Քաղաքական իրավունքների հայկական կենտրոն - ՔԻՀԿ / ACPR

19/05/2026

English text below

ՀՐԱՏԱՊ ՀԱՅՏԱՐԱՐՈՒԹՅՈՒՆ

📢Մայիսի 18-ի՝ գալիք խորհրդարանական ընտրություններից երեք շաբաթ առաջ, ՀՀ վարչապետ Նիկոլ Փաշինյանը ընդդիմադիր չորս քաղաքական գործիչների սպառնացել է ֆիզիկական հաշվեհարդարով։ Նրանցից երեքն առաջնորդում են ընտրապայքարին մասնակցող քաղաքական ուժեր։

Որպես սպառնալիքների «հիմնավորում» Փաշինյանը վկայակոչել է անհայտ ծագման տեսանյութ, որտեղ դիմակավորված և զինված չորս անձ սպառնում են իրեն։ Առանց որևէ փաստի՝ Փաշինյանը վերագրել է տեսանյութն ընդդիմադիրներին, պնդելով, որ դիմակավորվածների թիկունքում կանգնած են իր քաղաքական մրցակիցները։

Նախկինում Փաշինյանի սպառնալիքներին հաջորդել են ուժային կառույցների գործողություններ։ Նախընտրական շրջանում վարչապետի կողմից նման սպառնալիքներն ինքնին հարցականի տակ են դնում ընտրապայքարի արդարացիությունն ու քաղաքական ուժերի՝ հավասար մրցակցային պայմաններից օգտվելու հնարավորությունը։ Դիմակավորված անձանց անհայտ ծագման տեսանյութն օգտագործվում է որպես պատրվակ։

❗Հաշվի առնելով նախկին փորձը, ինչպես նաև Փաշինյանի՝ ուժային կառույցների և դատական համակարգի նկատմամբ ունեցած լծակներն ու ազդեցությունը, մայիսի 18-ին հնչեցված հաշվեհարդարի սպառնալիքները պետք է ընկալվեն լուրջ և մեկնաբանվեն որպես վերահաս քաղաքական հետապնդումների սպառնալիք։

Մանրամասները հասանելի են ամբողջական հայտարարությունում՝ https://drive.google.com/file/d/1IZRBkwSZ2BOuSaAPJRGHA-XnimnRTFfr/view

Սույն զեկույցի անգլերեն տարբերակը ներկայացվել է մարդու իրավունքների պաշտպանության ոլորտում գործող միջազգային կազմակերպություններին, որոնց անդամակցում է Հայաստանի Հանրապետությունը (ներառյալ՝ Եվրոպայի խորհրդին և ԵԱՀԿ/ԺՀՄԻԳ-ին), նրանց մասնագիտացված գրասենյակներին և համապատասխան պաշտոնատար անձանց, դիվանագիտական ներկայացուցչություններին, ինչպես նաև ՀՀ-ում և այլ երկրներում գործող իրավապաշտպան կազմակերպություններին։
--------------------
📢URGENT STATEMENT

On May 18 — three weeks before the upcoming parliamentary elections — Armenian Prime Minister Nikol Pashinyan threatened four opposition political figures with physical retaliation. Three of them lead political parties participating in the election campaign.

As the “justification” for these threats, Pashinyan referred to a video of unknown origin in which four masked and armed individuals threaten him. Without presenting any evidence, Pashinyan attributed the video to the opposition, claiming that his political rivals are backing the masked individuals.

In the past, threats made by Pashinyan have been followed by actions by law enforcement bodies. Such threats from the Prime Minister during an election period in itself calls into question the fairness of the electoral process and the ability of competing political forces to participate under equal conditions. The video featuring the masked individuals — whose origin remains unknown — is used as a pretext.

❗Given past experience, as well as Pashinyan’s leverage and influence over law enforcement agencies and the judicial system, the threats of physical retaliation voiced on May 18 should be taken seriously and interpreted as a warning of imminent political persecution.

Details and reasoning are available in the full statement: https://drive.google.com/file/d/1hCjtgC5nrkhnH13u7MVfkQXPjZ4lClPE/view

-----------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304
🟠 You can support us through donations https://acpr.center/support/

04/05/2026

English text below (turn on captions for English translation)

«ՄԵԾ ԵՂԲԱՅՐԸ ՀԱՅԱՍՏԱՆՈՒՄ Է»

📢Հայաստանում գործում է օրենք, որից շատերս տեղյակ չենք։

❗Այն հակասում է անձնական կյանքի գաղտնիության և այլ իրավունքների միջազգային չափանիշներին։

Մանրամասները՝ տեսանյութում․

Զեկույցի հղումը՝ https://acpr.center/hy/publications/report-big-brother-in-armenia/

-------------

"BIG BROTHER IN ARMENIA"

📢 There is a law in Armenia that many of us are unaware of.

❗ It contradicts international standards on the right to privacy and other rights.

Details in the video (English translation available though captions)

Report link: https://acpr.center/publications/report-big-brother-in-armenia/

--------------------------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304

29/04/2026

📢Քաղաքական իրավունքների հայկական կենտրոնը հրապարակել է զեկույց, որտեղ վերլուծվել են Սոնա Մնացականյանի վրաերթի գործով նախաքննական փուլի, դատական վարույթի, պետական պաշտոնյաների, իշխանական և մերձիշխանական լրատվամիջոցների, քարոզիչների արձագանքները։

❗Զեկույցում ներկայացված են Վարչապետի և այլ պաշտոնյաների շարասյուների, ծառայողական մեքենաների ստեղծած վթարային իրավիճակները, Ս․ Մնացականյանի գործով թերի, խնդրահարույց քննություն և ձգձգվող դատավարույթան մանրամասներ, ինչպես նաև իշխանական ապատեղեկատվությունը ու քարոզչական ճնշումները։ Մանրամասները հասանելի են զեկույցում՝ հետևյալ հղումով։

https://drive.google.com/file/d/1rt2VwLXgm-GY0tVc8qeqQUptkdAaR5YU/view

--------------------------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304

21/04/2026

📢Հայտարարություն

Ապրիլի 18-ին «Գաֆէսճեան թանգարան» հիմնադրամի ֆեյսբուքյան էջում գրառում է հրապարակվել. «բոլոր կուսակցություններին՝ Գաֆէսճեան արվեստի կենտրոնի տարածքում, այդ թվում՝ Կասկադ համալիրում և Թամանյան պուրակում քաղաքական գործունեություն ծավալելուց ձեռնպահ մնալու խնդրանքով» (https://www.facebook.com/cafesjiancentercascade/posts/pfbid0McWeyALLaRzETS61g9qk222QPTRz5oBERPgm54AHfs3ndP5BkMuSUVoGN3bQvMZ3l):

Քաղաքական իրավունքների հայկական կենտրոնը հարկ է համարում պարզաբանել իրավական որոշ կարգավորումներ և չափանիշներ այս համատեքստում։

«Հավաքների ազատության մասին» ՀՀ օրենքի 2-րդ հոդվածի 4-րդ մասի համաձայն՝ «հավաքի վայրը պետական, համայնքային կամ մասնավոր սեփականություն հանդիսացող բացօթյա տարածք (փողոց, մայթ, հրապարակ, այգի, պուրակ և այլն) կամ շինություն է, որը հավաքի անցկացման նպատակով մատչելի է յուրաքանչյուրի համար»։ Այսինքն տարածքի մատչելիությունն այն հիմնական չափանիշն է, որով տարբերակվում է տարածքի սեփականատիրոջ կամ վարձակալի մասնակցությունը՝ հավաքների իրազեկման ընթացակարգում։ Իրազեկմանը ներկայացվող պահանջների վերաբերյալ նույն օրենքի 14-րդ հոդվածի 3-րդ մասով նախատեսված է, որ «վարձակալի կամ սեփականատիրոջ գրավոր համաձայնությունը հավաքի անցկացման վերաբերյալ չի պահանջվում, եթե յուրաքանչյուր ոք ունի այդ տարածք անարգել մուտք գործելու իրավունք»: Հարկ է նշել, որ իրազեկման այս կարգը վերաբերում է մարդաշատ հավաքներին, իսկ մինչև 100 մասնակից ունեցող, ինչպես նաև ինքնաբուխ և շտապ հավաքների պարագայում իրազեկում ներկայացնելն առհասարակ անհրաժեշտ չէ (տե՛ս նույն օրենքի 9-րդ հոդվածը)։

Հավաքների ազատության մասին ՀՀ օրենքի այդ կարգավորումները համահունչ են մարդու իրավունքների միջազգային չափանիշներին։ Ըստ Վենետիկի հանձնաժողովի և ԵԱՀԿ/ԺՀՄԻԳ-ի մշակած Խաղաղ հավաքների ազատության ուղեցույցի (3-րդ հրատ)՝ խաղաղ հավաքների ազատության իրավունքով պաշտպանված են ինչպես մասնավոր հանդիպումները, այնպես էլ հանրամատչելի վայրերում անցկացվող հավաքները։ Հավաքի մասնակիցները իրավունք ունեն ընտրել հանրամատչելի վայրերում հավաքների անցկացման վայրը կամ երթուղին, որը ներառում է հանրային այգիները, հրապարակները, փողոցները, մայթերը, հետիոտնային ուղիները և հանրային շենքերի ու հաստատությունների մոտ գտնվող բաց տարածքները (տե՛ս Ուղեցույցի 61-րդ և 63-րդ պարբերությունները, https://www.venice.coe.int/webforms/documents/default.aspx?pdffile=CDL-AD(2019)017rev-e)։

Գրառման մեջ հղում է արվում «Թանգարանների մասին» ՀՀ օրենքի 12-րդ հոդվածի 9-րդ մասին, ըստ որի «արգելվում է թանգարանների օգտագործումը քաղաքական գործունեության նպատակով»։ Այս դրույթը չի կարող մեկնաբանվել որպես հանրամատչելի վայրերում հավաքների ազատության իրավունքի սահմանափակման հիմք։ Վերը նկարագրված կարգավորումները վերաբերում են հավաքների ազատությանը՝ որպես մարդու հիմնական իրավունքի, իսկ «Հավաքների ազատության մասին» օրենքը գործում է Սահմանադրության ուղիղ պահանջով (տե՛ս ՀՀ Սահմանադրության 44-րդ հոդվածի 4-րդ մասը և 81-րդ հոդվածը)։ «Հավաքների ազատության մասին» օրենքի դրույթները հատուկ նորմեր են (lex specialis), որոնց նկատմամբ այլ կարգավորումներն այդ իրավունքի համատեքստում չեն կարող ավելի բարձր իրավաբանական ուժ ունենալ։

«Գաֆէսճեան թանգարան» հիմնադրամի գրառման վերջում նշված է, որ «Քաղաքական նպատակով անցկացվող բազմամարդ միջոցառումները կարող են անդառնալի վնաս հասցնել թանգարանային նմուշներին»։ Գտնում ենք, որ որևէ վնասի ռիսկը հավաքի օրակարգով՝ «քաղաքական նպատակով» անցկացվելու հետ պայմանավորելը հիմնավոր չէ, իսկ հավաքի նպատակով պայմանավորված տարբերակված մոտեցումը խտրականություն է։

Իհարկե, թանգարանի մտահոգությունը՝ Կասկադի դիմաց Ա․ Թամանյանի անվան պուրակի տարածքում գտնվող բազմաթիվ արվեստանմուշների պահպանվածության ապահովման վերաբերյալ ամբողջությամբ հասկանալի է և իրավաչափ։ Սակայն, այդ արվեստանմուշները, ինչպես նաև այգու ողջ գույքն արդեն իսկ պաշտպանված են օրենքով ցանկացած ապօրինի միջամտությունից, լինի խաղաղ հավաքների համատեքստում թե առհասարակ։ Հարկ է նշել, որ երկար տարիների ընթացքում բազմամարդ հավաքներ անցկացվել են Երևանի այլ վայրերում, որտեղ գտնվում են Օ․ Ռոդենի, Ե․ Քոչարի և այլ հեղինակների քանդակներ (https://www.yerevan.am/hy/monument/?page=1), սակայն մշտադիտարկման ընթացքում դրանց վնասման դեպքեր չեն արձանագրվել (տե՛ս Հայաստանի հելսինկյան կոմիտեի՝ խաղաղ հավաքների մշտադիտարկման վերաբերյալ զեկույցները https://armhels.com/en/publication_category/reports/freedom-of-peaceful-assembly-en/):

Կոչ ենք անում ձեռնպահ մնալ խաղաղ հավաքների ազատության իրավունքի չափանիշներին հակասող մեկնաբանություններից և գործելաոճից։

13/04/2026

📢«Հավաքներին մասնակցելու նպատակով նյութապես շահագրգռելու» հանցակազմի վերաբերյալ (ՀՀ քրեական օրենսգրքի 236-րդ հոդվածի 2-րդ մաս) ՀՀ Սահմանադրական դատարանը նշանակել է դատաքննություն վաղը՝ ապրիլի 14-ին ժամը 11։00-ին (https://www.concourt.am/decision/decisions/6985b2d2b9439_SDAV-15.pdf):

Հանցակազմը, որը քրեականացվել էր 2021թ․ արտահերթ ընտրություններին ընդառաջ, այժմ պետք է քննարկվի ՀՀ Սահմանադրությանը համապատասխանելու տեսակետից։

Հիշեցնենք, որ անցած տարի՝ հոկտեմբերի 13-ին Եվրոպայի խորհրդի «Ժողովրդավարություն՝ իրավունքի միջոցով եվրոպական հանձնաժողովը» (Վենետիկի հանձնաժողով) հրապարակել է «հավաքներին մասնակցելու համար նյութապես շահագրգռելու» հանցակազմի մասին կարծիքը։ Ի թիվս այլ խնդիրների՝ Հանձնաժողովը եզրակացրել էր, որ գործող խմբագրությամբ այն չի համապատասխանում իրավական որոշակիության սկզբունքին։ Դրա պատճառով հավաքի կազմակերպիչները կարող են հետապնդվել այնպիսի նյութական խթաններ տրամադրելու համար, ինչպիսիք են ցուցարարների տրանսպորտի, սննդի, կացարանի կամ այլ կազմակերպչական ծախսերը, որոնք չպետք է արգելված լինեն։

❗Նշված հոդվածի կիրառման պատճառով քրեական հետապնդման են ենթարկվել և անազատության մեջ պահվել տասնյակ ընդդիմադիր քաղաքական գործիչներ և քաղաքացիներ։ Հանձնաժողովի կարծիքի և նշված հանցակազմի մասին մանրամասները տե՛ս Քաղաքական իրավունքների հայկական կենտրոնի հայտարարությունում https://acpr.center/hy/news/venice-commission-2025/

Վենետիկի հանձնաժողովը հրապարակել է իր կարծիքը «հավաքներին մասնակցելու նպատակով նյութապես շահագրգռելու» հանցակազմի վերաբերյալ (ՀՀ քրեական օրենսգրքի 236-րդ …

04/04/2026

📢The Armenian Center for Political Rights has issued a statement on detention and the charges against the student Davit Minasyan.

On March 29, 18-year-old high school student Davit Minasyan was put under pre-trial de-tention following an incident involving Prime Minister of the RA Nikol Pashinyan at St. Anna Church in Yerevan. He has been charged with “hooliganism” and “interfering with the lawful service or political activity of the official.” The incident was clearly not premeditated and caused no harm to state officials, yet it received a grossly disproportionate response from law enforcement structures.

In this context, it is evident that the criminal prosecution of opposition politician Gevorg Gevorgyan and D. Minasyan’s brother, Mikael Minasyan, as well as the apartment search, served to artificially inflate the gravity of the incident and to mislead the public.

The involvement of Judge Mnatsakan Martirosyan in turn reinforces the conclusion that Davit Minasyan’s detention was driven not by law, but by political motives.

❗Unless the preventive measure is changed, Davit Minasyan will spend the graduation period of his final year of school behind bars, which in turn will negatively affect his right to education. In light of the circumstances of the incident and the legal regulations governing pre-trial detention, the decision to deprive Davit Minasyan of his liberty is disproportionate and arbitrary.

Details and reasoning are available in the statement
https://drive.google.com/file/d/15CYGt0abCQGgFPEWtaY7tQfsxH7NGmCR/view

--------------------------------
🟠 You can support us through donations https://acpr.center/support/

03/04/2026

📢Քաղաքական իրավունքների հայկական կենտրոնը հրապարակել է հայտարարություն՝ Դավիթ Մինասյանին ներկայացված մեղադրանքի և կալանավորման մասին։

Մարտի 29-ին Երևանի Սուրբ Աննա եկեղեցում ՀՀ վարչապետ Նիկոլ Փաշինյանի մասնակցությամբ միջադեպի պատճառով կալանավորվել է 18-ամյա դպրոցական Դավիթ Մինասյանը։ Նա մեղադրվում է «խուլիգանության» և «պաշտոնատար անձի օրինական ծառայողական կամ քաղաքական գործունեությանը միջամտելու» մեջ։ Միջադեպը, որն ակնհայտորեն նախապես պլանավորված չէր և որևէ վնաս չի հասցրել պետական պաշտոնյաներին, ուժային կառույցներից արժանացել է անհամաչափ արձագանքի։

Այս համատեքստում պարզ է, որ ընդդիմադիր քաղաքական գործիչ Գևորգ Գևորգյանի, ինչպես նաև Դավիթի եղբոր՝ Միքայել Մինասյանի դեմ քրեական հետապնդման հարուցումը, բնակարանի խուզարկությունը միջադեպին արհեստականորեն «ավելի մեծ կշիռ» տալու և հանրությանը մոլորեցնելու նպատակ է հետապնդում։

Դատավոր Մնացական Մարտիրոսյանի ներգրավումն իր հերթին հաստատում է Դ․ Մինասյանին կալանավորելու ոչ թե օրենքի, այլ քաղաքական դրդապատճառներից բխող հանգամանքը։

❗Եթե խափանման միջոցը չփոխվի, Դ․ Մինասյանը դպրոցի վերջին դասարանի ավարտական շրջանն անցկացնելու է ճաղերի ետևում, ինչն իր հերթին բացասական է անդրադառնալու կրթության իրավունքի վրա։ Հաշվի առնելով միջադեպի հանգամանքները և կալանավորման՝ օրենքով նախատեսված չափանիշները, Դավիթ Մինասյանին ազատությունը զրկելու որոշումը անհամաչափ է և կամայական։

Մանրամասները և հիմնավորումները հասանելի են հայտարարությունում` https://drive.google.com/file/d/1MGwwMtKgwjiglA_v44KqoFsRbh9DNPLn/view

Հայտարարության անգլերեն տարբերակը կհրապարակվի շուտով։
--------------------------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304

18/03/2026

English text below

📢2025թ․ դեկտեմբերի 11-ին Եվրոպայի խորհրդի (ԵԽ) լրագրողների անվտանգության հարթակը ահազանգել էր Հայաստանում լրագրողների՝ Նարեկ Սամսոնյանի և Վազգեն Սաղաթելյանի ազատությունից զրկման առթիվ։ Ահազանգն առաջին աստիճանի է (Level 1), ինչը նշանակում է մեդիայի ազատության նկատմամբ ամենակոպիտ միջամտության առկայություն։ ԵԽ հարթակը կոչ էր արել ՀՀ կառավարությանը՝

· Մեկնաբանել խուլիգանության մեղադրանքներ կիրառելու և գործի ընթացքում ենթադրվող «սպառնալիքների» իրավական հիմքերը։
· Վերանայել Սաղաթելյանի և Սամսոնյանի կալանքի իրավաչափությունն ու անհրաժեշտությունը՝ նպատակ ունենալով ապահովել նրանց ազատումը՝ մարդու իրավունքների եվրոպական կոնվենցիայի պահանջներին համապատասխան։
· Բացատրել «Antifake.am»–ի լրագրողական սարքավորումների առգրավման հիմքերը և ապահովել դրանց վերադարձը։ · Տրամադրել տեղեկություններ քրեական վարույթի ընթացքի և կալանքի պայմանների վերաբերյալ»։

Պատասխան ներկայացնելու համար ՀՀ կառավարության համար սահմանվել էր եռամսյա ժամկետ՝ մինչև սույն թվականի մարտի 11-ի։

❗ԵԽ հարթակի կայքում առկա տեղեկությունից երևում է, որ ժամկետը բաց է թողնվել և մինչ այժմ ՀՀ կառավարությունից որևէ պատասխան չի ստացվել։

Հարթակի ամբողջական հայտարարությունը՝
https://fom.coe.int/en/alerte/detail/107643293

ՔԻՀԿ հայտարարությունը Antifake.am թիմի նոր քաղաքական հետապնդման մասին՝
https://drive.google.com/file/d/1L-ryEORj5Vu3SaMH2Q6jkhG1IeIbc-Ql/view

-------------

📢On December 11, 2025, the Council of Europe’s Platform for the Protection of Journalism and Safety of Journalists issued an alert regarding the detention of journalists Narek Samsonyan and Vazgen Saghatelyan in Armenia. The alert was classified as Level 1—the most serious category—indicating a severe interference with media freedom.

The Platform called on the Armenian government to:

· Clarify the legal basis for applying hooliganism charges and for any alleged “threats” forming part of the case.
· Reassess the legality and necessity of the detention of Saghatelyan and Samsonyan, with a view to ensuring their release in line with the ECHR.
· Explain the seizure of Antifake.am’s journalistic equipment and return the equipment. - Provide updates on the criminal proceedings and the conditions of detention.

The Armenian government was given a three-month deadline—until March 11 of this year—to submit а response.

❗According to the information on the Platform’s website, the deadline is missed and no reply has been received from the Armenian government to date.

Platform's full statement
https://fom.coe.int/en/alerte/detail/107643293;globalSearch=false

ACPR's statement on the new political persecution against Antifake.am's team
https://drive.google.com/file/d/1b-kuEpHJui1heNOgj5yHz0mtpvfn9-H5/view

-----------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304

01/03/2026

Հարգելի ընկերներ և համախոհներ, այսուհետ մեր բոլոր հրապարակումները և նորությունները կհրապարակվեն նաև ՔԻՀԿ կայքում։

www.acpr.center/hy/

Նախորդ հրապարակումները նույնպես հասանելի են՝ ըստ տարեթվերի և բովանդակության։

16/02/2026

English text below

Հայտարարություն

📢Փետրվարի 14-ին, դատախազությունը մեղադրանք ներկայացրեց Կաթողիկոսին և կիրառեց երկրից բացակայելու արգելք։ Մեղադրանքը նույն հիմքով է, ինչ հունվարի 31-ին ներկայացվել էր 6 եպիսկոպոսներին։ Փաստորեն, ՀԱՍԵ առաջնորդը քրեական հետապնդման է ենթարկվում նրա համար, որ կարգալույծ է արել Գևորգ (Արման) Սարոյանին, դրանով «խոչընդոտելով» նրա պաշտոնավարմանը որպես Թեմակալ Առաջնորդ։

ՔԻՀԿ-ի նախորդ հրատապ զեկույցում մանրամասն ներկայացրել էինք Մարդու իրավունքների եվրոպական դատարանի մի շարք նախադեպային որոշումներ, որոնք վերաբերում են կրոնական կազմակերպության ինքնավարությանը և պետության՝ դրան չմիջամտելու պարտավորություններին։ Անհնար է, որ ավելի քան երկու տասնամյակի իրավաբանական կրթության և աշխատանքային փորձ ունեցող գլխավոր դատախազը տեղյակ չլինի վերը նշված չափանիշներից։

🔴Դատախազության ղեկավարի և իշխող քաղաքական ուժի հարաբերությունները, ինչպես նաև իրադարձությունների հաջորդականությունը հստակ վկայում են, որ Կաթողիկոսին մեղադրանք առաջադրելը եղել է ուղիղ Ն. Փաշինյանի ցուցումով, վերջինիս վկայակոչած «շատ կոշտ հակազդեցության» համատեքստում։

🔴Այս հանգամանքները հաշվի առնելով՝ պարզ է, որ Կաթողիկոսին և 6 եպիսկոպոսներին քրեական մեղադրանք առաջադրելը, նրանց տեղաշարժման իրավունքը սահմանափակելը անթաքույց հետապնդում է ՀԱՍԵ եպիսկոպոսաց ժողովին նրանց մասնակցությունը արգելելու նպատակով։ Այս արգելքը հետևանք է Սահմանադրության և Մարդու իրավունքների եվրոպական կոնվենցիայի (ՄԻԵԿ) իրավունքի կոպիտ խախտման, մասնավորապես՝ կրոնական կազմակերպության ինքնավարությանը պետության կողմից չմիջամտելու պարտականության չկատարման, որի արդյունքում խախտվում է ինչպես ՀԱՍԵ կրոնի, այնպես էլ՝ խաղաղ հավաքների և միավորումների ազատության իրավունքները։ ՄԻԵԿ իմաստով նման գործողություններն ուղղակի արգելվում են 18-րդ հոդվածով։

Հայտարարությունն ամբողջությամբ հասանելի է հետևյալ հղումով՝

https://drive.google.com/file/d/18XGJH3U83lMIwJwxZc5kvrA2XnbhNiP7/view?usp=sharing

Սույն հայտարարությանն անգլերեն տարբերակը ներկայացվել է մարդու իրավունքների պաշտպանության ոլորտում գործող միջազգային կազմակերպություններին, որոնց անդամակցում է Հայաստանի Հանրապետությունը, նրանց մասնագիտացված գրասենյակներին և համապատասխան պաշտոնատար անձանց, ինչպես նաեւ ՀՀ-ում և այլ երկրներում գործող իրավապաշտպան կազմակերպություններին.
--------------------------------

Statement

📢On 14 February, the Prosecutor’s Office brought charges against the Catholicos and imposed a ban on leaving the country. The charge is based on the same grounds as those brought against the six bishops on 31 January. In essence, the leader of the AAHC is being subjected to criminal prosecution for having defrocked Gevorg (Arman) Saroyan, thereby allegedly “obstructing” his exercise of the office of Diocesan Primate.

In its Urgent Report, the Armenian Center for Political Rights presented in detail a number of leading judgments of the European Court of Human Rights concerning the autonomy of religious organizations and the State’s obligation of non-interference․ It is implausible that a Prosecutor General with more than two decades of legal education and professional experience would be unaware of the aforementioned standards.

🔴The relationship between the head of that institution and the ruling political party, as well as the sequence of events, clearly indicate that the decision to charge the Catholicos was taken pursuant to a direct instruction from N. Pashinyan, within the logic of the “very harsh counteraction” he publicly announced.

🔴In light of these circumstances, it is evident that the criminal charges brought against the Catholicos and six bishops, and the restrictions imposed on their freedom of movement, constitute an undisguised attempt to prevent their participation in the Episcopal Assembly of the AAHC. This prohibition results from a grave violation of the Constitution and of the ECHR, in particular the State’s obligation not to interfere with the autonomy of religious organizations. As a consequence, not only the rights of the AAHC under Article 9 of ECHR, but also the rights to freedom of peaceful assembly and association, are infringed. Within the meaning of the Convention, such actions are directly prohibited by Article 18.

Full statement is available through this link
https://drive.google.com/file/d/1H_01lx2ezSWU37Qg3HOeE2CfHFlmNgiz/view?usp=sharing

--------------------------------
🟠Մեզ կարող եք աջակցել նվիրատվությամբ։
ՔԻՀԿ հաշվեհամարը՝ 19300075334600 (Կոնվերս Բանկ ՓԲԸ)
Փոխանցման նպատակը՝ «Նվիրատվություն»
Դրամահավաքի մանրամասներն այստեղ https://www.facebook.com/acpr.center/posts/122244033290136304