Union of Film Professionals of Armenia / Հայաստանի Կինոգործիչների միություն

17/08/2026

ՀԱՄԱՇԽԱՐՀԱՅԻՆ ԺԱՄԱՆԱԿԱԿԻՑ ԱՐՎԵՍՏՈՒՄ ՃԱՆԱՉՎԱԾ ԱՐՏԻՍՏ ԱՐՆԱՈՒՏ ՄԻԿԸ՝ ԿԻՆՈՅԻ ՏԱՆԸ։

Օգոստոսի 15-ին Կինոյի տուն այցելեց համաշխարհային ժամանակակից արվեստում ճանաչված արտիստ ԱՐՆԱՈՒՏ ՄԻԿԸ, որը Հայաստանում է ժամանակակից արվեստի Gyumri Art Week միջազգային փառատոնի շրջանակներում և Գյումրիում Miassine հիմնադրամի ցուցասրահում ներկայացրել է իր ստեղծագործությունը Sargis Hovhannisyan-ի համադրությամբ կայացած «Սպասելով ժամանակին» խմբային ցուցադրությանը։

Հատկանշական է, որ ԱՐՆԱՈՒՏ ՄԻԿԸ Հայաստանում է իր ուսանողների, գործընկերների հետ, և նրանք ուսումնասիրում են Հայաստանի, նրա քաղաքների մշակութային միջավայրերը, շրջել են Գյումրիում, Երևանում, այցելել են Հայոց Ցեղասպանության թանգարան-ինստիտուտ և այլն։

Կինոյի տանը նրանք ծանոթացան Հայաստանի մշակութային կարևորագույն ենթակառուցվածքներից մեկի՝ Երևանի կինոյի տան հնարավորություններին, դահլիճներին, ցուցասրահին, որտեղ արդեն իսկ կայացել են միջազգային մի քանի ցուցահանդեսներ ժամանակակից արվեստի ոլորտում, որը, սակայն, ունի առավել մեծ հնարավորություններ, եթե ներգրավվեն միջազգային առավել նորարար մոտեցումներ, միջոցներ, գաղափարներ, որոնք այսօր իշխող են ժամանակակից արվեստում։

ԱՐՆԱՈՒՏ ՄԻԿԸ հայտնի է իր ինստալացիաներով, ֆիլմերով, որոնք այսօր նաև մաս են միջազգային ժամանակակից արվեստի և հետաքրքրված էր հայկական կինոյով, նրա անցյալով, ներկայով և զարգացումներով։

Նիդերլանդացի արտիստը ծանոթ էր Հայաստանի կինոգործիչների միության նախագահ, կինոռեժիսոր ՀԱՐՈՒԹՅՈՒՆ ԽԱՉԱՏՐՅԱՆԻ կինոյին, տեսել էր նրա «Կոնդ», «Սահման» ֆիլմերը, ծանոթ էր Փարիզի «Ժորժ Պոմպիդու» արվեստի և մշակույթի ազգային կենտրոնում կայացած ՀԱՐՈՒԹՅՈՒՆ ԽԱՉԱՏՐՅԱՆԻ ֆիլմերի աննախադեպ հետահայացի արձագանքներին և հիացմունքով խոսեց թե կինոյի, թե երևույթի մասին։

Բավական հետաքրքիր զրույց ունեցանք հետագա համագործակցությունների, նոր ցուցադրությոնների, կինոյի և ժամանակակից արվեստի համադրումների շուրջ։

Կինոյի տան մեծ դահլիճը մեծապես զարմացրեց ԱՐՆԱՈՒՏ ՄԻԿԻՆ իր պահպանվածությամբ, վերագործարկման մոտեցումներով, իր ճարտարապետությամբ և լուծումներով։

Նա և նրա հետ Կինոյի տուն այցելած հյուրերը եղան նաև լեգենդար ԲՈՒԽԱՐՈՒ ՍՐԱՀՈՒՄ, կինոթանգարանում, իսկ ցուցասրահը, որտեղ արդեն իսկ կայացել են ժամանակակից արվեստի բազմաթիվ ակտեր, ուղղակի հիացրեց ներկաներին՝ հուշելով լայն հնարավորությունների մասին, հուշելով մտքեր ու գաղափարներ։

13/08/2026

ԲԱԳՐԱՏ ՀՈՎՀԱՆՆԻՍՅԱՆ․ ՇՆՈՐՀԱՎՈՐ ԾՆՆԴՅԱՆԴ ՕՐԸ, ՎԱՐՊԵՏ։

Հայկական կինոյում կան անհատականություններ, առանց որոնց անհնար է պատկերացնել հայկական կինոն, նրա ընթացքը, նրա ձեռագրային նշանակությունը։
Այդ անհատականություններից է ԲԱԳՐԱՏ ՀՈՎՀԱՆՆԻՍՅԱՆԸ, որի կինոժառանգությունը հայկական մշակութային ժառանգության բացառիկ մասն է։

Նրա ֆիլմերը՝ «Տերը», «Աշնան արև», «Հնձան», «Աղքատի պատիվը» և այլն, նրա ստեղծած կերպարները սիրելի են ու հարազատ։

Շնորհավոր ծնունդդ, Վարպետ։

13/08/2026

ԵՂԵՔ ՏԵՂԵԿԱՑՎԱԾ

ՀԱՐԳԵԼԻ ԳՈՐԾԸՆԿԵՐՆԵՐ

2026 թվականի նոյեմբերին Մոսկվայում անցկացվելու է երկրորդ «Ադամանդե թիթեռ» բաց եվրասիական կինոմրցանակաբաշխությունը, որի նպատակն է խրախուսել ավանդական բարոյական արժեքները ներկայացնող կինոարվեստի գործիչներին, և նպաստել մշակութային համագործակցության զարգացմանը։

Մրցանակաբաշխությանը կարող են մասնակցել նաև հայկական արտադրության ֆիլմերը։

Մասնակցության հայտը և մասնակցությանը վերաբերող ողջ տեղեկատվությանը կարող եք ծամոթանալ ստորև բերված ՀՂՄԱՄԲ՝ մուտք գործելով «ARMENIA-2T550825C39C» անձնական մուտքի կոդի միջոցով։
https://eurasianfilmacademy.com/

Ֆիլմերի ներկայացման վերջնաժամկետը 2026 թվականի սեպտեմբերի 1-ն է։

Официальный сайт Евразийской Киноакадемии и кинопремии «Бриллиантовая бабочка». Кинофестиваль, награда, архив церемоний.

07/08/2026

ԺԱՄԱՆԱԿԱԿԻՑ ԱՐՎԵՍՏԻ ԳԵՐՄԱՆԱՑԻ ՊՐՈՖԵՍՈՐՆԵՐԸ ՀԵՏԱՔՐՔՐՎԱԾ ԷԻՆ ՀԱՐՈՒԹՅՈՒՆ ԽԱՉԱՏՐՅԱՆԻ ԿԻՆՈՅՈՎ

Երեկ Հայաստանի կինոգործիչների միությունում էին պրոֆեսոր ԿԼԱՈՒՍ ՖՐԻԴԵՆ և պրոֆեսոր ԴԱԳՄԱՐ ՇՈՒԼՏԴԸ Գերմանիայից, որոնք Հայաստան են ժամանել Gyumri Art Week ժամանակակից արվեստի միջազգային փառատոնի շրջանակներում և Գյումրիում դասախոսություն են կարդալու
«Ժամանակակից արվեստն այսօր․ համադրողական պրակտիկա, արվեստային հետազոտություն և միջազգային համագործակցություն» թեմայով և հենց միջազգային համագործակցության հեռանկարներն էլ նրանց բերել էր Կինոյի տուն։

Գերմանացի պրոֆեսորները ծանոթացան Կինոյի տան ենթակառուցվածքներին՝ դահլիճներին, ցուցասրահին, որը գնալով ավելի մեծ համարում է ձեռք բերում հատկապես ժամանակակից արվեստով զբաղվողների շրջանում։ Եթե ասենք, որ նրանք հիացած էին այն աշխատանքով, ինչն արվել է, կնշանակի ոչինչ չասել հանդիպման մասին։

Առավել հետաքրքրական էր նրանց հետաքրքրվածությունը ՀԱՐՈՒԹՅՈՒՆ ԽԱՉԱՏՐՅԱՆԻ կինոյով։ Նրանք տեսել էին ՀԱՐՈՒԹՅՈՒՆ ԽԱՉԱՏՐՅԱՆԻ ֆիլմերը Բեռլինում և խոսելով դրանց մեծ արժեքի, կինոմատոգրաֆիական նշանակության մասին, ցանկություն հայտնեցին, որպես համաշխարհային կինոմշակույթի մաս դրանք ներկայացնել Գերմանիայում։

Գերմանացի մասնագետները ոգևորված էին փաստով, որ ՀԱՐՈՒԹՅՈՒՆ ԽԱՉԱՏՐՅԱՆԻ ֆիլմերը ոչ միայն հետահայաց ցուցադրություններ են ունեցել աշխարհի բազմաթիվ քաղաներում, կինոփառատոներում, այդ թվում և Բեռլինի հեղինակավոր կինոթատրոններում, այլև բացառիկ ցուցադրություն են ունեցել Փարիզի «ԺՈՐԺ ՊՈՄՊԻԴՈՒ» արվեստի և մշակույթի ազգային կենտրոնում։

Հավանաբար երկար չի տևի համագործակցության սկիզբը ինչպես ՀԱՐՈՒԹՅՈՒՆ ԽԱՉԱՏՐՅԱՆԻ ֆիլմերի հետահայաց ցուցադրությունների մասով, այնպես էլ Կինոյի տան հետ, որը կարող է դառնալ նաև ժամանակակից արվեստի ներկայացման հրաշալի հարթակ։

07/08/2026

ՏՈՐՈՆՏՈՅԻ ՄԻՋԱԶԳԱՅԻՆ ԿԻՆՈՓԱՌԱՏՈՆՆ ԱՅՍ ՏԱՐԻ ՇԱՏ ԷԱԿԱՆ ՀԱՅԿԱԿԱՆ ՀԵՏՔ Է ՈՒՆԵՆԱԼՈՒ։

Տորոնտոյի միջազգային կինոփառատոնը, որ կմեկնարկի սեպտեմբերին, այս տարի շատ էական հայկական հետք է ունենալու։ Հայկական կինոն այս տարի՝ հին ու նոր սերունդների բացառիկ հետաքրքիր համադրությամբ, լինելու է փառատոնի էկրանին։

Փառատոնը նշում է, որ տարվա մեծագույն կինեմատոգրաֆիական նվերներից մեկը լինելու է մեծանուն հայ կինոռեժիսոր ԱՐՏԱՎԱԶԴ ՓԵԼԵՇՅԱՆԻ կինոյին նվիրված Pelechian Project ծրագիրը, որը Վարպետի հինգ ֆիլմերը՝ վերականգնված 4K ձևաչափով, ներկայացնելու է փառատոնի հանդիսատեսին՝ որպես ձոն ուղղված մարդկությանը և նրա գոյության բնական ցիկլերին:

Սա, իրապես, հայկական կինոյի մեծ ներկայություն է, որի համար շնորհավորում ենք թե Վարպետին, թե բոլորիս և բոլոր նրանց, ովքեր նրա ֆիլմերը դիտելու հնարավորություն են ունենալու։

Տորոնտոյի միջազգային կինոփառատոնում կայանալու է նաև կինոռեժիսոր ՕՖԵԼՅԱ ՀԱՐՈՒԹՅՈՒՆՅԱՆԻ նոր` Հայաստան-Ֆրանսիա արտադրության կարճամետրաժ ֆիլմի համաշխարհային պրեմիերան, որի համար նույնպես սիրով շնորհավորում ենք ֆիլմի ողջ ստեղծագործական կազմին, մեր բոլոր գործընկերներին՝ այդ թվում և Հայաստանի կինոգործիչների միության անդամներ Mko Malkhasyan-ին, Vartan Hakobyan-ին, բոլորին։

Սա ևս կարևոր ձեռքբերում է հայկական կինոյի համար։

Տորոնտոյի միջազգային կինոփառատոնը նաև հարգանքի տուրք է մատուցելու հուլիսին կյանքից հեռացած ԵՐՎԱՆՏ ՋԻԱՆԻԿՅԱՆԻՆ՝ փորձարարական, անկախ կինոմատոգրաֆի Վարպետին, որի ստեղծագործությունները որպես եզակի գործեր ցուցադրվել են աշխարհի ամենահեղինակավոր միջազգային կինոփառատոներում և թանգարաններում:

Կրկին ու կրկին բոլորին ու բոլորիս շնորհավորում ենք այս կարևորագույն իրադարձությունների առթիվ և սպասում Տորոնտոյի միջազգային կինոփառատոնի բացմանը։ ❤

PELECHIAN PROJECT
https://www.tiff.net/films/pelechian-project

FRIED CHICKEN & STRIP CHECKERS
ՏԱՊԱԿԱԾ ՀԱՎ ԵՎ ՍՏՐԻՊ ՇԱՇԿԻ
OPHELIA HARUTYUNYAN

https://www.tiff.net/films/short-cuts-2026-programme-01

Լուսանկարները՝ Armenian Film Society

29/07/2026

ՀՈՒԼԻՍԻ 30-ԻՑ ԹԱՄԱՐԱ ՍՏԵՓԱՆՅԱՆԻ «ԱՐՏՈՅԻ ԵՐԿԻՐԸ» ՖԻԼՄԸ՝ ԿԻՆՈՄՈՍԿՎԱՅԻ ԷԿՐԱՆԻՆ

Այս ֆիլմը՝ Tamara Stepanyan-ի «ԱՐՏՈՅԻ ԵՐԿԻՐԸ», որը նախ դարձավ Լոկառնոյի հեղինակավոր միջազգային կինոփառատոնի, այնուհետև «Ոսկե ծիրան» միջազգային կինոփառատոնի բացման ֆիլմը, իսկ դրանց առաջ նվաճեց «Լավագույն սցենար», «Կնոջ լավագույն դերակատարում», «Լավագույն ռեժիսորական աշխատանք» և «Լավագույն խաղարկային ֆիլմ» անվանակարգերի մրցանակները «Անահիտ» մրցանակաբաշխությունում, ՀՈՒԼԻՍԻ 30-ԻՆ ՀԱՅԱՍՏԱՆՅԱՆ ՎԱՐՁՈՒՅԹԻ ԻՐ ՊՐԵՄԻԵՐԱՆ ԿՈՒՆԵՆԱ ԿԻՆՈՄՈՍԿՎԱՅՈՒՄ։

Շնորհավորում ենք մեր գործընկերոջն ու ֆիլմի ստեղծագործական կազմին հայաստանյան վարձույթի առթիվ։

Իսկ թե ինչպես կարող եք դիտել մեծ աղմուկ հանած այս ֆիլմը՝ ԱՆՑԵՔ ՀՂՈՒՄՈՎ։ ❤

Արտոյի երկիրը - գնեք օնլայն տոմս և դիտեք ֆիլմը մեծ էկրաններին: Ժանր՝ Դրամա. Լեզու՝ Ֆրանսերեն, հայերեն, անգլերեն, ենթագրերը՝ հայերեն. Ռեժիսոր՝ Թամարա Ստեփանյան

20/07/2026

23-ՐԴ «ՈՍԿԵ ԾԻՐԱՆ» ՄԻՋԱԶԳԱՅԻՆ ԿԻՆՈՓԱՌԱՏՈՆԻ ՀԱՂԹՈՂ ՖԻԼՄԵՐԸ ԿԱՐՈՂ ԵՔ ԴԻՏԵԼ

19/07/2026

ՀԱՅԱՍՏԱՆՈՒՄ ՈՒՐՈՒԳՎԱՅԱԿԱՆ ԿԻՆՈՅԻ ՇՐՋԱՆԱԿՆԵՐՈՒՄ ԴԻՏԵՔ

ՀՈՒԼԻՍԻ 23-ԻՆ, ԺԱՄԸ 19։00-ԻՆ
(Հայաստանի կինոգործիչների միության ԼՈՐԻԿ կապույտ սրահում։

ՄՈՒՏՔԸ՝ Արամի փողոցից, Վերնիսաժի կողմից, Հայաստանի կինոգործիչների միության մուտքից, 3-րդ հարկ)։

19/07/2026

ՀԱՅԱՍՏԱՆՈՒՄ ՈՒՐՈՒԳՎԱՅԱԿԱՆ ԿԻՆՈՅԻ ՇՐՋԱՆԱԿՆԵՐՈՒՄ ԴԻՏԵՔ

ՀՈՒԼԻՍԻ 21-ԻՆ, ԺԱՄԸ 19։00-ԻՆ
(Հայաստանի կինոգործիչների միության ԼՈՐԻԿ կապույտ սրահում։

ՄՈՒՏՔԸ՝ Արամի փողոցից, Վերնիսաժի կողմից, Հայաստանի կինոգործիչների միության մուտքից, 3-րդ հարկ)։