Nago Armenia

18/08/2026

Խաղային ոլորտի չլիցենզավորված շուկան Հայաստանում ակտիվանում է․ թվերը պահանջում են ուշադրություն

Չլիցենզավորված խաղային հարթակների այցելությունները հունվարին կազմել են 287.5 հազար, իսկ հուլիսին՝ արդեն 808.7 հազար՝ արձանագրելով գրեթե եռակի աճ։

Նոր կարգավորումների, այդ թվում՝ «Ինքնաարգելափակման» համակարգի ներդրման պայմաններում այս միտումը կարևոր հարց է առաջադրում․ որքանո՞վ կարող է արդյունավետ լինել խաղացողների պաշտպանության քաղաքականությունը, եթե չլիցենզավորված շուկան շարունակում է աճել և մնալ հասանելի խաղացողներին։

NAGO-ն հետևողականորեն կարևորում է հավասարակշռված և փաստահեն կարգավորումը, արդյունավետ վերահսկողությունն ու խաղացողների իրական պաշտպանությունը։

Արդյունավետ կարգավորումը պահանջում է ոչ միայն օրենք, այլև դրա հետևողական կիրառում և ուժեղ լիցենզավորված միջավայր։

Պաշտպանությունը գործում է միայն լիցենզավորված միջավայրում։

#ՊատասխանատուԽաղ #ԽաղացողներիՊաշտպանություն #ԼիցենզավորվածԽաղ

13/08/2026

Shabat.news - ի անդրադարձը խաղային ոլորտի չլիցենզավորված շուկայի ակտիվացմանը ⤵️

Չլիցենզավորված խաղային շուկան ակտիվացել է. NAGO-ն ահազանգում է հնարավոր ռիսկերի մասին

Մի քանի ամիս առաջ Հայաստանում ընդունված օրենսդրական փոփոխություններով ներդրվեցին նոր կարգավորումներ, որոնք միտված են խաղացողների պաշտպանության, պատասխանատու խաղի քաղաքականության ամրապնդման և լիցենզավորված խաղային միջավայրի զարգացմանը։

Մասնավորապես, օրենքով նախատեսվել են ինքնաարգելափակման մեխանիզմներ, որոնց նպատակն է սահմանափակել ռիսկային խաղային վարքագիծը և բարձրացնել խաղացողների պաշտպանության մակարդակը։

Սակայն, Խաղային օպերատորների ազգային ասոցիացիայի (NAGO) տարածած հաղորդագրությունից պարզ է դառնում, որ նոր կարգավորումների գործնական կիրառման ընթացքում ի հայտ են եկել մտահոգիչ միտումներ։

Ասոցիացիայի հաղորդմամբ՝ վերջին շրջանում հանրային տեղեկատվական և թվային հարթակներում առավել հաճախ են հանդիպում Հայաստանի քաղաքացիներին ուղղված չլիցենզավորված խաղային հարթակների **ուղիղ և հայալեզու** գովազդներ։

Շուկայի մասնակիցների դիտարկումներով՝ նման ակտիվությունն աճում է, ինչը, ըստ NAGO-ի, կարող է ազդել նոր կարգավորումների արդյունավետության վրա։

NAGO-ն նշում է, որ իր կողմից ներկայացված օրինակները ցույց են տալիս՝ ինքնաարգելափակման վերաբերյալ օրենքի ընդունումից հետո ակտիվացել է սև շուկան, իսկ չլիցենզավորված խաղային հարթակները սկսել են թիրախավորել այն խաղացողներին, որոնք ինքնաարգելափակման հետևանքով այլևս չեն կարող օգտվել լիցենզավորված օպերատորների ծառայություններից։

Ասոցիացիայի գնահատմամբ՝ այդ հարթակներում որևէ սահմանափակում չի գործում, ինչի հետևանքով վտանգվում է օրենքի հիմնական նպատակի իրագործումը։

Հաղորդագրության համաձայն՝ եթե նման միտումը շարունակվի, այն կարող է թուլացնել խաղացողների պաշտպանության մեխանիզմները, խաթարել արդար մրցակցային պայմանները, նվազեցնել պետական բյուջեի հարկային մուտքերը և սահմանափակել պատասխանատու խաղի պետական քաղաքականության արդյունավետությունը։

NAGO-ն կարևոր է համարում, որ իրավասու պետական մարմիններն ուշադրություն դարձնեն չլիցենզավորված խաղային հարթակների աճող ակտիվությանը, գնահատեն դրա հնարավոր ազդեցությունը նոր կարգավորումների արդյունավետության վրա և, անհրաժեշտության դեպքում, քննարկեն համապատասխան արձագանքման միջոցառումներ։

Միաժամանակ, ասոցիացիան ընդգծում է, որ անհրաժեշտ է շարունակաբար գնահատել նոր կարգավորումների գործնական արդյունքները և, անհրաժեշտության դեպքում, կատարելագործել դրանց կիրառման մեխանիզմները՝ ապահովելով, որ օրենքը լիարժեք ծառայի իր հիմնական նպատակին՝ խաղացողների պաշտպանությանը։

NAGO-ի համոզմամբ՝ պատասխանատու խաղի արդյունավետ քաղաքականությունը պահանջում է ոչ միայն ուժեղ օրենսդրական կարգավորումներ, այլև դրանց հետևողական կիրառում, արդյունավետ վերահսկողություն և հավասար կանոններ շուկայի բոլոր մասնակիցների համար։

Ասոցիացիան նաև հիշեցնում է, որ խաղացողների պաշտպանությունն ապահովվում է միայն լիցենզավորված խաղային միջավայրում։

10/08/2026

Չլիցենզավորված շուկան ակտիվանում է. սա մարտահրավեր է պատասխանատու խաղի քաղաքականության արդյունավետության համար

🎯 Հայաստանի Հանրապետությունում ներդրված նոր կարգավորումները կարևոր քայլ են խաղացողների պաշտպանության, պատասխանատու խաղի և լիցենզավորված խաղային միջավայրի զարգացման ուղղությամբ։

📢 Սակայն վերջին շրջանում հանրային տեղեկատվական և թվային հարթակներում առավել հաճախ են հանդիպում Հայաստանի քաղաքացիներին ուղղված չլիցենզավորված խաղային հարթակների գովազդները։ Շուկայի մասնակիցների դիտարկումներով՝ նման ակտիվությունն աճում է, ինչը կարող է ազդել նոր կարգավորումների արդյունավետության վրա։

🚨 Կից ներկայացված օրինակները ցույց են տալիս, որ ինքնաարգելափակման վերաբերյալ օրենքի ընդունումը հանգեցրել է սև շուկայի ակտիվացման ու չլիցենզավորված խաղային հարթակների կողմից արգելափակված խաղացողներին թիրախավորելուն, որտեղ որևէ սահմանափակումներ չեն կիրառվում, ինչի հետևանքով իմաստազրկվում է օրենքի նպատակը։

📉 Եթե այս միտումը շարունակվի, այն կարող է թուլացնել խաղացողների պաշտպանությունը, խաթարել արդար մրցակցությունը, նվազեցնել պետական բյուջեի հարկային մուտքերը և սահմանափակել պատասխանատու խաղի պետական քաղաքականության արդյունավետությունը։

🏛 NAGO-ն կարևոր է համարում, որ իրավասու պետական մարմիններն ուշադրություն դարձնեն չլիցենզավորված խաղային հարթակների աճող ակտիվությանը, գնահատեն դրա հնարավոր ազդեցությունը նոր կարգավորումների արդյունավետության վրա և, անհրաժեշտության դեպքում, քննարկեն համապատասխան արձագանքման միջոցառումներ։

📊 Միաժամանակ, կարևոր է շարունակաբար գնահատել նոր կարգավորումների գործնական արդյունքները և, անհրաժեշտության դեպքում, կատարելագործել դրանց կիրառման մեխանիզմները՝ ապահովելով, որ օրենքը լիարժեք ծառայի իր հիմնական նպատակին՝ խաղացողների պաշտպանությանը։

🛡 Պատասխանատու խաղի արդյունավետ քաղաքականությունը պահանջում է ոչ միայն ուժեղ օրենքներ, այլև դրանց հետևողական կիրառում, արդյունավետ վերահսկողություն և հավասար կանոններ շուկայի բոլոր մասնակիցների համար։

✅ Պաշտպանությունը գործում է միայն լիցենզավորված միջավայրում։

#ՊատասխանատուԽաղ #ԼիցենզավորվածԽաղ #ԽաղացողներիՊաշտպանություն #ԱնվտանգԽաղայինՄիջավայր

28/07/2026

Օգոստոսի 1-ին Երևանում՝ Տաշիր Արենայում անցկացվող միջոցառման հովանավորներից մեկը հերթական անգամ չլիցենզավորված խաղային հարթակ է։ Այս հանգամանքը հերթական անգամ ընդգծում է հանրային միջոցառումների հովանավորների ընտրության և լիցենզավորված խաղային միջավայրի կարևորության շուրջ հանրային քննարկման անհրաժեշտությունը։

Երբ հանրային միջոցառումների հովանավորների թվում հայտնվում են չլիցենզավորված խաղային հարթակներ, դա միայն հովանավորչության հարց չէ․ դա նաև հանրային պատասխանատվության հարց է։ Նման համագործակցությունները կարող են ստեղծել տպավորություն, թե չլիցենզավորված գործունեությունը ընդունելի է, ինչը հակասում է պատասխանատու և օրինական խաղային միջավայրի ձևավորման նպատակին։

Հանրային միջոցառումները ձևավորում են վստահություն, ազդում հանրային ընկալումների վրա և հատկապես երիտասարդների համար դառնում են վարքագծային օրինակներ։ Հետևաբար, դրանց գործընկերների և հովանավորների ընտրությունը նույնպես պետք է արտացոլի օրինականության, թափանցիկության և պատասխանատու գործունեության սկզբունքները, այլ ոչ նպաստի չլիցենզավորված գործունեության տեսանելիության և հանրայնացմանը։

Պատասխանատու խաղը սկսվում է անվտանգ, լիցենզավորված և վերահսկվող միջավայրից։ Հենց այդ պատճառով կարևոր է, որ հանրային միջոցառումները խրախուսեն օրինական, անվտանգ և պատասխանատու խաղային մշակույթը և բացառեն չլիցենզավորված խաղային հարթակների հանրայնացմանն ուղղված ցանկացած գործելակերպ:

Լիցենզավորված և չլիցենզավորված խաղային հարթակների միջև տարբերությունը միայն անունը չէ։ Այն վերաբերում է պետական վերահսկողությանը, խաղացողների իրավունքների պաշտպանությանը, պատասխանատու խաղի գործիքների առկայությանը և օրենքով սահմանված պարտավորությունների կատարմանը։
Պատասխանատու խաղը սկսվում է անվտանգ, լիցենզավորված և վերահսկվող միջավայրից։ Հենց այդ պատճառով կարևոր է, որ հանրային միջոցառումները խրախուսեն օրինական, անվտանգ և պատասխանատու խաղային մշակույթը։

Կոչ ենք անում ՀՀ պետական իրավասու մարմիններին թույլ չտալ հերթական անգամ ՀՀ օրենսդրության անարգել խախտման դեպքերին, որոնք արդեն իսկ դարձել են պարբերական բնույթ։

#ՊատասխանատուԽաղ #ԼիցենզավորվածԽաղ #ԱնվտանգԽաղայինՄիջավայր

23/07/2026

Խաղային օպերատորների հարթակներում այլ անձի փոխարեն «Ինքնաարգելափակման» կոճակի ակտիվացմանը միտված կամ այն խրախուսող ցանկացած հրապարակային կոչ անընդունելի է։

Այն հակասում է պատասխանատու խաղի հիմնարար սկզբունքներին, խախտում է անձնական տվյալների պաշտպանության և օգտատիրոջ ինքնավարության նկատմամբ հարգանքի սկզբունքները, ինչպես նաև վտանգում է «Ինքնաարգելափակման» համակարգի բուն նպատակը։

ԱԺ պատգամավոր Հայկ Սարգսյանի կողմից հնչեցված հրապարակային կոչը չի համապատասխանում պատասխանատու խաղի միջազգային մոտեցումներին, ինչի կապակցությամբ NAGO-ն ներկայացնում է իր պաշտոնական դիրքորոշումը։

Պատասխանատու խաղը սկսվում է անձնական, կամավոր և տեղեկացված որոշումից։ Ոչ ոք չի կարող և չպետք է այդ որոշումը կայացնի մեկ այլ մարդու փոխարեն։

«Ինքնաարգելափակման» համակարգը հնարավորություն է տալիս յուրաքանչյուր օգտատիրոջ ինքնուրույն և գիտակցված որոշում կայացնել իր խաղային վարքագծի վերաբերյալ՝ անհրաժեշտության դեպքում սահմանափակելով իր մուտքը Հայաստանի Հանրապետությունում գործող լիցենզավորված խաղային հարթակներ։

Հենց այդ սկզբունքից է բխում, որ ինտերնետ շահումով խաղերի հարթակներում «Ինքնաարգելափակման» կոճակը պետք է ակտիվացվի բացառապես տվյալ օգտատիրոջ կողմից՝ նրա կամքով և իր անձնական հաշվից։ Յուրաքանչյուր օգտատեր ինքն է պատասխանատու իր խաղային հաշվի միջոցով կատարվող գործողությունների համար։ Մեկ այլ անձի հեռախոսից կամ խաղային հաշվից, առանց նրա համաձայնության, «Ինքնաարգելափակման» կոճակի ակտիվացումը հակասում է համակարգի նպատակին, պատասխանատու խաղի հիմնարար սկզբունքներին, ինչպես նաև անձնական տվյալների պաշտպանության և օգտատիրոջ ինքնավարության նկատմամբ հարգանքի արժեքներին։

NAGO-ն առաջնորդվում է այն սկզբունքով, որ օգտատերերի պաշտպանությունը հիմնված է նրանց իրավունքների, անձնական ընտրության և արժանապատվության նկատմամբ հարգանքի վրա։ Պատասխանատու խաղը չի կարող հիմնվել մեկ այլ անձի փոխարեն կայացված որոշման վրա։

«Ինքնաարգելափակումը» խաղացողին պաշտպանելու գործիք է, ոչ թե երրորդ անձանց կողմից նրա իրավունքները սահմանափակելու կամ նրա փոխարեն որոշումներ կայացնելու մեխանիզմ։

Ցանկացած փորձ մեկ այլ անձի փոխարեն ակտիվացնել կամ խրախուսել «Ինքնաարգելափակումը» անընդունելի է թե՛ իրավական, թե՛ էթիկական տեսանկյունից։

Անձնական տվյալների պաշտպանության գործակալություն / Armenian PDPA

22/07/2026

📌 Իմացի՛ր՝ մինչև սեղմելը. այն ամենը, ինչ պետք է իմանալ մինչև որոշում կայացնելը

Նախապես տեղեկացված լինելը թույլ է տալիս ճիշտ գնահատել «ինքնաարգելափակման» կարգավորման առանձնահատկությունները, դրա կիրառման պայմաններն ու սահմանված ժամկետները։ Կարևոր է ծանոթանալ այս տեղեկատվությանը մինչև որոշում կայացնելը։

🎥 Մանրամասները՝ տեսանյութում։

21/07/2026

Ի՞նչ է տեղի ունենում 5 տարի անց։

Ինքնաարգելափակման 5 տարվա ժամկետի ավարտին կարևոր է իմանալ, թե ինչ ընթացակարգ է կիրառվում դրանից հետո։ Եթե ժամկետի ավարտից առաջ՝ վերջին 5 օրերի ընթացքում, ինքնաարգելափակումը դադարեցնելու վերաբերյալ դիմում չներկայացվի, այն ինքնաբերաբար կերկարաձգվի ևս 5 տարով։

🎥 Մանրամասները՝ տեսանյութում։

20/07/2026

🔒 Մեկ սեղմում։ Հինգ տարի։

«Ինքնաարգելափակման» կոճակը ակտիվացնելուց հետո բոլոր լիցենզավորված խաղային հարթակները կդառնան անհասանելի առնվազն 5 տարի ժամկետով։

⚠️ Եթե 5 տարվա ժամկետի ավարտից առաջ՝ վերջին 5 օրերի ընթացքում, չներկայացվի ինքնաարգելափակումը դադարեցնելու դիմում, այն ինքնաբերաբար կերկարաձգվի ևս 5 տարով։

🎥 Մանրամասները՝ տեսանյութում։

19/07/2026

⚙️ Ինչպե՞ս է գործում «ինքնաարգելափակման» կոճակը։

ℹ️ Ինքնաարգելափակման գործընթացը սկսելուց առաջ կարևոր է հասկանալ, թե ինչպես է այն աշխատում և ինչ հետևանքներ է առաջացնում։

🎥 Մանրամասները՝ տեսանյութում։

18/07/2026

🔒 Ի՞նչ է «ինքնաարգելափակման» կոճակը։

⚠️ «Ինքնաարգելափակման» կոճակը սեղմելուց առաջ իմացի՛ր, թե ինչ հետևանքներ կարող է ունենալ այդ որոշումը։

🎥 Մանրամասները՝ տեսանյութում։