16/01/2026
🥳🇪🇺 Լավ լուր եվրոպական ինտեգրման համար։
Կառավարությունը հավանություն տվեց սպառողների իրավունքների բարելավման նոր փաթեթին, որը ևս մեկ քայլ է CEPA պայմանագիրը ներդնելու ուղղությամբ։
Ինչ է փոխվելու, եթե այդ կարգավորումներն ընդունվեն Ազգային Ժողովի կողմից՝
✅ Անարդար պայմանների արգելք սպառողների հետ պայմանագրերում (օրինակ՝ միակողմանի պայմանների փոփոխում, անհամաչափ տույժեր, սպառողի համար անհասանելի պայմանների պարտադրում և այլն)
✅ Հեռակա, առցանց և “շենքից դուրս” ծառայության մատուցման հստակ կանոններ՝ նախապես լիարժեք տեղեկատվության պարտադիր տրամադրում, 14-օրյա ժամկետում հրաժարվելու (վերադարձի) իրավունք առանց պատճառաբանության, առաքման ժամկետների և ռիսկերի կարգավորում
✅ Մոլորեցնող և մանիպուլյատիվ գովազդի մասին նոր ու համապարփակ սահմանումներ՝ հանրության մանիպուլյացիաները նվազեցնելու և արդար մրցակցությունն ուժեղացնելու համար
✅ Ավելի հստակ պաշտպանական մեխանիզմներ ոչ պատշաճ/անհամապատասխան ապրանքների (այդ թվում՝ թվային ապրանքների) դեպքում՝ երաշխիքային նվազագույն մոտեցումներ և ապացուցման բեռի կարգավորումներ։
Ի դեպ, սպառողների պաշտպանության ոլորտը Համապարփակ և ընդլայնված գործընկերության Համաձայնագրի (ՀԸԳՀ - CEPA) ներդրման առաջամարտիկներից է։ eu-armenia կայքում կարող եք տեսնել CEPA-ի կատարման պատկերավոր ընթացքը։
