ARALEZ Scouts

ARALEZ Scouts Արալեզ Բարեգործական ՀԿ-ի Հայաստանի Սկաուտական Խումբը մանկապատանեկան, ոչ քաղաքական երկսեռ շարժում է:

Անդամները՝ Սկաուտները, տարվա ընթացքում վայելում են մի շարք ծրագրեր, որոնք կնպաստեն պատասխանատու, ակտիվ, զարգացած և հայրենասեր մեծանալուն:

Խմբի հավաքները լինում են միայն Կիրակի օրերին՝ ժամը 10:30-ից մինչև 13:00, այնպես, որ դպրոցական դասերին չեն խոչընդոտի, իսկ օրը սկսվում է Երկրի և խմբի դրոշի արարողությամբ:

Ծրագրերը բազմատեսակ են՝ սկսած մտավոր ծրագրերից մինչև ակտիվ և էքստրիմ:

ԱՐԱԼԵԶ Սկաուտական խումբն որևէ քաղաքական ուժի չի պատկանում և չի ասոցացվում:
Արալեզի Սկաուտները գործում են ԱՄՆ-ի Սկաուտական գիտելիքների վրա հիմնված, որոնք ուղղված են գոյատևման, առաջնորդության և բազմակողմանի զարգացման ոչ ֆորմալ կրթության վրա:

Միացե՛ք Սկաուտներին
Ձեռք բերե՛ք գիտելիքներ, կյանքի փորձություններ և անմոռանալի հիշողություններ

⚜️1 րոպե լռությամբ սկսեցինք մեր կիրակնօրյա սկաուտական հավաքը…Սեպտեմբերի 27-ը մեզ համար պարզապես օրացույցի ամսաթիվ չէ։ Հի...
29/09/2026

⚜️1 րոպե լռությամբ սկսեցինք մեր կիրակնօրյա սկաուտական հավաքը…

Սեպտեմբերի 27-ը մեզ համար պարզապես օրացույցի ամսաթիվ չէ։ Հիշեցինք 44-օրյա պատերազմի օրերին մեր սկաուտական խմբի մեծերի ու փոքրերի կատարած աշխատանքը, նրանց նվիրվածությունն ու այդ օրերին յուրաքանչյուրիս ներդրումը։ Հիշեցինք նաև մեր հերոսներին՝ նրանց, ում սխրանքը երբեք չի մոռացվի։ 🕊️

Հետո փորձեցինք մեր շուրջը եղած աշխարհը ճանաչել գիտելիքի միջոցով։ 📚
Հավատում ենք՝ գիտելիքով զինված մարդն է կարողանում ճիշտ պահին ճիշտ որոշում կայացնել, ստեղծել, պաշտպանել ու առաջ շարժվել։

👩‍🔬 Փորձեցինք, բացահայտեցինք, համոզվեցինք… ու, ինչպես իսկական սկաուտներ, մեր արածի հետևից էլ ամեն ինչ հավաքեցինք ու մաքրեցինք♻️

Սովորում ենք այսօր, որպեսզի վաղը լինենք ավելի գիտակից, ավելի պատրաստ ու ավելի ուժեղ։
Քայլ առ քայլ՝ գիտելիքով, պատասխանատվությամբ ու սիրով մեր երկրի հանդեպ ⚜️

#քիմիա #ֆիզիկա

Անկախության տոնին ընդառաջ՝ ճանաչելով մեր Հայաստանը։Կիրակին սկաուտներիս հավաքը նախատոնական էր ու լի բացահայտումներով։ ❤️💙...
25/09/2026

Անկախության տոնին ընդառաջ՝ ճանաչելով մեր Հայաստանը։
Կիրակին սկաուտներիս հավաքը նախատոնական էր ու լի բացահայտումներով։ ❤️💙🧡
ՀՀ անկախությունը նշեցինք՝ ճանաչելով մեր երկիրը, նրա մարզերն ու ոչ նյութական մշակութային ժառանգությունը։ Խաղի միջոցով ճամփորդեցինք Հայաստանի մարզերով, բացահայտեցինք մեր մշակույթի հետաքրքիր կողմերը, անցանք հատուկ փորձառությունների միջով ու, իհարկե, չմոռացանք ամենակարևորը՝ միասին խաղալ, սովորել ու ուրախանալ։

Օրը լի էր շարժումով, բացահայտումներով ու բարձր տրամադրությամբ, իսկ մեր փոքրիկ սկաուտները տուն վերադարձան նոր գիտելիքներով, տպավորություններով ու ժպիտներով։

Սիրել Հայաստանը՝ ճանաչելով այն։
Ճանաչել՝ պահպանել ու փոխանցել։❤️

16/09/2026

🏕️ Հոկտեմբերի 15–18-ը՝ անմոռանալի սկաուտական բանակում Ծաղկաձորում 🌲🔥

4 օր՝ բնության գրկում, վրանային կյանքով, արկածներով, թիմային փորձություններով, նոր ընկերություններով ու իսկական սկաուտական ոգով։ 🧭

Այս անգամ մեր բանակումը բաց է նաև սկաուտական խմբից դուրս գտնվող 12–17 տարեկանների համար։
Եթե երբևէ ցանկացել ես իմանալ՝ ինչ է նշանակում ապրել սկաուտական կյանքով, փորձել քեզ նոր իրավիճակներում ու դառնալ մի մեծ թիմի մաս, սա քո հնարավորությունն է։ 💪

🌲 Ծաղկաձոր
📅 Հոկտեմբերի 15–19
👥 Տարիք՝ 12–17 տարեկան
💰 Մասնակցության արժեք՝ 45,000 դրամ
⏳ Վերջնական գրանցում՝ սեպտեմբերի 30

🔥 Խարույկներ
⛺ Ճամբարային կյանք
🧭 Արկածներ ու փորձություններ
🤝 Թիմային խաղեր
🌿 Բնություն և նոր բացահայտումներ
💪 Նոր հմտություններ ու ինքնուրույնություն
❤️ Նոր ընկերներ ու հիշողություններ
📩 Ցանկանո՞ւմ ես միանալ։
Գրիր մեզ անձնական նամակով կամ մեկնաբանություններում թող «+», և մենք կապ կհաստատենք քեզ հետ ու կուղարկենք մասնակցության մանրամասները։

Սեպտեմբերի 13-ին մեր կիրակնօրյա հավաքը սովորականից մի փոքր ուրիշ էր․ այս անգամ երեխաները ճանապարհորդեցին ժամանակի մեջ՝ ա...
15/09/2026

Սեպտեմբերի 13-ին մեր կիրակնօրյա հավաքը սովորականից մի փոքր ուրիշ էր․ այս անգամ երեխաները ճանապարհորդեցին ժամանակի մեջ՝ անցնելով մեր հին հայկական թագավորությունների միջով 🏛️

Բաժանվեցինք խմբերի, իսկ յուրաքանչյուր խումբ իր համար ընտրեց հին հայկական թագավորության անուն՝ դառնալով այդ թագավորության փոքրիկ «բանակը»։ Եվ սկսվեց պատմական արահետը… 🗺️

Ճանապարհին նրանք ոչ միայն խաղացին, այլև՝
⚔️ «կռվեցին» միմյանց դեմ՝ ինչպես հին թագավորությունները,
𒀭 փորձեցին կարդալ սեպագիր արձանագրություն,
🪨 փորագրեցին իրենց սեփական նամակը՝ թողնելով իրենց հետքը պատմության մեջ,
🏰 և վերջում միասին ազատագրեցին մեր Անին։

Իսկ խաղի մի հատվածում կանգ առանք նաև օրվա խորհրդի շուրջ՝ ծանոթանալով Խաչվերացի տոնին՝ Հայ Առաքելական Եկեղեցու հինգ տաղավար տոներից վերջինին։ ✝️

Ու այսպես՝ խաղի, մրցակցության, բացահայտումների ու ծիծաղի միջով երեխաները տուն վերադարձան ոչ միայն լավ տրամադրությամբ, այլև իրենց հետ տանելով մի փոքր ավելի շատ հայոց պատմություն, մշակույթ ու մեր եկեղեցական տոների խորհուրդ։ ❤️

Մեզ համար հենց սա է սկաուտությունը․
սովորել՝ ապրելով, բացահայտել՝ խաղալով, և սիրել հայրենիքը՝ ճանաչելով այն🌿

#ԱրալեզՍկաուտներ #Խաչվերաց #ՀայոցՊատմություն #ՀայկականԹագավորություններ #Սկաուտություն #Հայաստան #ԿիրակնօրյաՀավաք

14/09/2026

Խաչվերացը՝ Հայոց պատմության արահետով
⚜️Սեպտեմբերի 13

Թեև մեր սկաուտական հայտագրերում գիտելիքի փոխանցումը միշտ կարևոր տեղ ունի, մեզ համար գիտելիքը միայն դասագրքից սովորածը չէ...
10/09/2026

Թեև մեր սկաուտական հայտագրերում գիտելիքի փոխանցումը միշտ կարևոր տեղ ունի, մեզ համար գիտելիքը միայն դասագրքից սովորածը չէ։ Մենք ուզում ենք, որ երեխաները սովորեն, փորձեն, մտածեն ու ամենակարևորը՝ կարողանան կիրառել իրենց գիտելիքն իրական իրավիճակներում։

Գիտելիքի ամիսը սկսեցինք մաթեմատիկայով։ 🔢

Նախ, ըստ տարիքային խմբերի, ստուգեցինք երեխաների մաթեմատիկական գիտելիքները՝ հասկանալու, թե ինչ են արդեն սովորել և ինչի վրա դեռ պետք է աշխատենք։

Բայց դրանով չսահմանափակվեցինք։ 😉
Մաթեմատիկան տեղափոխեցինք խաղային միջավայր՝ ստեղծելով իրավիճակներ, որտեղ թվերն ու հաշվարկները դարձան անհրաժեշտ գործիք։

🏃‍♀️ Մրցութային խաղեր,
🧠 արագ հաշվարկներ ու խնդիրներ,
🎯 միավորների հավաքագրում,
🛍️ և նույնիսկ փոքրիկ «առևտուր»։

Երեխաները հաշվում էին, համեմատում, որոշումներ կայացնում, գումարներ հաշվում ու հասկանում, որ մաթեմատիկան միայն տետրում գրված թվեր չեն։

Այն մեր առօրյայի մի մասն է։

Եվ հենց սա է մեր նպատակը՝ գիտելիքը դարձնել փորձառություն, իսկ սովորելը՝ հետաքրքիր ու կիրառելի։ ❤️

Գիտելիքի ամիսը դեռ նոր է սկսվել։ 📚✨ Շնորհակալություն ընկեր Laura Zabounian Լորային մաթեմատիկական հիշարժան օրվա համար

🚂❤️Ամառը փակեցինք մի ճանապարհով, որը երկար կհիշենք…Այս անգամ մեր սկաուտական ճանապարհը մեզ տարավ Գյումրի՝ քաղաք, որտեղ ամ...
08/09/2026

🚂❤️Ամառը փակեցինք մի ճանապարհով, որը երկար կհիշենք…

Այս անգամ մեր սկաուտական ճանապարհը մեզ տարավ Գյումրի՝ քաղաք, որտեղ ամեն անկյուն կարծես մի պատմություն ունի պատմելու։

Ուղևորությունն սկսվեց դեռ գնացքից։ 🚂
Գնացքը մեր ամենասիրելի փոխադրամիջոցն է, որովհետև մեզ համար ճանապարհն ինքնին արկած է։ Պատուհանից անցնող տեսարաններ, բարձր ծիծաղ, անվերջ զրույցներ, երգեր ու անհամբեր սպասում՝ «Ե՞րբ ենք հասնելու»։ Իսկ ոմանց համար այդ ճանապարհը պարզապես գնացքով առաջին մեծ արկածներից էր։ ❤️

Գյումրիում մեզ սպասում էին նոր բացահայտումներ։ 🏛️
Մենք եղանք թանգարաններում, այցելեցինք պատմական վայրեր, բերդ, հուշարձաններ ու եկեղեցիներ, քայլեցինք քաղաքի հին ու գեղեցիկ փողոցներով։ Երեխաների աչքերում հերթով հայտնվում էին զարմանքը, հետաքրքրությունն ու հիացմունքը․ յուրաքանչյուր նոր վայր իր հետ բերում էր նոր հարց, նոր պատմություն ու նոր տպավորություն։

Բայց ամենահիշվողը հաճախ հենց փոքրիկ պահերն էին։ ✨
Մի երեխայի անկեղծ զարմանքը, մյուսի ոգևորությամբ պատմելը, նոր ընկերոջ հետ առաջին անգամ միասին ծիծաղելը, ճանապարհին իրար համար տեղ պահելը, հոգնած, բայց ժպիտով տուն վերադառնալը…

Իսկ հետո՝ խաղեր, զվարճանք, բարձր ծիծաղ ու քաղաքի զբոսայգիներում միասին անցկացրած անմոռանալի պահեր։ 🎡💚

Բայց այս օրը միայն Գյումրիի մասին չէր։
Այն մեր երեխաների ապրումների, ընկերության ու միասին ստեղծած հիշողությունների մասին էր։

Օրվա վերջում հոգնած դեմքեր էին, բայց փայլող աչքեր։ Իսկ ամենագեղեցիկ հարցը, որ կարող էր հնչել, մեկն էր․
«Իսկ ե՞րբ ենք նորից գնալու»։❤️

Այսպես փակեցինք մեր սկաուտական ամառը՝ մի ամբողջ օրվա մեջ տեղավորած մի մեծ արկածով, լի ծիծաղով, բացահայտումներով, ընկերությամբ ու ջերմ հիշողություններով։ ☀️⚜️

Ամառը ավարտվեց, բայց պատմությունները մնացին։
Ու մենք գիտենք՝ ամենագեղեցիկ ճանապարհները դեռ առջևում են։ 🚂💚

⚜️❤️ Խաղով, գիտելիքով և ուրախությամբ՝ Ոսկեհատի Ներսես Ներսիսյանի անվան համայնքային ճամբարում 🏕️«Ոսկեհատ» ԵՀԿ/ Voskehat Y...
05/09/2026

⚜️❤️ Խաղով, գիտելիքով և ուրախությամբ՝ Ոսկեհատի Ներսես Ներսիսյանի անվան համայնքային ճամբարում 🏕️«Ոսկեհատ» ԵՀԿ/ Voskehat YNGO

Ոսկեհատի Ներսես Ներսիսյանի անվան համայնքային ճամբարն արդեն 6-րդ տարին է համախմբում 6-18 տարեկան ոսկեհատցի երեխաներին՝ նրանց պարգևելով անմոռանալի օրեր, նոր ընկերներ, գիտելիքներ և գեղեցիկ հիշողություններ։

Ճամբարը կրում է 2018 թվականից դրա ստեղծման ակունքներում կանգնած և 2020 թվականին հերոսացած Ներսես Ներսիսյանի անունը։ Նրա անունը կրող այս նախաձեռնությունը շարունակում է իր կարևոր առաքելությունը՝ երեխաների առօրյան դարձնելով ավելի գունեղ, հետաքրքիր և լի հնարավորություններով։ ❤️

Այս տարի ճամբարը համախմբեց 120-ից ավելի մասնակիցների, որոնց համար ամբողջությամբ անվճար և կամավորական հիմունքներով հետաքրքիր ու հագեցած առօրյա ապահովեցին «Ոսկեհատ» ԵՀԿ-ի աշխատակազմն ու ջոկատավար-օգնականների 30 հոգանոց թիմը և հրավիրված հյուրերը, որոնց թվում էինք նաև սկաուտներս🙌

📅 Ճամբարի մեկնարկային օրը՝ օգոստոսի 23-ին, մեր սկաուտական խմբի փոքրիկներն ու սկաուտները միացան ճամբարականներին՝ իրենց հետ բերելով խաղ, շարժում և նոր գիտելիքներ։ Միասին խաղացինք մեր սիրելի «Աշխարհի շուրջ» խաղը, սկաուտները փոխանցեցին կողմնացույցից օգտվելու և ճիշտ կողմնորոշվելու իրենց գիտելիքները, իսկ օրը շարունակվեց հետաքրքիր ու զվարճալի դրոշակի խաղով։ 🧭🚩🌍

Այդ օրը կրկին համոզվեցինք, որ երբ երեխաները միասին են, խաղում են, սովորում ու բացահայտում, ամեն պահ կարող է վերածվել գեղեցիկ հիշողության։ ✨

❤️ Ուրախ էինք բոլորս, որովհետև կրկին հաջողվեց երեխաներին ուրախացնել՝ խաղալով, նրանց նոր գիտելիքներ փոխանցելով և միասին ջերմ ու հիշարժան ժամանակ անցկացնելով։

#Ոսկեհատ #ՆերսեսՆերսիսյան #ՀամայնքայինՃամբար #Սկաուտական #ԽաղովՍովորումԵնք

🍇⛪ Խաղողօրհնեքը սկաուտականում ❤️⚜️Օգոստոսի 16-ին մեր սկաուտական խմբում նշեցինք Սուրբ Աստվածածնի Վերափոխման տոնը՝ Խաղողօր...
04/09/2026

🍇⛪ Խաղողօրհնեքը սկաուտականում ❤️⚜️

Օգոստոսի 16-ին մեր սկաուտական խմբում նշեցինք Սուրբ Աստվածածնի Վերափոխման տոնը՝ Խաղողօրհնեքը🍇

Հայ Առաքելական Սուրբ Եկեղեցու հինգ տաղավար տոներից մեկը՝ Աստվածածնի Վերափոխման տոնը, մեր ժողովրդի մեջ առավել հայտնի է հենց #Խաղողօրհնեք անունով։ Այդ օրը Սուրբ Պատարագից հետո կատարվում է խաղողի օրհնության կարգը, իսկ օրհնված խաղողը բաժանվում է հավատացյալներին։

Տոնի խորհուրդը խորն ու գեղեցիկ է․ խաղողը քրիստոնեական խորհրդաբանության մեջ առանձնահատուկ տեղ ունի, քանի որ Հիսուս Քրիստոս Իրեն անվանել է «ճշմարիտ որթատունկ», իսկ հավատացյալներին՝ նրա ճյուղերը։ Խաղողօրհնեքը նաև գոհություն հայտնելու և Աստծուց ստացած բարիքների համար շնորհակալ լինելու խորհուրդն է։

❤️ Մեր սկաուտական խմբում կարևորում ենք, որ երեխաները ոչ միայն ճանաչեն մեր ազգային ավանդույթները, այլև ծանոթանան Հայ Առաքելական Սուրբ Եկեղեցու տաղավար տոներին, դրանց պատմությանն ու հոգևոր խորհրդին։

Մենք հավատում ենք, որ երեխաներին իրենց արմատներին ու արժեքներին ծանոթացնելու լավագույն ճանապարհներից մեկը հենց միասին ապրելով ու նշելով այդ օրերի խորհուրդն է։ Այդպես տոնը նրանց համար դառնում է ոչ միայն պատմություն կամ ավանդույթ, այլ՝ ապրում, հիշողություն և գիտելիք։ ⛪

🍇 Մեր օրը ևս անցավ տոնի խորհրդի շուրջ զրույցներով, զվարճալի ու հետաքրքիր խաղերով, ծիծաղով և, իհարկե, խաղողի համտեսով։

⚜️ Մեզ համար սկաուտականը միայն խաղ ու ժամանց չէ։ Այն նաև երեխաներին մեր ազգային, մշակութային և հոգևոր արժեքներին ծանոթացնելու, նրանց ինքնությունը ճանաչելու և սերունդներին մեր ժառանգությունը փոխանցելու կարևոր ճանապարհ է։

#Խաղողօրհնեք #ԱստվածածնիՎերափոխում #ՀայԱռաքելականԵկեղեցի #ՏաղավարՏոներ #Սկաուտական #ԱզգայինԱրժեքներ

Address

58 Mamikoniants Street
Yerevan
0051

Opening Hours

Thursday 16:00 - 18:00
Saturday 16:00 - 19:00
Sunday 10:30 - 15:00

Telephone

+37433990523

Website

Alerts

Be the first to know and let us send you an email when ARALEZ Scouts posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ARALEZ Scouts:

Shortcuts

Share

Category