Armath Engineering Makerspaces

03/10/2026

ArmRobotics 2026-ի հայտերի ընդունումն ավարտված է։ 🤖

Այս տարի միասին նոր ռեկորդ սահմանեցինք՝ 180 թիմ Հայաստանի տարբեր STEM և ճարտարագիտական կրթական ծրագրերից։ Սա ԱրմՌոբոտիքսի պատմության մեջ գրանցված թիմերի ամենամեծ թիվն է։ 🚀

Շնորհակալ ենք բոլոր թիմերին, խմբավարներին և ծնողներին՝ վստահության, էներգիայի և մեծ հետաքրքրության համար։ 💛

Առջևում ընտրության փուլն է, իսկ հետո կհանդիպենք մարզային մրցույթներին։

Հետևե՛ք մեզ՝ հաջորդ քայլերին ծանոթանալու համար։

Մրցույթն անցկացվում է ՀՀ կրթության, գիտության, մշակույթի և սպորտի նախարարություն բարձր հովանու ներքո և Eleveight AI-ի հովանավորությամբ։

02/10/2026

Հոկտեմբերի 1-ին Նաիրի Զարյանի անվան թիվ 130 դպրոցի «Արմաթ» ճարտարագիտական աշխատանոցը հյուրընկալեց Գերմանիայի Paulinenpflege կենտրոնի սաներին և ուսուցիչներին։ 🇦🇲🇩🇪

Մեր Արմաթցիները հյուրերին ներկայացրին իրենց նախագծերն ու աշխատանոցի հնարավորությունները, որից հետո բոլորը միասին անցան սովորելու և ստեղծելու։ 💡

Երեխաները ծանոթացան աշխատանոցի սարքավորումներին, միասին սովորեցին համակարգչային խաղ կոդավորել, իսկ հետո նաև խաղացին իրենց ստեղծած խաղերը։ 🎮✨

Եվս մեկ հրաշալի օրինակ, թե ինչպես կարող են տեխնոլոգիաները միավորել երիտասարդներին՝ միասին սովորելու, փորձով կիսվելու և նոր կապեր ստեղծելու համար։ 💛

24/09/2026

Հիշո՞ւմ եք նախորդ ԱրմՌոբոտիքսի էներգիան։ 🤖⚡️

Փորձարկումներ, վերջին րոպեի շտկումներ, թիմային աշխատանք ու մեծ ոգևորություն։ 🚀

Այս տարի այդ ամենը վերադառնում է՝ նոր թեմայով ու նոր մարտահրավերներով։💛

ArmRobotics 2026-ի թեման է՝ «Խելացի ռոբոտները արհեստական բանականության գործարանում»։ Թիմերը ստեղծելու են ռոբոտներ՝ համադրելով ռոբոտաշինությունը, ծրագրավորումը, մոդելավորումն ու արհեստական բանականությունը։

Մրցույթն անՀՀ կրթության, գիտության, մշակույթի և սպորտի նախարարություն ՀՀ կրթության, գիտության, մշակույթի և սպորտի նախարարության բարձր հովանու ներքո և Eleveight AI հովանավորությամբ։

🏆 Եզրափակիչ՝ նոյեմբերի 21 | Digitec 2026
⏳ Գրանցման վերջնաժամկետ՝ սեպտեմբերի 30
📝 Գրանցում՝ https://forms.gle/HMqNgX8reiDBkitC8
📄 Կանոնակարգ՝ https://drive.google.com/file/d/1Wibmw-xzdHxKF2htxJRobcahFs_-GRjJ/view

❓ Հարցերի համար՝ [email protected] , հեռ․ +37491406501

14/09/2026

🤖 Ժամանակն է կրկին ցուցադրելու մեր ճարտարագիտական մտածելակերպը․ մեկնարկում է ArmRobotics 2026-ը՝ Ինքնավար ռոբոտների 18-րդ առաջնությունը։

🎯 Այս տարվա թեման է՝ «Խելացի ռոբոտները արհեստական բանականության գործարանում»։

Գրաֆիկական անսարք պրոցեսորներից մինչև հրդեհի հայտնաբերում ու փաթեթների ակտիվացում՝ մասնակիցները կստեղծեն ռոբոտներ, որոնք կկարողանան «մտածել», որոշումներ կայացնել և գործել իրական գործարանային միջավայրին մոտ պայմաններում։

Մրցույթը անցկացվում է ՀՀ կրթության, գիտության, մշակույթի և սպորտի նախարարություն բարձր հովանու ներքո։

Այս տարի ԱրմՌոբոտիքսն անցկացվում է Eleveight AI-ի հովանավորությամբ։ Եվ այս համագործակցությունը պատահական չէ. մինչ Հայաստանում գործարկվում և զարգացվում է առաջին ԱԲ գործարանը, մասնակիցները, համադրելով ռոբոտաշինությունը, ծրագրավորումը, մոդելավորումն ու արհեստական բանականությունը, նախագծելու և պատրաստելու են ռոբոտներ, որոնք նախատեսված են հենց ԱԲ գործարանի միջավայրում խնդիրներ լուծելու համար:

🏆 ԱրմՌոբոտիքս 2026-ի եզրափակիչը կանցկացվի Digitec-ի շրջանակում, որտեղ թիմերը հնարավորություն կունենան իրենց ռոբոտներն ու ճարտարագիտական լուծումները ներկայացնելու Հայաստանի և միջազգային տեխնոլոգիական համայնքներին։

Արդեն 18 տարի Union of Advanced Technology Enterprises-UATE-ն անցկացնում է ԱրմՌոբոտիքս մրցույթը՝ խթանելով երիտասարդների հետաքրքրությունը ռոբոտաշինության, ծրագրավորման և էլեկտրոնիկայի նկատմամբ։

Հրավիրում ենք կրթական և տեխնոլոգիական թիմերին մասնակցելու մրցույթին՝ ներկայացնելով իրենց ճարտարագիտական լուծումները։

📅 Կարևոր ամսաթվեր
🔹 Հայտերի ներկայացում՝ մինչև 30.09.2026
🔹 Մարզային փուլեր՝ 06–10.11.2026
🔹 Հանրապետական հաքաթոն (փորձարկումներ)՝ 20.11.2026
🏆 Եզրափակիչ մրցույթ՝ 21.11.2026 | Digitec

📄 Կանոնակարգ՝ https://drive.google.com/file/d/1Wibmw-xzdHxKF2htxJRobcahFs_-GRjJ/view?usp=sharing
📝 Գրանցում՝ https://forms.gle/HMqNgX8reiDBkitC8
❓ Հարցերի համար՝ [email protected] , հեռ․ +37491406501

01/09/2026

Շնորհավոր Գիտելիքի և դպրության օր, Արմաթցինե՛ր։ 📚

Թող նոր ուսումնական տարին լի լինի նոր գիտելիքներով, համարձակ գաղափարներով ու բացահայտումներով։

«Արմաթ»-ում սովորելը նաև ստեղծել, փորձարկել ու սեփական գաղափարներին կյանք տալն է։ 💡

Բարի ուսումնական տարի✨

27/08/2026

9 օր, 130+ ճամբարական ու հարյուրավոր հիշողություններ։✨

«Արմաթ» տեխնոճամբար 2026-ն ավարտվեց, բայց այս 9 օրերի տպավորությունները դեռ երկար կմնան մեզ հետ։

Այս օրերին տեխնոլոգիան միախառնվեց արկածների հետ․
🌟 Ռոբոտաշինություն և ծրագրավորում
🌟 Արշավներ և սպորտային խաղեր
🌟 Ազգային երգ ու պար
🌟 Նոր ընկերներ ու հարյուրավոր վառ հիշողություններ

Իսկ թե ինչպիսին էր ճամբարը հենց մասնակիցների համար՝ տեսեք այս տեսանյութում։ 🎥

Մինչև հաջորդ տեխնոճամբար💛

#Արմաթ #ԱրմաթՏեխնոճամբար #Տեխնոճամբար2026 #Դիլիջան

18/08/2026

Երեկ պատիվ ունեցանք Իջևանի «Արմաթ» աշխատանոցներից մեկում հյուրընկալելու Հայաստանում Քուվեյթի արտակարգ և լիազոր դեսպան Ն.Գ. Պրն. Մուհամմեդ Տարեկ Ալի Ալ-Օրայֆանին 🤝

Մեր սաները հպարտությամբ ներկայացրին իրենց նախագծերը, ոգեշնչող զրույց ունեցան Նորին Գերազանցության հետ, իսկ դեսպանը նույնիսկ փորձարկեց նրանց աշխատանքներից մի քանիսը 💡🛠️

Միշտ ուրախ ենք հյուրընկալել հյուրերի, որոնք կիսում են կրթության և երիտասարդների հզորացման մեր տեսլականը։

Շնորհակալություն այցելության համար, Ձերդ Գերազանցություն 🇦🇲🇰🇼

06/08/2026

Դասասենյակում ծնված դպրոցական երազանքից՝ մինչև իրական ստարտափ Sevan Startup Summit-ում: 🚀

Տարիներ առաջ Արմաթ/Կարճաղբյուրի միջնակարգ դպրոցի աշխատանոցում ձևավորված խմբավար-սան կապն ու թիմային ոգին այսօր դարձել են հիմք՝ նոր գաղափարներ կյանքի կոչելու համար: 💡 Դեռ դպրոցում սահմանափակ ռեսուրսներով տպավորիչ արդյունքներ գրանցած մեր սաներն այժմ, արդեն որպես ուսանողներ ու խմբավարներ, ներկայացրին իրենց Water2Data (River2Sevan) նախագիծը Seaside Startup Summit-ում:

Ստարտափը IoT սարքավորումներով չափում է ջրի որակն ու առաջարկում էկո-լուծումներ՝ Սևանա լճի աղտոտումը կանխելու համար: 🌊

📷 Նկարներում Դիանա Խաչատրյանն է, բայց այս հաջողության ետևում ամուր թիմ է կանգնած.

📍 Water2Data թիմը.
▪️ Դիանա Խաչատրյան
▪️ Արմեն Երանոսյան
▪️ Լիանա Խաչատրյան
▪️ Պողոսյան Աննա

05/08/2026

Միացեք մեզ Կարճաղբյուրում՝ միասին նշելու Խաղողօրհնեքը 😇

Աստուածածնի Վերափոխման տօնը (Խաղողօրհնեքը) 🍇 ՝ Կարճաղբիւրում

🌿 Օգոստոսի 16-ին սիրով հրաւիրում ենք բոլորիդ Կարճաղբիւր գիւղ՝ միասին նշելու Աստուածածնի Վերափոխման տօնը՝ ազգային աւանդոյթներով, ջերմ մթնոլորտով եւ տօնական գեղեցիկ տրամադրութեամբ։

Օրը լի է լինելու հայկական ոգով․ ձեզ սպասում են
✅ ազգային խաղեր,
✅ երգեր ու պարեր,
✅ հետաքրքիր ներկայացում՝ տեղի բարբառով,
✅ արմաթցիների կատարած աշխատանքների ցուցադրութիւն,
✅ գեղեցիկ հանդիպումներ եւ միասին անցկացրած անմոռանալի պահեր 🌼

📍 Կարճաղբիւր գիւղ
📅 Օգոստոսի 16, 15։00

Կազմակերպիչ՝ Վարը Վարենկ, Armath Engineering Makerspaces եւ Union of Advanced Technology Enterprises-UATE
Հովանաւոր՝ Magnus HR

Սիրով կը սպասենք բոլորիդ

04/08/2026

Այս պատմությունը շարունակում է կրկնվել. մի պատանի, զուտ հետաքրքրասիրությունից դրդված, մտնում է «Արմաթ» ինժեներական աշխատանոց, սովորում ծրագրավորել, ստեղծագործել ու մտածել այլ կերպ: 💡 Ընդամենը տարիներ անց նույն այդ պատանին արդեն կանգնած է դասարանի առջև՝ որպես խմբավար, և իր սովորածը փոխանցում է ուրիշներին: 🔄

Այսօր ուզում ենք ձեզ ծանոթացնել մի քանի երիտասարդների հետ, ովքեր անցել են այս ճանապարհը՝ աշակերտից մինչև խմբավար: 👇

📍 Անուշ Հակոբյան
Արմավիրի մարզի Առատաշեն գյուղից է: 2021-2025 թթ. հաճախել է Էջմիածնի Ինովացիոն Էթնիկ Մարզային Կենտրոնի «Արմաթ» աշխատանոց: Այժմ խմբավար է Առատաշեն, Խորոնք և Մեծամոր համայնքների Արմաթ աշխատանոցներում: 👩‍🏫

📍 Դավիթ Բադալյան
2015-2020 թթ. սովորել է Ալավերդու Սայաթ-Նովայի անվան №8 դպրոցի «Արմաթ» աշխատանոցում: 🎓 2023-ից խմբավար է Անտոն Չեխովի անվան №55, իսկ 2024-ից՝ նաև Ջոն Կիրակոսյանի անվան «Արմաթն օդում» №20 աշխատանոցներում: 👨‍🏫

📍 Լաուրա Ջրաղացպանյան
2015-2020 թթ. եղել է Գավառի №2 դպրոցի «Արմաթի» աշակերտ: 🎓 Այժմ ապրում է Երևանում և ղեկավարում է Է. Թելմանի անվան №13 դպրոցի «Արմաթ» աշխատանոցը: 👩‍🏫

📍 Սրբուհի Խուդավերդյան
2015-2018 թթ. սովորել է Բերքաբերի միջնակարգ դպրոցի «Արմաթ» աշխատանոցում: 🎓 Այժմ դասավանդում է միանգամից երկու դպրոցների աշխատանոցներում՝ Բերքաբերում և Սևքարում 🚀

✨ Այս չորս պատմություններին միավորում է մեկ գաղափար. «Արմաթը» միայն տեխնոլոգիաներ չի սովորեցնում, այլ կրթում է ապագա առաջնորդներ, խմբավարներ ու փոփոխություն բերողներ: 🌱