Center for Human Rights and Genocide Studies NGO

15/05/2026

📚Ցեղասպանագիտությունը՝ որպես պատասխանատվություն. ամփոփվեց «Ցեղասպանագիտական երիտասարդական դպրոց - 2026» գարնանային ծրագիրը։

🔷️Այս նախաձեռնության շրջանակում անցկացված դասընթացներն ու ակադեմիական քննարկումները հնարավորություն տվեցին մասնակիցներին տեսական գիտելիքները համադրել գործնական վերլուծությունների հետ։

📊⚖️Հենց այդ բազմազանությունն էր ծրագրի ուժը, որը հնարավորություն ընձեռեց ցեղասպանագիտությունը ճանաչել տարբեր մասնագիտական դիտանկյուններից՝ պատմական, իրավական, սոցիոլոգիական, հոգեբանական, մշակութային և քաղաքական։

📌Դպրոցի շնորհիվ երիտասարդները ոչ միայն ուսումնասիրեցին պատմությունը, այլև սովորեցին կատարել խորքային վերլուծություններ և ստանձնել պատասխանատվություն անցյալի ու ներկայի նկատմամբ։

🇦🇲🤝🇷🇺Ծրագրի հատուկ հյուրն էր Պատրիս Լումումբայի անվան Ռուսաստանի ժողովուրդների բարեկամության համալսարանի Սոչիի ինստիտուտի մասնաճյուղի միջազգային հարաբերությունների գծով տնօրենի տեղակալ Դմիտրի Դալմատովը, ով հանդես եկավ ուշագրավ ուղերձով։ Նրա խոսքով՝ միջազգային մարդասիրական հանրությունը պարտավոր է պահպանել մարդասիրական սկզբունքները հատկապես այն ժամանակ, երբ աշխարհում աճում են ագրեսիան և բռնությունները։

📰Առավել մանրամասն կարող եք կարդալ մեր կայքում՝ անցնելով մեկնաբանության բաժնի հղումով⤵️

🤝Հատուկ շնորհակալություն ենք հայտնում ծրագրի աջակից' Հայ օգնության միությանը։

#Ցեղասպանագիտություն #
#Ցեղասպանագիտականդպրոց #ՄԻՑԿ

Ամփոփվեց «Ցեղասպանագիտական երիտասարդական դպրոց -2026» ծրագրի գարնանային փուլը։ Ծրագիրն իրականացվել է «Մարդու իրավունքների և ցեղասպանագիտության կենտրոն» հասար...

24/04/2026

🕯🏴Today marks the 111th anniversary of the Armenian Genocide.

“Armenia is dying, but it will survive. The little blood that is left is precious blood that will give birth to a heroic generation. A nation that does not want to die, does not die”.

Anatole France (French author, 1916)

➖️➖️➖️➖️

🕯🏴Այսօր լրանում է Հայոց ցեղասպանության 111-րդ տարելիցը։

⚘️«Հայաստանը վերջին շունչն է փչում, բայց կվերածնվի: Այն մի փոքր արյունը, որ դեռ մնում է՝ թանկագին է, ու դրանից մի հերոսական սերունդ է ծնվելու: Մի ժողովուրդ, որը չի ցանկանում մեռնել՝ չի մեռնի:»:

Անատոլ Ֆրանս (Ֆրանսիացի հեղինակ, 1916)

24/04/2026

🔥🏴On April 23, the annual torchlight procession to the Tsitsernakaberd Memorial Complex was held in Yerevan to commemorate the victims of the Armenian Genocide.

#Ջահերովերթ2026
#Հայոցցեղասպանություն #ՄԻՑԿ

23/04/2026

🔥Վառ պահի՛ր քո պահանջատիրության ջահը

🇦🇲 Սիրելի‌' հայրենակիցներ, պահանջատիրական Ջահերով երթն այս տարի կմեկնարկի 📌Հանրապետության Հրապարակից՝ Ապրիլի 23-ին⏰️ժամը` 20։00-ին:

Այս տարի երթն անցկացվում է «Պայքարը շարունակվում է» կարգախոսի ներքո՝ խորհրդանշելով հայ ժողովրդի անկոտրում կամքն ու արդարության համար մղվող աննահանջ պայքարը։

🗺📌Երթուղին.

➡️Հանրապետության հրապարակ
➡️Ամիրյան փողոց
➡️Մաշտոցի պողոտա
➡️Բաղրամյան պողոտա
➡️Կիևյան փողոց
➡️Ծիծեռնակաբերդի հուշահամալիր

#ՀայոցՑեղասպանություն111 #ՀայոցՑեղասպանությանՀիշողություն
#երթ #ջահակիր #Ջահերովերթ #Ջահերովերթ2026

20/04/2026

🔥Ջահերով երթ 2026 🕯️🙏🏻

ՊԱՅՔԱՐԸ ՇԱՐՈւՆԱԿՎՈւՄ Է 🇦🇲
Հայոց ցեղասպանության 111-րդ տարելիցի նախաշեմին՝
📌ապրիլի 23-ին, Երևանում տեղի կունենա ամենամյա Ջահերով երթը դեպի Ծիծեռնակաբերդի հուշահամալիր։
Երթի մեկնարկը⏰ ժամը՝ 20:00, 📍 Հանրապետության հրապարակից:

🟧Ցեղասպանության ճանաչման և դատապարտման գործընթացը լոկ պատմական հիշողություն չէ, այլ կենսական պայքար հանուն հայ ժողովրդի իրավունքների, անվտանգության և արժանապատիվ ապագայի։

#ՀայոցՑեղասպանություն #Ջահերովերթ #ջահակիր

17/04/2026

🔶️«Ցեղասպանագիտություն» մագիստրոսական կրթական ծրագիր

🔷️ԵՊՀ հայագիտական հետազոտությունների ինստիտուտում (ՀՀԻ) գործում է «Ցեղասպանագիտություն» մագիստրոսական կրթական ծրագիրը, որը լիովին համապատասխանում է միջազգային կրթական ծրագրերի չափանիշներին։

🗺️Ծրագրի շրջանավարտները ստանալու են միջազգային հարաբերությունների մագիստրոսի որակավորում` «Ցեղասպանագիտություն» մասնագիտությամբ։ Այդ մասնագիտությամբ ծրագիրը միակն է Հայաստանում։

🗓💰Ծրագիրը գործելու է 1.5 տարի տևողությամբ։ Տարեկան վարձավճարը կազմում է 550 000 ՀՀ դրամ։

📥Անվճար տեղերի քանակը՝ 2 (երկու) ԵՊՀ Հայագիտական հետազոտությունների ինստիտուտի (ՀՀԻ) կողմից աշխատանքներ են տարվում նաև վճարովի տեղերի մասնակի զեղչման ուղղությամբ։

🔶️Մագիստրոսական ծրագրի ղեկավարն է պ.գ.դ․, պրոֆեսոր, ԵՊՀ ՀՀԻ «Ցեղասպանագիտության» բաժնի ղեկավար Աշոտ Հայրունին:

☎️Լրացուցիչ հարցերի դեպքում անհրաժեշտ է կապ հաստատել հետևյալ էլ․հասցեների միջոցով՝ [email protected], [email protected] կամ զանգահարել հետևյալ հեռախոսահամարով' (+374 33) 21 10 11
Մագիստրոսական կրթական ծրագրի մասին առավել մանրամասն տեղեկություններ հնարավոր է գտնել այստեղ⤵️

#Ցեղասպանագիտություն #ԵՊՀ #ՀՀԻ #

12/04/2026

🏴🕯🎞Ապրիլի 10-ին Մարաղայի ցեղասպանության 34-րդ տարելիցի օրը, «Մարդու իրավունքների և Ցեղասպանագիտության կենտրոն» ՀԿ-ի նախաձեռնությամբ կայացավ հանդիպում-քննարկում՝ «Մարաղա 34. չպատժված և շարունակվող ցեղասպանություն» խորագրով։

🔷️«Մարդու իրավունքների և Ցեղասպանագիտության կենտրոն» ՀԿ-ի նախագահ Լիլիթ Մարտիրոսյանը ներկայացրեց կենտրոնի կողմից 2019 թվականից ի վեր կատարված հետևողական աշխատանքը՝ Մարաղայի ողբերգությունը հանրությանը հայտնի դարձնելու, օրենսդրական բարեփոխումների խթանման և Մարաղա գյուղի անմեղ զոհերի հիշատակին նվիրված խաչքարի տեղադրման ուղղությամբ։
Ըստ նրա, Մարաղայի դեպքերը դեռևս պատշաճ ճանաչում չեն ստացել ոչ ներպետական, ոչ էլ միջազգային մակարդակում, ինչը առ այսօր հիմնախնդիր է մնում։

🔶️ՀՀ Մարդու իրավունքների առաջին պաշտպան, «Ընդդեմ իրավական կամայականության» ՀԿ-ի գործադիր տնօրեն Լարիսա Ալավերդյանն անդրադարձավ Մարաղայում տեղի ունեցած ցեղասպանական գործողությունների միջազգային-իրավական գնահատականներին։ Նա ներկայացրեց, թե ինչ փաստարկներ են ձևակերպվել կամ կարող են ձևակերպվել միջազգային հարթակներում՝ կատարվածը ցեղասպանություն որակելու և մեղավորներին պատասխանատվության ենթարկելու համար։

🎬📽🎞Հանդիպման կարևոր մասը կազմեց «Մարաղա, 10 ապրիլի, 1992» վավերագրական ֆիլմի դիտումն ու հետագա քննարկումը։ Ֆիլմը, որը հիմնված է ականատեսների վկայությունների, արխիվային փաստաթղթերի և վերապրածների հուշերի վրա, արձանագրում է 40-ից ավելի խաղաղ բնակիչների սպանությունը, գերեվարումը և գյուղի ամբողջական ավերումը։

🔷️Քննարկումն ամփոփվեց հնարավոր ուղղությունների ուրվագծմամբ՝ ինչպես ազգային, այնպես էլ միջազգային մակարդակում ավելի արդյունավետ քայլեր ձեռնարկելու ուղղությամբ։

#Մարաղա34 #ՄարդուԻրավունքներ #Ցեղասպանություն #Ապրիլ10 #Արդարություն #Հայաստան

12/04/2026

🏴🕯«Մարաղա 34. չպատժված և շարունակվող ցեղասպանություն» թեմայով հանդիպում-քննարկում

🎞📝Ապրիլի 10-ին «Մարդու իրավունքների և Ցեղասպանագիտության կենտրոն» ՀԿ-ի նախաձեռնությամբ տեղի ունեցավ հանդիպում-քննարկում՝ նվիրված Մարաղա գյուղի ցեղասպանության անմեղ զոհերի հիշատակի 34-րդ տարելիցին։

📰«1992 թ. ապրիլի 10-ին Լեռնային Ղարաբաղի Հանրապետության Մարտակերտի շրջանի Մարաղա գյուղում գազանաբար սպանվել է շուրջ 50 մարդ։ Պատանդառվել է 49 անձ, որից 9-ը երեխա, 18-ը՝ կին, 3-ը՝ տարեց մարդ, այդ թվում մեկը՝ կույր։ 19 պատանդի ճակատագիր մինչ օրս մնում է անհայտ»։

#մարաղա #ՄԻՑԿ #ցեղասպանություն #մարդուիրավունքներ
#արդարություն #հիշողություն

11/04/2026

«Մարաղա 34. չպատժված և շարունակվող ցեղասպանություն» թեմայով հանդիպում-քննարկում

Հատուկ շնորհակալություն ենք հայտնում Երկիր Մեդիա/Yerkir Media հեռուստաընկերությանը և լրատվական կայքի գործընկերներին մեր միջոցառումը լուսաբանելու համար։

Հետևեք մեզ նաև այլ հարթակներում՝🔸Website: https://yerkirmedia.am/🔸Facebook: https://www.facebook.com/Yerkirmedia/🔸Telegram: https://t.me/yerkirmedia_am🔸Y...

09/04/2026

🕯🏴ՀԻՇԱՏԱԿԻ ԱՐԱՐՈՂՈՒԹՅՈՒՆ
Մարաղա 34-րդ տարելից

‼️ՀԱՐԳԵԼԻ՛ ՀԱՅՐԵՆԱԿԻՑՆԵՐ,
Ադրբեջանի կողմից Մարաղա գյուղի խաղաղ հայ բնակչության ցեղասպանության 34-րդ տարելիցի առթիվ, ս.թ. ապրիլի 10-ին, ժամը 12:00-ին, Ծիծեռնակաբերդում՝ Սումգայիթի, Բաքվի, Գանձակի խաչքարերի պուրակի մոտ, հիշատակի տուրք կմատուցվի ոճրագործության զոհերին և անհայտ կորածներին։

🔴Նրանք, ովքեր մոռանում են անցյալը, դատապարտված են նման ոճրագործության զոհը դառնալու։

🤝Միացե՛ք ցեղասպանության կանխարգելման և դատապարտման մեր պայքարին։

📌Հիշե՛ք. լռությունը, մոռացությունը և անտարբերությունը ծնում են նոր Ցեղասպանություններ։

#մարաղա

02/04/2026

🗺💡ՄԵԿՆԱՐԿԵՑ «ՑԵՂԱՍՊԱՆԱԳԻՏԱԿԱՆ ԵՐԻՏԱՍԱՐԴԱԿԱՆ ԴՊՐՈՑ-2026»-Ը

📚Ապրիլի 1-ին «Մարդու իրավունքների և ցեղասպանագիտության կենտրոն» ՀԿ-ն, ԵՊՀ Հայագիտական հետազոտությունների ինստիտուտ-ի և ԵՊՀ ուսանողական գիտական ընկերության հետ համատեղ մեկնարկեց նորարարական կրթական ծրագիր՝ «Ցեղասպանագիտական երիտասարդական դպրոց-2026»-ը։

🎓 Դպրոցի հիմնական առանձնահատկությունն է երիտասարդներին ներկայացնել ցեղասպանագիտության հիմնահարցերը ոչ միայն պատմագիտական, այլև բազմագիտակարգային մոտեցմամբ՝ ընդգրկելով տարբեր գիտական ուղղություններ․

🧠 հոգեբանական դիտարկումներ
🧭պատմական-վերլուծական անդրադարձ
📊 սոցիոլոգիական վերլուծություն
⚖️իրավական գնահատականներ
🎭 մշակութաբանական մոտեցումներ
🌍 քաղաքագիտական և միջազգային հարաբերությունների դիտանկյուն

🎯 Ի՞նչ ենք կառուցում միասին․
▪️ միջգիտակարգային մտածողություն
▪️ վերլուծական և հետազոտական հմտություններ
▪️ գիտական բանավեճի ակտիվ հարթակ
▪️ ցեղասպանությունների արդի գիտական ընկալման խորացում

🔍Սա հարթակ է նոր գաղափարների, քննադատական մտածողության և գիտական երկխոսության համար։

#Ցեղասպանագիտություն #ՄԻՑԿ