Ժողովրդավարության Զարգացման Հիմնադրամ/Democracy Development Foundation

20/08/2026

🕊️ Մարդասիրության միջազգային օրը մեզ հիշեցնում է, որ յուրաքանչյուր մարդկային կյանք անգնահատելի է, իսկ դժվարությունների առաջ հայտնվածներին մենակ չթողնելը մեր հավաքական պատասխանատվությունն է։

2023 թվականի սեպտեմբերին Լեռնային Ղարաբաղից տեղահանված մեր հայրենակիցներն իրենց հետ բերել են ոչ միայն կորստի ցավը, այլև նոր կյանք կառուցելու անկոտրում ուժն ու հույսը։

🇪🇺 Եվրոպական միության ֆինանսավորմամբ 2024 թվականից մեկնարկած «Մարդու իրավունքները փախստականների հետ և նրանց համար» ծրագրի շրջանակում մենք աշխատում ենք տեղահանվածների հետ՝

▪️ Բարձրացնելով իրազեկվածությունը սեփական իրավունքների մասին ,
▪️ Ապահովելով հասանելիություն այն ծառայություններին ու հնարավորություններին, որոնք իրավամբ իրենցն են։

————————————————

«Մարդու իրավունքները փախստականների հետ և նրանց համար» ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի, Փախստականների հարցերով էստոնական խորհրդի, Ընդդեմ կանանց նկատմամբ բռնության կոալիցիայի և Քըմիթ Գլոբըլ կազմակերպության կողմից:

Մարդասիրական օգնության համաշխարհային օրը հիշեցում է, որ գործնականում մարդասիրական աջակցությունը նշանակում է կանգնել մարդկանց կողքին ճգնաժամի ու մեծ ցնցումների պահին, արձագանքել նրանց առաջնային կարիքներին և օգնել ստեղծելու պայմաններ` արժանապատիվ կյանքի վերականգնման համար։

2023 թվականի սեպտեմբերին Ղարաբաղի հայերի տեղահանությունից հետո Եվրոպական միությունն անհապաղ աջակցություն է տրամադրել՝ արձագանքելով մարդկանց հրատապ կարիքներին և միաժամանակ օժանդակելով տեղահանվածների երկարաժամկետ ինտեգրման գործընթացին։

ԵՄ-ի կողմից տրամադրված ավելի քան 89 միլիոն եվրոյի աջակցությունն ուղղվել է՝ բնակապահովման, սոցիալական ծառայությունների հասանելիության, աշխատանքի տեղավորման և եկամտի նոր հնարավորությունների ստեղծման, իրավական ու սոցիալ–հոգեբանական աջակցության ծրագրերին։
🇪🇺🇦🇲

World Humanitarian Day is a reminder of what humanitarian action means in practice — standing with people at moments of profound disruption, responding to immediate needs and helping create the conditions for them to rebuild their lives with dignity.

Following the displacement of Karabakh Armenians in September 2023, the European Union has supported the humanitarian response in Armenia from the outset — addressing urgent needs while helping displaced people move towards longer-term stability and integration. More than €89 million in EU support is helping displaced Karabakh Armenians rebuild their lives through improved access to housing, social services, livelihoods, legal aid and psychosocial support.

10/08/2026

🏥 Պալիատիվ օգնության պատկերը Գեղարքունիքի մարզում. մշտադիտարկման արդյունքներ

📅2026 թ. հունիսի 23-ին Ժողովրդավարության զարգացման հիմնադրամի մշտադիտարկման խումբն այցելել է Գեղարքունիքի մարզի Վարդենիսի, Մարտունու, Սևանի բժշկական կենտրոնների պոլիկլինիկաներ և Նորատուսի բժշկական ամբուլատորիա՝ գնահատելու պալիատիվ բուժօգնության և ցավազրկման հասանելիությունը։

📊 Ինչպիսի՞ն է իրավիճակը մարզում. տվյալներ ըստ ԲԿ-ների

🔻 Վարդենիսի ԲԿ (սպասարկում է ~30,000 բնակչի).

Հաշվառված քաղցկեղով պացիենտներ՝ ~400

Ներարկային մորֆին ստացողներ՝ 5 պացիենտ

🔻 Մարտունու ԲԿ (սպասարկում է ~12,000 բնակչի).

Հաշվառված քաղցկեղով պացիենտներ՝ ~1,000

Մորֆին ստացողներ (ներարկային/Օրամորֆ)՝ ամսական միջինում 10 պացիենտ

🔻 Սևանի ԲԿ.

Հաշվառված քաղցկեղով պացիենտներ՝ ~700

Հունիսին ներարկային մորֆին ստացածներ՝ 10 պացիենտ

✅ Դրական զարգացումներ

Ընդլայնվել է օփիոիդային ցավազրկողների (մասնավորապես՝ մորֆինի) հասանելիությունը և դրանք ստացող պացիենտների շրջանակը։

Բարելավվել են պացիենտների անձնական տվյալների և բժշկական գաղտնիքի պաշտպանության վերաբերյալ իրազեկվածությունն ու գործելակերպը։

⚠️ Առկա խնդիրներն ու մարտահրավերները

Ուղեցույցների շեղում.
Ցավի կառավարումը հաճախ հիմնվում է բժիշկների անձնական փորձի, այլոչ թե ԱՆ ապացուցողական կլինիկական ուղեցույցների վրա։ Ցավի գնահատումը հազվադեպ է կատարվում ստանդարտացված VAS սանդղակով։

Դեղաչափի սահմանափակում.
Մորֆինը հիմնականում նշանակվում է 1–3 օրով՝ ուղեցույցներով նախատեսված մինչև 10 օրվա փոխարեն։

Կանխակալ մոտեցումներ.
Մասնագետների մի մասի շրջանում պահպանվում են մորֆինի կիրառման վերաբերյալ չհիմնավորված մտահոգություններ։

Ձևաչափի ընտրություն.
Գերակշռում է ներարկային մորֆինը, իսկ ըմպելի տարբերակը (Օրամորֆ) հաճախ հասանելի չէ կամ չի նշանակվում։

Իրազեկվածության պակաս.
Ընտանեկան բժիշկները դեռևս լիարժեք տեղեկացված չեն կարգավորումներին, ինչը վկայում է շարունակական կրթության անհրաժեշտության մասին։

Աշխարհագրական բարդություններ.
Հեռավոր բնակավայրերում ապրող պացիենտները ստիպված են հաճախակի այցելել ԲԿ-ներ՝ դեղորայք ստանալու համար։

🔻 Ի՞նչ անել, եթե ունեք դրա կարիքը.
Եթե դուք կամ ձեր հարազատներն ունեք քրոնիկ կամ քաղցկեղով պայմանավորված ցավեր, դիմեք ձեր տեղամասային պոլիկլինիկա՝ անհրաժեշտ և արդյունավետ ցավազրկող բուժօգնություն ստանալու համար։

❗ Իրավունքների խախտման դեպքում.
Բուժօգնության մերժման, ոչ պատշաճ ծառայության կամ դեղերի անհիմն չնշանակման դեպքում զանգահարեք թեժ գծին՝ 📞 094 422 922։

ՀՀ առողջապահության նախարարություն
Կյանք առանց ցավի - Life Without Pain

#ՊալիատիվՕգնություն #Գեղարքունիք #Առողջապահություն #ՄարդուԻրավունքներ #ՑավիԿառավարում

10/08/2026

🎙️ Բաց մի՛ թողեք «ԿԱՆՔ» փոդքասթի առաջին թողարկումը։

Առաջին թողարկման հյուրն է Լուսէ Հիմնադրամ / Lousé Foundation-ի տնօրեն Գոհար Գալստյանը։

Հաղորդավար Դավիթ Պետրոսյանի հետ զրույցում Գոհարը պատմում է.
🔹 «Լուսէ»-ի ստեղծման և առաքելության մասին,
🔹 Կենտրոնի աշխատանքային մեթոդների ու ռեսուրսների մասին,
🔹 Հաջողված պատմությունների և այն բարդ, բայց արժեքավոր ճանապարհի մասին, որն անցել է թիմը մինչ օրս։

🎙️ Դիտեք առաջին թողարկումը Բուն TV-ի YouTube-յան ալիքում՝
https://youtu.be/KWGoTGGJYX0?si=ALAZ4vGUZx8iYjH4
—————————————
Այս հաղորդաշարը պատրաստվել է ԵՄ ֆինանսավորմամբ իրականացվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից:

04/08/2026

🎬 «ԿԱՆՔ» փոդքասթ․ նոր հարթակ՝ նվիրված Հայաստանի քաղաքացիական հասարակությանը

Եվրոպական միության կողմից ֆինանսավորվող «ԿԱՆՔ» ծրագրի շրջանակում մեր գործընկեր Բուն TV-ն սկսել է «ԿԱՆՔ» փոդքասթի նկարահանումները։

💡Այս նախագիծն իր տեսակով յուրահատուկ է հայաստանյան մեդիադաշտում․ այն նպատակ ունի անդրադառնալու Հայաստանի քաղաքացիական հասարակությանը՝ ներկայացնելով դրա առանցքային դերակատարումն ու իրականացվող նախաձեռնությունները։

🎙 Հաղորդաշարի շրջանակում հյուրընկալվելու են «ԿԱՆՔ» ծրագրի ենթադրամաշնորհառու հասարակական կազմակերպություններին։

Նրանք կպատմեն իրենց կազմակերպությունների գործունեության, իրականացվող ծրագրերի, հաջողված փորձի և համայնքներում ստեղծվող իրական փոփոխությունների մասին։

👉 Տեսանյութերը և առաջիկա թողարկումները բաց չթողնելու համար հետևեք Բուն TV-ի պաշտոնական էջին։

—————————————————————————

«Կայուն, ազդեցիկ և ներառական քաղհասարակություն» (ԿԱՆՔ) ծրագիրն իրականացվում է Եվրոպական միության աջակցությամբ՝ Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից:

Ծրագիրը նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում:

03/08/2026

🕊️✨Կանանց ձայնը խաղաղաշինության մեջ։

«Կանանց Օրակարգ» ՀԿ-ի Բանակցությունների ակադեմիայի շրջանակում մեր հիմնադրամի տնօրեն Նաիրա Սուլթանյանն անդրադարձել է «Խաղաղության կամուրջ» նախաձեռնությանն ու խաղաղաշինության գործընթացում կանանց առանցքային դերակատարությանը։

30/07/2026

🧠 Ճիշտ ուղղորդում = Արդյունավետ աջակցություն

Հուլիսի 29-ին Ժողովրդավարության զարգացման հիմնադրամը մեկ տեղում էր հավաքել ոլորտի ակտիվ ՀԿ ներկայացուցիչներին՝ մասնակցելու «Ուղղորդման մեխանիզմները հոգեսոցիալական աջակցման ոլորտում» դասընթացին։

Օրը հագեցած էր գործնական գիտելիքներով ու ակտիվ քննարկումներով․

📌 Հոգեկան առողջությունն ու առողջապահական համակարգը․
Հոգեբույժ Գևորգ Փաշիկյանն անդրադարձավ հոգեկան առողջության հիմնական սահմանումներին ու խնդիրներին, ինչպես նաև ներկայացրեց առողջապահական համակարգում շահառուների ուղղորդման հստակ ալգորիթմը։

📌 Սոցիալական ծառայություններն ու իրավունքների պաշտպանությունը․
Փորձագետ Հայկ Մկրտչյանը ներկայացրեց հոգեսոցիալական աջակցության ծառայությունների ողջ շրջանակը՝ մանրամասնելով սոցիալական, անկախ կյանքի և իրավունքների պաշտպանության ծառայությունների ուղղորդման մեխանիզմները։
____
Դասընթացը իրականացվեց Եվրոպական միության կողմից ֆինանսավորվող «Իրավունքներ, ծառայություններ, մասնակցություն. Հայաստանում հոգեկան առողջության համապարփակ շրջանակի խթանում» ծրագրի շրջանակում` Helsinki Citizens’ Assembly-Vanadzor-ի, Ժողովրդավարության զարգացման հիմնադրամի, «Հաշմանդամություն ունեցող անձանց իրավունքների օրակարգ» ՀԿ-ի և Հոգեկան առողջության հայկական ասոցիացիաի կողմից:

29/07/2026

📚💡Հակամարտությունների վերաբերյալ նոր գիտելիքներ, ակտիվ քննարկումներ և բանավեճեր

Մեր եռօրյա կրթական սեմինարը՝ ամփոփ։

24/07/2026

⚠️ Մենք՝ ներքոստորագրյալ հասարակական կազմակերպություններս, մեր խոր մտահոգությունն ենք հայտնում ՀՀ զինված ուժերում ոչ մարտական պայմաններում զինծառայողների շարունակական մահերի առնչությամբ։

⚠️ Մենք՝ ներքոստորագրյալ հասարակական կազմակերպություններս, մեր խոր մտահոգությունն ենք հայտնում ՀՀ զինված ուժերում ոչ մարտական պայմաններում զինծառայողների շարունակական մահերի առնչությամբ։

📌 2026 թ․ հուլիսի 21-ին ՀՀ քննչական կոմիտեն տեղեկացրեց, որ զինծառայողի մահվան դեպքում հարուցվել է քրեական վարույթ։ Արդեն այսօր՝ հուլիսի 23-ին հրապարակված տեղեկության համաձայն՝ համածառայակիցների նկատմամբ հարուցվել է հանրային քրեական հետապնդում զինծառայողին անզգուշությամբ ինքնասպանության հասցնելու մեղադրանքով։

📊 Միայն 2026 թ․ ընթացքում ՀՀ զինված ուժերում արձանագրվել են ոչ մարտական պայմաններում 8 մահվան դեպքեր, որոնց մեծ մասի առնչությամբ, ըստ Քննչական կոմիտեի հաղորդագրությունների, նախաձեռնվել են քրեական վարույթներ ՀՀ քրեական օրենսգրքի սպանության և ինքնասպանության հասցնելու հոդվածներով։

🛡️ Զինծառայողները, հատկապես ժամկետային զինծառայողները, գտնվում են Հայաստանի Հանրապետության անմիջական պատասխանատվության և հոգածության ներքո։ Պետությունը պարտավոր է ապահովել նրանց կյանքի իրավունքն ու անվտանգությունը, պաշտպանել նրանց պատիվն ու արժանապատվությունը։

⚖️ Ամենաբարձր պաշտոնական մակարդակով սեփական կյանքին վերջ տալու դեպքերի պատճառների մասին խոսելիս մարդու իրավունքների պաշտպանության փոխարեն խնդիրը տեղափոխվում է զոհի հոգեբանական դիմակայության դաշտ, ինչն ուղղակիորեն ոլորտում պետության պատասխանատվությունից խուսափելու, դեպքերի իրական պատճառներն ու հանգամանքները կոծկելու միտում է պարունակում։

🔎 Մինչդեռ, մահվան դեպքերի ուսումնասիրությունը փաստում է, որ ՀՀ զինված ուժերում բռնությունը, զինծառայողների նվաստացումը կրում է շարունակական բնույթ և դրսևորվում է ինչպես ֆիզիկական բռնությամբ, այնպես էլ արժանապատվությունը նվաստացնող վերաբերմունքի տարբեր դրսևորումներով, ահաբեկմամբ, ինչպես նաև պաշտոնեական կամ փաստացի իշխանության երկարատև չարաշահմամբ։ Առավել մտահոգիչ է, որ զինված ուժերում ոչ կանոնադրական հարաբերությունները և բռնությունը կարող են դրսևորվել տևական ժամանակ, ինչպես նաև զինծառայողների խմբային մասնակցությամբ՝ առանց պատշաճ վերահսկողության և կանխման մեխանիզմների պատշաճ կիրառման։

⚠️ Պատշաճ իրավական գնահատականի չի արժանանում նաև տևական ժամանակ ֆիզիկական և հոգեբանական բռնության ենթարկելու պրակտիկան, որը նախորդում է սեփական կյանքին վերջ տալու դեպքերի։ Ուսումնասիրությունը փաստում է, որ եթե բռնությունը չի ավարտվում մահվան դեպքով, անգամ եթե բռնարարները դատապարտվում են, ապա պայմանականորեն ազատվում են նշանակված պատժից՝ փորձաշրջանով։

❗ Փաստացիորեն բռնության դրսևորումները նորմալացվում են և չեն կանխարգելվում, ինչը փաստում է ոչ միայն հրամանատարական օղակներում ձախողումների և անգործության մասին, այնպես էլ մարդու իրավունքների պարտավորությունների գիտակցման և պաշտպանության շարունակական մտահոգիչ դրության մասին։

🔴 Ավելին, զինված ուժերում արձանագրված բռնության և մահվան դեպքերով չի իրականացվում պատշաճ, արդյունավետ և ժամանակին քննություն, ինչը հանգեցնում է ինչպես մեղավորների անպատժելիության, այնպես էլ տուժողների իրավունքների պաշտպանության ձախողման և դեպքերի կրկնության։ Պաշտոնական քննությունը սահմանափակվում է բացառապես կատարողների մակարդակով՝ չներառելով հրամանատարական պատասխանատվությունը։

📢 Միաժամանակ, ՀՀ պաշտպանության նախարարությունը շարունակում է ոչ թափանցիկ ու ոչ հաշվետու գործելաոճը՝ բավարար հանրային հաշվետվողականություն չցուցաբերելով մահվան դեպքերի և հանգամանքների շուրջ։ Չի իրականացվում ինքնասպանության և սպանության դեպքերի, բռնության դրսևորումների համակարգային պատճառների խորքային և համակողմանի ուսումնասիրություն, ինչպես նաև նման դեպքերի կանխարգելմանն ուղղված արդյունավետ բարեփոխումներ, ինչն էականորեն ազդում է զինված ուժերի նկատմամբ հանրային անվստահության խորացման։

📌 Հաշվի առնելով վերոգրյալը՝ պահանջում ենք․

⚖️ Իրականացնել բռնության և մահվան հանգեցրած դեպքերով արդյունավետ քննություն, այդ թվում՝ պատշաճ իրավական գնահատական տալով հրամանատարական կազմի գործողություններին և անգործությանը։

🤝 Ապահովել մահացած զինծառայողների ընտանիքների իրավական, հոգեբանական և սոցիալական անվճար աջակցությունը, ինչպես նաև ներդնել մահվան դեպքին հաջորդող համալիր արձագանքման հստակ ընթացակարգեր տվյալ զորամասում, որոնք ներառում են համածառայակիցների անհապաղ հոգեբանական սքրինինգ և աջակցություն։

📞 Հնարավորություն ընձեռել զինծառայողներին դիմելու զինվորական հիերարխիայից դուրս գտնվող (քաղաքացիական) հոգեկան առողջության մասնագետների կամ շուրջօրյա անվճար թեժ գծերի՝ երաշխավորելով դիմելու փաստի լիակատար գաղտնիությունը։

🕊️ Զինված ուժերում իրականացնել մարդու իրավունքների պաշտպանությանն ուղղված իրական և արդյունավետ բարեփոխումներ, այդ թվում՝ ապահովելով մարդու իրավունքների վերաբերյալ կանոնավոր և պարտադիր վերապատրաստումներ զինծառայողների, հրամանատարների համար՝ հատուկ շեշտադրելով խոշտանգման և դաժան, անմարդկային կամ արժանապատվությունը նվաստացնող վերաբերմունքի արգելքը, բռնության կանխարգելումը և խոցելի իրավիճակում հայտնված զինծառայողների պաշտպանությունը։

🔍 Ամրապնդել բարձր ռիսկային իրավիճակների (ռիսկի գործոնների) վաղ բացահայտման ու մշտադիտարկման մեխանիզմները և ներդնել կանոնավոր ռիսկերի գնահատման ընթացակարգեր և մեխանիզմներ՝ ուղղված բռնության օրինաչափությունների, ոչ կանոնադրական հարաբերությունների, խմբային ահաբեկման, խոցելիությունների և բռնարար վարքագծի այլ դրսևորումների վաղ բացահայտմանը՝ նախքան դրանք կվերաճեն ծանր միջադեպերի։

📄 Հնարավորինս կարճ ժամկետներում իրականացնել բազմամասնագիտական ուսումնասիրություն՝ համակողմանի գնահատելու բռնության և ինքնասպանությունների առաջացման պատճառներն ու նպաստող գործոնները՝ ներառյալ նախորդ բռնության դեպքերի, հրամանատարական արձագանքների, հոգեբանական ռիսկերի և այլ ազդող հանգամանքների ուսումնասիրությունը, և այն հրապարակել։

🧠 Հզորացնել զինվորական հոգեբանների և այլ աջակցող ծառայությունների դերն ու կարողությունները՝ բռնության, նվաստացման, բուլինգի և ինքնասպանության ռիսկերի բացահայտման, փաստաթղթավորման և համապատասխան արձագանքման նպատակով։

🛡️ Զինված ուժերում երաշխավորել արդյունավետ հրամանատարական վերահսկողություն և հաշվետվողականություն:

Հայտարարության ամբողջական տեքստն ու այն ստորագրած կազմակերպությունների ցանկը՝https://prwb.am/wp-content/uploads/2026/07/Հայտարարություն-զինված-ուժերում-մահվան-դեպքերի-վերաբերյալ-3.pdf

22/07/2026

📌 Աշխատաժողով. «Ընտրությունները և քաղհասարակությունը․ ամփոփում և հետագա քայլեր»

🗓️ Հուլիսի սկզբին Ժողովրդավարության զարգացման հիմնադրամը և Պրահայի քաղաքացիական հասարակության կենտրոնը կազմակերպել էին քաղաքացիական հասարակության ներկայացուցիչների երկօրյա աշխատաժողով։

🎯 Աշխատաժողովի նպատակն էր ամփոփել 2026թ. խորհրդարանական ընտրությունների ընթացքում քաղհասարակության արձագանքը, ինչպես նաև վերլուծել ընտրական գործընթացների հաջողություններն ու մարտահրավերները՝ տեղեկատվական մանիպուլյացիաների ու օտարերկրյա միջամտությունների (FIMI) հակազդման, հետընտրական բարեփոխումների առաջնահերթությունների և այլ կարևոր թեմաների վերաբերյալ։

🤝 Շնորհակալություն ենք հայտնում բոլոր մասնակիցներին և գործընկերներին՝ արդյունավետ քննարկումների և երկկողմ համագործակցության պատրաստակամության համար։

🇪🇺 Երկօրյա աշխատաժողովը կազմակերպվել էր Եվրոպական միության, 🇸🇪 Հայաստանում Շվեդական միջազգային զարգացման համագործակցության գործակալության և 🇨🇭 Հայաստանում Շվեյցարիայի զարգացման և համագործակցության գործակալության աջակցությամբ։


—————————————————————————

21/07/2026

📅 Հուլիսի 10-12-ը Ժողովրդավարության զարգացման հիմնադրամը հրավիրված էր մասնակցելու Լատվիայի Ցեսիս քաղաքում կայացող Sarunu festivāls LAMPA ամենամյա փառատոնին, որն այս տարի անցկացվում էր արդեն 12-րդ անգամ:

💡 «Լամպան» ժողովրդավարության, հանրային երկխոսության և քաղաքացիական մասնակցության հարթակ է, որի հիմքում ընկած է այն համոզմունքը, որ առողջ ժողովրդավարությունը սկսվում է որակյալ ու հարգալից հանրային զրույցներից։

📌 Փառատոնի շրջանակներում անցկացվող բազմաթիվ բանավեճերը, աշխատարաններն ու քննարկումները ներառում են արդիական թեմաների լայն շրջանակ՝ քաղաքականությունից, մարդու իրավունքներից ու մեդիագրագիտությունից մինչև տեխնոլոգիաներ, շրջակա միջավայր և անվտանգություն։

🗣 Փառատոնի շրջանակում քաղհասարակությանը նվիրված հատուկ պանելային քննարկման ընթացքում ԺԶՀ Մարդու իրավունքների և արդարադատություն ծրագրերի ղեկավար Արփի Հարությունյանը խոսեց Հայաստանի քաղաքացիական հասարակության, առկա մարտահրավերների, խնդիրների և հաջողությունների մասին՝ ներկաներին ծանոթացնելով տեղական համատեքստին ու մեր երկրում տեղի ունեցող ժողովրդավարական գործընթացներին։

_________________________

📅 From July 10-12, the Democracy Development Foundation (DDF) was invited to participate in the annual Sarunu festivāls LAMPA (LAMPA Conversation Festival) held in the Latvian city of Cēsis. This year marked the 12th edition of the festival.

💡 LAMPA is a platform for democracy, public dialogue, and civic participation, built on the belief that a healthy democracy begins with meaningful, high-quality, and respectful public conversations. The festival’s numerous debates, workshops, and discussions cover a wide range of contemporary topics, from politics, human rights, and media literacy to technology, the environment, and security.

🗣 As part of a special panel discussion dedicated to civil society, Arpi Harutyunyan, DDF’s Justice and Human Rights Portfolio Manager, spoke about Armenia’s civil society, its current challenges, obstacles, and achievements. She introduced participants to the local context and shared insights into the democratic processes taking place in Armenia.