03/06/2026
📣 «ՄԵՆՔ ԿԱՆՔ» ԾՐԱԳԻՐԸ ՄԵԿՆԱՐԿԵՑ ՀԱՄԱՅՆՔԱՅԻՆ ՀՅՈՒՐԱԽԱՂԵՐԻ ՇԱՐՔԸ՝ ԳՅՈՒՄՐԻԻՑ
Մայիսի 31-ին Գյումրու Մարզամշակութային կենտրոնում կայացավ «Մենք կանք» մշակութային միջոցառումը՝ ազդարարելով համայնքային հյուրախաղերի ծրագրի մեկնարկը։
🤗 Գյումրին մեզ ընդունեց մեծ սիրով, ջերմությամբ և բաց սրտով։ Հանդիսատեսի անկեղծ արձագանքները, համերգի ավարտից հետո հնչած շնորհակալության խոսքերն ու հուզիչ հանդիպումները դարձան լավագույն վկայությունն այն իրողության, որ մշակույթը շարունակում է միավորել մարդկանց։
🖼️ Միջոցառման շրջանակում ներկայացվեց արցախցիների ստեղծագործական աշխատանքների ցուցահանդեսը, որտեղ այցելուները հնարավորություն ունեցան ծանոթանալու մեր հայրենակիցների արվեստին, ձեռագործ աշխատանքներին և ստեղծագործական ներուժին։
💃🏻Համերգային ծրագրում ելույթ ունեցան արցախյան մշակութային համույթներն ու անհատ կատարողները՝ ներկայացնելով արցախյան երգը, պարը և ազգային երաժշտությունը։ Յուրաքանչյուր կատարում հանդիսատեսի կողմից ընդունվում էր ջերմ ծափահարություններով, իսկ բեմում ու դահլիճում զգացվում էր նույն կարևոր ուղերձը՝ մշակույթը շարունակում է ապրել և միավորել մեզ։
🫂Շնորհակալություն ենք հայտնում Գյումրու բնակիչներին, մեր բոլոր հյուրերին, մասնակիցներին և գործընկերներին՝ այս գեղեցիկ օրը մեզ հետ կիսելու համար։
🤗 «Մենք կանք» ծրագիրը շարունակվում է։
Առջևում նոր համայնքներ, նոր հանդիպումներ և նոր մշակութային կամուրջներ են։
Քանի դեռ հնչում է մեր երգը, քանի դեռ շարունակվում է մեր պարը, քանի դեռ ապրում է մեր մշակույթը՝
🇦🇲 ՄԵՆՔ ԿԱ՛ՆՔ։
#Արցախ
#Արցախիմշակույթ
#արցախյանմշակույթիպահպանմանկենտրոն
