքավոր գրքեր են, որոնք իրենց արժանի տեղը կգտնեն դպրոցի գրադարանում:

🤝 Հուսով ենք, որ երկու կառույցների միջև այս գեղեցիկ համագործակցությունը կլինի շարունակական և հիմք կդառնա նորանոր կրթական նախագծերի։

Շնորհակալ ենք, որ վստահում եք մեզ և օգնում իրականություն դարձնել մեր ծրագրերը❤️

01/06/2026

Հունիսի 1-ին՝ Երեխաների իրավունքների պաշտպանության միջազգային օրվա առթիվ, այցելեցինք Աշտարակի տեխնոլոգիական դպրոց։

Մեր կամավորները երեխաների հետ զրուցեցին բարեգործության կարևորության, կամավորության դերի և հասարակության մեջ փոխօգնության արժեքների մասին։

Այցի ընթացքում դպրոցին նվիրեցինք նկարչական պարագաներ, բակային և ինտելեկտուալ խաղեր՝ ամառային դպրոցի ծրագիրն ավելի հետաքրքիր և բովանդակալից դարձնելու համար🏸🥎

Շնորհակալ ենք ջերմ ընդունելության համար և մաղթում ենք երեխաներին ուրախ, անհոգ ու գունեղ ամառ։ ❤️

08/04/2026

😇 Շնորհակալ ենք մեր նախաձեռնություններին միանալու, մեր փոքրիկների կողքին լինելու և նրանց ապագան լուսավորելու համար։ Երախտապարտ ենք, որ մեզ հետ եք։ Աստված օրհնի ձեզ և ձեր ընտանիքներին❤️

21/03/2026

Ուրախությամբ ու երախտագիտությամբ տեղեկացնում ենք, որ մեր փոքրիկ Լուսեն, ում համար կազմակերպել էինք բարեգործական մոնոներկայացումը, արդեն սկսել է իր վերականգնողական բուժման ճանապարհը😇❤️

Մաղթում ենք փոքրիկ Լուսեին առողջություն, անհոգ մանկություն և լուսավոր ապագա 💛

Կրկին անգամ շնորհակալություն ենք հայտնում բոլոր նրանց, ովքեր կանգնեցին Լուսեի կողքին։
Ձեր սրտացավությունն ու աջակցությունը կյանք են փոխում, հույս են տալիս և ուժ՝ շարունակելու պայքարը😇😇

21/03/2026

21/02/2026

🎭 Երբ արվեստը միավորում է մարդկանց բարության շուրջ …

«Չեմ բողոքում» ներկայացման ընթացքում բեմում պատմվում էր մեկ կնոջ պատմություն՝ սպասման, սիրո, ցավի ու ինքնաբացահայտման մասին։

Ներկայացումը բեմադրված է իտալացի դրամատուրգ Դարիո Ֆոյի և Ֆրանկա Ռամեի «Ես սպասում եմ քեզ, սիրելիս» պիեսի հիման վրա, իսկ կերպարը մարմնավորեց դերասանուհի Liana Vardanyan, ներկայացման ռեժիսորն է՝ Mariam Mano❤️❤️

Դահլիճում նստած յուրաքանչյուր մարդ դարձավ այդ պատմության մի մասը։ Ծիծաղը, հուզմունքը, լռությունը և ծափերը միավորվեցին մեկ կարևոր նպատակի շուրջ՝ օգնել փոքրիկ Լուսեին👼

Շնորհակալ ենք բոլոր նրանց, ովքեր հավատացին, ներկա գտնվեցին և իրենց ներկայությամբ լույս ավելացրին այս երեկոյին 💙

Երբ մարդիկ միավորվում են արվեստի շուրջ, ծնվում է ամենագեղեցիկ ուժը՝ մարդասիրությունը😇