12/05/2026
Ուրախ ենք կիսվել, որ «Դէկավվա ֆոնդ» բարեգործական հիմնադրամի և Արեն Մեհրաբյան հիմնադրամ-ի համագործակցությամբ իրականացվեց «21-րդ դարի հմտությունների զարգացում և արհեստական բանականություն (AI)» դասընթացը։
Ծրագիրն իրականացվեց «Հարեհաս» սոցիալ-կրթական ծրագրի շրջանակում՝ Զովաբեր «Հարեհաս» կենտրոնում՝ միավորելով Զովաբեր, Վարսեր և Գեղամավան համայնքների շուրջ 28 երիտասարդների։
Այսօր մասնակից երեխաները ներկայացրին իրենց ծրագրերը, գաղափարներն ու ստեղծած աշխատանքները՝ ցույց տալով իրենց առաջընթացը, ստեղծարար մտածողությունն ու ձեռք բերած կարողությունները։
Այս համագործակցության և նախաձեռնության շնորհիվ համայնքներում ձևավորվում է այնպիսի միջավայր, որտեղ երիտասարդները ոչ միայն հետևում են փոփոխություններին, այլ դառնում են այդ փոփոխությունների ստեղծողները։
Երբ նման հնարավորությունները հասանելի են դառնում համայնքում, ապագան այլևս հեռու գաղափար չէ․ այն դառնում է իրական, շոշափելի և հասանելի։
