Անտրոհուս / Antrohoos

19/10/2026

Նոր համագործակցություն՝ արևմտահայերենի պահպանության, զարգացման և տեխնոլոգիական կրթության մեջ կիրառության համար 💻 🇦🇲

Ուրախությամբ հայտնում ենք, որ «Անտրոհուս» կրթական հիմնադրամը՝ Fundação Calouste Gulbenkian «Գալուստ Կիւլպէնկեան Հիմնարկութեան» աջակցությամբ, մեկնարկել է Scratch և Snap! ծրագրավորման միջավայրերի արևմտահայերեն թարգմանության և տեղայնացման լայնածավալ ծրագիրը։

Ծրագրի նպատակն է աշխարհի տարբեր երկրներում ապրող արևմտահայերենին տիրապետող երեխաների և ուսուցիչների համար հնարավորություն ստեղծել՝ ծրագրավորումն ուսումնասիրելու, սովորելու և ստեղծագործելու իրենց մայրենի լեզվով։

Այս նախաձեռնությունը միայն լեզվի պահպանության մասին չէ։ Այն նաև արևմտահայերենը կենդանի, զարգացող և ժամանակակից կիրառություն ունեցող լեզու դարձնելու կարևոր քայլ է՝ ընդհուպ մինչև համակարգչային գիտության և տեխնոլոգիաների ոլորտներ։

Մենք հավատում ենք, որ երբ երեխաները ծրագրավորումն ուսումնասիրում են իրենց մայրենի լեզվով, տեխնոլոգիաներն ավելի հասանելի են դառնում, իսկ սովորելը՝ առավել բնական ու ներառական։ Լեզուն այլևս պարզապես հաղորդակցության միջոց չէ․ այն դառնում է մտածելու, ստեղծագործելու և ապագան պատկերացնելու գործիք։

Ծրագրի շրջանակում իրականացվում են՝
🟩 Scratch և Snap! ծրագրավորման միջավայրերի արևմտահայերեն թարգմանություն,
🟩 կրթական և տեխնիկական տերմինաբանության համակարգում,
🟩 թարգմանության համար հատուկ հարթակի ստեղծում,
🟩 թարգմանված նյութերի փորձարկում և գործնական տեղայնացում։

Սա հնարավորություն է, որ հայ երեխան ոչ միայն սովորի տեխնոլոգիաներ, այլև ստեղծի, մտածի ու պատկերացնի ապագան իր լեզվով։ Որովհետև լեզուն պահպանվում է ոչ միայն այն փոխանցելով, այլև դրանով նոր գիտելիք ստեղծելով, նոր հնարավորություններ բացահայտելով և ապագա կերտելով։ 💛

Շնորհակալություն ենք հայտնում «Գալուստ Կիւլպէնկեան Հիմնարկութեանը» վստահության ու աջակցության համար:

10/07/2026

Կարեն Վարդանյանի տեսլականը, նվիրումն ու հավատը կրթության, տեխնոլոգիայի և հայ երիտասարդի ներուժի հանդեպ դարձան մի ամբողջ շարժման հիմք՝ հասնելով Հայաստանի ամենահեռավոր համայնքներ և հազարավոր երեխաների հնարավորություն տալով ստեղծել, մտածել ու երազել ավելի մեծ։

Այսօր Կարեն Վարդանյանի թողած ժառանգության շարունակությունը տեսնում ենք բազմաթիվ նոր նախաձեռնությունների, կառույցների ու մարդկանց գործունեության մեջ, որոնք իրենց նախագծերով ու ամենօրյա աշխատանքով շարունակում են նրա սկսած ճանապարհը՝ նոր հնարավորություններ ստեղծելով երիտասարդների համար և հավատալով, որ Հայաստանի ապագան կառուցվում է գիտելիքով, ստեղծարարությամբ ու գործով։

Անտրոհուս կրթական հիմնադրամը խոնարհումով հարգում է Կարեն Վարդանյանի հիշատակը և նրա թողած մեծ կրթական ժառանգությունը։

Լույս և հավերժ հիշատակ։

Այսօր վեց տարի է, ինչ Կարեն Վարդանյանը մեզ հետ չէ։
Նա ամբողջ կյանքով սիրեց իր հայրենիքը, նրա հողն ու ջուրը, իր վրա վերցրեց ծառայելու ու պատասխանատվություն կրելու առաքելությունը։

Այսօր, առավել քան երբևէ, զգացվում է նման նվիրվածության և պատասխանատվության պակասը։

Հավերժ հիշատակ։

18/05/2026

«Այսօր մեծ հաճույքով մասնակցեցի որպես մրցատյանի անդամ և անկեղծորեն կարող եմ ասել՝ Հայաստանում նման մակարդակի և ձևաչափի դրոնների մրցույթ դեռևս չէր կազմակերպվել», — նշում է «Անտրոհուս» հիմնադրամի տնօրեն Ավագ Սայանը։

🦾 Մրցույթը կազմակերպված էր միջազգային բարձր չափանիշներով՝ տեխնիկական լուծումներից մինչև կառավարման մշակույթ։ Հատկապես տպավորիչ էր ամբողջ գործընթացի բարձր թվայնացված լինելը․ հատուկ FPV drone racing-ի համար նախատեսված հարթակներ, իրական ժամանակում կառավարման և գնահատման համակարգեր, որակյալ հեռարձակում և մանրակրկիտ մտածված կազմակերպչական մոտեցումներ։

🕵️‍♂️ Միևնույն ժամանակ, միջոցառումը ոչ միայն տեխնիկապես ուժեղ էր, այլև իսկապես դիտարժան ու հետաքրքիր՝ պահպանելով բովանդակային խորությունն ու մրցակցային արժեքը։ Սա այն հազվադեպ նախաձեռնություններից էր, որտեղ տեխնոլոգիան, մրցակցային մթնոլորտը և հանդիսատեսի ներգրավվածությունը ներդաշնակորեն համադրված էին։

🚀 Շնորհավորում ենք ArmDrone Community -ին և հատկապես Hayk Karapetyan-ին Հայաստանում նման բարձր մակարդակի տեխնոլոգիական միջոցառում կյանքի կոչելու համար։

15/05/2026

🚀 Այս տարի ևս «Անտրոհուս» կրթական հիմնադրամը մասնակցում է ArmDrone Community կողմից կազմակերպվող Drone Racing Western Asia Regional Qualifier - Armenia 2026 տարածաշրջանային մրցարշավին։

Ուրախությամբ նշում ենք, որ մրցույթի ժյուրիի կազմում ընդգրկված է նաև հիմնադրամի տնօրեն Avag Sayan-ը՝ շարունակելով աջակցել Հայաստանում տեխնոլոգիական կրթության, ինժեներական մտածողության և երիտասարդական նորարարական համայնքների զարգացմանը։

🏆 Մաղթում ենք հաջողություն բոլոր մասնակիցներին և վստահ ենք, որ նման նախաձեռնությունները կարևոր դեր ունեն տարածաշրջանում տեխնոլոգիական ներուժի ձևավորման և միջազգային համագործակցության խթանման գործում։

📢 Սիրով ներկայացնում ենք FPV Drone Racing Western Asia Regional Qualifier - Armenia 2026 տարածաշրջանային մրցարշավի ժյուրիի կազմը 🏁🚁

🏛 Հովհաննես Ադաջյան — ՀՀ բարձր տեխնոլոգիական արդյունաբերության նախարարության Տեխնոլոգիական էկոհամակարգի զարգացման վարչության ծրագրերի մոնիթորինգի բաժնի գլխավոր մասնագետ

👩‍💻Liana Khachatryan- Armenian Robotics Alliance-ի համահիմնադիր, «Արմաթ» ճարտարագիտական աշխատանոցների համակարգող

👨‍🏫 Ավագ Սայան — «Անտրոհուս» կրթական հիմնադրամի գործադիր տնօրեն, FAST Foundation-ի «ԱԲ սերունդ» ծրագրի բովանդակային ղեկավար

🏋️‍♀️ Heghine Sargsyan — ուժային եռամարտի աշխարհի և Եվրոպայի չեմպիոն, մարզիչ

🎯 Ժյուրիի անդամներն իրենց մասնագիտական փորձով և տարբեր ոլորտներում ունեցած ներդրումով կարևոր դեր կունենան մրցարշավի արդար, թափանցիկ և բարձր մակարդակով անցկացման գործում։

🤝 Շնորհակալություն ենք հայտնում ժյուրիի բոլոր անդամներին՝ մեր նախաձեռնությանը միանալու, իրենց ժամանակը տրամադրելու և FPV համայնքի զարգացմանն աջակցելու համար։

26/04/2026

🤖 Անտրոհուս կրթական հիմնադրամի տնօրեն Ավագ Սայանը մասնակցել է Ռոբոտաշինության հանրապետական 2-րդ օլիմպիադային՝ որպես մրցատյանի անդամ։
Հիմնադրամը սատարում է ոլորտի երիտասարդների կողմից իրականացվող այն գաղափարները, որոնք հարում են հիմնադրամի առաքելությանն ու նպատակներին, ինչպես նաև զարգացնում են լուսահոգի Կարեն Վարդանյանի ձևավորած մտածելակերպն ու գործը։

Մրցույթը բաղկացած էր երկու մասից՝
▫️ ռոբոտների մրցարշավ,
▫️ տեխնոլոգիական նախագծերի ներկայացում
Հաղթեցին ամենաարագ ռոբոտներն ու այն նախագծերը, որտեղ թիմերը կարողացել էին համադրել ինժեներական հմտությունները, ԱԲ-ի գիտելիքները և բաց սկզբնաղբյուրներով օպերացիոն համակարգերով (Linux) աշխատելու կարողությունը:
Շնորհակալություն Armenian Robotics Alliance-ին՝ այս կարևոր նախաձեռնության մասը մեզ դարձնելու համար:
Մեզ համար կարևոր է լինել նման միջոցառման գործընկեր և աջակցել երիտասարդ թիմերի զարգացմանը 🚀
📎 Մանրամասները՝
https://physmathfriends.am/news/armrobotics2026/

05/11/2025

Երկրորդ տարին անընդմեջ անցկացվեց «Այլագիր» կոդավորման մրցույթը։ Այս տարի մրցույթի գլխավոր հովանավորն էր AraratBank OJSC-ը։

Երևանի և մարզերի ավագ դպրոցի աշակերտներն ու միջին մասնագիտական ուսումնական հաստատությունների սաները ներկայացրել են ավելի քան 150 հայտ, սակայն եզրափակիչ փուլ է անցել ընդամենը 16 հայտ։ Մասնակիցները՝ ուսուցիչների մենթորությամբ, ինտերակտիվ նախագծերի միջոցով վերհանել են զանազան խնդիրներ և առաջարկել լուծումներ։

Մրցույթը նպատակ ուներ բացահայտել տաղանդներ, զարգացնել տարբեր հմտություններ և խրախուսել ակտիվ դպրոցներին ու ուսուցիչներին։

15/10/2025

🌅 Առավոտ լուսո հաղորդման հյուրերն էին «Անտրոհուս» կրթական հիմնադրամի գործադիր տնօրեն Ավագ Սայանը և
«Այլագիր» մրցույթի🏆 «Տվյալների տեսապատկերում և վերլուծություն SNAP! ծրագրով» 7-9-րդ դասարանների անվանակարգի հաղթող՝ Վարդենիսի թիվ 3 հիմնական դպրոցի աշակերտուհի Ելենա Մադոյանը։

Նրանք պատմեցին մրցույթի մասին՝ կիսվելով իրենց ոգևորությամբ և կրթության նորարարական մոտեցումներով։ 💡✨

Public TV Company of Armenia 2025Facebook: https://www.facebook.com/ArmPublicTVInstagram: https://www.instagram.com/ArmPublicTV #ԱռաջինԱլիք

14/10/2025

Դե ինչ կիսվում են «Այլագիր» գիտահեն կոդավորման մրցույթի եզրափակիչ փուլի գեղեցիկ պահերով 💛

Շնորհակալ ենք մեր այն նվիրյալ ուսուցիչներին, աշակերտներին և գործընկերներին ում շնորհիվ հնարավոր եղավ կյանքի կոչել «Այլագիրը» 🤝

Մրցույթի՝
📣 Կազմակերպիչ՝ «Անտրոհուս» կրթական հիմնադրամ
🤝 Գլխավոր հովանավոր՝ AraratBank OJSC
📣 Իրազեկման գործընկեր՝ Քոնթեստս Լաբ / Contests Lab
🎁 Մրցանակային գործընկեր՝ SYUN

06/10/2025

🎉 Ամփոփվեց «Այլագիր» գիտահեն կոդավորման մրցույթը 🎉

«Անտրոհուս» կրթական հիմնադրամն արդեն երկրորդ տարին իրականացրեց «Այլագիր» կոդավորման մրցույթը։

Ավելի քան 150 հայտից, որոնք ստացվել են Երևանի և մարզերի 7-ից 12-րդ դասարանի դպրոցականների և միջին մասնագիտական ուսումնական հաստատությունների ուսանողների կողմից առանձնացվել և վերջին փուլ են հասել 16-ը։ Աշակերտները, ուսուցիչների մենթորությամբ, ինտերակտիվ նախագծերի միջոցով առաջարկել են զանազան խնդիրների լուծումներ։

Ուրախ ենք ներկայացնել մրցույթի հաղթողներին՝ ըստ անվանակարգերի 👇

🏆Տվյալների տեսապատկերում և վերլուծություն SNAP! ծրագրով (7-9-րդ դասարաններ) անվանակարգում
🥇 Հաղթող՝ Վարդենիսի թիվ 3 հիմնական դպրոցի աշակերտ Ելենա Մադոյանն իր «Վարդենիսի ջուր» նախագծով։
🎖 Նույն անվանակարգում խրախուսական մրցանակ ստացան՝ Կարճաղբյուրի միջնական դպրոցի սաներ Էլեն Մարգարյանն ու Կարինե Գևորգյանն իրենց «Աղբյուրից Սևան» նախագծով։

🏆Տվյալների տեսապատկերում և կանխատեսում SNAP! ծրագրով (10-12-րդ դասարաններ) անվանակարգում
🥇 Հաղթող՝ Վանաձորի Վ․Ս․Թևոսյանի անվան պոլիտեխնիկական քոլեջի սաներ Էրիկ Բեգջանյանն ու Օվսաննա Հակոբյանն իրենց «Արդյունավետ բջջային կայան» նախագծով։

🎖 Նույն անվանակարգում խրախուսական մրցանակ ստացան Զառիթափի միջնակարգ դպրոցի աշակերտներ Քնարիկ Ասլանյան ու Անժելա Դանիելյանը՝ «Կրթության հիմնախնդիրներ» նախածով։

🏆Համակարգչային տեսողությամբ միջավայրի ավտոմատացում PYTHON ծրագրավորման լեզվով (10-12-րդ դասարաններ) անվանակարգում
🥇 Հաղթող՝ Wonder Kid Academy | Gyumri կենտրոնի սաներ Արտաշես Սահակյանը, Լևոն Մուրադյանն ու Հակոբ Գյոլեցյանն իրենց «Համակարգված երթևեկություն» նախագծով։

🎖 Նույն անվանակարգում խրախուսական մրցանակ ստացավ Վաղարշապատի թիվ 5 ավագ դպրոցի աշակերտ Ստեփան Սիմոնյանը «Խելացի զամբյուղ» նախագծով։

Մրցույթի բոլոր մասնակիցները ստացան հավաստագրեր, բրենդային փաթեթներ, էլեկտրոնիկայի արդուինո փոքր հավաքածուներ, ականջակալներ և Python-ի հայերեն լեզվով գրքեր։
Հաղթող թիմերի ճարտարագետ-ուսուցիչները ստացան նվեր քարտեր՝ տեխնիկա և սարքավորումներ գնելու նպատակով։

👏 Շնորհավորում ենք բոլոր հաղթողներին և մասնակիցներին՝ իրենց գիտահեն ու ստեղծագործ աշխատանքների համար։

💡 «Այլագիր»-ը շարունակելու է ոգեշնչել պատանի կոդավորողներին նորարարության և գիտության ճանապարհին։

Մրցույթի՝
📣 Կազմակերպիչ՝ «Անտրոհուս» կրթական հիմնադրամ
🤝 Գլխավոր հովանավոր՝ AraratBank OJSC
📣 Իրազեկման գործընկեր՝ Քոնթեստս Լաբ / Contests Lab
🎁 Մրցանակային գործընկեր՝ SYUN

03/10/2025

Ձեզ ենք ներկայացնում «Այլագիր» մրցույթի մրցատյանի կազմը 🚀

▫️Մարիամ Սարգսյան, ԿԶՆԱԿ Հիմնադրամ / NCEDI Foundation, ԲՏՃՄ բնագավառը համակարգող մասնագետ
▫️Հայկ Կարապետյան, ArmDrone Community համայնք, հիմնադիր
▫️Արթուր Ալթունյան, ՀԱԱՀ, Գյուղատնտեսության մեքենայացման և ավտոմատացման ԳՀԻ բաժնի վարիչ
▫️Անժելա Բալթայան, Քոնթեստս Լաբ / Contests Lab լաբ, համահիմնադիր
▫️Հրաչյա Խաչատրյան, Sharzhich Academy, համահիմնադիր

Հաջողություն ենք մաղթում եզրափակիչ անցած թիմերին, հուսով եմ լսելով մեր մրցատյանների խորհուրդները էլ ավելի կզարգացնեն իրենց նախագծերը 🥇