Full Life NGO

01/06/2026

💙 Հունիսի 1-ը՝ Երեխաների պաշտպանության միջազգային օր 💙

Այսօր տոնում ենք մանկությունը՝ լի ժպիտներով, երազանքներով և անսահման հնարավորություններով։

«Լիարժեք կյանք» ՀԿ-ի Ստեփանավանի և Տաշիրի կենտրոնների երեխաները մեզ ամեն օր հիշեցնում են, որ յուրաքանչյուր երեխա ունի սիրո, հոգատարության, զարգացման, խաղի և իր ներուժը բացահայտելու հավասար իրավունք։

Մաղթում ենք, որ բոլոր երեխաները մեծանան ապահով, երջանիկ և ներառական միջավայրում, որտեղ գնահատվում են նրանց կարողությունները, հարգվում է նրանց արժանապատվությունը և լսվում է նրանց ձայնը։

Սիրով շնորհավորում ենք Երեխաների պաշտպանության միջազգային օրվա առթիվ և մաղթում անհոգ մանկություն բոլոր երեխաներին։ 💙🌷

#ԵրեխաներիՊաշտպանությանՕր #Հունիսի1 #ԼիարժեքԿյանք #Ստեփանավան #Տաշիր #ՆերառականՀասարակություն

31/05/2026

📢 Հարգելի՛ հետևորդներ,
Ազգային ժողովի ընտրությունների ընթացքում հաշմանդամություն ունեցող անձանց ընտրական իրավունքների պաշտպանության նպատակով Լիարժեք կյանք ՀԿ-ի անվճար թեժ գիծը շարունակում է գործել 24/7 ռեժիմով։
☎️ 0 8000 13 11
Մենք աջակցում ենք, որպեսզի յուրաքանչյուր մարդու ձայնը լսելի լինի։ Ոչ ոք ընտրական գործընթացից դուրս չպետք է մնա ։

#ՄատչելիԸնտրություններ #ԸնտրելուԻրավունք #ԻրավականԽորհրդատվություն

Տեսողական խնդիրներ ունեցող հարգելի՛ ընտրողներ, բոլոր տեղամասերն ապահովված են լինելու բրայլյան կաղապարներով։

29/05/2026

🎓🏛️ Համընդհանուր դիզայնը՝ ապագա մասնագետների կրթության կարևոր բաղադրիչ պետք է լինի

«Համընդհանուր դիզայն, մատչելիություն և խելամիտ հարմարեցումներ» թեմայով տեսագործնական հերթական դասընթացը իրականացվեց Հայաստանի Եվրոպական համալսարանում։

Շնորհակալություն ենք հայտնում համալսարանի ղեկավարությանը, Դիզայնի և ճարտարապետության ֆակուլտետին, դասախոսներին և ուսանողներին՝ հետաքրքրվածության և ակտիվ մասնակցության համար։ Վստահ ենք, որ ապագա ճարտարապետներն ու դիզայներները կարևոր դեր կունենան բոլորի համար հասանելի և ներառական միջավայրերի ձևավորման գործում։ ♿🏗️✨

#ԼիարժեքԿյանք #ՀամընդհանուրԴիզայն #Մատչելիություն

27/05/2026

🌍 Ubuntu – Ես կամ, որովհետև մենք կանք 🤝

Սիրով տեղեկացնում ենք, որ մեկնարկել է
✨ «Ավելի մեծ տարածք, ավելի որակով և լայնածավալ ծառայություններ հանուն ներառական հասարակության խթանման» արշավը։

💌 Դուք կարող եք աջակցել արշավին՝ ուղարկելով Ubuntu բառը 7000 կարճ համարին։

📱 SMS կարող են ուղարկել Հայաստանի բոլոր բջջային օպերատորների բաժանորդները։

💵 Մեկ SMS-ի արժեքն է՝ 1000 դրամ։

🌐 Արտերկրից նվիրատվություններ կարող եք կատարել մեր կայքում նշված հաշվեհամարին՝
https://fulllife.am/en/donation/

❤️ Շնորհակալություն բոլոր այն մարդկանց, ովքեր արդեն կատարել են նվիրատվություն կամ պատրաստվում են աջակցել։

📊 Մենք հաշվետու ենք նվիրաբերված յուրաքանչյուր լումայի համար:

🎥 Մանրամասները՝ տեսանյութում
https://www.youtube.com/watch?v=KoxfvskD7QE

Enjoy the videos and music you love, upload original content, and share it all with friends, family, and the world on YouTube.

13/05/2026

Հարգելի հետևորդներ
«Լիարժեք կյանք» ՀԿ-ի Ստեփանավանի կենտրոնում մատուցվում են հոգեբանի, լոգոպեդի, հատուկ մանկավարժի, և այլ անվճար ծառայություններ՝ 2-ից 18 տարեկան երեխաների համար:
Հասցե` ք.Ստեփանավան,
Սայաթ Նովա 3
Հեռախոսահամար` 060 755 155

05/05/2026

English below
📢 Աշխատանքի հնարավորություն – Սոցիոլոգ
«Լիարժեք կյանք» ներառական հասարակության խթանման հասարակական կազմակերպությունը «Հավասարության և մատչելիության ապահովում հաշմանդամություն ունեցող անձանց համար» ԵՄ ֆինանսավորմամբ ծրագրի շրջանակում հրավիրում է համապատասխան մասնագիտական փորձ ունեցող մասնագետներ՝ սոցիոլոգի թափուր աշխատատեղի համար։
Աշխատանքը ներառում է անձի ֆունկցիոնալության գնահատման միջազգային գործիքների փորձարկման շրջանակում տվյալների հավաքագրում, մշակում և վերլուծություն։
🗓 Դիմումների վերջնաժամկետը՝ 25 մայիսի, 2026 թ., ժամը 23:59
📎 Մանրամասն պահանջներին, փաստաթղթերի ցանկին և դիմելու կարգին ծանոթանալու համար խնդրում ենք բացել ստորև հղումը` https://fulllifengo-my.sharepoint.com/:b:/g/personal/suren_fulllife_am/IQDbYi2c_MXXTqI07PwusRZVAdcqOexl39HETUdIB5alKOI?e=zUqr1h

📢 Job Opportunity – Sociologist
Full Life Inclusive Society Promotion NGO invites qualified professionals with relevant experience to apply for the vacant position of Sociologist within the framework of the EU-funded “Ensuring Equality and Accessibility for Persons with Disabilities” project.
The assignment includes data collection, processing, and analysis within the pilot testing and validation process of international functional assessment tools.
🗓 Application deadline: May 25, 2026, at 23:59
📎 For detailed requirements, the list of required documents, and application procedures, please open the link below: https://fulllifengo-my.sharepoint.com/:b:/g/personal/suren_fulllife_am/IQDbYi2c_MXXTqI07PwusRZVAdcqOexl39HETUdIB5alKOI?e=zUqr1h
#ԳործԿԱ

04/05/2026

English below
Ապրիլի 27-ին «Լիարժեք կյանք» ՀԿ երևանյան գրասենյակում ՀԿ նախագահ Սուրեն Մաղաքյանը հյուրընկալեց Երևանի «Վարդանանց ասպետներ» հ․ 106 հիմնական դպրոցի 9բ դասարանի աշակերտուհի Լիլիթ Դավթյանին ՝ քննարկելու «Երևանի քաղաքապետը երեխաների համար» խորագրվող միջոցառմանը ներկայացնելիք նրա զեկույցը, որը վերաբերում է միջավայրի հարմարեցմանը և մատչելիությանը։ Ս․ Մաղաքյանը կարևոր է համարում դպրոցականների հետ նմանօրինակ հանդիպումները և քննարկումները՝ ներառական հասարակության խթանման նպատակով։ «Լիարժեք կյանք» ՀԿ-ն Լիլիթ Դավթյանին և մյուս մասնակիցներին մաղթում է հաջողություն և հուսով է՝ նրա զեկույցը կարժանանա պատշաճ ուշադրության։ Շնորհակալություն Երևանի «Վարդանանց ասպետներ» հ․ 106 հիմնական դպրոցին ցուցաբերած հետաքրքրության և համագործակցության համար։
On April 27, at the Yerevan office of the “Full Life” NGO, the organization’s president, Suren Malakyan, hosted Lilith Davtyan, a 9th-grade student (class 9B) from Yerevan “Vardanants Knights” Basic School No. 106. The meeting focused on discussing her upcoming presentation for the event titled “The Mayor of Yerevan for Children,” which addresses environmental adaptation and accessibility.
S. Malakyan considers such meetings and discussions with school students important for promoting the development of an inclusive society. The “Full Life” NGO wishes Lilith Davtyan success and hopes that her presentation will receive due attention.
The organization also expresses its gratitude to Yerevan “Vardanants Knights” Basic School No. 106 for its interest and cooperation.

04/05/2026

English below
Ապրիլի 26-ին «Լիարժեք կյանք» ՀԿ երևանյան կենտրոնում տեղի ունեցավ դասընթաց «Ինչպես ազատվել մտահոգություններից և կառուցել առողջ միտք ու կյանք» թեմայով։ Դասընթացավարը հոլանդաբնակ հայազգի քոուչ, «InBalans» հոգեկան առողջության և խորհրդատվական կենտրոնի հիմնադիր-տնօրեն Գայանե Աբրահամյանն էր։ Դասընթացի ժամանակ քննարկվեցին այնպիսի կարևոր հարցեր, ինչպիսիք են կպչուն մտքերի անմիջական կապը սոմատիկ երևույթների հետ, մարդու ուղեղի բազմաբնույթ հնարավորությունները, ինչպես նաև հոգեկան խաղաղության պահպանմանն ու ինքնաճանաչմանն առնչվող հարցեր։ Դասընթացի ավարտին մասնակիցները գոհունակությամբ նշեցին, որ մեծ բավականություն ստացան դասընթացից՝ ձեռք բերելով առօրյա կյանքում կիրառելի հմտություններ։

On April 26, a training session titled “How to Overcome Worries and Build a Healthy Mind and Life” was held at the Yerevan branch of the “Full Life” NGO. The session was led by Netherlands-based Armenian coach Gayane Abrahamyan, founder and director of the “InBalans” Mental Health and Counseling Center.
During the training, several important topics were discussed, including the direct link between intrusive thoughts and somatic symptoms, the diverse capabilities of the human brain, as well as issues related to maintaining mental well-being and self-awareness. Participants greatly enjoyed the session and gained practical skills applicable to their daily lives.

20/04/2026

Վաղը մեր Ստեփանավանի կենտրոնում սպասվում է հետաքրքիր և ոգեշնչող դասընթաց ✨
Սիրով հրավիրում ենք բոլոր ցանկացողներին մասնակցելու։

04/02/2026

«Հավասարության և մատչելիության ապահովում հաշմանդամություն ունեցող անձանց համար» ծրագրի շրջանակում նոյեմբերի 22-23-ին «Գրողների Ծաղկաձորի ստեղծագործական տուն» հյուրանոցային համալիրում՝ «Ներառական իրավական բարեփոխումների կոալիցիա»- ի անդամների համար կազմակերպվել էր դասընթաց «Համակարգված լոբբինգ և շահերի պաշտպանություն, նախագծերի ցիկլի կառավարում և ծառայության/նախագծի կոնցեպտի մշակում» թեմայով։
Դասընթացի մասնակիցները հարստացրեցին իրենց գիտելիքները նախագծերի ցիկլի կառավարման, ծառայության/նախագծի կոնցեպտի մշակման և տրամաբանական կառուցվածքի (log frame) յուրահատկությունների, ինչպես նաև շահերի պաշտպանության գործիքների վերաբերյալ։
Տեսագործնական դասընթացը վարել են փորձագետներ Կարեն Սարգսյանը եւ Նոննա Մարգարյանը։
Եվրոպական միության կողմից ֆինանսավորվող «Հավասարության և մատչելիության ապահովում հաշմանդամություն ունեցող անձանց համար» ծրագիրը իրականացվում է «Վորլդ Վիժն Երեխաների Պաշտպանության հիմնադրամի», «Լիարժեք կյանք», «Ագաթ» հասարակական կազմակերպությունների և «ՍՈՐՍ» հիմնադրամի կողմից։

European Union in Armenia
World Vision Armenia - Վորլդ Վիժն Հայաստան
Coalition for Inclusive Legal Reforms

#ԼիարժեքԿյանք #Մատչելիություն