27/07/2026
📙Էդուարդ Հրաչի Գրիգորյան
(հուլիսի 27, 1936, Երևան)
Բժշկական գիտությունների դոկտոր (1981), պրոֆեսոր (1993), ՀՀ ԲԳԱ ակադեմիկոս (2000), ՀՀ գիտության վաստակավոր գործիչ (2011), ստամոքսաղիքաբան։
🖊Հայկական ստամոքսաղիքաբանության զարգացման գործում մեծ ավանդ ունեցող մասնագետներից է պրոֆեսոր Էդուարդ Գրիգորյանը։
📚Տասնամյակներ շարունակ նրա գիտական, կլինիկական և մանկավարժական գործունեությունը նշանակալի դեր է ունեցել ոլորտի առաջընթացի, նոր սերնդի բժիշկների պատրաստման և մարսողական համակարգի հիվանդությունների ախտորոշման ու բուժման ժամանակակից մոտեցումների ներդրման գործում։
Նրա բազմամյա նվիրված աշխատանքը գնահատվել է բազմաթիվ բարձր կոչումներով ու պարգևներով՝ վկայելով բժշկական գիտության և առողջապահության զարգացման գործում ունեցած անուրանալի ներդրման մասին։
✍️Կենսագրական տվյալներ
💬1960 թվականին ավարտել է Երևանի պետական բժշկական ինստիտուտը։ 1979 թվականից՝ Երևանի կուրորտաբանության և ֆիզիոլոգիական բժշկության ԳՀԻ գիտական ղեկավար, 1988-2002 թվականներին, միաժամանակ՝ ստամոքսաղիքաբանության բաժանմունքի վարիչ, 2003 թվականից՝ Ստամոքսաղիքաբանության կենտրոնի ղեկավար։ ՀՀ առողջապահության նախարարության գլխավոր ստամոքսաղիքաբանն էր (1988 թվականից)։
Միջազգային ակադեմիաների և մասնագիտական միավորումների անդամ։
🔹️Աշխատանքները վերաբերում են մարսողական, ներզատական համակարգերի, երիկամների հիվանդությունների, պարբերական հիվանդության հարցերին. հետազոտել է ենթաստամոքսային գեղձի վիճակը մարսողական օրգանների տարբեր հիվանդությունների ժամանակ։
👨⚕️Սրտանց շնորհավորում ենք պրոֆեսոր Էդուարդ Գրիգորյանին 90-ամյա հոբելյանի առթիվ՝ մաղթելով ամուր առողջություն, անսպառ եռանդ և ամենայն բարիք։
