01/10/2026
✨ ՆՎԻՐՈՒՄԻ ՃԱՆԱՊԱՐՀՈՎ․ ՄԵՐ ՍԵՊՏԵՄԲԵՐՅԱՆ ՀՈԲԵԼՅԱՐՆԵՐԸ ✨
🌺 Լամարա Հաջյանի ղեկավարությամբ ԵՀՍԿ Սպիտակի մասնաճյուղն ապրում է ստեղծագործական ու ջերմ կյանքով։ Նրա անսպառ էներգիան ապահովում է մասնաճյուղի յուրաքանչյուր նախագծի հաջողությունը։ Տիկին Լամարայի հատուկ վերաբերմունքն ու ուշադրությունը երեխաների նկատմամբ կենտրոնում ձևավորում են ապահով ու բարի մթնոլորտ, որտեղ յուրաքանչյուր սան իրեն սիրված ու կարևորված է զգում:
💫 Շնորհակալ ենք, սիրելի՛ տկն Հաջյան, Ձեր նվիրվածության, պատրաստակամության և Սպիտակի մեր թիմը սիրով ու պատասխանատվությամբ ղեկավարելու համար։
🌸 ԵՀՍԿ Սպիտակի մասնաճյուղի սոցիալական մանկավարժ Նարինե Դանիելյանը մարմնավորում է այն իսկական մտավորականին, ում մեղմությունն ու հավասարակշիռ վերաբերմունքը վստահություն են ներշնչում բոլորին։ Նա իմաստուն ուղեկից է, ով օգնում է մեր սաներին՝ հաղթահարել կյանքի դժվարություններն ու գտնել իրենց ճշմարիտ ուղին։
☀️️ Շնորհակալ ենք, սիրելի՛ Նարինե, Ձեր իմաստնության, լայնախոհության և այն լույսի համար, որով առաջնորդում եք երեխաներին՝ սովորեցնելով լինել ուժեղ և արժանապատիվ:
🖌️ ԵՀՍԿ Սպիտակի մասնաճյուղի նկարչության մանկավարժ Նաիրին իր զուսպ կեցվածքով ու մարդկային ջերմությամբ իսկույն համակրանք է շահում։ Նա աչքի է ընկնում սաների ու շրջապատի նկատմամբ անսահման հոգատարությամբ՝ իր խորը գիտելիքները երեխաներին փոխանցելով համեստորեն և մեծ սիրով։
🌿 Շնորհակալ ենք, սիրելի՛ Նաիրի, Ձեր սրտացավ աշխատանքի և մեր սաներին գույների աշխարհն ուշադրությամբ ու ջերմությամբ բացահայտելու համար:
🎨 ԵՀՍԿ դեկորատիվ-կիրառական արվեստի մանկավարժ Անահիտ Ազատյանն այնպիսի վարպետ է, ում մասին իսկապես կարելի է ասել՝ «ոսկե ձեռքեր» ունի։ Նրա ուղղորդմամբ ԵՀՍԿ Սպիտակի մասնաճյուղում մեր սաների պատրաստած տիկնիկներն ու ձեռագործ աշխատանքները աչքի են ընկնում բացառիկ նրբագեղությամբ։ Անահիտն իր հմտությունները մեծ նվիրումով փոխանցում է երեխաներին՝ սովորեցնելով սեփական ձեռքերով գեղեցկություն ստեղծել։
✨ Շնորհակալ ենք, սիրելի՛ Անահիտ, Ձեր անսպառ երևակայության, կազմակերպվածության և մեր սաների մեջ արարելու սեր սերմանելու համար:
🎭 ԵՀՍԿ թատերական խմբակի մանկավարժ Հրաչուհի Լոռեցյանն աչքի է ընկնում բեմական վառ կեցվածքով, արտիստիզմով և խոսքի գեղեցիկ մատուցմամբ։ Իր թարմ էներգիայով, ստեղծագործական մոտեցմամբ ու պատասխանատվությամբ նա ԵՀՍԿ Սպիտակի մասնաճյուղում ստեղծում է անկաշկանդ միջավայր՝ նպաստելով մեր սաների ինքնարտահայտմանն ու երևակայության զարգացմանը։
🕊️ Շնորհակալ ենք, սիրելի՛ Հրաչուհի, Ձեր նվիրվածության, ստեղծագործական ավյունի և երեխաների մեջ թատերարվեստի նկատմամբ սեր ու ինքնավստահություն ներշնչելու համար:
#ԵՀՍԿ #ԱմսվաՀոբելյարներ #արվեստիկրթություն
