Intercultural Research and Development NGO

05/05/2026

Շատ հետաքրքիր զրույց ստացվեց իջմշակութային երկխոսության եւ քաղաքակրթությունների աճի եւ հանդիպման....

15/01/2026

🤩Ուրախ ենք, որ մեկնարկում է Ինովարիում ծրագրի նոր ընդունելությունը, որը խաղայնացված կրթական ծրագիր է սեփական համայնքում դրական ու երկարաժամկետ փոփոխություններ առաջացնելու նպատակով՝ նախատեսված 14-25 տարեկան երիտասարդների համար։

Դիմելու համար չկան մարզային կամ աշխարհագրական սահմանափակումներ։

📆Դիմելու վերջնաժամկետն է փետրվարի 1-ը ժ․ 23։59։

🤝«Միջմշակութային ուսումնասիրություններ եւ զարգացում» ՀԿ-ն, որի թիմի որոշ անդամներ ծրագրի ակունքներում են կանգնած ու այժմ էլ փորձագիտական շրջանակի մաս են կազմում, միմիայն հաջողություն է մաղթում KASA Swiss Humanitarian Foundation-ի գործընկերներին հանուն Հայաստանի կայուն զարգացման։

🚀Միացի՜ր Ինովարիումի տիեզերական ճամփորդությանը

Հայաստանում ամենախաղայնացված ծրագիրը՝ «Ինովարիում»-ը, մեկնարկում է 🤩

Այս ծրագիրը բոլոր այն երիտասարդների համար է, որոնք սիրում են իրենց համայնքը՝ իր բոլոր կողմերով, պատրաստ են առանց նվնվալու զարգացնել այն յուրահատուկ գաղափարներով։ Եթե չգիտեք որ ծայրից սկսել կամ ինչպես, ոնց էլ չլինի ձեր նման մտածող մի քանի ընկեր կունենաք, ում հետ պատրաստ կլինեք անցնել իրական արկածներով՝
⭐ մասնակցելու երկու 4-օրյա կենտրոնացված դասընթացներին Գյումրիում՝ ունենալով անմոռանալի ժամանց մարզերից ձեր հասակակիցների հետ,
⭐ միավորելու երիտասարդներին ու կամավորություն անելու ձեր իսկ համայնքում՝ այն ճանաչելի դարձնելով շատ-շատերի համար,
⭐ պարբերաբար ստանալու առաջադրանքներ եւ դրանց կատարման դիմաց վաստակելու ինոդրամներ, որոնք կկարողանաք փոխանակել տարբեր նվերների հետ,
⭐ ստանալու դրամաշնորհ ձեր ծրագրային գաղափարն իրականացնելու համար՝ աշխատելով փորձառու մասնագետների եւ ձեր համայնքի տարբեր դերակատարների հետ,
⭐ դառնալու ԿԱԶԱ հիմնադրամի շրջանավարտների ցանցի անդամ՝ ստանալով հավաստագիր եւ հնարավորություն' մասնակցելու ԿԱԶԱ-յի այլ ծրագրերի:

Մի քանի անհրաժեշտ պայման մասնակցության համար`
☘️ 2026թ. հունվարի 1-ի դրությամբ 14-25 տարեկան եք,
☘️ ստեղծարար եք և խնդիրների լուծմանը մոտենում եք ոչ ստանդարտ ձևով,
☘️ ունեք 2 ընկեր, ում հետ պատրաստ եք թիմ կազմելով անցնել այս ճամփորդությունը,
☘️ թիմային աշխատող եք և պատասխանատվությունը ձեր երկրորդ անունն է։

📌Դիմելու վերջնաժամկետն է 2026թ. փետրվարի 1-ը՝ ժամը 23:59-ը:

Դե ինչ, հաջողություն ենք մաղթում։

🖇Հայտադիմումի հղումը` https://forms.gle/RpSJSBUFZWFWQCWG9

📌Ծրագրի բոլոր մանրամասները՝ https://join-my-cosmic-mission-1j0vwhv.gamma.site/

Հարցերի դեպքում զանգահարել` 041 541 844

#ԿԱԶԱ #ինովարիում

01/01/2026

Այս օրը կրկնակի տոն է մեզ համար🥳

Շնորհավորում ենք մեր բոլոր հետեւորդների, կամավորների, թիմակիցների եւ գործընկերների Ամանորն ու Սուրբ Ծնունդը։

🇦🇲🌍Մեր երկրին՝ Հայաստանին, եւ մոլորակին մաղթում ենք առ աջ՝ դեպի հաջողություն տանող ուղիներ, որոնք հաճախ նեղ են լինում։ Ներկա օրերին առավել քան կարեւորվում են այնպիսի արժեքներ եւ սկզբունքներ, ինչպիսիք են մարդասիրությունը, երկխոսությունն ու ջանքերի մեկտեղումը հանուն լուսավոր նպատակների․ չէ որ լույսը միավորում է ու ջերմացնում։

✨Այսօր նշում ենք նաեւ «Միջմշակութային ուսումնասիրություններ եւ զարգացում» հասարակական կազմակերպության փոխնախագահ Arpy Tadevosyan-ի ծննդյան տարեդարձը։ Մաղթում ենք բեղուն ստեղծագործական ներուժ, նորանոր խիզախումներ ու խորաթափանցություն։ Շնորհակալ ենք Կազմակերպության կողքին լինելու, անշահախնդիր նվիրվածության եւ ուրույն ձեռագրով առաջնորդելու համար։

Մեկնաբանություններում ուրախ կլինենք տեսնել Ձեր բարեմաղթանքներն ու 2026-ի գլխավոր նպատակները։ 🤩

25/12/2025

Կայացել է #ԽԹԱՆ սոցիալական ձեռնարկատիրության ընտրված մասնակիցների հետ առաջին կենտրոնացված դասընթացը։

✊Հաջողություն ենք մաղթում ծրագրի մասնակիցներին եւ ուրախ ենք Հայաստանի տնտեսական կայուն զարգացման համար կարեւոր այս ծրագրի փորձագիտական մասը կազմել։

15/12/2025

#խորհուրդմեծեվսքանչելի

✨Բացառիկ հնարավորություն 2026-ին ընդառաջ լույսին, նոր մտքերին ու ներքին հավասարակշռությանը մոտենալու

⭐ Միացի՛ր մեր մեկօրյա միջմշակութային ճանապարհորդությանը Բյուրականում, որտեղ քեզ սպասում է լույսի, մաքրման և նորի դիմավորման խորհրդով լի առանձնահատուկ փորձառություն։

Այս կրթարշավը նվիրված է #Կաղանդի շրջանին՝ տարվա փակման ու նորի դիմավորման խորհրդին, որի ընթացքում կպատրաստես քո անձնական տոնածառը որպես նորի խորհրդանիշ, կլսես թեմատիկ հեքիաթներ, կմասնակցես ստվերների թատրոնին ու խորհրդավոր քայլարշավին՝ մաքրվելով անցած տարվա ծանրություններից։

Ծրագրի մանրամասներին ծանոթանալու համար սեղմեք այստեղ՝ https://drive.google.com/file/d/1INXUTPgaKnwi2bYeGNXqry9ywrpTQzvd/view?usp=sharing

👉 Տեղերը սահմանափակ են։ Գրանցվիր հիմա և սկսիր տարին մաքուր մտքով ու ստեղծագործ էներգիայով՝ https://forms.gle/UBgVHZ25TiJZ4hEi9

📅 Օր՝ դեկտեմբերի 27
📍 Վայր՝ գյուղ Բյուրական / «ՏՈՆԱՑՈՒՅՑ» մշակութային կենտրոն
🕗 Մեկնարկի ժամ՝ 08:00
🚩 Մեկնարկի վայր՝ Երիտասարդական մետրոյին կից գտնվող Ձեռքերի արձանի մոտ
🕙 Վերադարձի ժամ՝ 21:30
💰 Արժեք՝ 29․900 դրամ 1 անձի համար

Արժեքը ներառում է․ երկկողմանի ուղևորափոխադրում, ճաշ, ընթրիք, քայլարշավին և վարպետաց դասերին մասնակցություն, անհրաժեշտ նյութեր, օրակարգում նշված մնացյալ թեմատիկ փորձառություններին մասնակցություն։

Գրանցվելուց հետո կարող եք չեղարկել մասնակցությունը մինչև դեկտեմբերի 24-ը, ժամը 00։00։ Եթե չեղարկումը կատարվի դրանից ուշ, ապա կվերադարձվի նախապես վճարված գումարի կեսը։

🤝Կրթարշավը կազմակերպվում է «Միջմշակութային ուսումնասիրություններ և զարգացում» ՀԿ-ի և «ՏՈՆԱՑՈՒՅՑ» մշակութային կենտրոնի միջև համագործակցությամբ։ 🤩

05/12/2025

կամավոր 🇦🇲 / volunteer 🇬🇧 / доброволец 🇷🇺 / bénévole 🇫🇷 / მოხალისე 🇬🇪 / متطوّع 🇯🇴

Բոլոր լեզուներն ու մշակույթները ունեն ԿԱՄԱՎՈՐ բառի սեփական յուրօրինակ բնորոշումը, սակայն նրա էությունն ու փիլիսոփայությունը նույնն են ամենուր։

Շնորհավորում ենք Կամավորների միջազգային օրը՝ մեր համայնքներում սիրով, նվիրումով ու պատասխանատվությամբ փոփոխություն ստեղծող բոլոր կամավորներին։
____
#ԿամավորներիՄիջազգայինՕր

04/12/2025

🥳Այս օրը մեր կազմակերպության համար յուրահատուկ է, քանի որ «Միջմշակութային ուսումնասիրություններ եւ զարգացում» ՀԿ համահիմնադիր, նախորդ նախագահ ու անդամ Areg Tadevosyan-ի տարեդարձն է։

🙏Արեգ ջան, շնորհակալ ենք մինչ օրս ձեր անգնահատելի, անշահախնդիր ու անձնվեր աշխատանքի ու ներդրման համար։ Ձեր շնորհիվ Հայաստանում ու Հայաստանից դուրս կյանքի են կոչվել հարյուրավոր կարեւոր նախաձեռնություններ ու ծրագրեր, աճել ու զարգացել են բազմաթիվ սերունդներ։ Մաղթում ենք միմիայն քաջառողջություն, մտքի եւ կամքի տոկոնություն, արեւի պես պայծառ երջանկություն։

🌞Առաջարկում ենք դուք էլ մեկնաբանությունների դաշտում գրեք ձեր լուսավոր մաղթանքը։

26/11/2025

⚡ Նոյեմբերի 21-ին ԵՊՀ փիլիսոփայության և հոգեբանության ֆակուլտետում անցկացվեց #ՄիջմշակութայինԷքսպո2025-ը, որը կարճատեւ, սակայն իր տեսակով կարեւոր փորձ էր նպաստելու մարդկանց, մշակույթների միջեւ փոխհասկացվածությանը, միջմշակութային երկխոսությանը։

🌏Շուրջ 100-ից ավելի աշակերտներ, ուսանողներ, մանկավարժական ու դասախոսական համայնքի ներկայացուցիչներ եւ պարզապես հյուրեր բացահայտեցին Արևելյան և Հարավային Ասիայի, հեռավոր Ասիայի, Աֆրիկայի հմայքը՝ ավանդական հանդերձանքներ, գլխարկներ, ծիսական պարագաներ, արձանիկներ, դիմակներ, լուսանկարներ, որոնք պատմում էին տեղաբնիկ ժողովուրդների կյանքի ու ավանդույթների մասին։

🎴Բացի ցուցադրությունից շուրջ 20 այցելուներ մասնակցեցին համաժամանակյա երկու ինտերակտիվ աշխատարանների, որտեղ կրթական խաղերի միջոցով սովորեցին, թե ինչպես ճիշտ կողմնորոշվել տարբեր մշակութային անսովոր իրավիճակներում, ինչ են պատմում լեգենդները՝ հին Եգիպտոսից մինչև Հայաստան։

🧡Անչափ շնորհակալ ենք բոլոր կամավորներին, քանի որ առանց ձեզ միջոցառումն այն մակարդակով չէր անցնի, որով անցավ, իսկ այցելուները ձեր շնորհիվ այնպես չէին հաղորդակցվի ցուցանմուշների հետ, ինչպես որ ձեր շնորհիվ էին հաղորդակցվում։

14/11/2025

🌍ՄԻՋՄՇԱԿՈՒԹԱՅԻՆ ԷՔՍՊՈ 2025

Միացե՛ք մեզ՝ բացահայտելու Արևելյան և Հարավային Ասիայի հմայքը՝
🎐 ավանդական հանդերձանքներ,
🪇 ծիսական պարագաներ և մշակութային խորհրդանիշներ,
📷 լուսանկարներ, որոնք պատմում են տեղաբնիկ ժողովուրդների կյանքի ու ավանդույթների մասին։

Ցուցադրությունից և ավանդական հանդերձանքներով լուսանկարվելու հնարավորությունից զատ ձեզ սպասում են նաև երկու ինտերակտիվ աշխատարաններ, որտեղ կրթական խաղերի միջոցով կսովորեք՝
🔸 ինչպես հասկանալ և ճիշտ վարվել տարբեր մշակույթների ներկայացուցիչների հետ,
🔸 ինչ են պատմում լեգենդները՝ հին Եգիպտոսից մինչև Հայաստանը։

Միջմշակութային էքսպո 2025-ը կազմակերպվում է «Միջմշակութային ուսումնասիրություններ եւ զարգացում» հասարակական կազմակերպության եւ ԵՊՀ փիլիսոփայության և հոգեբանության ֆակուլտետի ՈՒսանողական Խորհուրդ-ի հետ համատեղ։

📅նոյեմբերի 21-ին
⌚12։30-16։00
📍ԵՊՀ փիլիսոփայության և հոգեբանության ֆակուլտետ, ք․ Երեւան, Աբովյան փ․ 52ա

Մուտքն ազատ է, սակայն միջոցառմանն անհրաժեշտ է գրանցվել այստեղ՝
https://forms.gle/h23sRTkRwjN2krnW6

Սիրով սպասում ենք։ ✨

27/10/2025

💡Բոլոր նրանք, ովքեր ցանկանում են որեւէ սոցիալական, բնապահպանական, մշակութային կամ տնտեսական լուրջ հիմնախնդիր լուծել բիզնես եղանակով, ապա առավել մանրամասն աչքի անցկացրեք #ԽԹԱՆ սոցիալական ձեռնարկատիրության (ՍՁ) յուրահատուկ կրթական հնարավորությունը, որն իրականացվում է մեր գործընկերներ CODE Social Entrepreneurship Hub-ի եւ KASA Swiss Humanitarian Foundation-ի հետ համատեղությամբ։

Տարիքային սահմանափակումը 18-25-ն է։
Աշխարհագրական սահմանափակում չկա։

📍Ծրագրի բոլոր մանրամասներին ծանոթացեք այստեղ'
https://shorturl.at/64zlc

📌Հայտը կարող եք լրացնել մինչև նոյեմբերի 3-ը ներառյալ' անցնելով այս հղումով
https://forms.gle/xeSToHKUXHV987QT7

#ԿԱԶԱ

🚀 «ԽԹԱՆ» սոցիալական ձեռնարկատիրության ինկուբատորը մեկնարկում է

📌Եթե 18–25 տարեկան եք և ապրում եք Հայաստանի որևէ մարզում, ապա սա ձեր հնարավորությունն է ստանալ գիտելիք, փորձ, մենթորություն ու վերջում նաև դրամաշնորհ՝ ձեր գաղափարն իրականություն դարձնելու համար։

«ԿԱԶԱ» շվեյցարական մարդասիրական հիմնադրամի կողմից իրականացվող այս ծրագիրը նպատակ ունի աջակցել երիտասարդներին ստեղծել համերաշխ ու սոցիալապես պատասխանատու ձեռնարկություններ։

📍Ծրագրի բոլոր մանրամասներին ծանոթացեք այստեղ'
https://shorturl.at/64zlc

📌Հայտը կարող եք լրացնել մինչև նոյեմբերի 3-ը ներառյալ' անցնելով այս հղումով
https://forms.gle/xeSToHKUXHV987QT7

#ԿԱԶԱ #ԽԹԱՆ