Step Forward Social NGO / «Քայլ առաջ» Սոցիալական ՀԿ

01/08/2026

📅 Օգոստոսի 4
🕗 20:00՝ Երևանի ժամանակով
Հրավիրում ենք մասնակցելու անվճար առցանց վեբինարին։
Բանախոսներ՝
Էմիլի Տերացույան, MS, BCBA, IBA, ADHD-CCSP
Prime Behavioral Solutions ABA կենտրոնի հիմնադիր և գլխավոր տնօրեն (Լոս Անջելես, ԱՄՆ)
Ռոման Ստանկարոնե
Կլինիկական հոգեբան
Prime Behavioral Solutions (Լոս Անջելես, ԱՄՆ)
«ՈՒԴՀՀ-ի և ԱՍՀ-ի դեպքում միջամտության ժամանակակից մոտեցումներ»
Վեբինարը նվիրված կլինի ուշադրության դեֆիցիտ և հիպերակտիվության համախտանիշի (ՈՒԴՀՀ) և աուտիզմի սպեկտրի խանգարման (ԱՍՀ) դեպքում կիրառվող ժամանակակից, գիտականորեն հիմնավորված միջամտության մոտեցումներին՝ հիմնված կիրառական վարքային վերլուծության (ABA) սկզբունքների վրա։
Վեբինարի ընթացքում կներկայացվեն երեխաների և դեռահասների հետ աշխատանքի շրջանակում կիրառվող վարքային գնահատման ժամանակակից մեթոդները, անհատականացված միջամտության ծրագրերի մշակման հիմնական սկզբունքները, ինչպես նաև ուշադրության կենտրոնացման, ինքնակարգավորման և իմպուլսների վերահսկման արդյունավետ ռազմավարությունները։
Մասնակիցները կծանոթանան ապացուցողական մոտեցումներին, որոնք նպաստում են երեխայի ֆունկցիոնալ կարողությունների զարգացմանը, վարքային դժվարությունների արդյունավետ կառավարմանը և առօրյա միջավայրում ինքնուրույնության ու հարմարվողականության բարձրացմանը։
Վեբինարը կանցկացվի ռուսերեն լեզվով։
📌 Գրանցման համար խնդրում ենք լրացնել հայտը՝👇
https://forms.gle/V3Hbk2P96gxDqJd18
Գրանցվելուց հետո վեբինարի օրը Ձեր էլեկտրոնային փոստին կուղարկվի ZOOM հարթակին միանալու հղումը։

29/07/2026

🏃‍♂️🏃‍♀️🤛💪 Սպորտլանդիայի ընթացքում երեխաները մասնակցում են տարբեր շարժողական և թիմային խաղերի, որոնք նպաստում են նրանց խոշոր մոտորիկայի, հավասարակշռության, կոորդինացիայի և արագ կողմնորոշման զարգացմանը։ Խմբային առաջադրանքները խթանում են համագործակցությունը, կանոններին հետևելու, միմյանց աջակցելու և հերթապահության հմտությունների ձևավորումը։ Ակտիվ մասնակցության շնորհիվ երեխաները զարգացրին նաև ուշադրության կենտրոնացումը, ինքնավստահությունը և դրական սոցիալական փոխազդեցությունը՝ պահպանելով ուրախ և մոտիվացնող մթնոլորտ։

@актуально е

28/07/2026

Prime Behavioral Solutions կազմակերպության և «Քայլ առաջ» ՀԿ-ի շարունակական համագործակցության շրջանակում ներկայացնում ենք հերթական մասնագիտական վեբինարը՝ նվիրված վարքային միջամտությունների շրջանակում կիրառվող ինքնակարգավորման հմտությունների ուսուցման գիտականորեն հիմնավորված մոտեցումներից մեկին։
📅 Օգոստոսի 10 | 🕗 18:00 (Երևանի ժամանակով)б Լեզուն՝ անգլերեն
🎯 Թեմա՝ Behavioral Relaxation Training (BRT) — վարքային ինքնակարգավորման(ռելաքսացիայի) ուսուցման մեթոդ
Վեբինարի ընթացքում Վալերիա Պասկալը՝ IBA, PL, PhD թեկնածու, նեյրոհոգեբան և IBAO մասնագիտական խորհրդատվական խորհրդի անդամ (Իտալիա), կներկայացնի՝
• ինչ է Behavioral Relaxation Training (BRT) մեթոդը և ինչ գիտական հիմքեր ունի,
• ինչպես է BRT-ն նպաստում տագնապայնության, մկանային լարվածության և ֆիզիոլոգիական գրգռվածության նվազեցմանը,
• ինչպես են ձևավորվում դիտարկելի և չափելի ինքնակարգավորման հմտություններ՝ ռելաքսացիոն վարքային արձագանքների զարգացման միջոցով,
• ինչպես կարող է մեթոդը կիրառվել աուտիզմի սպեկտրի խանգարումներ (ԱՍԽ), ուշադրության դեֆիցիտ և հիպերակտիվության համախտանիշի (ՈՒԴՀՀ ինչպես նաև զարգացման այլ առանձնահատկություններ ունեցող դեռահասների և մեծահասակների հետ աշխատանքում։
🎓 Մասնակիցները հնարավորություն կունենան ծանոթանալու BRT մեթոդի հիմնական սկզբունքներին, դրա կիրառման տրամաբանությանը և գործնական նշանակությանը՝ հուզական ինքնակարգավորման, ուսուցման պատրաստվածության և առօրյա կյանքի որակի բարելավման գործընթացում։
🔗 Գրանցում՝
https://forms.gle/ygCnJ1yGmRQNLjjR9

24/07/2026

Prime Behavioral Solutions կազմակերպության և «Քայլ առաջ» ՀԿ-ի շարունակական համագործակցության շրջանակում ներկայացնում ենք հերթական մասնագիտական վեբինարը՝ նվիրված ֆունկցիոնալ հմտությունների գնահատման և զարգացման ժամանակակից մոտեցումներին։
📅 Հուլիսի 27 | 🕗 18:00 (Երևանի ժամանակով)
🎯 Թեմա՝ AFLS — ֆունկցիոնալ Կյանքի Հմտությունների Գնահատման Համակարգ
Վեբինարի ընթացքում Մայքլ Մյուլլերը՝ AFLS համակարգի համահեղինակ, (Ph.D., BCBA-D, LBA, IBA, IBAO հիմնադիր և գործադիր տնօրեն) կներկայացնի՝
• ինչ են ֆունկցիոնալ հմտությունները և ինչ դեր ունեն անձի ինքնուրույնության ու կյանքի որակի բարձրացման գործում,
• ինչու է դրանց զարգացումը վարքային միջամտության առանցքային ուղղություններից մեկը,
• ինչպես կիրառել AFLS-ը՝ արդյունավետ գնահատման և ուսուցման նպատակների սահմանման համար,
• ինչպես գնահատման տվյալները վերածել անհատականացված և արդյունքահեն զարգացման ծրագրերի։
🎓 Մասնակիցները հնարավորություն կունենան ծանոթանալու AFLS-ի հիմնական սկզբունքներին, գնահատման տրամաբանությանը և գործնական կիրառությանը՝ տարբեր տարիքային փուլերում անհատների աջակցման գործընթացում։
🔗 Գրանցում՝ https://forms.gle/VZDmExzvvH8S54hR8

19/07/2026

Ուրախ ենք տեղեկացնել, որ «Քայլ առաջ» ՀԿ-ն և ամերիկյան «Prime Behavioral Solutions»-ը մեկնարկել են համագործակցություն՝ ուղղված Հայաստանում վարքային թերապիայի զարգացմանը, միջազգային փորձի փոխանակմանը և մասնագիտական կարողությունների ամրապնդմանը։
Վերապատրաստումների շարքը նախատեսված է մասնագետների և ծնողների համար՝ նպաստելու ժամանակակից մոտեցումների յուրացմանը, գործնական հմտությունների զարգացմանը և երեխայի զարգացման գործընթացում արդյունավետ աջակցությանը։

📌 Առաջին թեմա՝
«Մշակութային համատեքստին արձագանքող մասնագիտական պրակտիկայի ձևավորում»
Ձեր մասնակցությունը հաստատելու համար գրանցվեք հետևյալ հղմամբ՝ https://docs.google.com/forms/d/e/1FAIpQLSfoks1Q4yFWkG7rammVf3nhaRZExYxQdmrApSDNMBz0x-DxLA/viewform
We are pleased to announce that “Step Forward” NGO has launched a collaboration with the American organization “Prime Behavioral Solutions” aimed at advancing behavioral therapy in Armenia, promoting international knowledge exchange, and strengthening professional capacities.
This training series is designed for both professionals and parents, supporting the adoption of contemporary approaches, the development of practical skills, and more effective involvement in supporting children’s developmental progress.
📌 First Topic:
“Building Culturally Responsive Professional Practice”
To confirm your participation, please register using the following link: https://docs.google.com/forms/d/e/1FAIpQLSfoks1Q4yFWkG7rammVf3nhaRZExYxQdmrApSDNMBz0x-DxLA/viewform

11/07/2026

01/07/2026

❤️❤️❤️Այսօր մեր շատ սիրելի տնօրեն Արփինե Աշոտյանի ծննդյան օրն է։ Մաղթում ենք նրան մեծագույն հաջողություններ կարիերայում և անձնական կյանքում։
❤️❤️Սիրով՝ «Քայլ Առաջ» թիմ❤️❤️

28/06/2026

Օրերս մեր կենտրոնի լոգոպեդներ Կարինե Առաքելյանը և Աննա Հոսեփյանը 2026 թվականի հունիսի 20-ին կազմակերպված « Ձայնի միջազգային օրվան» նվիրված իրազեկման արշավի շրջանակներում ներկայացրեցին՝ «Ձայնը, որպես ապահովության կամուրջ» և «Աուտիզմի սպեկտրում գտնվող երեխաների հետ հաղորդակցման մարտավարությունները» թեմաներով զեկույց։ Շնորհակալ ենք՝ @ .Elya A. Muradyan-ին այս գեղեցիկ միջոցառումը կազմակերպելու համար։